Бишкектин Биринчи Май райондук соту 9-октябрдын кечинде Жогорку Кеңештин мурдагы депутаты, “Мадина” базарынын ээси Турсунтай Салимовдун бөгөт чарасын карады. Соттун чечими менен ал 9-декабрга чейин УКМКнын тергөө абагына камалды. Бул тууралуу аны адвокаты Кайсын Абакиров Kaktus.media агенттигине билдирди. Сот жараяны жүрүп жаткан маалда Салимовдун кан басымы көтөрүлүп, Тез жардам чакырылганы, дарыгерлер аны алып кетишкени кабарланды. Жергиликтүү медиаларда жарыяланган видеодо аны менен кошо... Читать дальше...
Орусиянын президенти Владимир Путинге Чеченстан жумуриятынын жогорку сыйлыгы – Ахмат Кадыров атындагы орден ыйгарылды. Бул тууралуу Чеченстандын башчысы Рамзан Кадыров Телеграмга жазып, сыйлык «жаңы эле тапшырылганын» кошумчалады. Анын сөзүнө караганда, Путинге бул орденди ыйгаруу буйругуна 2007-жылы кол коюлган. Андан бери эмне себептен берилбей келгенин тактаган эмес. Кремлдин расмий сайтына бул тууралуу маалымат чыккан жок. Рамзан Кадыров менен Путин соңку ирет 28-сентябрда жолуккан. 7-октябрда... Читать дальше...
Түркияда түрмөдө жаткан укук коргоочу Осман Кавала Европа кеңешинин парламенттик ассамблеясынын (ПACE) Вацлав Гавел атындагы сыйлыгынын лауреаты болду. Бул тууралуу 9-октябрда жарыяланды. Вацлав Гавел атындагы сыйлык жыл сайын адам укугун коргоо жаатында «алгылыктуу иштерди» жүргүзгөндөргө ыйгыралат. Ишкер, филантроп жана укук коргоочу Кавала 2017-жылы Гези паркындагы каршылык акцияларына ыктымал байланышы үчүн камалган. Адам укуктары боюнча Европа соту анын камалышы Европа конвенциясына каршы... Читать дальше...
Сокулук районуна караштуу Жаңы-Жер айылында адам өлүмү менен аяктаган калайман мушташ боюнча дагы алты адам кармалды. Бул тууралуу Чүй облустук ички иштер башкармалыгы (ОИИБ) кабарлады. Маалыматка ылайык, 7-8-октябрда милиция кызматкерлери Жаңы-Жер, Восток жана Нижний-Восток айылдарында 11 үйгө тинтүү жүргүзүштү. Жыйынтыгында уюлдук телефондор, курал-жарактар, баңгизат жана башка тыюу салынган буюмдар алынды. Табылган буюмдардын баары далил катары алынып, тиешелүү экспертизалар дайындалды. ... Читать дальше...
УКМК Камчы Көлбаевдин кылмыштуу тобуна байланышы бар 40тан ашык адамды кармаганын билдирди. Көлбаевге тийиштүү делген 1 миллиард долларлык активдер камакка алынганын жарыялады. Израил менен Газа секторундагы топтордун кармашынан мерт кеткендер миңден ашты. Расмий Бишкек билдирүү таратып, тараптарды ынтымакка келүүгө чакырды. Ооганстанда 7-октябрдагы жер титирөөдөн набыт болгондордун саны 2400гө жетти. Он миңден ашуун киши жаракат алып, эки миңден көп турак жай талкаланды.
Европа Биримдиги Кыргызстандын билим берүү тармагын өнүктүрүү үчүн гранттык негизде 7 млн евро (665 млн сом) берди. Бул тууралуу Финансы министрлиги кабарлады. Маалыматка ылайык, Евробиримдик Кыргызстанга 2023-2026-жылдарга билим берүү тармагын өнүктүрүү стратегияларын ишке ашыруу программасына 27 млн евро бөлгөн. 7 млн евро ошол акчанын алгачкы траншы. "Программанын алкагында билимдин сапатын жана окуучулардын билим деңгээлин жогорулатууга, билим берүүдө гендердик теңчиликти жана көп тилдүүлүктү өнүктүрүүгө... Читать дальше...
Кыргызстандын Тышкы иштер министрлиги Израил менен Газа секторундагы топтордун кармашы курчуп кеткенине байланыштуу билдирүү таратып, эки тарапты ынтымакка келүүгө чакырды.
Израилдин коргоо министри Йоав Галант Газа тилкесин толук блокадага алуу тууралуу буйрук бергенин 9-октябрда билдирди. "Электр жарыгы, азык-түлүк, отун-суу болбойт. Биз варвардык террорчулар менен күрөшүп жатабыз жана тийиштүү жооп кайтарабыз", - деди Галант. Газа тилкесинде 2,3 миллион киши жашайт. Буга чейин Израилдин Инфраструктура министрлиги соңку окуялардан кийин Газага суу берүүнү токтоткон. Израилдин армиясы ХАМАС радикал тобунун жоочулары кирип барган калктуу конуштардын баарына көзөмөлдү... Читать дальше...
Улуттук коопсуздук боюнча мамлекеттик комитетинин (УКМК) кызматкерлери Караколдо "Салафия" диний агымынын активдүү мүчөлөрүнүн үйлөрүндө тинтүү жүргүздү. Мекеменин басма сөз кызматы кабарлагандай, анда ок-дарылары менен ок атуучу куралдар, диний адабияттар, баракчалар, брошюралар, флеш-карталар, дисктер жана уюлдук телефондор алынган. Диний материалдар боюнча теологиялык экспертиза дайындалды. Атайын кызмат буга чейин мусулмандарды мечиттерде намаз окууда жана башка диний жөрөлгөлөрдү аткарууда... Читать дальше...
Улуттук коопсуздук боюнча мамлекеттик комитеттин (УКМК) өтүнүчү менен Рустам Турдиев 4-декабрга чейин камакка алынганын 9-октябрда Бишкектин Биринчи Май райондук сотунун басма сөз кызматы билдирди. Мекеменин маалыматына караганда, бөгөт чарасы 7-октябрда каралды, камакка алуу тууралуу өтүнүч менен УКМКнын Башкы тергөө башкармалыгынын тергөөчүсү кайрылган, сот аны канааттандырды. Чечимге ылайык, Турдиев атайын кызматтын тергөө абагында кармалат. Интернеттеги айрым маалыматтарга караганда, Кылмыш-жаза... Читать дальше...
Кыргызстан менен Тажикстандын топографиялык жумушчу топтору соңку кездешүүдө чек ара тилкесинин 43,32 чакырымын макулдашты. Бул тууралуу өкмөттүн басма сөз кызматы кабарлады. Бирок макулдашылган тилкелердин чоо-жайы тууралуу маалымат берилген жок. Мунун алдында, ушул айдын башында эки өлкөнүн атайын кызматтарынын башчылары Камчыбек Ташиев менен Саймумин Ятимов баштаган делегациялар 2-октябрда Баткенде кездешип, чек ара боюнча протоколго кол коюшкан жана тараптар бул документ чек араны чечүүгө өбөлгө болорун билдиришкен. Читать дальше...
Атайын операция маалында өлтүрүлгөн Камчы Көлбаевдин (Камчыбек Асанбектин) 1 миллиард долларлык активдери камакка алынды жана аны менен байланышта болгон 40тан ашык адам кылмыштуу топтун активдүү мүчөсү катары кармалды. Бул тууралуу Улуттук коопсуздук боюнча мамлекеттик комитет 9-октябрда кабарлап, Көлбаевдин мүлктөрү катары көрсөтүлгөн 13 мүнөттүк видео тасманы да таратты. Ошондой эле атайын кызмат кримавторитет “кылмыштуу империя” түзгөнүн, саясатчыларга да таасир эткидей даражага жеткенин белгиледи. Читать дальше...
Быйыл ноябрь айында Кыргызстанда беш күн катары менен дем алыш болот. Эмгек, социалдык камсыздоо жана миграция министрлигинин маалыматына караганда, 6-ноябрдагы (дүйшөмбү) иш күн 11-ноябрга (ишемби) которулду. 4-5-ноябрь ишемби жана жекшемби болот, ал эми 7-8-ноябрь Тарых жана ата-бабаларды эскерүү күндөрү деп 2017-жылдан бери белгиленип келе жатат. Ошентип, кыргызстандыктар 4-ноябрдан 8-ноябрга чейин эс алышат, ал эми 11-ноябрь ишемби күнү иш күнү болот. «Тарых жана ата-бабаларды эскерүү күндөрү жөнүндө» мыйзамдын максаты ... Читать дальше...
Бишкекте КМШга мүчө мамлекеттердин таланттуу жаштарынын XVII Дельфи оюндары өтүп жатат. Маданият, маалымат, спорт жана жаштар саясаты министрлигинин маалыматына караганда, искусствонун бир канча түрү боюнча өтүп жаткан сынактарга КМШ өлкөлөрүнөн жалпы 600гө жакын жаш өнөрпоздор катышууда. 8-октябрда Дельфи оюндарынын алкагында Калый Молдобасанов атындагы Кыргыз улуттук консерваториясында скрипка багыты жана эстрада багыты боюнча сынактардын I туру өттү. Ушул эле күнү Абдылас Малдыбаев атындагы... Читать дальше...
Кыргызстандын акыйкатчысы Жамиля Жаманбаева Баткенде жергиликтүү эл менен жолугушту. Анда балдарына жөлөк пул ала албаганына даттанган энелер көп болгон. Акыйкатчынын басма сөз кызматы кабарлагандай, алардын басымдуу бөлүгү - мигранттардын жубайлары жана энелери. Алар миграцияга кеткен үй-бүлө мүчөсү болгону үчүн балдарына мамлекеттен жөлөк пул берилбегенине нааразылыгын айтып, балдардын жөлөк пул алуу укугу бузулуп жатканын белгилешкен. Жолугушууда ошондой эле Тажикстандан Кыргызстанга качууга... Читать дальше...
Америка Кошмо Штаттары Кыргызстан менен кызматташтык тууралуу жаңы макулдашууга кол коюуга даяр. Бул тууралуу АКШнын мамлекеттик катчысынын Түштүк жана Борбор Азия боюнча жардамчысынын орун басары Жон Поммершайм “Азаттыкка” курган маегинде айтты. “Эки тарап АКШ менен Кыргызстандын ортосундагы кызматташтык тууралуу жаңы макулдашууга кол коюу маселесин буга чейин да талкуулаган. Кыргызстан келишимге кол коюуга качан даяр болсо, АКШ ошол учурда кол коёт. Бирок жаңы келишим жок болгону менен ал кызматташтыкка эч кандай терс таасирин тийгизбейт. Читать дальше...
Башкы прокуратура Селекция айылында мурдагы күйөөсү бычактаган Асел Ногойбаеванын иши боюнча үч судьяны жоопко тартуу боюнча сунуш берди. Бул тууралуу баш прокурордун орун басары Үмүткан Коңкубаева 9-октябрда Жогорку Кеңештин Социалдык саясат комитетинде билдирди. "Сокулук райондук сотунун бул ишти караган судьясын жоопко тартууну Жогорку Сот өзү сунуш кылыптыр. Биз болсо апелляциялык арызды караган үч судьяны жоопко тартуу боюнча Соттордун тартип комиссиясына сунуш бердик. Анткени бул кылмыш... Читать дальше...
Экономика боюнча Нобел сыйлыгы быйыл америкалык экономист, илимпоз Клаудия Голдинге эмгек базарындагы аялдардын ролун иликтегени үчүн ыйгарылды. Бул тууралуу 9-октябрда Швециянын падышалык илимдер академиясы жарыялады. «Анын иликтөөлөрү бул ролдун өзгөрүүсүнүн себептерин ачып, гендердик теңчиликтеги негизги тоскоолдуктарды көрсөтөт», - деп жазылат анда. Голдин быйыл жогорку сыйлыкка татыган 93 лауреаттын ичинен үчүнчү аял. Ушуну менен Нобел жумалыгы аяктайт. Экономика боюнча Нобел сыйлыгын Швециянын банкы 1968-жылы негиздеген. Читать дальше...
Кыргыз-казак чек арасындагы оор жүк ташуучу автомашиналардын тыгыны боюнча маселе бүгүн 9-октябрда Жогорку Кеңештин Эл аралык иштер, коргоо, коопсуздук жана миграция комитетинде жарандык жана жазык иштер боюнча өз ара укуктук жардам көрсөтүү жөнүндөгү мыйзам долбоору талкууланып жатканда көтөрүлдү. Депутат Улукбек Ормонов бүгүн “Ак-Тилекте” 200дөн, “Кең-Булуңда” 100дөн ашуун машина тыгында турганын, кечээ мындан да көп болгонун, айрым айдоочулар үч күндөн бери кезек күтүп турушканын айтты. Чек... Читать дальше...
Израилдин бийлиги ХАМАС радикал кыймылы 7-октябрда кол салган шаарларга көзөмөлүн орнотконун билдирди. БУУнун Коопсуздук кеңеши 9-октябрга караган түнү чукул жыйынга чогулуп, ХАМАСтын Израилге кол салышын бир добуштан айыптады. Жалпы билдирүү кабыл алынган жок.
Көз карандысыз мамлекеттер шериктештигинин (КМШ) саммитине байланыштуу Бишкекти жашылдандыруу жана көрктөндүрүү иштерине 500 млн сомго жакын каражат жумшалды. Бул тууралуу калаа мэри Эмилбек Абдыкадыров 9-октябрда тиешелүү объектилерди текшерүү учурунда билдирди. Анын айтымында, каражат атайын бөлүнгөн эмес. Калаа жетекчилиги күздө саммит болорун билгендиктен бул сумманы жыл башында эле бюджетке камтый кетишкенин кошумчалады. Учурда шаарда саммиттин катышуучулары жүрө турган көчөлөр оңдолуп, үйлөрдүн дубалдары... Читать дальше...
Израил бийлиги ХАМАС радикал кыймылы 7-октябрда кол салган шаарларга көзөмөлдү калыбына келтирди. Бул тууралуу 9-октябрда Израилдин Коргонуу армиясынын (ЦАХАЛ) өкүлү Даниэл Хагари билдирди. Ал ишемби күндөн тартып Израил тарапка 4400дөй ракета менен чабуул коюлганын, 48 сааттын ичинде резервдеги 300 миңдей киши мобилизацияланганын кошумчалады. Ал арада Бириккен Улуттар Уюмунун Коопсуздук кеңеши 9-октябрга караган түнү чукул жыйынга чогулуп, ХАМАСтын Израилге кол салышын бир добуштан айыпташты.... Читать дальше...
Казакстандын Орал шаарында калган кыргызстандык жарандар казак бийлиги уюштурган автонуаалар менен Чымкент шаарына жеткирилет. Бул тууралуу Кыргызстандын Тышкы иштер министрлиги (ТИМ) маалымдады. Мекеменин басма сөз кызматы кабарлагандай, аларды Чымкенттен Кыргызстанга жеткирүү милдети Алматыдагы Башкы консулдукка жүктөлүп, кызматкерлер аталган шаарга жөнөп кетишти. Социалдык тармактарда Орусияда иштеген он чакты кыргызстандык жаран паспортуна "кирди-чыкты" белгисин койдуруу үчун Казакстанга кирип... Читать дальше...
Ооганстандын башында турган "Талибан" өкмөтүнүн Өзгөчө кырдаалдар министрлигинин өкүлү Мулла Жанан Саик билдиргендей, 7-октябрдагы жер титирөөдөн набыт болгондордун саны акыркы маалыматтар боюнча 2400дөн ашты. Он миңден ашуун киши жаракат алып, эки миңден көп турак жай талкаланды. Бул акыркы 20 жылдан берки Ооганстандагы эң кандуу зилзала болуп калды. Герат провинциясына караштуу Жибрил районунун тургундарынын бири "Азаттыктын" ооган кызматына жер титирөөдөн кийин эл нес абалда экенин айтып берди... Читать дальше...
Жогорку Кеңештин мурдагы депутаты, Бишкектеги “Мадина” базарынын ээси Турсунтай Салимовдун кармалышынын мыйзамдуулугу боюнча маселе жана бөгөт чарасы бүгүн 9-октябрда Бишкектин Биринчи Май райондук сотунда каралат. Бул тууралуу "Азаттыкка" Салимовдун өкүлү Нурлан Ибраимов билдирди. Анын айтымында, Салимовду Кылмыш-жаза кодексинин "Уюшкан топту түзүү же ага катышуу" беренесинин "Уюшкан топко катышуу" бөлүгүнүн негизинде 7-октябрда кечинде кармап кетишкен. Ал Улуттук коопсуздук боюнча мамлекеттик... Читать дальше...
