Пештар сокинон шикоят доштанд, ки ба артиши Тоҷикистон асосан фарзандони кишоварзону камбизоатро маҷбурӣ мебаранд, аммо фарзандони шахсони доро ва мансабдор ҷалб намешаванд.
Дар Тоҷикистон тақрибан се ҳафта боз даъват ба сафи артиш идома дорад ва бори аввал аст, ки ҷавонон ҳақ доранд, дар ивази пардохти пул аз ин уҳдадории ҳатмӣ озод шаванд. Хабарнигори Радиои Озодӣ аз чанд раҳгузар пурсид, ки оё ин кор дуруст аст ё бояд ҳатман хидмат кард?
Фаъолони аҳзоби сиёсӣ ва ҷомеаи шаҳрвандии Узбекистон аз афзоиши фишорҳо дар арафаи интихоботи навбатии президентии ин кишвар шикоят мекунанд.
Камчин шудани орд дар Туркманистон боис шудааст, ки даҳҳо нонвойи шахсӣ дар шаҳри Ишқободи он кишвар баста ва садҳо коргар бе ҷойи кор монад. Ба гуфтаи як манбаъ, дар шаҳри Ишқобод ҳафтаи пеш бештар аз 30 нонвойхона баста шудааст.
"Суғдсинамо" филмеро дар бораи Саидмурод Давлатов ба намоиш гузошт, ки баҳси ҷонибдорон ва мухолифони ӯро барангехт. Давлатовро дар Тоҷикистон ва берун аз он ҳамчун равоншинос ва мураббии соҳибкорони навроҳ мешиносанд, вале назарҳо нисбат ба ӯ ва кораш якранг нест.
"Суғдсинамо" филмеро дар бораи Саидмурод Давлатов ба намоиш гузошт, ки баҳси ҷонибдорон ва мухолифони ӯро барангехт. Давлатовро дар Тоҷикистон ва берун аз он ҳамчун равоншинос ва мураббии соҳибкорони навроҳ мешиносанд, вале назарҳо нисбат ба ӯ ва кораш якранг нест. Тафсилотро дар видео бинед.
Гуруҳе аз ҳомиёни ҳуқуқи ҷонварон дар Тоҷикистон бо муроҷиат ба мақомоти баландпоя хостаанд, ки дар решакан кардани бадрафторӣ бо ҳайвонот, аз ҷумла сагҷанг, кумак кунанд. Мақомот мегӯянд, чаҳор моҳ пеш ҷазоро барои озори ҳайвонҳо сахттар карданд.
Гуруҳе аз ҳомиёни ҳуқуқи ҷонварон дар Тоҷикистон бо муроҷиат ба мақомоти баландпоя хостаанд, дар решакан кардани бадрафторӣ бо ҳайвонот кумак кунанд.
Дар идомаи сафараш ба кишварҳои соҳили Баҳри Сиёҳ вазири дифои ИМА Лойд Остин рӯзи 19-уми октябр аз Гурҷистон вориди Украина шуд. Ӯ баъди фуруд омаданаш дар фурудгоҳи шаҳри Киев дар Твиттераш навишт: “Ман барои намоиши пуштибонӣ аз соҳибихтиёрӣ, тамомияти арзӣ ва ормонҳои авроатлантикии Украина ва ҳам ӯҳдадории мо барои тақвияти тавонмандиҳои Украина дар муқобила бо таҷовузҳои ояндаи Русия ин ҷо ҳастам”. Дар ин сафар Остин бо президенти Украина Владимир Зеленский ва вазири дифоъ Андрей Таран гуфтугӯ мекунад. Читать дальше...
Иззат Амон, ҳомии ҳуқуқи муҳоҷирони тоҷикро, ки баҳори имсол аз Русия ихроҷ ва дар Тоҷикистон дастгир шуд, бо гуноҳи "қаллобӣ ба миқдори махсусан калон" ба 9 сол зиндон маҳкум карданд.
Як мақоми Ҷумҳурии Чех гуфт, президент Милош Земан, ки беш аз як ҳафта дар шӯъби эҳёгарии як беморхонаи шаҳри Прага қарор дорад, ҳоло тавони иҷрои вазифаҳои кории худро надорад. Милош Вистричил, сухангӯи Сенати Чех ахиран дар сӯҳбат бо хабарнигорон гуфт, умеди хеле кам ҳаст, ки Земан ҳафтаҳои наздик сари кор бармегардад. Ӯ гуфт, парлумон бояд заминаҳои қонунии ин вазъиятро баррасӣ кунад, ки дар набудани президент кадом мақом метавонад салоҳиятҳои ӯро иҷро кунад. Земанро як рӯз баъди интихоботи... Читать дальше...
Дар поёни сафараш ба Гурҷистон вазири дифои ИМА Ллойд Остин созишномаи муқаддамотии идомаи пуштибонии низомии кишвараш аз Тифлисро дар пешорӯи “амалҳои бесуботкунанда”-и Русия имзо кард. Иҷрои созишномаи ҷорие, ки бо номи Барномаи омодагии дифоии Гурҷистон маъруф аст, моҳи маи соли 2018 шурӯъ шуда, поёни соли ҷорӣ ба охир мерасад. Созишномаи рӯзи 18-уми октябр миёни Остин ва вазири дифои Гурҷистон Ҷавоншер Бурчуладзе имзошуда ҷойгузини барномаи пешин мешавад. Раҳбари Пентагон гуфт, ки ин санад дар... Читать дальше...
Раиси Кумитаи тафтишотии Русия, Александр Бастрикин, ҳангоми суханронӣ дар ҷаласае дар ниҳоди зери итоаташ муфаттишеро сахт танқид кардааст, ки аз шаҳри Анапа ба кор дар вилояти Ленингарди Русия омадааст.
Русия гуфт, ки дар вокуниш ба хориҷ кардани ҳашт узви ҳайати он дар қароргоҳи НАТО дар Брюссел дар моҳи ҷорӣ, фаъолияти ҳайатро бозмедорад. Вазири корҳои хориҷии Русия Сергей Лавров рӯзи 18-уми октябр гуфт, ки кори намояндагии Русия дар НАТО шурӯъ аз 1-уми ноябри имсол боздошта мешавад ва аз ҳамон рӯз аккредитатсия ё парвонаи кории ҳайати НАТО дар Маскав ҳам бекор мешавад. Лавров гуфт, ки агар НАТО суоле дошт, ба сафири Русия дар Белгия муроҷиат кунад. Ӯ ҳеҷ шарте барои азсаргирии кори ҳайат пеш нагузошт. Читать дальше...
Иззат Амон, ҳомии ҳуқуқи муҳоҷирони тоҷикро, ки баҳори имсол аз Русия ихроҷ ва дар Тоҷикистон дастгир шуд, бо гуноҳи "қаллобӣ ба миқдори махсусан калон" ба 9 сол зиндон маҳкум карданд.
Иззат Амон, ҳомии ҳуқуқи муҳоҷирон, ба 9 сол зиндон маҳкум шудааст. Сайбурҳон Шарипов, вакили мудофеи Иззат Амон, дар суҳбат бо Радиои Озодӣ гуфт, ҳукм баъд аз зуҳри 19-уми октябр эълон шуд.
Пайвандони Руфайда Иноятова гуфтанд, ки Додгоҳи олии Тоҷикистон Раҳматулло Гадоеви 30-соларо дар қатли фарзанди онҳо гунаҳкор дониста, ба ҳабси абад маҳкум кард.
Идораи ғизову дорувори ИМА (FDA) омода аст, ки ба шаҳрвандони ин кишвар иҷоза диҳад, ки ҳангоми гирифтани воксинаи сеюми тақвиятдиҳанда аз воксинаи фарқкунанда аз ду воксинаи пешин истифода кунанд. Дар ин бора рӯзи 18-уми октябр нашрияи The New York Times хабар дод. FDA моҳи гузашта барои афроди аз 65-сола болои пурра эмшуда гирифтани воксинаи ширкатҳои Pfizer ва BioNTech-ро ҳамчун воксинаи сеюм иҷоза дод. Инчунин гирифтани воксинаҳои ширкатҳои Moderna ва Johnson & Johnson барои тақвияти муқовимати... Читать дальше...
Дар пешорӯи афзоиши ҳодисаҳои гирифторӣ ба коронавирус мақомоти Санкт-Петербург, дуюмин шаҳри калонтарини Русия маҳдудиятҳои иҷтимоиро сахттар мекунанд. Дар миёни тадбирҳои нав зарурати доштани маълумотномаи сиҳҳатӣ зикр шудааст, ки барои ворид шудан ба маъракаҳои серодам зарур мешавад. Борис Пиотровский, муовини раиси шаҳр гуфт, ки шурӯъ аз 1-уми ноябр ба ҳангоми ворид шудан ба варзишгоҳу муассисаҳои фарҳангӣ, ки дар як вақт ҳузури беш аз 40 нафарро пешбинӣ мекунад, доштани QR-коди вазъи сиҳҳатии шахс ҳатмӣ мешавад. Читать дальше...
Баъди аз Афғонистон берун шудани нирӯҳои ғарбӣ, Залмай Халилзод ҳам аз мақоми фиристодаи аршади ИМА дар ин кишвари ҷангзада канор рафт. Дар як изҳороташ рӯзи 18-уми октябр котиби давлатии ИМА Энтони Блинкен гуфт, Халилзод, ки пеш аз дар Афғонистон сари қудрат омадани “Толибон”, музокиротро бо ин гурӯҳи исломӣ ба роҳ монда буд. Ҷои Халилзоди 70-соларо дар ин мақом Томас Вест ишғол мекунад. Халилзод дар номаи истеъфояш аз корҳои кардааш ҳимоят кард ва айни замон эътироф кард, ки бархе корҳоеро, ки мехост, иҷро карда натавонист. Читать дальше...
Аз эълони пуркунии ариза барои дарёфти Green Card (гринкорт, корти сабз)-и Амрико ду ҳафта мегузарад, аммо ҳанӯз назди марказҳое, ки ба таҳияи ҳуҷҷати сокинон машғуланд, пур аз одам аст.
Додгоҳи олии Тоҷикистон баррасии парвандаи муттаҳам дар қатли Руфайдаи 8-соларо ба анҷом расондааст. Дар назар аст, ки ҳукми додгоҳ имрӯз эълон шавад. Мурофиа паси дарҳои баста гузашт ва ҳеч тарафе дар бораи ҷузъиёти он намехоҳанд суҳбат кунанд. Як ширкатдори мурофиа бо шарти зикр нашудани номаш ба Радиои Озодӣ гуфт, рӯзи гузашта додгоҳ сухани охирини айборшаванда ва вакили дифои онҳоро шунид ва ба хонаи машваратӣ рафт. Додрас гуфтааст, имрӯз 19-уми октябр ҳукми худро эълон хоҳанд кард. Руфайдаи Иноятова... Читать дальше...
Рӯзи 18-уми октябр дар шаҳраки Олимпияи Юнон оташи Бозиҳои зимистонаи олимпии Пекин-2022 фурӯзон карда шуд. Ин оғози сафари оташи олимпӣ ба Чин қабл аз 100 рӯзи саршавии бозиҳо мебошад. Дар ин бора сомонаи Кумитаи миллии олимпии Тоҷикистон хабар медиҳад.
ИМА тавассути Оҷонсии Амрико дар умури рушди байналхалқӣ (USAID) эълом кард, ки ба Қазоқистон барои мубориза бо COVID-19 дар ҳаҷми 2,4 миллион доллар кӯмак мерасонад. Дар ин бора рӯзи 18-уми октябр дар сомонаи сафорат ва консулгарии ИМА дар Қазоқистон иттилоъ дода шудааст. Аз ибтидои вабои коронавирус ИМА ба Қазоқистон бештар аз 6,8 миллион доллар кӯмак расонидааст. Ба иттилои сафорати ИМА дар Қазоқистон, USAID бештар аз 5 ҳазор корманди соҳаи тибро барои мубориза бо коронавирус омӯзиш додааст.
Залмай Халилзод, намояндаи вижаи Иёлоти Муттаҳида барои сулҳи Афғонистон аз мақомаш истеъфо медиҳад. Халилзод роҳбари ҳайати Амрико дар музокира бо гуруҳи Толибон буд. Дар бораи истеъфои ӯ, расонаҳои амрикоӣ бо такя ба Департаменти давлатӣ ё Вазорати корҳои хориҷии ИМА хабар доданд.
