Республикалык соттук-медициналык экспертиза борборунун өлүктөрдү изилдөө бөлүмүнүн жетекчиси Эрмек Максүтов иштен негизсиз алынганын билдирип, «Азаттыкка» кайрылды. Өз айтымында, аны Республикалык соттук-медициналык экспертиза борборунун жетекчиси Данияр Кошоков өзүнүн 25-июндагы буйругу менен Эмгек кодексинин 83-беренесинин негизинде одоно мыйзам бузуу үчүн деп бошоткон. Максүтов иштен алынышын териштирип берүүнү сурап Башкы прокуратурага, Саламаттык сактоо министрлигинин кесиптик кошуундар бөлүмүнө кайрылганын билдирди. Читать дальше...
Коронавирус шартында иштеп жаткан медицина кызматкерлеринин кошумча айлыгы көбөйтүлөт жана июнь айынын акчасы 10-июлга чейин төлөнүп берилет. Бул тууралуу 2-июлда өкмөт башчы Кубатбек Боронов билдирди. Июнь айынын тартып кошумча маяна эл чогулткан акчадан эмес, республикалык бюджеттен бөлүнүп берилмей болду. Бороновдун айтымында, март айы үчүн кошумча акы 21инен баштап эсептелген. «Март айына 32 миллион сом, апрелге 132 миллиондун тегерегинде, май айына 8991 медицина кызматкерине 109 миллион сом төлөнүп берилди. Читать дальше...
Президент Сооронбай Жээнбеков 2-июлда «Кыргызстан менен Эл аралык өнүктүрүү ассоциациясынын ортосундагы каржылоо тууралуу макулдашууну ратификациялоо жөнүндө» мыйзамга кол койду. Президенттик аппараттын басма сөз кызматы тараткан маалымат боюнча, мыйзам Жогорку Кеңеш тарабынан быйыл 4-июнда кабыл алынган. Ага ылайык, Эл аралык өнүктүрүү ассоциациясы Кыргызстанга 35 млн. АКШ долларын бөлөт. Анын 17,5 млн. доллары насыя, 17,5 млн. доллары гранттык каражат. Насыяны төлөө мөөнөтү - 38 жыл, анын ичинен алты жылы жеңилдетилген. Читать дальше...
Премьер-министр Кубатбек Боронов Кыргызстан Кытайдан 500 кычкылтек концентраторун сатып алганын жана ал 3-июлда Бишкекке учак менен жеткирилерин айтты. Анын сөзүнө караганда, ушул тапта саламаттык сактоо мекемелеринде 572 ИВЛ аппарат, 610 кычкылтек концентратору бар. «Гуманитардык жардам катары 23 ИВЛ аппаратын, 52 кычкылтек концентратын, 30 БИПАП аппаратын, беш СИПАП аппаратын алдык. Донорлордун каражатынын эсебинен 63 ИВЛ аппаратты жана 111 кычкылтек концентраторун сатып алабыз. Өкмөт дагы кошумча 50 млн. Читать дальше...
Вирус күчөгөн сайын дарыканалардын текчесинде ар түрдүү дарылар азайып, буга кошумча алардын баасы да асмандады. Коомчулук бийликтен дары-дармектин баасын көзөмөлдөөнү талап кылууда.
Кошмо Штаттарынын Бажы кызматы Шинжаң аймагындагы саясий лагерлерде кармалып тургандар жасаган деп шек туудурган, чачтан жасалган товарды камакка койду. Мындай товар «Lop County Meixin» компаниясына таандык экени, жалпы баасы 800 миң долларга бааланган өндүрүмдүн бир бөлүгү болгону айтылды. Чек ара жана бажы кызматынын соода боюнча вице-комиссары Бренда Смит мындай товар «адам укуктарын олуттуу бузуу болуп саналат» деп билдирди. Ошондой эле Кытайда лагерлерде эркинен тыш кармалып тургандардын... Читать дальше...
Экономикалык кылмыштарга каршы күрөш боюнча мамлекеттик кызмат (Финансы полициясы) жеке коргонуу каражаттарын жана медициналык беткаптарды сатып алуу боюнча мамлекеттик органдар февраль айында жарыялаган тендерлерди иликтеп чыкты. Мекеменин маалыматына караганда, бул факт март айында Кылмыштар менен жоруктардын бирдиктүү реестрине катталып, ушу тапта сотко чейин иштер жүрүүдө. Анын жыйынтыгында тиешелүү тараптарга укуктук баа берилет. «ПолитКлиника» онлайн-медиасы 1-июлда медициналык каражаттарды сатып алууга байланыштуу иликтөө жарыялады. Читать дальше...
Кыргызстандыктар жасаган фитнес-тиркеме 5 миллион доллар турат. Жакында эле инвесторлордон аны каржылоо сунушу түштү. Тиркеменин авторлору видеосабактагы көнүгүүлөрдү хиджабчан айымдар аткаргандыктан, шариятка каршы келбесин айтышууда.
Финансы министрлиги ушул күнгө карата таажы вирусун ооздуктоого жумшалган чыгымдар тууралуу жалпылоочу маалыматын жарыялады.
«Ноокат райондук ооруканасында эки дарыгер каза болду» деген маалыматты оорукананын жетекчиси Асамидин Марипов «чындыкка жатпайт» деди. Анын айтымында, медайым райондук ооруканада иштечү эмес. Ал эми ардагер дарыгерден болсо COVID-19 табылган эмес. «Медайым Бишкекте жашаган баласынан жугузуп алган. Экөө ооруканага оор абалда түшүп, эки-үч күндөй жатышты. Өпкөсү иштен чыгып түнкү саат экилер чамасында каза болду. Ал (медайым) райондук ооруканада иштеген эмес. Үй-бүлөлүк дарыгерлер тобунда медайым болгон. Читать дальше...
Июнь окуясы үчүн өмүрүнүн аягына чейин эркинен ажыратылган укук коргоочу Азимжан Аскаровдун адвокаты Валерьян Вахитов Аскаровдун иши боюнча БУУнун Адам укуктары боюнча комитетине кайрылганы жатат. «Кыргызстан эл аралык келишимдерге кол койгондон кийин анын талаптарын аткарыш керек. Жогорку сот болсо Аскаров боюнча Чүй облустук сотунун өкүмүн күчүндө калтырды. Ушунун баарынын жыйынтыгын чыгарып туруп кайрылабыз», - деди Вахитов. 2016-жылы БУУнун Адам укуктары боюнча комитети Аскаров камакта кыйноого кабылганын... Читать дальше...
Бүгүн, 2-июлда, Кыргызстанда спорт журналисттеринин кесиптик майрамы белгиленип жатат. Бул күндү утурлай өлкөнүн алдыңкы спортчулары жана машыктыруучулар аларды куттукташты.
1-июлда Кара-Суу шаарынын мэри болуп Адыл Лолобаев шайланды. Шаар мэрин шайлоого катышкан 30 депутаттын баары анын талапкерлигин колдогон.
Бишкекте оорукананын алдында иниси жан берген адам эми ооруган агасынан айрылды. 1-июлда кечке жуук Данияр Эрназаров аттуу тургун кайтыш болгонун «Азаттык» радиосуна анын иниси Баймурат Эрназаров билдирди: «Бир апта ичинде эки бир тууганымдан айрылдым. Агам инимден эрте ооруп баштаган экен. Ал Орусиядан ооруп келген. Абалы кескин оорлошуп кетти. Тести таза чыккан». Бул үй-бүлөнүн окуясын «Азаттык» 27-июнда баяндаган. Бишкек шаарынын тургуну Баймурат Эрназаров өпкөсү сезгенип, ооруп калган иниси... Читать дальше...
Программада жалпысынан 22 категория бар. Жеңүүчүлөр күйөрмандардын көпчүлүк добушу менен аныкталат.
Кыргызстанда бир суткада коронавирус жуккандардын саны боюнча кайрадан Чүй облусу алдыга чыкты. Республикалык ыкчам штабдын 2-июлдагы маалыматына караганда, бир күндө COVID-19 инфекциясы менен Чүйдө 231 адам катталды. Жалпысынан бул оору жуккандардын саны облус боюнча 1138 адамга жетти. Коронавирус Кыргызстанда 18-мартта каттала баштаган. Алгач ооругандар Жалал-Абад облусунда көп болуп жаткан. Кийинки убакта эң жогорку көрсөткүч борбор шаар Бишкекте болуп келген. Чүй боюнча көрсөткүч май айында... Читать дальше...
Экономикалык кылмыштарга каршы күрөш боюнча мамлекеттик кызмат (Финансы полициясы) дары-дармектердин, медициналык каражаттар менен беткап, антисептиктердин баасынын жогорулашына жол бербөө боюнча дарыканаларда рейд өткөрүп жатат. Мекеме кабарлагандай жогорудагы товарларга бааны негизсиз көтөргөндөр аныкталган жана катуу чара көрүлөт. Финансы полициясы ишкерлерге, дарыкана ээлерине абалдан пайдаланып медициналык каражаттардын баасын көтөрүүгө болбой турганын эскертти. Ошондой эле макеме элге кайрылып... Читать дальше...
Кыргызстандын ооруканаларында соңку эки күндө өпкөсүнөн кагынып ооруган (пневмония) 43 бейтап кайтыш болду. Коронавируска каршы ыкчам штабдын 2-июлдагы маалыматына караганда, ошентип, март айынан бери бул илдеттен өмүрү кыйылгандардын жалпы саны 97 кишиге жетти. Акыркы бир суткада каза болгондордун 13ү Бишкек шаарында экенин «Азаттыкка» Саламаттык сактоо министрлиги кабарлады. 29-июнда саламаттык сактоо министри Сабиржан Абдикаримов быйыл март айынан бери пневмониядан 54 адам кайтыш болгонун, алардын 48и Бишкекте экенин айткан. Читать дальше...
Октябрь районунун акими Максим Ситников кызматынан бошотулду. Тиешелүү буйрукка Бишкек шаарынын мэри Азиз Суракматов кол койгонун мэриянын басма сөз кызматы кабарлады. Шаардык бийликтин маалыматы боюнча, Ситников ден соолугуна байланыштуу жумуштан кетти. Ал 2019-жылы мэрияда транспорт тармагын тескеген вице-мэр болуп да иштеген. (BTo)
Ошто коронавирус илдети жугуп, Ош шаардык ооруканасында дарыланып жаткан 34 жаштагы аял 1-июлда аталган оорукананын 3-кабатынан боюн таштап, алган жараатынан ошол эле жерде каза болду. Бул тууралуу Ош шаардык ички иштер башкармалыгы билдирди. Мекеменин маалыматына караганда, ал 29-июндан бери COVID-19 вирусунан дарыланып жаткан. Бул окуяны укук коргоо органдары менен саламаттык сактоо кызматкерлери чогуу иликтеп жатышат. Тиешелүү экспертизалар дайындалды. Маркум 25-июнда көз жарган. Өзү дарыланып... Читать дальше...
Бүгүнкү күнгө карата Кыргызстанда коронавируска тапшырган анализи таза чыгып, бирок өпкөсүнөн кагынып (пневмония), ооруканада жаткандардын жалпы саны 1247 адам. Бул тууралуу 2-июлда Коронавируска каршы республикалык ыкчам штаб кабарлады. Штабдын маалыматына караганда, реанимацияда 112 адам жатат. Бейтаптардын 337синин абалы оор. Жалпысынан бул илдет менен катталгандар 1971 адам, алардын 97си кайтыш болгон, 627си сакайып кеткен. Анализ ыкмалары так болбой жаткандыктан Кыргызстанда пневмония... Читать дальше...
Жалал-Абад облусунун Сузак районунда аялынын мойнуна дөңгөлөк асып алып сабаган киши күнөөлүү деп табылды. Сот аны эки жылга шарттуу түрдө кесип, сот залынан бошотту. Сузак райондук соту ушундай чечим чыгарганын 2-июлда Жалал-Абаддагы «Справедливость» уюму билдирди. Жалал-Абад облустук соту Жазык кодексинин «Уруп-согуп кыйноо» беренеси менен шек саналган адам пробациялык көзөмөл менен эки жылга кесилгенин кабарлады. Юристтердин түшүндүрмөсүнө караганда, пробациялык көзөмөл Жазык-процессуалдык кодекске жаңы киргизилген. Читать дальше...
«Азаттык», OCCRP, Kloop жана Bellingcat Кыргызстан аркылуу адалданган миллиондогон доллар жана анын Матраимовдорго байланышы тууралуу кезектеги иликтөөнү жарыялады.
Ош облусунун Алай районунда жер титиреди. Сейсмология институтунун маалыматына караганда, 1-июлда саат 20:42де Кыргызстандын Кытай менен чектешкен аймагында очогунда күчү үч баллга жеткен жер титирөө катталды. Жердин титиреши Алайдын Нура айылдарында 2,5 баллга чейин сезилди. Такталган маалымат боюнча, эч ким жабыркап, эч нерсе кыйраган жок. 2008-жылы 5-октябрда Нурада күчү 8 баллга жеткен зилзаладан 75 киши набыт болуп, айыл толугу менен кыйрап калган. (RK)
Кыргызстанда коронавируска чалдыккандардын бир суткадагы саны кайрадан эң жогорку көрсөткүчкө чыкты. 2-июлда Саламаттык сактоо министрлигинин өкүлү Айнура Акматова онлайн брифингде билдиргендей, кечээтен бери 526 бейтап жаңы катталды. Алардын эң көбү Чүй облусунда - 231 адам. Бишкек шаарында 211, Жалал-Абад облусунда 27, Ош шаарында 19, Баткен облусунда 18, Ысык-Көл облусунда 10, Ош облусунда алты, Нарын облусунда үч жана Талас облусунда бир адам. Бир сутка ичинде төрт бейтап каза болду:... Читать дальше...
