Талоши аксбардорӣ аз тулӯъи офтоб ва манзараҳои зебои табиат дар Тоҷикистон бо марги як ҷавон анҷом ёфт. Ба иттилои Кумитаи ҳолатҳои фавқулода, сокини 18 солаи деҳаи Падруди Панҷакент, субҳи барвақти рӯзи 6-уми август, бо ҳадафи суратгирӣ ба кӯҳи Тарҳ рафт ва ба ҷарӣ сарозер шуда, фавтидааст. Дар пайи муроҷиати наздикони ҷавон, наҷотбахшон ба ҷустуҷӯи ӯ баромада, баъд аз як рӯз ҷасадашро 300 метр поинтар аз ҷойи ҳодиса пайдо кардаанд. Кумитаи ҳолатҳои фавқулода гуфтааст, ин ҳодисаи бесобиқа аст ва аз сокинон хостааст... Читать дальше...
Кормандони пулис дар ноҳияи Рашт Султони Абдувоҳид, сокини деҳаи Хоҷаалии ин ноҳияро, ки ҳамсараш худро ба рӯди Сорбоғ партофт, боздошт кардаанд. Маҳинаи Холаҳмад, ҳамсари 23-солаи ин мард, рӯзи 5-уми август худро аз болои пуле ба рӯдхонаи Сорбоғ партофтааст. Як манбаъ аз Шуъбаи корҳои дохилаи ноҳияи Рашт ба Радиои Озодӣ гуфт, пас аз омӯзиши далелҳо шавҳари ӯ бо гумони “ба худкушӣ расонидани ҳамсараш” боздошт шуд. Наздикони Султони Абдувоҳид ҳодисаро шарҳ надоданд. Лаҳзаи ба назди пули деҳа... Читать дальше...
Гурӯҳе аз наврасони афғонистонӣ хатми таҳсилашон дар мактаби миёна дар Тоҷикистонро ҷашн гирифтанд.
Додситонии кулли Русия 13 фарди гумонбар дар ҷиноятро ба Тоҷикистон истирдод кардааст. Дар ин бора хабаргузории ТАСС бо истинод ба маркази матбуоти Додситонӣ хабар додааст. Онҳоро мақомоти Русия боздошт ва барои адои ҷазо ба ниҳодҳои масъули Тоҷикистон супурдаанд. Яке аз истирдодшудаҳо Зафар Қурбоналиев будааст, ки дар дузддии маблағ бо ҳаҷми калон гумонбар дониста мешавад. Ба иттилои Додситонии Русия, Қурбоналиев аз 25 уми феврал то 4-уми майи соли 2021 замони фаъолият ба ҳайси сардори маркази... Читать дальше...
Маросими видоъ бо хабарнигор Аслиддин Достиев, ки рӯзи душанбе даргузашт, мизони табодули молу коло миёни Тоҷикистону Қирғизистон, вазъи мактаби паноҳандагони афғони муқими Тоҷикистон ва сайре ба маҳаллаи лӯлитаборони Панҷакент.
Дар Бозиҳои VII байналмилалии варзишии «Бачагони Осиё», ки аз 28-уми июл то 8-уми август дар шаҳри Владивостоки Русия баргузор шуд, 1355 варзишгар аз 13 кишвар — Арманистон, Афғонистон, Қазоқистон, Қирғизистон, Лубнон, Муғулистон, Покистон, Русия, Тайланд, Туркманистон, Узбекистон, Ҳиндустон ва Эрон ширкат варзиданд. Федератсияи Русияро варзишгарони навраси ҳашт минтақа муаррифӣ карданд. Бояд гуфт, ки аз кишварҳои Осиёи Марказӣ танҳо варзишгарони навраси Тоҷикистон дар Бозиҳои VII байналмилалии варзишии “Бачагони Осиё” иштирок надоштанд. Читать дальше...
То як баробар гарон шудани нархи билетҳои парвоз аз Тоҷикистон ба Русия нигаронии мусофирони ин масирро ба бор овардааст.
Дар Русия дар як рӯз, 17 ҳазор 862 ҳолати нави гирифторӣ ба коронавирус сабт шудааст ва 45 нафар бар асари ин беморӣ фавтидаанд. Дар ин бора Ситоди фаврии мубориза бо коронавирус ба хабарнигорон иттилоъ додааст. Ба иттилои мақомоти ин кишвар дар як рӯз беш аз 1250 нафар бо нишонаҳои ин беморӣ бистарӣ карда шудааст. Дар муқоиса бо як ҳафтаи пеш шумори сироятёбӣ дар ин кишвар қариб 60 дар сад зиёд шудааст.
Раиси ҷамъияти тоҷикон дар Новосибирск вакили рус дар Шӯрои ин шаҳрро “ба барангехтани кинаву адовати миллӣ” муттаҳам мекунад.
Мақомоти Русия раҳбари як ширкати сохтмониро дар Маскав барои марги се муҳоҷир, аз ҷумла шаҳрванди Тоҷикистон, боздошт кардаанд. Ҷавони 21-солаи тоҷик, ҳамроҳ бо ду муҳоҷири дигар аз Қирғизистон, рӯзи 7-уми август ҳангоми анҷом додани корҳои таъмирӣ дар як чоҳи канализатсионӣ, воқеъ дар кӯчаи Краснодарскаяи минтақаи Люблинои шаҳри Маскав ба ҳалокат расид. Кумитаи тафтишотии Русия хабар додааст, ки ҳодисаи марги се муҳоҷирро таҳқиқ доранд ва раҳбари 38-солаи ширкати сохтмониро боздошт кардаанд. Читать дальше...
Абдулҳаким Розиқзода, раиси Комиссияи олии аттестатсионӣ шарҳ дод, ки чаро мансабдорони тоҷик бе иҷозаи президент наметавонанд рисолаи илмӣ ҳимоя кунанд.
Имдодгарони Кумитаи ҳолатҳои фавқулодаи Тоҷикистон писарбачаеро, ки мехост худро аз ошёнаи чорум худро ба зер афканад, наҷот доданд. Ин кумита хабар додааст, ки ҳодиса рӯзи душанбе дар кӯчаи Алишер Навоии пойтахт рух додааст. Ба иттилои манбаъ, дастаи наҷот фавран ба ҷойи ҳодиса фиристода шуда, бо истифода аз тирезаи ҳамсояҳо писарбачаро наҷот доданд. Маълум шудааст, ки волидони ин писараки 8-сола, ӯро дар хона танҳо мондаанд ва чун аз хоб бедор шудааст, дарро баста дидаву худро танҳо ёфта, тарсидааст. Читать дальше...
Ҳасаналӣ Абдураҳмонов, писари дуюми Толиб Аёмбеков, фармондеҳи собиқ ва аз афроди бонуфуз дар Бадахшон, ба 12 соли зиндон маҳкум шудааст. Мақомот ҳукми писари Аёмбековро ҳанӯз шарҳ надодаанд, вале бино ба иттилои манбаъҳои Радиои Озодӣ, Ҳасаналӣ Абдураҳмонови 25-сола ба авбошӣ, ғайриқонунӣ нигоҳ доштани силоҳ, ҳамчунин ба узвият дар гуруҳи ҷиноятӣ, гунаҳкор дониста шудааст. Ҳасаналӣ Абдураҳмонов ҳамроҳ бародари калониаш Ғуломалӣ рӯзи 23-юми июл дастгир шуда буд. Ӯ дар додгоҳ иттиҳоми эълоншударо қабул накардааст. Читать дальше...
Мунтахаби ҷавонони Тоҷикистон дар бозии дувумаш дар мусобиқоти қаҳрамонии CAFA (Созмони футболи Осиёи Марказӣ)-2022 миёни дастаҳои мунтахаби ҷавонони то 19-сола, ки дар Душанбе ҷараён дорад, тими Қирғизистонро бо ҳисоби 3:1 шикаст дод. Дар ин бозии даври сеюми мусобиқот, ки 8-уми август дар Варзишгоҳи марказии Душанбе баргузор шуд, се голи Асадбек Ҷӯрабекзода, Салам Ашурмамадов ва Суннатулло Азизов ба мунтахаби Тоҷикистон се имтиёз овард. Дар бозии дигари даври сеюм мунтахаби ҷавонони Эрон тими Афғонистонро бо ҳисоби 4:0 шикаст дод. Читать дальше...
Доналд Трамп, президенти пешини Амрико рӯзи душанбе эълон кард, ки иқоматгоҳи маъруфи ӯ бо номи "Mar-a-Lago" дар иёлати Флорида мавриди "ҳуҷум"-и кормандони Бюрои Федеролии тафтишот (FBI) қарор гирифтааст.
