Ба иттилои хабарнигори Радиои Озодӣ, шоми 21-уми октябр дар Хуҷанд бозори масолеҳи сохтмонии "Баракат" сӯхтааст. Бозор дар шоҳроҳи Хуҷанд-Конибодом ҷойгир аст. Иллати оташ гирифтанаш ҳанӯз маълум нест. Дар ин бозор соли 2018 низ сӯхтор сар зада буд.
Ба иттилои хабарнигори Радиои Озодӣ, шоми 21-уми октябр дар Хуҷанд бозори масолеҳи сохтмонии "Баракат" сӯхтааст.
Нархи ангишт дар ноҳияҳои вилояти Суғд дар муқоиса ба соле пеш ду баробар боло рафтааст. Ҳоло як кило ангишти худӣ қариб 2 сомонӣ ва ангишти қирғизӣ то 3 сомонӣ арзиш дорад. Соҳибкорон сабаби болоравии нархро ба кам шудани ин навъи сӯзишворӣ ва баста будани марз бо Қирғизистон пайванд медиҳанд.
Нархи ангишт дар ноҳияҳои вилояти Суғд дар муқоиса ба соле пеш ду баробар боло рафтааст. Ҳоло як кило ангишти худӣ қариб 2 сомонӣ ва ангишти қирғизӣ то 3 сомонӣ арзиш дорад. Соҳибкорон сабаби болоравии нархро ба кам шудани ин навъи сӯзишворӣ ва баста будани марз бо Қирғизистон пайванд медиҳанд.
Дар Русия, ки садҳо ҳазор муҳоҷири тоҷик онҷо кору зиндагӣ мекунанд, бо сабаби афзудани шумораи беморони коронавирус, аз 30-юми октябр то 7-уми ноябр рӯзҳои бекорӣ эълон карда шуданд. Раисҷумҳури Русия, Владимир Путин, 20-уми октябр фармонеро дар ин бора имзо кард.
Халабон (пилот)-и ҳомилаи афғонро, ки 6-уми октябри имсол ба як бемористони канори Душанбе бурда буданд, пас аз ташхису табобат дубора ба осоишгоҳ, макони нигаҳдории даҳҳо халабони фирорӣ, овардаанд.
Кормандони шабакаҳои барқии вилояти Лебапи Туркманистон аз сокинон талаб доранд, ки пули нерӯи барқро барои соли 2021 бо шумули моҳҳои боқимонда пардозанд.
Собиқ президенти Амрико Доналд Трамп, ки тахминан як сол мешавад ҳақи боз кардани саҳифаву чопи матлабҳо дар шабакаҳои иҷтимоии Twitter ва Facebook-ро надорад, гуфт, ки акнун шабакаи иҷтимоии худро таъсис медиҳад.
Дар Маскав рӯзи 20-уми октябр нишасте бо ҳузури намояндагони Толибон баргузор шуд. Ба гуфтаи мақомоти Маскав, дипломатҳои тоҷик ҳам дар ин нишаст буданд. Тоҷикистон гуфтааст, ки Толибонро ба расмият намешиносад. Сабабаш чист? Дар ин мусоҳиба бубинед
Муҳоҷирони тоҷике, ки рӯзи 20-уми октябр хобгоҳашон дар Маскав оташ гирифт, мегӯянд, ҷойи хоби дуруст надоранд. Санадҳои онҳо низ дар ин сӯхтор нобуд шудааст.
Кремлин гуфт, тасмими Порлумони Аврупоро дар бораи додани ҷоизаи Сахаров ба сиёсатмадори зиндонӣ, Алексей Навалний, эҳтиром намекунад.
Узбекистон гуфтааст, яке аз шартҳое, ки баъди иҷрои он метавонад, ҳукумати "Толибон"-ро дар Афғонистон эътироф кунад, таъсиси сохторҳои давлатие аст, ки ҳамаи неруҳои сиёсии афғонро фаро гирад.
Президенти Қазоқистон Қосимҷомарт Тоқаев 21-уми октябр, дар арафаи тазоҳуроти эҳтимолии мухолифон дар рӯзи шанбе роҷеъ ба қонуни ҷамъомадҳои осоиштае суҳбат кард, ки соли гузашта бо вуҷуди интиқоди ҳомиёни ҳуқуқ имзо шуд.
Содир Ҷабборов, президент Қирғизистон рӯзи 21-уми октябр гуфт, яке аз муҳимтарин мушкилоти кишвараш айни замон буҳрони энержӣ аст.
Омӯзгорони мактабҳои баъзе аз вилоятҳои Узбекистонро маҷбур мекунанд, ки дар бораи бо ҷои кор таъмин шудани хатмкардаҳо ҳуҷҷат ҷамъоварӣ кунанд.
Нерӯҳои "Толибон" ба чанд хабарнигор, ки тазоҳуроти гуруҳе аз занонро дар шаҳри Кобул бозтоб медоданд, ҳамла кардаанд.
Вакили мудофеи Иззат Амон аз Додгоҳи олии Тоҷикистон хостааст, ки ҳукми зерҳимояашро тағйир диҳад.
Дар ноҳияи Шамсиддини Шоҳин (Шӯрободи собиқ), ки дар наздикии марз бо Афғонистон ҷойгир аст, як сарбози пойгоҳи 201-уми Русияро ҷустуҷӯ доранд.
Дар Русия, ки садҳо ҳазор муҳоҷири тоҷик онҷо кору иқомат мекунанд, аз 30-юми октябр то 7-уми ноябр рӯзҳои ғайрикорӣ эълон шуд. Раисҷумҳури Русия, Владимир Путин, 20-уми октябр фармонро дар ин бора имзо кард.
Дастаи «Хатлон»-и шаҳри Бохтар дар мусобиқаи қаҳрамонии футболи Тоҷикистон миёни тимҳои занона ғолиб шуд. Дар ин бора сомонаи Федератсияи футболи Тоҷикистон хабар медиҳад.
Ҳукумати Тоҷикистон гуфтааст, ки барои коҳиши оқибатҳои пандемияи COVID-19, ки вазъи хонаводаҳои зиёдеро бад кард, то 1-уми апрели имсол тақрибан 175 миллион сомониро ба мардум тақсим кардааст. Бино ба гузориши расмии Тоҷикистон ба Созмони Милал, баъди хуруҷи коронавируси нав, ки аҳволи иқтисоди кишварҳои зиёдеро бад кард, ба бештар аз 420 ҳазор хонавода як дафъаӣ дар ҳаҷми 400 сомонӣ кумак кардааст. Дар ин миён бештар аз 77 ҳазор нафари онҳо кӯдаконе будаанд, ки волидони муҳоҷирашон бинобар маҳдудиятҳо ва карантин натавонистаанд... Читать дальше...
Ҳафтаи оянда дар Маскав муҳокимаи як блогери ҳангомаҷӯи тоҷик оғоз мешавад, ки бо ҳадафи ҷалби пайравони бештар дар шабакаҳои иҷтимоӣ дар назди калисои Василийи муқаддас акси ҷанҷолие гирифта, нашр кард. Додрасҳо рафтори Руслан Бобиев ва духтари рус Анастасия Александровнаро муҳокима мекунанд, ки бо нашри аксе, ки гӯё иртиботи ҷинсии онҳоро нишон дар назди калисо нишон медиҳад, ба эҳсоси динии насрониён беэҳтиромӣ кардаанд. Муҳокима рӯзи 28-уми октябр сурат мегирад. Руслан Бобиев, ки бо номи Руслани... Читать дальше...
Як муассисаи байналмилалии молӣ пешбинӣ кардааст, ки дар сурати паноҳ бурдани садҳо ҳазор паноҳҷӯи афғон, Тоҷикистон тавони иқтисодии нигаҳдории онҳоро нахоҳад дошт. Сандуқи Байналмилалии Пул дар як гузориши наваш гуфтааст, эҳтимолан нишондодҳои иқтисоди Афғонистон имсол 30 фоиз кам мешавад ва сабаби болоравии бенавоиву фақр дар миёни миллионҳо сокинони ин кишвар шавад. Ин ҳолат, ба бовари мутахассисон, ба кишварҳои ҳамсояи Афғонистон ва Туркияву Аврупо таъсири бад мегузорад. Дар ин гузориш, ки ҳамин ҳафта нашр шуд... Читать дальше...
Алексей Навалний, мунаққиди зиндонии Кремлин ва раҳбари мухолифони Русияро парлумони Аврупо барандаи имсоли ҷоизаи ба номи Андрей Сахаров номид. Ин ҷоиза барои озодии андеша тақдим мешавад ва парлумони Аврупо гуфт, ки талошҳои Навалнийро дар ошкор кардани фасод ва ҳам маҳдуд кардани озодиҳо дар Русия қадрдонӣ мекунад. Дар миёни довталабони дигари ин ҷоиза инчунин гурӯҳи фаъолони зан аз Афғонистон ва ҳам як сиёсатмадори зиндонӣ аз кишвари Боливия ҳам буданд. Раиси парлумони Аврупо Девид Сассули гуфт... Читать дальше...
Кумитаи амнияти милли Қирғизистон мегӯяд, "фаъолияти устувори коррупсионии кормандони Хадамоти марзбонии ин кишварро ошкор кардааст. Ба огаҳии кумита, "кормандони гузаргоҳи марзии "Достук-автодорожний", ки аз сӯи сардорони шуъбаҳои Хадамоти марзбонии Қирғизистон ҳимоят мешуданд, аз мусофирон, аз ҷумла узбекистониҳо ва ронандагони мошинҳои боркаш ҳангоми убури марзи ин кишвар пул мегирифтаанд. Сардори гузаргоҳи марзии "Достук-автодорожний" А.Э., сардори бахши Хадамоти марзбонии Қирғизистон дар... Читать дальше...