Бириккен Улуттар уюмунун Адам укуктары боюнча башкы комиссары Волкер Түрк Ирандын бийлигин өлүм жазасынан баш тартууга чакырды. Анын айтымында, 1-январдан бери Иранда 209 киши өлүм жазасына өкүм кылынган. Алардын көбү маңзатка байланыштуу айыпталгандар жана басымдуу бөлүгүн улуттук азычылыктар түзөт. Уюм тараткан маалыматка ылайык, канча адам өлүмгө өкүм кылынганы так белгисиз, бул сан алда канча жогору болушу мүмкүн. "Быйыл орто эсеп менен жумасына ондой киши өлүм жазасына тартылууда. Бул дүйнөдөгү эң чоң көрсөткүч"... Читать дальше...
Чүйдө согуштун ардагерине автоунаа жана Ленинград блокадачысына үй берилди. Биздин каармандар урушта бир туугандарынан, ата-энесинен ажырап, далай оор күндөрдү баштан кечирген. Ардагерлер дүйнөдө болуп жаткан соңку окуяларга кейип, согуш кайталанбасын деп тилешет.
Пакистандын мурдагы өкмөт башчысы Имран Хан 9-майда Исламабадда Жогорку Соттун алдында кармалды. Бул тууралуу анын партиясы "Техрик-и-Инсафтын "өкүлдөрү кабарлашты. Имран Хан коррупция ишине байланыштуу сотко келген. Ал иштин саясий максаты бар деп эсептейт. Агенттиктер жарыялаган видеодон аскер кийимчен адамдар Ханды соттун имаратына кирери менен кармап кетишкенин көрүүгө болот. 70 жаштагы мурдагы крикет жылдызы Имран Хан былтыр апрелде бир нече жумалык саясий кризистен кийин кызматтан четтетилген. Читать дальше...
Бул тууралуу Министрлер кабинетинин төрагасы Акылбек Жапаров 9-майда Кыргызстандын тунгуч премьер-министри Насирдин Исановдун 80, ал эми Экинчи дүйнөлүк согуштагы Жеңиштин 78 жылдыгына арналган кыргыз күрөш боюнча мелдештин ачылышында билдирди. Анда ушул жылдын 31-августунда Ош шаарында мамлекеттик ишмер Исановдун 80 жылдык мааракесине арналган ири иш-чаралар өтөрүн маалымдады. “Насирдин Исанов мага рухий жактан абдан жакын адам болчу. Мыкты стратег, экономика илимдеринин доктору, ал бүт өмүрүн Кыргызстандын элине кызмат кылууга арнаган. Читать дальше...
10-майда Кыргызстандын аймагында жаан-чачын жаабайт. Түштүк-чыгыш тараптан келген шамалдын ылдамдыгы секундасына 5-10 метрге жетет. Абанын температурасы: Чүй облусунда түнкүсүн 8...13, күндүз 26…31; Талас жергесинде түнкүсүн 6...11, күндүз 26…31; Баткен, Ош, Жалал-Абад дубандарында түнкүсүн 12…14, күндүз 28…30; Ысык-Көл облусунда түнкүсүн 2...7, күндүз 16...21; Нарын облусунда түнкүсүн 1…6, күндүз 20…25; Бишкекте жаан-чачын болбойт. Абанын температурасы түнкүсүн 10…12, күндүз 28…30 градус болот.
9-майдын таңында Израил армиясынын Газа тилкесине урулган соккуларынан 12 киши мерт кетип, он чактысы жарадар болду. Бул тууралуу палестиналык ВАФА агенттиги жазды. Израилдин армиясы антитеррордук операция өткөрөрүн алдын ала жарыялаган. Израил тарап набыт болгондордун арасында «Ислам жихады» радикал тобунун мүчөлөрү бар экенин, алар буга чейин аймакта болгон бир нече террордук актылар үчүн жооптуу болгонун маалымдады. Палестиннын бийлиги бийлиги жарыялаган тизмеде оорукананын башчысы жана анын үй-бүлө мүчөлөрү каза болгонун жарыялады. Читать дальше...
Кыргызстандын тышкы иштер министри Жээнбек Кулубаев президент Садыр Жапаровдун орус президенти Владимир Путин менен жолугушуусу тууралуу "Кабар" улуттук маалымат агенттигине маек курду. Анда ал Жапаровдун Москвага парадга ардактуу конок катары чакырылышын Кремль "кыргыз элинин Жеңиш күнүнүн келишине кошкон салымына өзгөчө маани берери" менен байланыштырды. Эки лидер тар чөйрөдөгү жолугушууда саясий алака-катышты талкуулаганын билдирди. "Эки тарап тең Кыргызстан менен Орусиянын ортосунда эч кандай карама-каршылык жоктугун белгилешти. Читать дальше...
Кыргызстанда жарандарды чет өлкөлөргө жумушка жөнөтүү менен алектенүүчү жеке агенттиктердин ишин жөнгө салуучу Жобону жаңыртуу сунушталууда. Эмгек, социалдык камсыздоо жана миграция министрлиги иштеп чыккан долбоор коомдук талкууга коюлду, сунуш-пикирлер 10-июнга чейин кабыл алынат. “Мында ыйгарым укуктуу мамлекеттик органдын жана кыргызстандык жарандарды чет өлкөлөрдө ишке орноштуруу чөйрөсүндө чарба жүргүзүүчү субъекттердин укуктарын жана милдеттерин кененирээк аныктоо каралган”, - деп айтылды долбоордун негиздемесинде. Читать дальше...
Таласта уурулукка шектелип, мамыга таңылган адам менен кошо дагы бирөө кармалганын 8-майда “Азаттыкка” облустук милициядан билдиришти. Мекеменин маалыматына караганда, алар экөө тең соттун чечими менен бир айга камакка алынышты, кылмыш иши Кылмыш-жаза кодексинин 205-беренесинин (“Уурулук”) негизинде тергелип жатат. Ал эми шектүүгө күч колдонуп, мамыга байлаган адамдар боюнча териштирүү токтогону белгилүү болду. Себеби, облустук милициянын басма сөз катчысы Динара Сарногоеванын айтымында, “Таңылган адам эч кимге доосу жоктугун билдирген”. Читать дальше...
Кыргызстандын Бишкек жана Ош шаарларында 9-май - Жеңиш күнүндө "Өлбөс полк" жүрүшү өттү.
Кошмо Штаттарынын Техас штатында Мексика менен чек арада Тактикалык багыттагы чек ара күчтөрү (Tactical Border Force) жайгаштырылат. Reuters басылмасынын маалыматына караганда, мындай чара коронавирус пандемиясында чек араны кайтарууга байланыштуу киргизилген атайын чаралардын алынганын улам көрүлүп жатат. Штаттын губернатору Грег Эббот Улуттук Гвардиянын бул элиталык бөлүгү мигранттар мыйзамсыз өтүшү ыктымал болгон тилкелерге жөнөтүлөрүн билдирди. Буга чейин республикачыл Эббот президент Жо Байдендин чектөөлөрдү алуу чечимин сындаган.
Чүй облусуна караштуу Сокулук районундагы Военно-Антоновка айылында Чоң-Чүй каналына түшүп кеткен алты жашар баланын сөөгү 9-майда табылды. Кырсык 8-майда катталган, издөөнүн биринчи күнүндө 28 куткаруучу тартылган. Алардын жетөө суучулдар болгон. Наристе сууга эмне болуп түшүп кеткени тууралуу маалымат бериле элек. ӨКМдин маалыматына ылайык, Кыргызстанда былтыр бир жыл ичинде 85 адам сууга чөгүп каза болгон жана мындай кырсыктардын эң көбү жайкы сезондо Чүй, Ош жана Ысык-Көл облустарында катталган. Читать дальше...
Өзбекстанда Акыйкатчы институтунун жана коомдук уюмдардын өкүлдөрү Каракалпакстан окуяларына байланыштуу тергөө абагында отургандар менен жолукту. Расмий маалыматка ылайык, эл арасында "таш түрмө" деген ат менен таанымал Зангиата районунундагы абакта Нукус шаарында былтыр июль айларындагы окуяларга байланыштуу 22 адам отурат. "Иликтөөнүн жүрүшүндө тергөө абагында бир катар кемчиликтер, анын айрым камераларда санитардык-гигиеналык абал талапка ылайык эмес экени аныкталды. Кармалгандардын сейилдөөсүнө жетиштүү убакыт берилбейт... Читать дальше...
Ош шаарында Экинчи дүйнөлүк согуштагы Жеңиш күнүнө арналган "Өлбөс полк" жүрүшү өттү. Анда жүрүш Баялинов көчөсүнөн Борбордук аянтка чейин болду. Иш-чарага Министрлер кабинетинин төрагасы Акылбек Жапаров баштаган облус, шаар башчылары, жергиликтүү тургундар катышты. Учурда шаардын борбордук аянтында митинг-реквием өтүп жатат. Мындай жүрүш Бишкек шаарында дагы өтүп жатат. Масалиев жана Абдрахманов көчөлөрүнүн кесилишиндеги Түштүк дарбазадан башталган иш-чара Жеңиш аянтына чейин уланат. Жүрүш маалында бир катар көчөлөр жабылды. Читать дальше...
Президент Садыр Жапаров кыргызстандыктарды Экинчи дүйнөлүк согуштагы Жеңиш күнү менен куттуктады. Ал кайрылуусунда Кыргызстан согуштун алгачкы күнүнөн тартып эле жеңишке жетүүгө чоң салым кошконун белгиледи. "Жеңишти камсыздоодогу жүз миңдеген жердештерибиздин эрдиктери, ооруктагы эмгекчилерибиздин каармандыктары мекенге жан-дили менен кызмат кылуунун бийик үлгүсү болуп түбɵлүк кала берет. Кантсе дагы Жеңиш бизге орду толгус жоготуулар менен келди. Аталарыбыз, чоң аталарыбыз өз өмүрлөрүн берип, бизге тынчтык жана бейкутчулук тартуулашты. Читать дальше...
"Өлбөс полк" жүрүшү Бишкек шаарындагы Масалиев жана Абдрахманов көчөлөрүнүн кесилишиндеги Түштүк дарбазадан башталып, Жеңиш аянтына чейин уланат. Иш-чара маалында бир катар көчөлөр жабык болот. "Өлбөс полк" акциясын Орусияда 2011-жылы жарандык активисттер демилге кылып, 2012-жылдан тартып такай уюштурула баштаган. Коронавирус пандемиясынан улам 2020-2021-жылдары жүрүш болгон эмес. 2022–жылы өткөрүлгөн. Бул күнү Жеңиш аянтында Министрлер кабинетинин төрагасы Акылбек Жапаровдун катышуусунда митинг-реквием өтөт. Читать дальше...
