Як гуруҳ аз паноҳҷӯёни тоҷик бо нигаронӣ "аз дароз нашудани муҳлати иқомати худ" аз мақомоти Олмон хостаанд, ки онҳоро ба Тоҷикистон ихроҷ накунанд.
Бино ба гузоришҳо, дар натиҷаи таркиши маргталабона дар дохили масҷиди шиаҳо дар вилояти Кундуз, шимоли Афғонистон, ба камияш 100 нафар кушта ва захмӣ шудаанд. Ҳодиса 8-уми октябр рӯй дод.
Бурҷи мавҷафкани телевизион, бинои нави ҳукумати Тоҷикистон сохтмонҳои баландманзил дар даромангоҳи Файзобод ва даҳҳо сохтмонҳои мухталифи муосир аз тарҳҳое буданд, ки дар намоишгоҳ озмуни байналмилалии меъморӣ дар Душанбе рӯзи 8-уми октябр ҳузур пайдо карда буданд.
Як таҳқиқот маълум кардааст, ки дар вилояти Суғд қариб 500 шахси бесарпаноҳ дар кӯчаву минтақаҳои касногузар зиндагӣ мекунанд. Муҳаққиқон ин афродро "қишри осебпазир" меноманд. Мақомот вуҷуди онҳоро инкор намекунанд, вале мегӯянд, баъзе аз шахсони бесарпаноҳ барои гирифтани ёрӣ муроҷиат накардаанд.
Намояндагони созмонҳои ғайриҳукуматӣ дар чанд минтақаи Суғд садҳо нафарри бехонумонро муайян кардаанд, ки дар шароити бад қарор доранд ва шабро дар кӯча рӯз мекунанд.
Баъди солҳои зиёди ҳамкорӣ бо Радиои Озодӣ Абдулло Ашӯров тасмим гирифт, фаъолияташро қатъ кунад.
Парлумони Украина Руслан Стефанчук, вакил аз ҳизби “Хидматгори халқ”-ро раиси нави парлумон интихоб кард. Аз номзадии ӯ дар овоздиҳии 8-уми октябр аз миёни 450 вакил 261 нафар ҷонибдорӣ карданд. Ӯ ба ҷои Дмитро Разумков ба ин мақом омад. Разумков баъди як ихтилоф бо ҳизби ҳокими “Хидматгори халқ” ба ин мақом баргузида шуд. Разумков аз мухолифони сарсахти маҳдудияти қонунӣ дар ҳузури олигархҳо дар сиёсату тиҷорат буд.
Дар шаҳри шимолии Қундузи Афғонистон рӯзи 8-уми октябр як таркиши пурқурбонӣ масҷиди шиаёнро такон дод. Шоҳидон гуфтанд, ки таркиши пурқудрат дар лаҳзаҳое рух дод, ки намозгузорон барои намози ҷумъа ҷамъ шуда буданд. Як сухангӯи вазорати корҳои дохилии “Толибон” Қорисаид Хустӣ ин хабарро ба AFP тасдиқ кард, вале ҷузъиёт надод.
Бозиҳои даври сеюми марҳилаи сеюми мусобиқаи интихобии қаҳрамонии ҷаҳон-2022 дар қораи Осиё рӯзи 7-уми октябр баргузор шуданд. Дар ин марҳила 12 дастаи беҳтарини қора, ки ба ду гурӯҳ тақсим шудаанд, рақобат карданд.
Соли 2021 Анҷумани рушди башарии “Ҷиил Албена” ва муассиси он Амин Ҷуброн барандаи ҷоизаи ба номи Нансени Комиссариати олии СММ оид ба паноҳандагон (UNHCR) гардиданд. Манижа Сангин, сафири ҳусни нияти UNHCR аст, ки дар маросими тақдими ин ҷоиза иштирок кардааст. Созмони “Ҷиил Албена” барои наҷоти ҷони даҳҳо ҳазор нафар қадрдонӣ шуд, ки дар паи ҷангу хунрезиҳо дар Яман маҷбур хонаву кишвари худро тарк кардаанд. Манижа Сангин, сафири ҳусни нияти UNHCR ахиран дар сӯҳбат бо вебсайти https://www.forbes.ru гуфт... Читать дальше...
Кумитаи норвежии Нобел 8-уми октябр дар изҳороте гуфт: "Ресса ва Муратов ҷоизаи Сулҳи Нобелро барои ҷасораташон дар мубориза барои озодии баён дар Филиппин ва Русия сазовор мешаванд."
Фиристодаи вижаи Русия дар умури Афғонистон мегӯяд, намояндагони "Толибон" барои арзёбии сарнавишти ин кишвар ба Маскав даъват шудаанд.
Қарор аст Шӯрои ҳуқуқи башари СММ фиристодаи вижаи худро барои Афғонистон таъин кунад, то ки қонуншиканиҳоеро, ки аз ҷониби “Толибон” ва дигар гурӯҳҳо содир мешаванд, таҳқиқ кунад. Дар овоздиҳии рӯзи 7-уми октябр барои қабули қатъномаи пешниҳодкардаи Иттиҳоди Аврупо 28 кишвар тарадор ва панҷ кишвар мухолиф, аз ҷумла, Чин, Покистон ва Русия овоз доданд. Аз 47 узв 14 нафарашон дар овоздиҳии Шӯрое, ки дар Женева қароргоҳ дорад, бетараф буданд. Қатъномаи Иттиҳоди Аврупо пешниҳод мекунад, ки гузоришгари... Читать дальше...
Рӯзи 8-уми октябр сардабири нашрияи русии “Новая газета” Дмитрий Муратов ва журналисти филиппиниву амрикоӣ Мария Ресса “барои талошҳояшон дар амри ҳифзи озодии баён” барандаи ҷоизаи сулҳи Нобел дар соли ҷорӣ шуданд.
Масъулони ширкати "Матин Тревел" гуфтанд, сайёҳонро ба шаҳрҳои Самарқанду Бухоро мебаранд ва барои ин кор аз Ситоди мубориза бо коронавирус иҷоза гирифтанд.
Як рӯз баъди он ки Додгоҳи конститутсионии Полша бартарии қонунҳои Иттиҳоди Аврупо аз болои қонунҳои миллии Полшаро “ғайриконститутсионӣ” номид, рӯзи 8-уми октябр Иттиҳоди Аврупо гуфт, ин қарор иштибоҳӣ аст. Коммиссиюни Аврупо баъди интизории тӯлонии ҳукми додгоҳ дар Варшава гуфт, ки қонунҳои аврупоӣ бартарӣ дошта, кишварҳои узви ИА бояд ба қонунҳои аврупоӣ пойбанд бошанд. Таҳаввулоте, ки дар Полша гузашт, муҳимтарин арзиши ҳамгироии аврупоӣ – бартарии қонунҳои ИА бар қонунҳои миллиро ба чолиш кашида... Читать дальше...
Ду довари футбол аз Тоҷикистон - Нодира Мирзоева (Душанбе) ва Дилшода Раҳмонова (ноҳияи Рӯдакӣ), ки имсол ба рӯйхати доварони мумтози Конфедератсияи футболи Осиё (AFC) шомил шуданд, барои ҳакамии бозиҳо дар мусобиқаи интихобии Ҷоми Осиё-2022 миёни дастаҳои мунтахаби миллии занона таъйин шуданд.
Ширкатҳои Pfizer ва BioNTech аз идораи масъули назорати дорувори ИМА дархост карданд, ки эмкунии кӯдакони 5 то 11-соларо бо ин воксина иҷоза диҳад. Аризаи ин ширкат дар Оҷонсии ғизову дорувори ИМА 26-уми октябр баррасӣ мешавад. Ин идора аллакай эмкунии наврасони аз 12-сола болоро дар ИМА бо ин воксина пурра иҷоза додааст. Агар чунин иҷоза дода шавад, дар ИМА 28 миллион кӯдаки 5 то 11-сола ҳақи эмшавӣ бо воксинаи Pfizer/BioNTech-ро ба даст меоранд. Таҳқиқот нишон медиҳад, ки ҳарчанд COVID-19 барои кӯдакон... Читать дальше...
Ширкати Microsoft мегӯяд, Русия масъули аксар ҳамлаҳои рахнагарӣ ба нармафзорҳои ин ширкати азими компютерӣ дар як соли охир мебошад. Ҳадафи ин ҳамлаҳо хароб кардани кори сохторҳои давлативу федеролии ИМА ва ҳам созмонҳои таҳқиқоти сиёсӣ будааст. Ширкати Microsoft рӯзи 7-уми октябр гузорише нашр кард, ки дар он аз ҳамлаҳои афзоянда гуфта мешавад ва ИМА мавриди аксари ин ҳадафҳо қарор доштаст. “Гузориш оид ба ҳимояти рақамии ширкати Microsoft”-ро коршиносони саноативу ҳукуматӣ аз наздик пайгирӣ мекунанд... Читать дальше...
Як депутати украинӣ, ки дар гузашта барои аз мақом барканор кардани додситони кулли кишвар нақш дошт, ҳангоми ҳаракат дар як такси дар шаҳри Киев даргузашт. Полиси миллии Украина дар изҳороте рӯзи 8-уми октябр гуфт, ки барои мушаххас кардани сабабҳои марги Антон Поляков колбадшикофӣ барпо мешавад. Полис мегӯяд, Полякови 33-сола дар дохили такси худро бад ҳис кард ва вақте ронандаи таксиро полиси роҳ барои вайрон кадани қоида нигоҳ дошт, Поляковро дар курсии пушти мошин дар ҳолати беҳушӣ дарёфтанд. Читать дальше...
Вазорати адлияи ИМА мегӯяд, марди афғоне, ки барои одамрабоӣ дар соли 2008 ба ҷавобгарӣ кашида шудааст, дар иттиҳомоти иловагӣ, аз ҷумла, куштори се сарбози амрикоӣ дар ҳамон сол гумонбар дониста шуд. Ҳоҷӣ Наҷибуллоро соли гузашта ба ИМА интиқол доданд ва дар паи таҳқиқи қазияи ӯ рӯзи 7-уми октябр ӯро дар иттиҳомоти нави куштори сарбозони амрикоӣ гумонбар эълон карданд. Дар изҳороти вазорати адлия омадааст, бар асоси парвандаи бозбинишудаи Наҷибулло, ҳамакнун нақши ӯ ба ҳайси як фармондеҳи “Толибон” арзёбӣ мешавад. Читать дальше...
Марзбонони Русия қирғизистониҳоеро, ки субҳи 7-уми октябр тавассути фурудгоҳи "Шереметево"-и шаҳри Москва вориди он кишвар шуданд, мавриди бозҷӯии шадид қарор доданд. Сафорати Қирғизистон дар Русия хабар додааст, ки барои расонидани ёрии ҳуқуқӣ ба муҳоҷирон се ҳуқуқшиносро ба фурудгоҳ фиристодааст. Яке аз ҳуқуқшиносон бо номи Акимбек Маматов гуфт, қирғизистониҳое мавриди санҷиши шадид қарор дода мешаванд, ки ному насаб ё шиносномаи худро иваз кардаанд. Шумораи шаҳрвандони Қирғизистон, ки ҳоло дар ин фурудгоҳи Москва қарор доранд... Читать дальше...
Абдулазиз Комилов, вазири корҳои хориҷии Узбекистон рузи панҷшанбеи 7-уми октябр ба Кобул рафт ва бо Амирхон Муттақӣ, вазири корҳои хориҷии ҳукумати Толибон, мулоқот кард.
Дабири кулли НАТО Йенс Столтенберг гуфт, иҷозатномаи кори 8 узви маъмурияти дипломатии Русия дар қароргоҳи ин эътилофи низомӣ дар Брюссел ба далели "корманди пинҳонии хадамоти махсуси он кишвар будан" бозхон шудааст. Масъулони НАТО дар пайи ошкор шудани фаъолияти "кормандони хадамоти махсуси Русия" тасмим гирифтаанд, ки шумораи кормандони маъмурияти дипломатии он кишварро аз 20 то ба 10 нафар кам кунанд. Столтенберг рӯзи панҷшанбе дар нишасти хабарӣ гуфт, "тасмими ихроҷи шаҳрвандони Русия ба ҳодисаи муайяне рабт надорад". Читать дальше...
Сардори Идораи марказии иктишофии ИМА Уилям Бёрнс гуфт, ниҳоди нав – "Маркази амалиётҳои Чин"-ро таъсис медиҳанд. Он бо таҳдиду хатарҳои ҳукумати Чин машғул мешавад. "Маркази амалиётҳои Чин" барои вокуниш нишон додан ба таҳдидҳои ҷаҳонии ҳукумати Чин таъсис дода мешавад", - омадааст дар иттилоияи идораи иктишофӣ. Бёрнс дар изҳороти худ Чинро муҳимтарин таҳдиди геопалитикӣ ба Амрико дар асри 21 номидааст. Ӯ афзуда, ки Хадамоти марказии иктишофии Амрико на зидди мардуми Чин, балки алайҳи ҳукумати коммунистии он мубориза мебарад. Читать дальше...
