Додситонии вилояти Суғд дар марги як зани 27-сола хушдоман ва дигар аъзои хонаводаи шавҳарро айбдор кардааст. Пайвандони шавҳар инро қабул надоранд.
Мақомоти тоҷик мегӯянд, кӯдаконе, ки аз Ироқу Сурия оварда шудаанд, дар шароити хуб нигоҳдорӣ мешаванд, аммо муҳлати бозгардондани онҳо ба наздиконашон маълум нест.
Бо гузашти се сол сарнавишти кӯдакони бозгашта аз Ироқу Сурия рӯшан нашудааст, ду фаъоли бадахшонӣ баъди нопадидшавӣ дар Душанбе зуҳур намудаанд, хушдомани зани худкушӣнамуда айбномаи додситониро рад мекунад ва матолиби дигар.
Муҳаммадамин Абдуллоев, варзишгари тоҷик, дар мусобиқоти қаҳрамонии ҷаҳон оид ба гуштии озод миёни наврасони то 17-сола, ки рӯзҳои 29-31-юми июл дар шаҳри Рими Италия баргузор шуд, дар рақобатҳо дар вазни то 80 кило мақоми панҷумро касб кард. Ба иттилои Кумитаи миллии олимпии Тоҷикистон, ягона намояндаи кишвар дар ин мусобиқоти ҷаҳонӣ Муҳаммадамин Абдуллоев дар ҳаштякфинал варзишгари Швейтсария Ноаҳ Счваллер, дар чорякфинал намояндаи Арманистон Папин Ҳунанянро шикаст дода, дар нимфинал аз варзишгари... Читать дальше...
Мақомот дар Суғд мегӯянд, 3,5 ҳазор сокини вилоят дар маконҳои зархез ба пайдо кардани тилло машғул шудаанд.
Дар 45-умин давраи Олимпиадаи ҷаҳонии шоҳмот, ки 28-уми июл дар шаҳри Ченнайи Ҳиндустон шуруъ шуд ва то рӯзи 10-уми август идома меёбад, беш аз 1700 шатранҷбоз дар ҳайати 350 даста иштирок дорад. Ба ҳайати дастаи мунтахаби Тоҷикистон 12 нафар – 6 зан ва 6 мард - дохиланд. Дар мусобиқаи занон Тоҷикистонро Надежда Антонова, Мутриба Ҳотамӣ, Сабрина Абророва, Рухшона Саидова, Лидия Антонова ва Саодат Одинаева (капитан ё сартим) намояндагӣ мекунанд. Дастаи мардонаи Тоҷикистон аз Муҳаммад Ҳусейнхоҷаев... Читать дальше...
Пайвандони Ораз ва Рамзӣ Вазирбековҳо мегӯянд, онҳо нияти ба Тоҷикистон рафтан надоштанд ва нашри навори “бозгашти ихтиёрӣ”-и онҳо саҳнасозӣ аст.
Мақомоти полиси ҳукумати Толибони Афғонистон мегӯянд, дар паи тирпарронӣ дар марзи Афғонистону Эрон дар тарафи афғонии марз камаш як нафар кушта ва як каси дигар маҷруҳ шуд. Баҳром Ҳақмол - сухангӯйи полиси вилояти Нимрӯзи Афғонистон ба хабаргузории Рейтерс гуфтааст, ки ҳодиса рӯзи 31-уми июл рух дод. Майсам Баразандеҳ, як мақоми минтақаи Ҳирманди Эрон, ки бо Нимрӯзи Афғонистон ҳаммарз аст, ба хабаргузории нимарасмии "Форс" гуфтааст, ки аз ҷониби Эрон талафоти ҷонӣ набудааст. Ҳар яке аз ҷонибҳо тарафи муқобилро масъули тирпарронӣ меномад. Читать дальше...
Дар мусобиқоти қаҳрамонии ҷудои Осиё (Asian Senior Championships 2022), ки рӯзҳoи 4-7-уми август дар пойтахти Қазоқистон – Нурсултон – баргузор мешавад, Тоҷикистонро 9 варзишгар дар рақобатҳо миёни мардон намояндагӣ мекунад.
Масъулини идораи Ваколатдор оид ба ҳуқуқи инсон мегӯянд, Зубайдуллои Розиқ, узви 80- солаи Ҳизби дар Тоҷикистон мамнуъи наҳзати исломӣ аз ҳуҷраи ҷаримавии зиндон (ШИЗО) озод шуда, ба утоқи муқаррарӣ баргардонда шуд.
Собиқ муҳаққиқи Донишгоҳи Австралияи ғарбӣ ва шаҳрванди Тоҷикистон Абдусалом Одиназода эътироф кардааст, ки ба ташвиқи ҳамлаҳои экстремистӣ машғул буд. Ҳоло ӯро хатари то 6 соли зиндон таҳдид мекунад. Одиназодаи 54-сола бо ихтисоси биохимик бо иттиҳоми марбут ба экстремизму терроризм боздошт шуда буд. Вебсайти хабарии West Australian рӯзи 1-уми август навишт, муҳаққиқи тоҷикистонӣ ва "яке аз хатарноктарин шахсиятҳо дар аёлат" эътироф кардааст, ки барои анҷоми ҳамлаҳои тундгароёна даъватҳо кардааст. Читать дальше...
Ван И, вазири корҳои хориҷии Ҷумҳурии Мардуми Чин дар доираи сафари минтақаии худ, шоми 31-уми июл вориди Душанбе -- пойтахти Тоҷикистон шуд. Дар назар аст, ки ӯ имруз, 1-уми август бо президенти Тоҷикистон Эмомалӣ Раҳмон, ҳамтои тоҷикаш Сироҷиддин Мӯҳриддин ва мақомоти дигар мулоқоту гуфтугӯ намояд. Вазири корҳои хориҷии Чин қабл аз сафараш ба Душанбе, дар Тошканд дар нишасти Шӯрои вазирони корҳои хориҷии кишварҳои узви Созмони Ҳамкориҳои Шанхай иштирок кард. Ҷузъиёти бештари сафари ин дипломати... Читать дальше...
Хадамоти марзбонии Қирғизистон хабар додааст, ки сарбозони ин ниҳод рӯзи 30 июл аз қочоқи чорво ба Узбекистон пешгирӣ карданд. Ба иттилои хадамот, сокини ноҳияи Оқсӯи вилояти Ҷалолободи Қирғизистон, соли таваллудаш 1998, мехостааст, 78 сар чорвои худро ғайриқонунӣ ба Узбекистон интиқол диҳад. Бино ба иттилои пешакӣ, маблағи умумии чорво 780 ҳазор сомро ташкил медиҳад. Марзбонони қирғиз ҳамчунин дар вилояти Бодканд қочоқи лавозимоти тиббиро ба маблағи 643 ҳазору 500 сом (ҳудуди 8 ҳазор доллар) ошкор кардаанд.
Ҷасади ду низомиии Горди миллии Қазоқистон дар ду минтақаи гуногуни он кишвар овезон пайдо шудааст. Бино ба хабари расонаҳои маҳаллӣ, ҷасади сарбоз Уразбой Н.А., соли таваллудаш 1995-ро шаби 29 июл дар қисми низомии вилояти Оқмалини Қазоқистон овезон пайдо карданд. Ҳодисаи дувум дар деҳаи Баскудуки вилояти Мангистауи Қазоқистон рух додааст. Ба иттилои расонаҳо, сержанти калон Мергалиев А.С., соли таваллудаш 1990, худро дар манзили зисташ ба дор овехтааст. Сабабҳои даст ба худкушӣ задани низомиён таҳқиқ мешавад.
Масъулини ширкати давлатии “Тоҷик Эйр” умедворанд баҳсашон бо ширкати литвонии “Скайроуд Лизинг” мусоҳилатомез ҳал мешавад. Ин ширкати литвонӣ аз коршарики тоҷикаш 20 миллион доллар талаб дорад.
