Рӯзи 15-уми август аз суқути давлати Афғонистон ва ғасби ҳокимият аз ҷониби Толибон як сол мегузарад. Дар ин муддат вазъи сиёсию иҷтимоӣ ва иқтисодии мардуми Афғонистон тағйир ёфт.
15 август аз суқути давлати Афғонистон ба дасти Толибон як сол мегузарад. Пас аз ба сари қудрат омадани Толибон сафоратҳои он кишвар аз сӯи сафирони қаблӣ раҳбарӣ мешаванд. Рӯзи 12-уми август Муҳаммад Заҳир Ағбар, сафири ҳукумати пешини Афғонистон дар Тоҷикистон Меҳмони Озодӣ буд.
Фаридун Хайруллозода, рӯзноманигори ҷавон, ровӣ ва роҳбари радиои “Авторадио” шоми 11 ба 12-уми август дар синни 27-солагӣ дар Душанбе даргузашт.
Деҳаи Навободи шаҳри Панҷакент 13 сол пеш бунёд шуда, аз маркази ин шарҳ 22 км дур аст.
Марги нобаҳангоми ровии шинохтаи тоҷик Фаридун Хайруллозода дар Душанбе, мусоҳиба софири Афғонистон дар Тоҷикистон, сарнавишти тифле, ки ҳамроҳ бо низомиёни хориҷӣ тарки Афғонистон ва кард рӯзгори талхи занони танҳо дар Хатлон.
Зимни ифтитоҳи масҷиди наве дар пойтахти Қазоқистон президенти собиқ Нурсултон Назарбоев ҳам, ки муддатҳост дар мазҳари ом дида намешавад, дар ҳалқаи ёваронаш ҳозир шуд. Ҳузури Назарбоев дар масҷиди нав сеюмин ҳолати баъди хушунатҳои моҳи январ дар миёни мардум дида шудани раҳбари собиқи инак 82-солаи Қазоқистон мебошад. Дар як суханронии мухтасараш Назарбоев дар бораи сохтмони ин муассиса чанд ҷумла гуфт. Назарбоев баъди раҳбарии сисола дар Қазоқистон соли 2019 ба истеъфо рафт ва ба ҷои худ Қосимжомарт Тоқаевро пешбарӣ кард. Читать дальше...
Рӯзи 12-уми август дар шаҳри Нурсултони Қазоқистон аз масҷиди навсохте парда пардоштанд, ки калонтарин масҷид дар Осиёи Марказӣ унвон мешавад. Ин масҷидро Нурсултон Назарбоев, президенти пешини Қазоқистон ифтитоҳ бахшид. "Масҷид дар майдони 10 га сохта шуда, баландии гумбазаш 83,2 ва қутри он 62 метрро ташкил медиҳад. Масҷид чаҳор манора дорад, ки баландии ҳар кадомаш 130 метрро ташкил медиҳад", - хабар доданд расонаҳои Қазоқистон. Масҷид дар як вақт ғунҷоиши бештар аз 30 ҳазор касро дорад. Санги... Читать дальше...
Вазъи сиҳатии Алмосбек Отамбоев, президенти пешини Қирғизистон дар зиндон бад шудааст. Дар ин бора Замир Жоошев, вакили мудофеи вай хабар дод. "Се рӯз пеш ман аз Хадамоти иҷрои ҷазо дархост карда будам, ки ба Отамбоев иҷозаи сафари табобатӣ ба Русияро диҳад. Ташхиси бемории Отамбоев дар Русия имконпарзир аст. Ҳамкори ман Отамбоевро дар зиндон дид, вазъаш хеле бад аст: хеле лоғар шудааст, фишораш ба 60/80 расидааст. Агар табобат нагирад, мумкин аст, оқибати нохуше сар занад", - гуфт Жоошев. Отамбоев... Читать дальше...
Ҳукумати Тоҷикистон тасмим гирифтааст, нафти хом ва маҳсулоти нафтиро аз Эрон ва Туркманистон ворид кунад.
Масъулини Сафорати Тоҷикистон дар Русия бо шароити нигаҳдории муҳоҷирон дар Боздоштгоҳи мувақатии "Сахарово" шинос шуданд. Сафорати Тоҷикистон дар Маскав дар як хабаре гуфт, ки як дипломати тоҷик рӯзи 10-уми август зимни боздид аз маркази нигаҳдории муваққатии шаҳрвандони хориҷӣ дар деҳаи Сахаровои вилояти Маскав бо муҳоҷирони тоҷик дидору мулоқот кардааст. Дар хабарномаи сафорати Тоҷикистон гуфта нашудааст, ки дар ин марказ чӣ теъдод муҳоҷирон нигаҳдорӣ мешавад, аммо таъкид шудааст, ки масъули... Читать дальше...
Шаби 11 ва 12-уми август дар Душанбе наттоқи шинохта Фаридун Хайруллозода фавтид. Сабаби маргаш маълум нест. Ба гуфтаи наздиконаш, шаби гузашта ӯ дар як чорабинӣ будааст. Ҷузъиёти марги ӯ феълан нашр намешавад. Фаридун Хайруллозода 27 сол дошта, муассиси “Авторадио Тоҷикистон” буд. Фаъолияташро ҳанӯз аз наврасӣ дар телевизиони бачагонаи “Баҳористон” шурӯъ карда, баъдан дар телевизиони “Сафина” ва радиоҳои “Ватан”-у “Лаврадио” ҳам кор кардааст. Солҳои ахир Фаридун Хайруллозода раҳбари кулли «Авторадио»... Читать дальше...
Миёни Уфа ва Душанбе як хатсайри нави мунтазам роҳандозӣ мешавад, ки онро як ширкати русӣ анҷом медиҳад. Ширкати ҳавопаймоии Utair аз Оҷонсии федералии нақлиёти ҳавоӣ барои ташкили парвозҳои иловагии байналмилалӣ аз фурудгоҳи пойтахти Бошқирдистон аз ҷумла парвозҳо ба Тоҷикистон иҷоза гирифтааст. Ҳанӯз маълум нест, ки мусофиркашонӣ дар ин масир кай оғоз мешавад. Қаблан Оҷонсии федеролии нақлиёти ҳавоӣ муддати се моҳ парвозҳо аз Омск ба Хуҷанд ва Душанберо иҷозат дода буд. Русия кишвари асосии муҳоҷирпазир барои тоҷикистониҳо буда... Читать дальше...
Рӯзҳои 12 то 14-уми август дар ноҳияҳои кӯҳӣ ва баландкӯҳ ба истиснои қисмати шарқии ВМКБ, омадани сел пешгӯӣ мешавад. Оҷонсии обуҳавошиносии кишвар хабар медиҳад, ки дар ин рӯзҳо бар асари ноустувории обуҳаво ва бо дарназардошти борони шадид дар доманакӯҳҳо ва навоҳии кӯҳӣ эҳтимоли омадани селҳои хавфнок вуҷуд дорад. Дар ҳамин ҳол Кумитаи ҳолатҳои фавқулодаи Тоҷикистон аз аҳолӣ даъват кардааст, ки аз эҳтиёт кор бигиранд ва ҳушёриро аз даст надиҳанд. Аз ҷумла, аз қабл чораву тадбирҳо андешанд... Читать дальше...
Дар таркише дар Кобул рӯзи 11-уми август як рӯҳонии маъруфи мактаби Ҳанафӣ ва тарафдори Толибон кушта шуд. Билол Каримӣ, муовини сухангӯи ҳукумати Толибон гуфт, Раҳимулло Ҳаққонӣ дар “ҳамлаи душмани тарсу” ба мактаби динии ӯ кушта шуд. Намояндагони ҳукумати Толибон аз ин зиёд шарҳе надоданд. Ба навиштаи бархе манбаъҳо, Ҳаққонӣ замоне кушта шуд, ки як маргталабе дар дохили мадрасаи Ҳаққонӣ бомбаро ба кор андохт. Сухангӯи полиси Кобул инчунин гуфт, ки дар ин ҳамла яке аз бародарони Ҳаққонӣ ҳам кушта шуда се нафари дигар маҷрӯҳ гардид. Читать дальше...
Дар Бозиҳои V ҳамбастагии исломӣ, ки бо иштироки беш аз 4000 варзишгар аз 56 кишвари ҷаҳон дар шаҳри Қунияи Туркия ҷараён дорад, баъди натиҷагирии се рӯзи рақобатҳо аз рӯи ҳисоби медалҳо мизбонон мақоми аввалро касб кардаанд. Мунтахаби Туркия 89 медал (34 тило, 30 нуқра ва 25 биринҷӣ) гирифтааст. Мунтахаби Эрон бо касби 39 медал (15 тило, 14 нуқра ва 10 биринҷӣ) дар мақоми дувум қарор дорад. Мунтахаби Узбекистон бо касби 39 медал (11 тило, 10 нуқра ва 18 биринҷӣ) мақоми севумро азони худ кардааст. Читать дальше...
Ду шаҳрванди Тоҷикистон ба иттиҳоми ҳамла ба пулиси Маскав ба мӯҳлати 3,5 ва 2,5 соли зиндон маҳкум шуданд. Мақомоти Русия гуфтанд, бародарон, Саидакрами 21-сола ва Умари 18-сола, рӯзи 17-уми феврали имсол дар истгоҳи метрои "Тулская" ба кормандони пулис дарафтоданд. Хабаргузории ТАСС бо такя ба дафтари матбуоти додситонии Маскав хабар додааст, ки Умари Расулҷонзода ва Саидакрам Ҳамроевро тибқи моддаи 318 қисми 1 Кодекси ҷиноятии Русия, яъне, (истифодаи зӯроварӣ нисбати намояндаи мақомот, ки барои ҳаёташ хатарнок нест)... Читать дальше...
Варзишгарони тоҷик дар Ҷоми бози ҷудои Осиё (Aktau Asian Open 2022) ба хотираи Турар Жолдибоев, тоҷири машҳури қазоқ, ки рӯзҳои 13-14-уми август дар шаҳри Оқтов баргузор мешавад, иштирок мекунанд. Ба иттилои Федератсияи ҷудои Тоҷикистон, ба ин мусобиқа ҳашт гуштигири ҷавон сафарбар шудааст: Акбаралӣ Кенҷаев (-60 кг), Аҳмадҷон Аюбов, Абубакр Шеров (ҳарду дар вазни то 66 кило), Наврӯз Каримзод, Маҳмудҷон Раҳимов (ҳарду дар вазни то 73 кило), Ҳайдар Саидкабирзода (-81 кг), Кароматулло Ҳакимов (-90 кг) ва Амирҷони Насимҷон (-100 кг). Читать дальше...
Алексей Навалний, мухолифи зиндонии Русия аз таъсиси иттифоқи касабаи зиндониён ва кормандони Хадамоти федеролии иҷрои ҷазо хабар дод, ки дар маҳбасҳо кор мекунанд. Дар ин бора вай, ки дар маҳбаси №6 дар вилояти Владимири Русия адои ҷазо мекунад, тавассути шабакаҳои иҷтимоӣ хабар дод. Ба гуфтаи Навалний, вай дар бораи таъсиси иттифоқи касаба бо номи "Промзона" сардори маҳбас ва мудири Хадамоти федеролии иҷрои ҷазоро огоҳ кардааст. Навалний менависад, ҳарчанд аз ин иқдом маҳбусон "тарсиданд" ва... Читать дальше...
Нашрияи давлатии "Туркменпротал"-и Туркманистон хабар дод, ки бо сармояи ин кишвар дар Узбекистон 174 корхона сохта шудааст. Шакли моликияти корхонаҳо ва ҳаҷми сармоя хабар дода намешавад. Ба навиштаи расонаҳои Узбекистон, дар маҷмуъ дар он кишвар 1700 корхонаи муштараке фаъолият дорад, ки бо сармояи кишварҳои ҳамсоя сохта шудааст. Дар соли 2021 ҳаҷми тиҷорати дуҷонибаи Узбекистон бо Туркманистон 902 млн долларро ташкил додааст, ки нисбати соли 2020 67,6% бештар арзёбӣ мешавад. Дар ҳамин ҳол... Читать дальше...
Зиндагии мардуми деҳ, чеҳраҳои боз, ҷавонони ошиқ, маросимҳои ғаму шодӣ дар минётурҳои Олим Камолзода тасвир ёфтаанд. Тасвирҳое, ки бо нигоҳе ба онҳо метавон маънои як филмро пайдо кард.