Новости за 19.06.2025

دافغانستان د خبریالانو مرکز د سیمه ایزو منابعو له قوله رپوټ ورکوي چې په تخار کې د طالبانو د حکومت ابتدايي محکمې د دریو خبریالانو د برائت حکم صادر کړ. نصرت الله ابراهیمي، منیرهدف او اسدالله تیمور تبعیدي رسنیو سره په همکاري تورن او څه د پاسه یوه میاشت بندیان وو . یوې محلې سرچینی دافغانستان دخبریالانو مرکز ته ویلي چې دتالقان دښاري ابتدایي محکمې غونډه نن د تورنو کسانو ، ددوی د وکیلانو او خپلوانو په حضورکې وشوه. سرچینه زیاتوي چې قاضی ددغو خبریالانو د برائت او بشپړې آزادي چې پخوا په ضمانت آزاد شوي وو، حکم صادر کړ. Читать дальше...

د نن ورځې مهم خبرونه له سلطان محمد سرور سره

د روسیې ولسمشر، ولادیمیر پوتین، او د هغه چینایي سیال، شي جین‌پینګ، د پنجشنبې په ورځ، (د جوزا په ۲۹مه)، په یوه تلیفوني مکالمه کې د اسراییلو برید پر ایران په کلکه وغنده. د رویټرز خبري آژانس د راپور له مخې، دواړو مشرانو د تاوتریخوالي کمېدو پر اړتیا دنظراتفاق درلود. د کرملین ماڼۍ سلاکار، یوري اشاکوف، په یوه اعلامیه کې ویلي چې دواړو مشرانو ټینګار وکړ چې د اسراییلو برید د ملګرو ملتونو د منشور او نورو نړیوالو اصولو ښکاره نقض دی. نوموړي زیاته کړه چې مسکو او بیجینګ په بشپړ ډول باور لري چې د اوسني وضعیت... Читать дальше...

د ایران توغندیو په اسراییل کې یو روغتون ته زیان ورساوه. په عین حال کې ټرمپ په شخړه کې د امریکا د مداخلې په اړه غور کوي. خو ایراني رسنی وايی د اسراییل پوځي او استخباراتی تاسیسات په نښه شوي دي.

د پاکستان وفاقي حکومت د نوي مالي کال په بودیجه کې په لمریزه انرژۍ چلېدونکو هندارو ۱۸ سلنه ټیکس لګولو اعلان کړی دی. له دې اعلانه وروسته په پاکستان کې د لمریزې برېښنا د تولید د هندارو بیې لوړې شوې دي. د خیبر پښتونخوا ځینو خلکو مشال راډیو ته ویلې دي چې د یوې هندارې په بیه کې له درو تر پینځو زرو روپو پورې فرق راغلی دی. نور حال د مشال راډیو په دې ویډیويي راپور کې:

اسراییلي چارواکي وايي، ایران د جون پر ۱۹مه، د هغوی په جنوبي ښار بیرالسبع کې یو روغتون او په تل ابیب کې د هستوګنې ودانۍ په میزایلو ویشتي دي. په دغو بریدونو کې د ګڼو کسانو د مرګژوبلې راپورونه دي. اسراییلي چارواکي دا هم وايي چې دوی د جون پر ۱۹مه د ایران ځینې ستراتیژیکې سیمې په نخښه کړې دي. د مشال راډیو د خبر مرکزي څانګې راپور دلته وګورئ:

د جون ۱۹مه د اسراییلو او ایران ترمینځ د جګړې اوومه ورځ ده. اسراییلي چارواکي وايي، ایران د هغوی په جنوبي ښار بیرالسبع کې یو روغتون په میزایلو ویشتی دی. په سملاسي توګه د مرګژوبلې راپورونه نه دي ورکړل شوي. په همدې حال کې د امریکا ولسمشر ډانلډ ټرمپ چې د جون پر ۱۸مه یې د پاکستان د پوځ له مشر جنرال عاصم منیر سره وکتل، خبریالانو ته ویلي چې د دواړو ترمینځ د خبرو پر مهال د ایران او اسراییلو ترمینځ د جګړې په اړه هم خبرې شوې دي. ټرمپ وايي که څه هم پاکستان د ایران او اسراییلو ترمینځ د جګړې په اړه خپل یو دریځ... Читать дальше...

له شمالي وزیرستانه د پاکستان د پوځ د عملیاتو له وجې نورو سیمو ته کډه شوي خلک وايي، له ۱۰ زیات کلونه وشول چې د کډوالۍ ژوند تېروي او نور له داسې ژونده ستړي دي. دوی له حکومته غوښتنه کوي چې زر نه زر دې واپس خپلو مېنو ته ولېږل شي. بل پلو، د بنو د پولیسو یو مشر سجاد خان د جون پر ۱۹مه مشال راډیو ته ویلي دي چې د کډوالو د شکایتونو د لرې کولو هڅه کوي. د شمالي وزیرستان انتظامیه هم وايي چې د کډوالو د واپسۍ لپاره لازمه ده چې اول د هغوی کلي له وسلوالو تصفیه کړل شي. نور حال په دې راپور کې:

د اسراییل دفاع وزیر په ښکاره د ایران د ستر مشر ایت الله علي خامنه ای ژوند تهدید کړ. ییسراییل کاتز نن له خولون ښار څخه د لیدنې پرمهال چې ایران تیره شپه په توغندیو وویشت، وویل، خامنه ای بیا بیا دا خبره کړې ده چې اسراییل به له منځه وړي او ده تیره شپه پر روغتون د برید امر ورکړی دی. تیره شپه د ایران له خوا د توغندیو په برید کې د اسراییل په جنوب کې یوه روغتون ته زیان ورسید او تل ابیب ته نږدې څو استوګنیزې ودانۍ ولګیدې.

د اسراییلو دفاع وزیر ګواښ کوي چې دایران مشر علي خامنه ای "نور ژوندی نه شي پاتې کېدای" یسرائیل کاټز د پنجشنبې په ماسپښین د اسراییلو په مرکزي ښار هولون کې د استوګنې دهغو سیمو څخه لیدنه وکړه چې د پنجشنبې په سهار د ایران د توغندیو برید کې په نښه شوې او وویل چې علي خامنه ای "نور ژوندی نه شي پاتې کېدای." یسرائیل کاټز زیاته کړه: "خامنه ای په ښکاره ډول اعلان کړی چې د اسراییلو له مینځه وړل غواړي او شخصا خپله په روغتونونو د برید امر ورکوي." کاتز خامنه ای ته په اشاره وویل: "هغه د اسراییلو له مینځه وړل خپل هدف ټاکلی دی. Читать дальше...

ملګري ملتونه وایي په افغانستان کې یې په تېرو دریو میاشتو کې دوه زره او ۲۹۹ د نا امنۍ بیلابیلې پېښې ثبت کړې دي. د ملګرو ملتونو د سرمنشي په تازه درې میاشتني راپور کې راغلي چې په دې پېښو کې د تېر ۲۰۲۴ د ورته مودې پر پرتله درې سلنه زیاتوالی راغلی دی.

په افغانستان کې یو شمېر کورنۍ وايي له څو ورځو راهیسې نه دي توانېدلي چې په ایران کې له خپلو خپلوانو سره په ټیلفون خبرې و کړي.

د طالبانو د حکومت د بهرنیو چارو سرپرست وزیر امیر خان متقي وايي چې "افغان حکومت" د ایران له "خلکو" سره د اسلامي او بشري اصولو پر بنسټ همکارۍ ته چمتو دی. د طالبانو د حکومت د بهرنیو چارو وزارت اعلامیه زیاتوي چې ، متقي د پنجشنبې په ورځ (جون په ۱۹مه) ، په کابل کې د ناروې د سفارت د شارژدافیر، پییر البرټ الاساس سره په یوه غونډه کې د سیمې د اوسني وضعیت په اړه اندیښنه څرګنده کړه. په هرصورت، په اعلامیه کې دا یادونه نه ده شوې چې د طالبانو حکومت به د ایران له "خلکو" سره څه ډول همکاري وکړي. ایران کې په ملیونونو افغان کډوال ژوند کوي . Читать дальше...

پاکستاني چارواکي وايي د اسراییلو او ایران ترمینځ د جګړې له پیلېدو وروسته له ایرانه د پاکستاني وګړو د ستنیدو لړۍ روانه ده. د بلوچستان چارواکي خبر ورکوي چې د جون پر ۱۸مه د ایران او پاکستان ترمینځ د تفتان له پولې شاوخوا څلورنیم سوه کسان خپل هېواد ته ستانه شوي دي. دا لړۍ له تېرو دریوو ورځو راهیسې روانه ده او د چارواکو په وینا تر دې مهاله په دې لاره له ایرانه څه د پاسه ۱۰۰۰ پاکستاني اتباع واپس شوي دي. د بلوچستان ایالت چارواکي وايي په ستنو شویو کسانو کې سېلانیان، زیارت کوونکي او محصلین شامل دي. د ایران... Читать дальше...

روزا اوتونبایوا د یوناما مشره په داسې حال کې چې ملګروملتونو دافغانستان د وضعیت په هکله خپل نوی رپوټ نن خپور کړ، راتلونکې دوشنبې( جون ۲۳ مه) امنیت شورا ته وینا کوي. یوناما ، په افغانستان کې دملګرو ملتونو دسیاسي استازولی دفتر دپنجشبې په ورځ دا خبر په ایکس ټولنیزه شبکه کې خپور کړ. میرمن اوتونبایوا په خپل روستي رپوټ کې پر افغان مېرمنو د طالبانو د محدودیتونو د دوام له کبله ژوره اندیښنه څرګنده کړې وه. بلخوا ،دملګرو ملتونو عمومي منشي په خپل تازه رپوټ کې وايي چې دروان میلادي کال دفبروري له لومړي نیټې... Читать дальше...

پاکستاني چارواکي وايي د ایران سره د دوی پوله یو طرفه پرانیستې ده، له ایرانه خلک پاکستان ته اوړېدلی شي خو له پاکستانه چا ته اجازه نه ورکول کېږي چې هغه لوري ته ولاړ شي.

پلازمېنه کابل کې د وچکالۍ خبرداریو د دغه ۷ میلیوني ښار اوسیدونکي اندیښمن کړي او دې برخه کې د چټکو ګامونو غوښتنه کوي. دا اندیښنې وروسته تر هغه زیاتې شوې چې یوې نړیوالې موسسې وویل، ۲۰۳۰ کال کې به کابل د نړۍ لومړنی عصري ښار وي چې اوبه به ونه لري کابل کې تر ځمکې لاندې اوبه شاوخوا دیرش متره ښکته تللې دي.

دازادي راډیو سهارنۍ خبري مجله ; دافغانستان ، سیمې اونړۍ خبرونه او خبري رپوټونه

رایټرز اژانس لیکي، د امریکا ولسمشر ډانلډ ټرمپ چې د پاکستان د پوځ له مشر فیلډ مارشل عاصم منیر سره یې د غرمې د ډوډۍ پر مهال ولیدل دا هم وویل چې پر دې ملاقات ویاړي او په ترڅ کې یې د نورو موضوعاتو ترڅنګ د ایران په اړه هم خبرې کړې دي.

د اسراییلو صدراعظم، بنیامین نتانیاهو، د پنجشنبې په ورځ ادعا وکړه چې ایران د بئرالسبع ښار سوروکا روغتون او د هیواد په مرکز کې ملکي وګړي د توغندیز برید هدف ګرځولي دي. نتانیاهو په ایکس شبکه کې په یوه پوسټ کې ولیکل: «نن سهار، د ایران ترهګرو دیکتاتورانو د بئرسبع سوروکا روغتون او د هیواد په مرکز کې پر ملکي وګړو توغندي ویشتل.» هغه زیاته کړه: «د تهران دیکتاتوران به د دې اقدام بشپړه بیه پرې کړي.» دا څرګندونې په داسې حال کې شوي چې ایران وايي د دوی د توغندیز برید هدف، «د اسراییلو د پوځ لویه قومانداني او استخباراتي... Читать дальше...

د جون په ۱۶مه د خوست په تڼیو ولسوالۍ کې د قومي مخورو په منځګړیتوب د دوو کورنیو تر منځ ۲۰ کلنه دښمني چې درې کسان په کې وژل شوي ول، په دوستۍ بدله شوه. د مخکینۍ دښمنۍ ښکېلو خواوو په روغه جوړه خوښي څرګنده کړه او ويې ویل چې غواړي خپلو اولادونه ښوونځيو ته ولیږي او ازاد کار او کسب پیل کړي. بل لوري ته ځايي مسوولین وايي چې په خوست کې دوی سره د لویو او وړو دښمنیو ۹۰۰ قضیې ثبت دي چې ۳۲۳ هغه يې یوازې د تڼیو په ولسوالۍ کې دي. نور حال د مشال راډیو په دې ویډیويي راپور کې:

اروپايي ټولنه وايي، دې ته په پام سره چې بشري ناورین لا هم په افغانستان کې د نړۍ له سختو کړکېچونو شمېرل کېږي، په افغانستان کې دننه او په سیمه کې له زیانمنو افغانانو سره ۱۶۱ میلیونه یورو بشري مرستې کوي. په هغې اعلامیه کې چې دې ټولنې تازه خپره کړې راغلي چې له دې مرستې څخه، له ۱۴۱ میلیونه زیاتې به په افغانستان کې فعالو بشري مؤسسو ته ورکړل شي، او د اعلامیې په ټکو په ایران او پاکستان کې هم افغان کډوالو ته لس لس میلیونه یورو ځانګړې شوې دي. په دوام کې راغلي چې د اروپايي ټولنې نوې مرستې به د خوړو، درملنې،... Читать дальше...

د امریکا د بهرنیو چارو وزارت وايي، هغه بهرني زده کوونکې( محصلین) چې د زده کړو په موخه امریکا ته راځي باید د دې هېواد له وګړو، دولت، فرهنګ او نورو ټولو اصولو سره بلد وي او پوره احترام ورته ولري. رویترز خبري اژانس لیکي، پر زده کوونکو دا تازه فرمان پرون د جون ۱۸مه صادر شوی دی. له دې مخکې د ولسمشر ټرمپ ادارې د مې میاشتې په ۲۷مه د ټولو بهرنیو زده کوونکو تحصیلي بورسیې درولې وې. د امریکا د بهرنیو چارو وزارت یوه بل چارواکي د نوم نه ښودلو په شرط رویترز ته ویلي، "په تازه فرمان کې د بهرنیو زده کوونکو ټولنیزې... Читать дальше...

د روسیې ولسمشر ولادیمیر پوتین وايي، له ایران سره د ستراتیژیکو همکارایو قرارداد کې د پرمختللو وسلو ورکړه شامله نه ده. پوتین پرون چهارشنبې وویل، ایران له اسراییلو سره په جګړه کې له روسیې د پوځي مرستې غوښتنه نه ده کړې. پوتین چې په سن پټرزبورګ کې په یوه خبري کنفراس کې خبرې کولی وویل،" د مسکو له خوا تهران ته ورکړل شوي پوځي تجهیزات د اسراییلو له جګړې سره هیڅ ارتباط نه لري". پوتین د هغه پوښتنې په ځواب کې چې روسیه د اسراییلو پر ضد جګړه کې د ایران په ملاتړ دغه هېواد ته پرمختللې وسلې ورکوي او کنه وویل، "د... Читать дальше...

د ملګرو ملتونو د بشري حقونو کمیسیون وايي، په تیر ۲۰۲۴کال کې د ملکي کسانو په مرګژوبله کې ۴۰ سلنه زیاتوالی راغلی دی. دغه سازمان په خپل تازه راپور کې چې پرون چهارشنبې يې خپور کړی ویلي، په ټوله نړۍ کې ۴۸زره ۳۸۴ کسان چې له دې ډلې ۵۰۲ يې د بشري حقونو مدافعین وو، د تیرکال په نښتو کې وژل شوي دي. د بشري حقونو د کمیسیون په ټکو، په دې کسانو کې له هر پنځو، یو يې له تبعیض سره مخامخ و. دې سازمان وړاندې ویلي، موندنې يې ښيۍ چې د بشري حقونو فعالان په پراخه کچه له تاواتریخوالي او مرګ سره مخ دي. په دې راپور کې ویل... Читать дальше...