Новости за 20.06.2025

ټاکل شوې ده چې نن په جینوا کې د ایران د بهرنیو چارو وزیر له خپلو یوشمیر اروپایي سیالانو سره غونډه وکړي. که څه هم تر دې مخکې عباس عراقچي ویلي و چې تر هغو به یې هیواد خبرو ته چمتو نه شي چې پر ایران د اسراییل بریدونه روان وي، خو د اسوشیتد پریس اژانس د راپور له مخې اوس عراقچي هیلمن دی چې له یوې اونۍ راهیسې د روانې جګړې د پای ته رسیدو لپاره یوه دیپلوماتیکه حل لاره پيدا شي. د جینوا په ننۍ غونډه کې به د بریتانیا، فرانسې او جرمني د بهرنیو چارو وزیران، همداراز د اروپایي ټولنې یوشمیر استازي برخه واخلي. د دې... Читать дальше...

ماښامنۍ خبري مجله ; دافغانستان ، سیمې او نړۍ مهم خبرونه او خبري رپوټونه

د جنوبي وزیرستان په مکین سیمه کې د جون پر ۲۰مه په یو ډرون برید کې یو ماشوم وژل شوی او پینځه نور ژوبل دي.د سیمې یوه چارواکي، چې نه یې غوښتل نوم یې واخیستل شي، د ازادي راډیو مشال څانګې ته ویلي چې برید د مکین په دشکه سیمه کې شوی دی. د ده په وینا، په ډرون برید کې د یو ښوونځي زده‌کوونکي لګېدلي دي.. دغه چارواکی وايي ژوبل ماشومان د زرمک روغتون ته رسول شوي چیرته چې د هغوی درملنه روانه ده. په شمالي او جنوبي وزیرستان او څېرمه سیمو کې تر دې وړاندې هم په ډرون بریدونو کې ملکي کسان او په ځانګړي ډول ماشومان مړه... Читать дальше...

د افغان سندرغاړې او د کابل ښار اوسېدونکې زلالې هاشمي کورنۍ ادعا کوي چې نوموړې له تېرو ۱۶ ورځو راهیسې نادرکه شوې او دوی یې په اړه هېڅ دول معلومات نه لري.

هایلایټ : د افغانستان، سیمې او نړۍ مهم تازه لنډ خبرونه

د جون ۲۰مه د کډوالو نړیواله ورځ ده. دا ورځ داسې مهال رارسېدلې چې په تېرو څلورو کلونو کې لکونه افغانانو د امنیتي ګواښونو او اقتصادي ستونزو په ګډون د بېلابېلو دلایلو له امله خپل هېواد پرېښی دی. یو شمېر دغو افغانانو چې ایران او پاکستان ته یې پناه وړې چې ستونزو تل شکایت کوي.

د پاکستان حکومت وايي چې پریکړه یې کړې چې افغان موټر چلوونکو ته داسې کلنۍ ویزې ورکړي چې بیا بیا پرې پاکستان ته سفر کولی شي. په کابل کې د پاکستان سفارت د جون په ۲۰مه په ټویټر کې وویل چې د دې کټګورۍ لپاره د ویزې فیس به ۱۰۰ ډالر وي. سفارت دا هم وویل چې غوښتونکي اړ دي چې یو عکس، د خپل پاسپورټ کاپي، د تابعیت کارت، د موقتي داخلي سند (TAD)، د راجستر شوي ټرانسپورټ شرکت څخه د کار لیک او د موټر چلولو یو معتبر جواز انلاین اپلوډ کړي. وروسته له هغه چې طالبانو په ۲۰۲۱ کال کې د افغانستان کنټرول بیرته ترلاسه کړ،... Читать дальше...

په داسې حال کې چې په افغانستان کې د ښځو د رسنیز کار په وړاندې ګڼ محدودیتونه موجود دي، د "اقرا" په نوم د ښځو له خوانه ښځو ته انلاین مجلې خپل یو کلن مزل بشپړ کړ. د دې مجلې بنسټ اېښودونکې او مسووله چلوونکې وايي، هدف مو د افغان ښځو غږ پورته کول او ورته انعکاس ورکول دي.

نن، سبا په یو شمیر اروپايي هیوادونه کې په پرله پسې توګه د مشهورو هنرمندانو کنسرتونو روان دي. ښاپیرۍ نغمه، هارون پاچا او جاوید امیرخیل په اروپا کې دي.

د اسراییل هوایي ځواکونه وایي، نن یې د ایران په لسګونه سیمې په نښه کړې دي. د اسراییل دفاع وزارت په ټیلګرام کې لیکلي دي، تر شپیتو ډیرو (IAF) جنګي الوتکو په دې بمباریو کې برخه واخیسته. د اسراییل دفاع وزارت څرګندوي چې د ایران صنعتي سیمې یې په نښه کړې دي، د اسراییل پوځ ادعا کوي چې په دې ځایونو کې ایران وسلې جوړوي.

د اسراییل په جنوب کې د بیر شبع په سیمه او د هغې شاوخوا کې د ایران د توغندیو په تازه برید کې اووه تنه ټپيان شوې دي. د راپورونو له مخې په دې برید کې شاوخوا ودانۍ ډیرې زیانمنې شوې دي. د ایران د دې حملو ټپیان روغتون ته لیږدیدلي دي. دا دوهمه ورځ ده چې د بیر شبع پر ښار د ایران توغندي لګیږي.

د جون پر ۱۸مه د خوست د صدقو په سرحدي سیمه کې د څلويښتو لوبډلو تر منځ د کرکټ دوه میاشتنۍ سیالۍ پای ته ورسیدې. د یادو لوبو مالي لګښت چې په عربي هېوادونو کې میشتو مساپرو پرغاړه اخیستې وو، اتلولي يې د صدقو لوبډلې او دویم مقام يې د قدمو ټیم په خپل نوم کړ. د برنامې تابیا کوونکو د یادو لوبو موخې د ځوانانو یووالی، د کرکټ د نویو استعدادونو پېژندل او خلکو لپاره د سالمې بوختیا برابرول دي. نور حال د نجیب الله الوخېل په رپورټ کې وګورئ

د امریکا سپینې ماڼۍ ویلي ولسمشر ډونالډ ټرمپ به "په دوو اونیو کې" پریکړه وکړي چې د اسراییل او ایران په شخړه کې نېغ په نېغه ښکیل شي او که نه؟ د سپینې ماڼۍ ویاندې کارولین لیویټ د جون پر ۱۹مه ناوخته د خبري غونډې پر مهال د ولسمشر ټرمپ خپل پېغام ولوست. دا په داسې وخت کې ده چې د اروپا د درو سترو هیوادونو، برتانیا، فرانس او جرمني ډپلوماټ د جون پر ۲۰مه په جنېوا کې د ایران د بهرنیو چارو له وزیر عباس عراقچي سره لیده کاته کوي. اسرارعالم مومند په دې اړه د رویټرز او اې ایف پي له ویډیوګانو رپورټ برابر کړی دی.

د الوتنو د څار ویبپاڼې په باور د ایران او اسراییل د جګړې له امله د افغانستان پر فضا نړیوال پروزاونه نږدې پنځه برابره زیات شوې دي. د دې ویبپاڼې د راپور له مخې پخوا به هره ورځ شاوخوا پنځوس الوتنې د افغانستان له سره تېریدې چې نن سبا یې شمیره دوه سوه اتیاوو ته رسیدلې ده. له تیرې یوې اونۍ راهیسې د ایران هوایي حریم د جګړې له امله بند شوی دی. هره الوتکه چې د یوه هیواد پر فضا تیریږي د هغې د وزن له مخې محاسبه کیږي چې څو ډالره باید ورکړي. د ملکي هوایي چلند د نړیوال سازمان(ICAO) د اصولو له مخې په ځینو مواردو کې دا فیس تر زر ډالرو زیاتیږي. Читать дальше...

پاکستاني چارواکي وايي د اسراییلو او ایران ترمینځ د جګړې له پیلېدو وروسته له ایرانه د پاکستانيو وګړو د واپسۍ لړۍ روانه ده. د بلوچستان چارواکي خبر ورکوي چې د جون پر ۱۸مه د ایران او پاکستان ترمینځ د تفتان له پولې شاوخوا څلورنیم سوه کسان خپل هېواد ته ستانه شوي دي. دا لړۍ له تېرو درو ورځو راهیسې روانه ده او د چارواکو په وینا تر دې مهاله پر دې لاره له ایرانه له ۱،۰۰۰ زیات پاکستاني وګړي ستانه شوي دي. اسرار عالم مومند په دې اړه د رويټرز او اې اېف پي له ويډيوګانو دا رپورټ جوړ کړی دی.

د امریکا دفاع وزارت تر دې وړاندې پخلی کړی چې له اسراییل سره یې د هغو مرمیو په شنډولو کې مرسته کړې چې ایران ور توغولې وې خو د دوی په وینا تر اوسه په دې جګړه کې ښکېل شوي نه دي

د فوټبال کلپونو په نړیوال جام کې انټرمیامي د مسي په هڅو خپل سیال ته ماته ورکړه. انټر میامي چې ۲ پر ۱ پورتو لوبډله ماته کړه. په دې لوبه کې پورتو لومړی ګول په ۸ دقیقه کې ترسره کړ. میامي ټیم په ۴۷ دقیقه کې مساوي ګول ترسره کړ او بلاخره د نړۍ وتلي فوټبال لیونل مسي وتوانېد په یوې ازادې ضربې سره د خپل ټیم په ګټه دویم ګول ووهي. د نړۍ د فوټبال کلپونو اتلولي سیالۍ د ۳۲ کلپونو تر منځ د جون له ۱۵مې پيل شوي.

د طالبانو د امرباالمعروف او نهی عن المنکر وزارت ترانه ویونکو او نعت خوانانو ته خبرداری ورکړی چې خپل نعتونه او ترانې د سندرو په طرز وړاندې نه کړي. د دغه وزارت ویاند سیف الاسلام خیبر په خپله ایکس پاڼه دا تازه خبرداری خپور کړی. هغه ټینګار کړی چې له سرغړونکو سره به اصولي چلند وشي. په بیان کې ټینګار شوی چې ترانې او نعتونه د پوهې او فکري پراختیا ژبه ده او د طالبانو په خبره چې باید «تحریف او بې ارزښته نه شي». د طالبانو حکومت مخکې هم څو واره ترانه ویونکو او نعت خوانانو ته ته په دې اړه خبرداری ورکړی. د طالبانو... Читать дальше...

زلالې هاشمي کلونه مخکې د افغان ستوري په نوم په یوه رقابتي پروسه کې ګډون کړی وو او د یوه محدود وخت لپاره یې سندرې وویلې. ځینو رسنیو د زلالې هاشمي د کورنۍ په حواله راپور ورکړی چې هغه په کابل کې له خپله کوره وتلې وه او د دوو اوونیو په تېرېدو یې لا د مرګ او ژوند خبر نشته. د ښځو د حقونو ځینو فعالانو هم د زلالې هاشمي په ورکېدو سخته اندېښنه ښوولې ده. د راپورونو له مخې زلاله چې واده شوې ده د یواځیني څلور کلن ماشوم صحي وضعه یې ښه نه ده. د طالبانو حکومت لا د دې افغان سندرغاړې په ورکېدو څه تبصره نه ده کړې.... Читать дальше...

د روغتیا نړیوال سازمان (ډبلیو، ایچ، او) او همکارې ادارې یې «د روغتیا نړیوال کلستر» ویلي چې په افغانستان کې د شري او ملاریا ساري ناروغۍ زیاتې شوې دي.

سپینې ماڼۍ ویلي ولسمشر ډونالډ ټرمپ به "په دوو اونیو کې" پریکړه وکړي چې ایا په مستقیم ډول د اسراییل او ایران په شخړه کې ښکیل شي که څنګه؟