د کابل پراخه اورلګېدنه؛ د کمپنۍ بازار لیلامي مارکېټ ته ډېر تاوان اوښتی امریکا ته د افغانستان په شمول د ۱۲ هېوادونو په اتباعو سفري بندیز کالیفورنیا کې د ناقانونه کډوالو پر ضد د عملیاتو په وړاندې پراخې تاوتریخجنې مظاهرې جرمني کې یوه ښځه د پولیسو په ډزو مړه شوې. هغې دوه کسان په چاقو وهلي وو او هسپانیه او پرتګال نن شپه د اروپايي ملتونو فوټبال پایلوبه کوي. ⬇دا خبرونه په هایلایټ کې د صفي الله ستانکزي په کوربه توب کتلی شئ
د مرسي کورپس په نوم یوې نړیوالې موسسې په کابل ښار کې د اوبو د جدي ناورین خبرداری ورکړی دی.
د غزې د بشري مرستو بنسټ (GHF) وویل چې نن یکشنبې په غزه کې د خپلو مرستو د ویش یو مرکز بیا پرانیزي. ددغه بنسټ مراکز دشنبې او جمعې په ورځ د امنیتی دلایلو له امله وتړل شول.
د پاکستان ډان نیوز او نورو رسنيو د جون پر اتمه خبر ورکړی چې د هغې زلزلې پر مهال له ملیر جیل څخه تښتېدلي قیدیانو د بیا نیولو لړۍ روانه ده.
ایراني رسنیو له دې ډلې ایرنا خبري اژانس د سیستان بلوچستان ولایت د زاهدان ښار د پولیسو د قومندان حمید نوري په حواله راپور ورکړی چې تېر یوه اوونۍ یې په زاهدان ښار کې سلګونه افغان کډوال نیولي دي.
د جرمني پولیسو یوه ښځه وروسته له هغه په مونیخ ښار کې په ډزو وویشتله چې په دوو نورو کسانو یې د چاقو حمله کوله. دې دېرش کلنې ښځه وروسته په روغتون کې ساه ورکړې. د جرمني خبري اژانس ډي پي اې راپور ورکړ چې د شنبې په ورځ دې ښځې په ترزینویزه سیمه کې پر یوه سړي او یوې ښځې د چاقو حمله وکړه. د بایرن ایالت د پولیسو ویاند وویل چې د بریدګرې ښځې له خوا دا سړی او ښځه سطحي ژوبل شوي. د برید انګېزه لا روښانه نه ده.
په افغانستان کې ګڼ خلک هلته د شته طبي لابراتوارونو د کیفیت په اړه شکایتونه لري او وایي، دا مرکزونه د دوی د نن سبا اړتیاوې نه پوره کوي.
نن سهار د کابل د پنځمې ناحیې په کمپنۍ بازار کې یو لوی اور لګېدلی. د راپورونو په اساس اور د لاسي توکو او لیلامیو په مارکېټ کې لګېدلی. د مرګ ژوبلې یا احتمالي زیان په اړه کوم راپور نشته. په خواله رسنیو د دې اور ګڼې ویډیوګانې خپرې شوي چې ښيي د اور لمبې نورو سیمو ته هم پراخیږي او تر ډېره لوړه لوګی هوا ته پورته شوی. په ویډیوګانو کې د ځینو وړو چاودنو غږونه هم اورېدل کېږي چې ښايي د وړو ګاز ډبو د چاودنو وي.
هسپانیه او پرتګال به نن شپه د اروپايي ملتونو د فوټبال اتلولۍ لیګ پایلوبه کې سره مخ شي. دا په زړه پورې لوبه د افغانستان په وخت د شپې په ۱۱:۳۰ بجو پیلیږي. تر لوبې مخکې ګڼو خلکو د فوټبال له وتلي ستوري کریستیانو رونالډو سره د ځوان او تکړه لوبغاړي لامین یامال د مخ کېدو په اړه څرګندونې او مقایسې کړي دي. رونالډو بیا په یوه کنفرانس کې وویل چې پر لامین باید د خلکو زیات فشار نه وي او هغه پرېښودل شي چې خپله لوبه وکړي ځکه ډېر استعداد لري. فرانسه او جرمني به هم د دریم مقام لپاره سیالي وکړي. د دوی لوبه بیا د افغانستان په وخت د ماښام په پنځه نیمو پيلیږي.
د امریکا ولسمشر ډانلډ ټرمپ د جون پر اوومه په لاس اينجلس کې د غیرقانوني کډوالو پرضد د چاپو له وجې راپورته شويو ناکراریو سره د مقابلې لپاره د ملي ګارډ د ۲۰۰۰ سرتیرو ځای پر ځای کولو اعلان کړی دی. کیلیفورنیا ښار کې د شنبې په ورځ هم مظاهري شوي وي ځکه چې د لاطیني اکثريت سيمې اوسیدونکي د فیډرالي مهاجرت او ګمرکي ادارې سرتيرو سره نښتي شوې وې. د امريکا د کډوالو او ګمرک ادارې ټام هومن فاکس نيوز ته ويلي دي چې دوي لاس اينجلس خوندي کوي.
د طالبانو د حکومت ريیس والوزرا دا څرګندونې پر داسې مهال تکرار کړې دي چې د افغانستان د تېر جمهوري نظام د پخوانیو پوځیانو په نښه کېدو په اړه په پرلپسې توګه خبرونه مخې ته راځي.
په جسامت کې د پیل برابر دا نایاب ځناور د سویلي افریقا د ښکاریانو په نظر کې دی. نسل ژوغورونکې ادارې له دې ځناوره ښکر لرې کوي ځکه، ښکاریان د ګینډو ښکار د دې لپاره کوي چې ښکر ترې وباسي او د سویل ختیځې ایشیا او چین په غیرقانوني مارکیټونو کې یې په لوړه بیه خرڅ کړي. په هغو مارکیټونو کې د ګینډو ښکرونه په دودیزو درملو کې کارول کېږي. نور تفصیل د ایسوسيېټېډ پریس اژانس په دې راپور کې وګورئ:
د امریکا ولسمشر ډونالډ ټرمپ پرون شنبه په کلفورنیا ایالت کې د کډوالۍ د قوانینو ضد پراخو مظاهرو د کنټرول لپاره د ملي ګارد دوه زره سرتیري واستول. اسوشیتید پریس خبري اژانس لیکلي چې د کلفورنیا په لاس انجلس ښار کې دویمه پرله پسې ورځ هم خلکو مظاهره وکړه. دغه مظاهرې د جمعې په ورځ وروسته له هغه پيل شوې چې د امریکا د کډوالۍ او ګمرک ادارې کارکوونکو ۴۴ تنه د کډوالۍ نړیوالو قوانینو د سرغړونې په تور په یو لړ عملیاتو کې ونیول. په خپرو شویو ویډیوګانو کې ښکاري چې پولیس له مظاهره چیانو سره په شخړه اوښتي او د هغوی په ضد اوښکې بهونکی ګاز کاروي. Читать дальше...
د غزې د مدني دفاع په نوم یوه ځایي بنسټ ویلي چې اسراییلي سرتیرو پرون ۳۶ تنه فلسطینیان وژلي دي. فرانس پریس خبري اژانس د شنبې په ورځ د دغه بنسټ په حواله ویلي، شپږ تنه هغه مهال په ډزو ووژل شول چې د امریکا له ملاتړه برخمنې یوې موسسې له خوا د مرستو اخیستو ته راټول شوي وو. د اسراییل پوځ فرانس پریس ته ویلي، د دوی سرتیرو په رفح کې هغه مهال مرستې ته په راټولو شویو زرګونه کسانو " اخطاریه ډزې " وکړې چې د دوی سرتیرو د خطر احساس وکړ. غزه کې د نورو وژل شویو فلسطینانو په اړه خبر کې جزیات نه دي ورکړل شوي. د اسراییل... Читать дальше...
د مرسي کورپس په نوم یوه نړیواله موسسه وایي، د افغانستان پلازمېنه کابل په جدي ډول د اوبو له کمښت سره مخامخ دی. دغې موسسې په تازه څیړنه کې چې بریتانوۍ ګارډین ورځپاڼې پرون شنبه د جوزا په ۱۷مه خپرې کړي ویلي، که وضعیت همداسې دوام وکړي، کابل به ۲۰۳۰ پورې له بشپړې وچکالۍ سره مخامخ شي. مرسي کورپس د کابل د اوسنیو وګړو شمېر ۷ میلیونه ښودلی. د دوی په څيړنه کې راغلي چې د هوا ککړتیا او چټلو اوبو د کابل تر ځمکې لاندې اوبه هم خرابې کړي او خلک همدا اوس پاکو اوبو ته په لاس رسي کې له ګڼو ستونزو سره مخامخ دي. تر دې... Читать дальше...
د طالبانو د حکومت ريیس الوزرا پر هغو افغانانو چې له هېواده بهر وتلي، خپل وطن ته د ستنېدو غږ وکړ او ټینګار یې وکړ چې هېڅوک به دوی ته زیان ونه رسوي. ملا محمد حسن اخند په ارګ کې د اختر له لمانځه وروسته په خپله وینا کې یو ځل بیا د طالبانو د مشر دعمومي بخښنې پر فرمان ټینګار وکړ.
