Бишкек шаардык соту 2-майда Кемпир-Абад иши боюнча кармалып, Улуттук коопсуздук комитетинин тергөө абагында отурган 16 активист, саясатчы жана укук коргоочулардын айрымдарынын бөгөт чарасын карады. Активисттер Рита Карасартова, Эрлан Бекчоро уулу, Акыл Айтбаев, Илгиз Шаменов, саясатчы Равшан Жээнбековдун камактагы мөөнөтүн 20-июнга чейин узарткан Биринчи Май райондук сотунун чечими өзгөртүүсүз калды. Абактагылардын адвокаттары эл аралык уюмдарга кайрыла турганын билдиришти. Шаршегүл Аманова... Читать дальше...
Бишкек шаардык сотунда “Кемпир-Абад иши” боюнча камакка алынган саясатчы, активисттердин иши каралууда. Укук коргоочу Рита Карасартова, саясатчы Равшан Жээнбеков, активист Эрлан Бекчоро уулу абакта калды. “Хьюман Райтс Уотч” эл аралык уюму былтыркы чек арадагы жаңжалда кыргыз жана тажик күчтөрүнүн аракеттеринде “эки тараптан тең согуш мыйзамдарын олуттуу бузуу" болгон деп билдирди. Азырынча эки өлкөнүн бийлиги расмий комментарий бере элек. Кыргызстанда казино ачууга биринчи лицензия 84 млн. сомго сатылды. Читать дальше...
АКШ Конгрессинин Өкүлдөр палатасынын Эл аралык иштер боюнча комитетинин төрагасы Майкл Маккол кыргыз бийлигинин "Азаттык" радиосунун ишмердигин токтотуу аракетине байланыштуу билдирүү таратты. "Мен кыргыз өкмөтүнүн эркин жана көз карандысыз маалымат каражаттарына жасаган одоно чабуулун, алардын "Эркин Европа/Азаттык" радиосунун кыргыз кызматынын ишин токтотуу аракетин айыптайм. “Азаттык” радиосу Кыргызстандын Конституциясы эркин басма сөз укугуна кепилдик берген жарандарга калыс жана көз карандысыз маалымат жеткирет. Читать дальше...
Литвада коомдук мейкиндиктерди десоветизациялоо жөнүндө мыйзам 1-майда күчүнө кирди. Мыйзамга ылайык, авторитардык жана тоталитардык режимдерди, алардын идеологиясын үгүттөгөн эстеликтер алынып, мемориалдык объектилердин жана көчөлөрдүн аталыштары жоюлат. Парламенттин басма сөз кызматы билдиргендей, объектилерди пропаганда катары таанууну Литвадагы геноцид жана каршылык көрсөтүүнү изилдөө борбору муниципалдык мекемелер ишке ашырат. Парламент бул маселенин үстүнөн иштей турган мекемелер аралык комиссия да түзөт. Читать дальше...
Өзбекстандын президенти Шавкат Мирзиёевдин Германияга сапары башталды. Бул тууралуу 1-майда мамлекет башчынын басма сөз кызматы кабарлады. Бирок бул расмий же жумушчу сапарбы, айтылган жок. Расмий кабарга ылайык, Мирзиёев Германиянын президенти Франк-Вальтер Штайнмайердин чакыруусу менен 1-2-майда Берлинде болот. Өзбекстандын мамлекет башчысы Штайнмайер менен жана канцлер Олаф Шольц менен жолугушат. Шавкат Мирзиёев акыркы жолу Германияга 2019-жылы расмий сапар менен барган. Быйыл июнда өзбек... Читать дальше...
Бишкек шаардык соту 2-майда Кемпир-Абад иши боюнча кармалып, камакка алынган активисттер Акыл Айтбаев менен Илгиз Шаменовдун бөгөт чарасын карап, экөөнү тең 20-июнга чейин Улуттук коопсуздук боюнча мамлекеттик комитеттин (УКМК) тергөө абагында калтырды. Бул жараянда сот активист Эрлан Бекчоро уулунун, саясатчы Равшан Жээнбеков менен укук коргоочу Рита Карасартованы да абакта калтырды. Сотто саясатчы Азимбек Бекназаровду үй камагына чыгаруу боюнча алардын адвокаттарынын арызы да карала турганы кабарланган. Читать дальше...
Өзбекстанда туристтик компаниялар же агенттиктер аркылуу ажылык сапарга баргандарга Сауд Арабияда айып пул салынат. Мусулмандардын дин башкармалыгы жана Дин иштери комитети ушундай билдирүү таратып, мындай жол менен зыяратка баргандар санкцияга туш болорун эскертти. “Сауд Арабиясынын мыйзамдарына ылайык, ажылык сапар дүйнө өлкөлөрүнүн ыйгарым укуктуу уюмдары менен министрликтеринин ортосундагы келишимдин негизинде ишке ашырылат. Эреже бузгандарга Мина, Арафат жана Муздалифа өрөөндөрүндө диний жөрөлгөлөрдү аткарууга мүмкүнчүлүк берилбейт. Читать дальше...
Орусиялык белгилүү модельер Валентин Юдашкин 59 жашында Москвада каза болду. Орусиялык ЖМКлар 2-майда кабарлагандай, акыркы жылдары ал катуу ооруп жүргөн. Юдашкин 2016-жылы бөйрөк рагына чалдыкканын, кийинчерээк метастаздар бүт денеге жайылып кеткенин айткан. Ал 1994-99-жылдары Орусиянын олимпиадалык курама командасына, футболчуларына спорттук кийимдерди жараткан. 2008-жылы Орусиянын Коргоо министрлигинин буйругу менен аскерлердин жаңы парад формасын иштеп чыккан. Үч жылдан кийин модельер жөнөкөй... Читать дальше...
Кыргызстандын президентинин Баткен облусундагы өкүлү Абдикарим Алимбаев 2-майда Тажикстандын Согд облусунун аткаруу бийлигинин төрагасы Ражоббой Ахмадзода менен жолукту. Жолугушууга булардан тышкары эки облустун чектеш райондорунун башчылары, облустук күч түзүмдөрүнүн жетекчилери да катышты. Тараптар Кыргызстандын Кызыл-Бел айылы менен Тажикстандын Гулистон аймагы чектешкен жерде өткөнүн президенттин Баткен облусундагы өкүлүнүн басма сөз кызматы маалымдады. Маалыматка ылайык, жолугушууда чек арадагы абал талкууланып... Читать дальше...
Кыргызстандык жарандарга өлкөдөн чыгууга тыюу салуучу соттук карыздын өлчөмүн 50 миң сомдон 100 миң сомго чейин көбөйтүүнү Министрлер кабинети сунуштап жатат. Бул тууралуу Министрлер кабинетинин төрагасынын орун басары Эдил Байсалов Твиттерге жазды. "Министрлер кабинетинин расмий позициясы - чектөөлөрдүн өлчөмү 50 миң же 100 миң сом болушу керек", деп жазды Байсалов. Мурдараак Жогорку Кеңештин депутаты Дастан Бекешев кыргызстандыктарга сыртка чыгууга тыюу салуучу чектөөнү 10 миң сомго чейин көтөрүүнү сунуш кылган. Читать дальше...
Кыргызстандын футбол боюнча улуттук курама командасына башкы машыктыруучу болуп дайындалган словакиялык Штефан Таркович менен Кыргыз футбол бирлиги 2024-жылдын 30-июнуна чейин келишим түздү. Футбол бирлиги билдиргендей, 2-майда келишимге кол коюу иш-чарасы өттү. “Мага болгон ишеним үчүн Кыргыз футбол бирлигинин президентине ыраазычылык билдирем. Бизде чоң пландар бар, бардыгын план боюнча аткарууга аракет кылабыз”, - деди Таркович. Бирликтин башкы катчысы Нурдин Букуев жаңы машыктыруучуга өзү... Читать дальше...
Жогорку Соттун Сот департаменти 2-майда Бишкек шаардык сотунда журналист кабылган окуя боюнча комментарий берди. Мекеме тараткан маалыматта кабарчы конвойдун имараттын короосунда турган машинасын видеого тартып, башкаларга тоскоолдук жаратканы, соттун тартип сакчыларына кыйкырып, чыр чыгарганы айтылды. “Тийиштүү кызматкерлерден рапорт алынды, тарап жаткан видео материал жана документтер изилденүүдө. Бул окуя боюнча кызматык териштирүү жүргүзүлөт”, - деп айтылды мекеменин маалыматында. Окуяга... Читать дальше...
Жалал-Абад облусунун Чаткал районунда 2-майда жер титиреди. Силкинүүнүн очогу Чаткал тоо кыркаларында катталып, күчү 4,5 баллга жетти. Бул тууралуу Сейсмология институту маалымдады. Райондун эл жашаган аймактарында жер титирөөнүн күчү 3-3,5 балл сезилди. Баштапкы маалыматтарга ылайык, силкинүүдөн жабыркагандар жана кыйроолор катталган жок. Күчү очогунда 4,5 баллга жеткен силкинүү 12-апрелде Ысык-Көлдө катталган. 23-мартта Баткен облусунун Сүлүктү, Раззаков шаарларында күчү 5 балл, Баткен... Читать дальше...
Бишкек шаардык соту бүгүн, 2-майда Кемпир-Абад иши боюнча кармалып, камакка алынган Равшан Жээнбеков менен Рита Карасартованын бөгөт чарасын карап, Биринчи Май райондук сотунун чечимин колдоду. Ага ылайык Равшан Жээнбеков менен Рита Карасартова 20-июнга чейин Улуттук коопсуздук боюнча мамлекеттик комитеттин (УКМК) тергөө абагында калды. Шаардык сот ага чейин Кемпир-Абад ишине байланыштуу абакта отурган активист Эрлан Бекчоро уулунун да бөгөт чарасын карап, абакта калтырды. Сотто саясатчы Азимбек... Читать дальше...
Казакстандын Маңгыстау облусундагы Жетибай кениндеги скважина жарылып, бир жумушу набыт кетти. "Маңгыстаумунайгаз" компаниясы билдиргендей, окуя 29-апрелде болгон. Баштапкы маалыматтарга караганда, “Жетибаймунайгаз” өндүрүш башкармалыгында “Великая Стена” компаниясы монтаж иштерин жүргүзүп жатканда жарылуу болгон. Каза болгон жумушчу электрогаз ширетүүчү болуп иштеген жергиликтүү тургун. Дагы бир кытайлык жаран башынан жаракат алып, ооруканага жеткирилди. Компания окуяны “кокустук” деп атады. Читать дальше...
Кашмирдин Пакистан көзөмөлдөгөн тарабында жолтандабаста дарыяга агып кеткен сегиз турист каза болду деп жарыяланды. Жапырт издөө иштерине карабай, куткаруучулар аларды таба албаганын 2-майда полиция расмий кабарлады. Кырсык дем алыш күнү Нилум районунда болгон. Бир туристтин сөөгү табылган, сегизи агып кеткен, бешөө жараат алган. Дарыянын суусу шар аккандыктан, дайынсыз жоголгондорду табуу мүмкүн болгон эмес. Бул күнү Пакистандагы нөшөрдөн улам Белужистан провинциясында кеминде төрт адам, Карачиде... Читать дальше...
Каракол шаарында “каржы пирамидасына” алданганын айткан 30-40 адам милицияга кайрылганын бүгүн 2-майда “Азаттыкка” өзүн Жаңыл деп тааныштырган жергиликтүү тургун билдирди. Анын айтымында, шаардык ички иштер башкармалыгы шектүү эки аялга издөө жарыялады. “Докодемо” деген пирамиданы уюштургандар ачкан “Ватсап” тайпада 300дөй адам болгонун, алар баары алданып калганын, эми ошол эле шылуундар “Юнит-808” деген аталыш менен жаңы пирамида ачып, ага да жүздөгөн адам алданып кошулуп жатканын айткан келин уюштуруучуларды жеке өзү көрбөгөнүн... Читать дальше...
Армения менен Азербайжандын тышкы иштер министрлери АКШнын ортомчулугу менен Вашингтондо жолукту. Бул сүйлөшүү Лачин коридоруна Баку орноткон көзөмөл-өткөрүү пунктуна байланыштуу чыңалууну токтотуу аракетин көздөйт. Сүйлөшүүлөр бир канча күнгө созуларын "Азаттыктын" армян кызматы жазды. 1-майда жыйын башталар алдында мамлекеттик катчы Энтони Блинкен Армениянын тышкы иштер министри Арарат Мирзоян жана Азербайжандын тышкы иштер министри Жейхун Байрамов менен өзүнчө сүйлөштү. Мурдараак Блинкен Азербайжандын... Читать дальше...
3-6-май күндөрү түнкүсүн жана эртең менен үшүк жүрүшү күтүлөт. 3-майда Чүй облусунун тоо этектеринде жана Талас облусунун дыйканчылык аймактарында, 4-5-майда Чүй, Талас облустарынын дыйканчылык аймактарында 0…-2° үшүк жүрөт. 3-6-майда түнкүсүн жана эртең менен Ысык-Көл, Нарын облустарынын дыйканчылык аймактарында -2…-4° үшүк жүрүшү күтүлөт. Мындай үшүк жемиш бактарынын гүлдөрүнө, бүчүрлөрүнө, гүлдөгөн жемиш бактарына, жерге отургузулган жашылчаларга коркунучтуу. 3-майга караган түнү Ысык-Көл... Читать дальше...
Муратбек Рыскулов атындагы Нарын облустук академиялык драма театрынын көркөм жетекчиси, режиссёр Шамбет Мендебаиров 1-майда 51 жаш курагында каза болду. Бул тууралуу Маданият, маалымат, спорт жана жаштар саясаты министрлигинин басма сөз кызматы билдирди. Мекеме театр ишмеринин эмнеден улам каза болгонун маалымдаган жок. Шамбет Мендебаиров 1972-жылы 22-августта айында Жумгал районунун Чаек айылында туулган. 1997-2003-жылдары Бишкек шаарындагы Бүбүсара Бейшеналиева атындагы Кыргыз мамлекеттик искусство... Читать дальше...
Пакистан армиясы Мирамша шаарында 1-май күнкү операцияда бир согушкер жок кылынып, жетөө колго түшкөнүн билдирди. Аталган калаа Түндүк Вазиристан провинциясында жайгашкан. Армиянын коомчулук менен байланыш бөлүмү кабарлагандай, коопсуздук күчтөрү жашыруун маалыматтарга таянып, "Техрик-и-Талибан" тобунун Ооганстан менен чектеш жердеги турумдарына рейд жүргүздү. “Техрик-и Талибан” - 2007-жылы жергиликтүү Байтулла Мехсуд баштаган талибдер түзгөн кыймыл. Алар Пакистандын “батышчыл” бийлигине каршы күрөшүү... Читать дальше...
Өкмөткө караштуу “Кара-Балта спирт заводунун” мурда иштеп кеткен айрым жумушчулары менен маяна маселеси боюнча соттук териштирүүсү уланууда. Алардын бири Уран Өмүров 2-майда “Азаттыкка” кайрылып, Жогорку соттон калыс чечим күтүп жатышканын айтты. Анын билдиришинче, 2017-2019-жылдары завод токтоп турган кезде 2,5 жыл айлык албай иштеген тогуз жумушчуга айлыгын төлөп берүү тууралуу соттук чечим чыгып, аткарылган. Бирок, Өмүровдун айтымында, салык деген шылтоо менен 4-5 кишинин жалпысынан 300 миң сомдой акчасын кармап коюшкан... Читать дальше...
“Бүтүн Кыргызстан” фракциясынын Министрлер кабинетинин толук курамын кызмат орундарынан бошотуу сунушун Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин Регламенти комитети карап, четке какты. Бул тууралуу фракциянын катчылыгынын консультанты Мирбек Мунарбек уулу билдиргендей, комитет бул маселени 28-апрелде кезексиз жыйында караган. “Тармактык комитеттен чечимди четке кагуу сунушун депутат Жусупбек Коргонбай уулу берген. Анын сунушу бир добуштан кабыл алынган. Читать дальше...
Кыргызстанда кызылча (корь) оорусу күчөп жатат. 2-майда “Азаттыкка” Республикалык иммунопрофилактика борборунан кабарлашкандай, жыл башынан берки төрт айда бул ооруга чалдыккандар 265 бейтап болду. Былтыр бир жыл ичинде бир гана бейтап катталганы расмий маалымдалган. Быйылкы катталган 265 бейтаптын эң көбү төрт жашка чейинки курактагы наристелер жана бирге чыга элек ымыркайлар. Аймактар боюнча алып караганда, ооругандардын эң көбү Ош облусунда жана Ош шаарында катталууда. Адистердин айтымында, ооруп жаткандардын көбү эмделбегендер. Читать дальше...
Президенттик администрациянын маалыматтык саясат кызматынын башчысы Дайырбек Орунбеков журналисттерди өлкөдө болуп жаткан кырсыктар жана кылмыштар тууралуу жаңылыктарды жазуудан карманууга чакырды. Бүгүн 2-майда ал “Фейсбуктагы” баракчасы аркылуу жазган кайрылуусунда "Кырсык, кылмыштарды, зарылчылык болуп баратса, кыргыз тилинде, майда шрифт менен, жаңылыктын эң арткы бөлүгүнө жазсак. Дегеле жазбай, таратпай койсок деле мүйүз чыгып кетпейт", - деген оюн айтты. Мындай өтүнүчүн Орунбеков Кыргызстанга... Читать дальше...
