Бүгүн, 12-майда Бишкектеги Улуттук тарых музейинин алдында СССРдин эл артисти, дирижёр Асанкан Жумакматовдун 100 жылдыгына арналган оркестрлер арасында республикалык сынактын жыйынтыктоочу концерти өттү. Он төрт оркестр жамааты фестивалда Атай Огонбаевдин "Маш ботой" жана Карамолдо Орозовдун "Ибарат" күүсүн чогуу аткарды. Жалпы байге фонду 1 млн. сомду түзгөн сынактын биринчи туру 11-майда Улуттук консерваторияда өткөрүлгөн. Анын жыйынтыгы боюнча сыйлоо аземи өтүп жеңүүчүлөр сыйланды. 1-орунду... Читать дальше...
Президент Садыр Жапаров бүгүн, 12-майда Бишкек шаарындагы № 26 Ленин бир мандаттуу шайлоо округунан Жогорку Кеңештин депутатын мөөнөтүнөн мурда шайлоого аттанган талапкерлер менен жолукту. Президенттин сайтындагы маалыматка ылайык, жолугушуу ачык суроо-жооп форматында өткөн. Жапаров эгемендик алгандан бери шайлоонун жыйынтыктарына нааразычылыктар күч болуп келгенин, ошондуктан ачык-айкын, таза өткөрүү зарылдыгын белгилеген. "Элдин талаптары эске алынбай, тилекке каршы, 3 жолку төңкөрүштү башыбыздан кечирдик. Читать дальше...
Өзбекстандын Экологиялык партиясы алгачкылардан болуп өз лидери Абдушукур Хамзаевди президенттикке көрсөттү. Бул тууралуу УзА улуттук маалымат агенттиги жазды. Мындай чечим партиянын 11-майда өткөн жыйынында кабыл алынган. 50 жаштагы Хамзаев кесиби боюнча агроном. Ал өлкөдөгү белгилүү саясатчылардын катарына кирбейт. Боршайкомдун расмий маалыматына ылайык, мурдагы шайлоодо аталган партиянын өкүлү шайлоочулардын 4,1% добушун алган. Анда партиянын атынан Нарзулла Абламурадов чыккан. Бир жарым жыл... Читать дальше...
Түркиядагы парламенттик жана президенттик шайлоолорго саналуу күн калганда президент Эрдогандын башкы атаандашы оппозициячыл Кемал Кылычдароглу Орусияны "үгүт өнөктүгүнө кийлигишип жатат" деп айыптады. Министрлер кабинети Кыргызстанда өлүм жазасын киргизүүгө каршы пикирин билдирди.
Түркия жумурияты 14-майда президенттик жана жалпы шайлоолорду өткөрүүдө. Түрк улуту азыр ар кыл саясий топторго жиктелип турган чакта, шайлоо өнөктүгүндө атаандаш талапкерлердин жарнамалары бири-бирине жанаша жайгаштырылган учурлар бар. Тарыхчынын блогу.
Башкы прокуратура 24 жаштагы Айза Улан кызынын өлүмү үчүн негизги шектүү кармалганын билдирди. Айза Улан кызын төрт ай мурун Бишкекте жөө жүргүнчү өтчү тилкеден машине уруп кетип, каза тапкан. Прокуратуранын маалыматына караганда, буга чейин бул ишке шектүү катары кармалган милициянын мурдагы кызматкери автоунаада болгон эмес жана уулун жазадан куткаруу үчүн өзүнүн моюнуна алганы аныкталды. "Тергөөнүн жүрүшүндө мурдагы милиционер, жазык сот өндүрүшүн жүргүзүү боюнча теориялык билими жана тажрыйбасы бар У.Н.А.... Читать дальше...
11-майда Ноокен районунун Кочкор-Ата шаарындагы №15 Беки уулу Семетей атындагы орто мектептин 6-7-8-класстарынын окуучулары өздөрүн жаман сезип, "Тез жардам" кызматы аркылуу ооруканага жеткирилген. Учурда 26 бала ооруканага түшүп, 20дай окуучу дарыгерлердин кароосунан кийин үйлөрүнө чыгарылганын Кочкор-Ата жалпы дарыгердик практикалык борборунун башкы дарыгери Айжамила Мамасадыкова ырастады. "11-майда жалпы 42 окуучу ооруканага түшкөн. Алардын бешөө орто оор абалда болгон. Учурда 26 бала ооруканага калтырылды. Читать дальше...
12-майда Пакистандын мурдагы премьер-министри Имран Хан эки аптага күрөөгө бошотулду. Бир күн мурда Жогорку Сот анын кармалышын мыйзамыз деп таап, дароо бошотуу чечимин чыгарган. Ал 9-майда паракорчулукка айыпталып кармалган. Былтыр кызматтан кеткени ага баш-аягы элүүдөн ашуун кылмыш иши козголгон. Хан алардын баардыгын четке кагып, саясий мүдөөсү бар экенин айтып келет. Мурдагы крикет жылдызы, 70 жаштагы Хандын кармалышы өлкө боюнча башаламандык жаратты. Анын тарапташтары бир катар аймактарда мамлекеттик мекемелерди талап-тоноп... Читать дальше...
Педофилдерди өлүм жазасына тартуу сунушу кайрадан күн тартибине чыкты. Жогорку Кеңештин 61 депутаты Баш мыйзамга өлүм жазасын киргизүүгө байланыштуу мыйзам долбооруна корутунду алуу үчүн Конституциялык сотко кайрылды. Өлүм жазасы киргизүү сунушу Баш мыйзамга өлүм жазасын киргизүү демилгесин көтөргөн депутаттар өспүрүмдөргө, балдарга сексуалдык зомбулук көрсөтүү, мыкаачылык менен өлтүрүү көбөйүп жатканын белгилеп, андай кылмыш кылгандарды эң катаал жазага тартуу зарыл деп эсептешет. Демилгечилердин бири... Читать дальше...
Жаз-жай айларында шаардан көчө музыканттарын кезиктирүү кадыресе көрүнүш. Бул маданият Бишкекте кандай өнүгүп жатканын “Азаттык плюстан” көрүңүз!
Футбол боюнча Азия кубогунда Кыргызстандын улуттук курама командасынын тайпадагы атаандаштары аныкталды. 2024-жылы өтө турган мелдеште Кыргызстан F тайпасында ойнойт. Бул жолку турнирге улуттук курама жаңы машыктыруучу менен барат. F тайпасындагы командалардын дарамети Футбол боюнча Азия кубогуна чүчү кулак кармоо 11-майда Катардын Доха шаарында болду. Жыйынтыгында Кыргызстан F тайпасына жайгашып, Сауд Арабиясы, Тайланд, Оман өлкөлөрү менен түштү. Кыргызстандын футбол боюнча улуттук курама... Читать дальше...
Нью-Йоркто жайгашкан "Журналисттерди коргоо комитети" (CPJ) Кыргызстандагы "ПолитКлиника" сайты жана анын баш редактору Дилбар Алимованын укугун коргоп чыкты. Комитеттин сайтына жарыяланган макалада CPJдин Европа жана Борбор Азия боюнча программасынын Нью-Йорктогу координатору Гүлноза Саид кыргыз бийлигин журналисттерди маалыматы үчүн суракка чакырууну токтотуп, Дилбар Алимова менен "ПолитКлиникага" эркин иштөөгө мүмкүнчүлүк берүүгө чакырды. Гүлноза Саид муну менен катар “Азаттыктын” жергиликтүү... Читать дальше...
Улуттук коопсуздук боюнча мамлекеттик комитетинин (УКМК) басма сөз кызматы Ош шаарында жашыруун иштеп келген кумаркана аныкталып, ишине бөгөт коюлганын 12-майда кабарлады. Маалыматка ылайык, кумарканадан 327 миң сом жана 16 компьютер алынган. Кумаркананын жетекчиси Ж.А. аттуу жарандын жанынан 597 200 сом, 4 800 доллары, 4 000 рубль жана төрт процессор табылган. Кумаркана иштетүү боюнча жаңы мыйзамга былтыр 30-июнда президент Садыр Жапаров кол койгон. Өкмөттүн кумарканаларды иштетүү тартиби тууралуу токтомуна ылайык... Читать дальше...
Ушу тапта АКШ-Мексика чек арасында Америкага өтүүнү көздөгөн 60 миңдей адам топтолуп турат. Бул тууралуу Кошмо Штаттардын Чек ара көзөмөл агенттигинин башчысы Раул Ортиз билдирди. 12-майдан тарта коронавирус пандемиясы күчүндө маалында АКШнын ошол кездеги президенти Дональд Трамп кабыл алган 42-берене күчүн жоготту. Бул берене чек арачыларга мыйзамсыз келген мигранттарды артка кайтарууга укук берген. Маселен, былтыр расмий маалыматка ылайык чек арада 2,2 миллион мигрант кармалып, алардын теңи артка кайтарылган. Читать дальше...
Бишкек шаардык ички иштер башкармалыгы (ШИИБ) улуттар аралык кастыкты козутууга шек саналып, 32 жаштагы К.К. аттуу жаран кармалганын маалымдады. Ага ылайык, Тик Ток социалдык тармагынын активдүү колдонуучусу өзүнүн баракчасына улуттар аралык кастыкты козуткан, башка улуттарды кемсинткен постторду жарыялап турган. "Анын посттору социалдык тармактын башка пайдалануучулары тарабынан кызуу талкууланып турган. Бул улуттар аралык чыр-чатакка алып келиши ыктымал", - деп жазылган милициянын маалыматында. Читать дальше...
Жогорку Кеңеште "Ата-Журт Кыргызстан" фракциясынын жыйынында Мамлекеттик кызмат жана жергиликтүү өз алдынча башкаруу иштери агенттигине жана анын жаңы дайындалган жетекчиси Улан Карыпбековго сын айтылды. Анда депутат Жеңишбек Токторбаев Карыпбеков бул кызматка Улуттук коопсуздук комитетинен келгенин белгилеп, ал жетектеген агенттиктин зарылдыгы тууралуу маселе көтөрдү. Ошондой эле Карыпбековду өзү жетектеген агенттигин аталышын так айта албаганын сынга алды. "Урматтуу Улан Кадырсултанович, сиз тажрыйбалуу чекист болсоңуз... Читать дальше...
Жогорку Ке неште "Ата-Журт Кыргызстан" фракциясынын 12-майдагы жыйынында эмгек, социалдык камсыздоо жана миграция министри Кудайберген Базарбаев быйыл "социалдык келишимдин" негизинде 100 миң сомдон 10 миң адамга берилерин, учурда анын 9,5 миңи алганын билдирди. Аларды тандап алуу шартын, эреже-жобосун учкай түшүндүрдү. "Тандоо эки айлампа менен өтөт. Биринчи этап, айыл өкмөттун деңгэлинде. Анда айыл өкмөтү, айылдык кеңештин депутаттары тандайт. Андан кийин алар тзмени районго жөнөтөт. Акимдин... Читать дальше...
Мамлекеттик кызмат жана жергиликтүү өз алдынча башкаруу иштери боюнча агенттиктин директору Улан Карыпбеков учурда аймактык жана муниципалдык кадрлар резервинде 2767 адам бар экенин билдирди. Ал "Ата-Журт Кыргызстан" фракциясынын 12-майдагы жыйынында, жергиликтүү өз алдынча башкаруу органдарына жетекчилер кандай шартта дайындалып жатканын түшүндүрдү. "Акимдер жана алардын орун басаралары аймактык резервде тургандардан тандалат. Муниципалдык резевден мэрлер дайындалат. Кадрлар резервине тандоо үч этап менен өтөт. Читать дальше...
14-майда 18:30да Токтоболот Абдумомунов атындагы улуттук академиялык драма театрында үч муундун акындарынын башын бириктирген “Ыр өмүр” аттуу поэзия-муза кечеси өтөт. Саамалыкка он эки калемгер катышып, чыгармачылыгын тартуулайт. Алар: Кыргыз Республикасынын эл акындары Сагын Акматбекова, Карбалас Бакиров, өлкө маданиятына эмгек сиңирген ишмер Жыпар Исабаева, манасчы Рысбай Исаков, акындар Алтынбек Исмаилов, Нуриза Өмүрбаева, Максат Жангазиев, Бекмурат Келдибаев, Малика Жумалиева, Садырбек Турдубек уулу... Читать дальше...
АКШнын Чикаго штатында Кыргызстандын аталган штаттагы башкы консулу Болотбек Борбиев менен АКШнын мамлекеттик катчысынын Түштүк жана Борбор Азия боюнча орун басары Дональд Лу жолукту. Кыргызстандын Тышкы иштер министрлигинин маалыматына ылайык, анда өз ара алака-катышты өнүктүрүү, кыргыз жарандарын АКШда ишке орноштуруу маселелери талкууланды. "Анын ичинде туристтик жана студенттик визалардын мөөнөтүн узартуу, кыргызстандык жарандарды АКШда ишке орноштуруу маселелерин талкуулашты. Башкы консулдукта... Читать дальше...
12-майда түнкүсүн айрым жерлерде өткүн өтүп, күн күркүрөйт, бийик тоолуу райондордо кар жаайт. Күндүз көпчүлүк аймактарда өткүн өтүп, күн күркүрөйт, бийик тоолуу райондордо кар жаайт. Тоолуу аймактардагы жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге жетиши күтүлөт. Абанын температурасы: Чүй өрөөнүндө түнкүсүн 13…18, күндүз 23…28; Таласта түнкүсүн 11…16, күндүз 21…26; Баткен, Ош, Жалал-Абад облустарында түнкүсүн 12…17, күндүз 25…30; Ысык-Көлдө түнкүсүн 5…10... Читать дальше...
Израиль армиясынын Газа тилкесине урган соккуларынан улам "Ислам жихады" кыймылынын башчысы жана анын орун басары мерт болду. Бул тууралуу 12-майда Рейтер агенттиги жазды. Маалыматка караганда, соңку үч күндө соккулардан аталган кыймылдын беш жогорку даражалуу командири жок кылынды. Палестин автономиясынын саламаттык сактоо мекемеси бул убакыт ичинде Газа тилкесинде 29 жаран набыт кетип, жүздөйү жараат алганын билдирди. Кайтыш болгондор арасында он чакты жайкын тургун да бар. Бириккен Улуттар Уюму муну "кабыл алынгыс кадам" деп сындады. Читать дальше...
Эмгек, социалдык камсыздоо жана миграция министри Кудайберген Базарбаев "Ата-Журт Кыргызстан" фракциясынын 12-майдагы жыйынында өлкөдө балдарына жөлөк пул алган үй-бүлөлөр азайганын билдирди. Бирок кандай себептерден улам кыскарганын тактаган жок. "Бизде азыр 99 миң үй-бүлө 328 миң бала үчүн жөлөк пул алат. 2021-жылы мындай үй-бүлөлөрдүн саны 112 миң, ал эми балдардын саны 342 миң болчу. Мурун жөлөк пулдун орточо суммасы 810 сом болгон. Былтыр 22-июндан баштап 1200 сомго чейин көбөйгөн. Жөлөк... Читать дальше...
Министрлер кабинетинин тескемеси менен курулуп бүткөн жана курулуп жаткан көп кабаттуу имараттардын жер титирөөгө туруштук берип-бере албасын текшерүү үчүн мекемелер аралык комиссия түзүлдү. Өкмөттүн басма сөз кызматынын кабарлашынча, мындай чечим "өлкөдөгү акыркы жер титирөөлөрдү, ошондой эле дүйнөдөгү континенттик плиталардын жылышын эске алуу менен кабыл алынды". "Документке ылайык, мекемелер аралык комиссияга үч айлык мөөнөттө Кыргызстандын аймагындагы көп кабаттуу курулуш объектилеринин жер... Читать дальше...
Түркияда президенттикке бирдиктүү оппозициядан көрсөтүлүп жаткан талапкер, азыркы мамлекет башчы Режеп Тайып Эрдогандын негизги атаандашы Кемал Кылычдароглу Орусияны шайлоо кампаниясынын жүрүшүнө кийлигишип жатат деп айыптады. Бул тууралуу ал Твиттерге жазды. "Эгер силер 15-майдан кийин да биз менен дос болууну кааласаңар, түрк мамлекетинен колуңарды тарткыла", - деген Кылычдароглу кызматташтыкка жана достукка кызыкдар экенин кошумчалады. Түркияда президенттик шайлоо 14-майга белгиленген. Сурамжылоолордун... Читать дальше...
