Президент Садыр Жапаров “Мамлекеттик өнүктүрүү банкынын ишинин маселелери боюнча айрым мыйзам актыларына өзгөртүүлөрдү киргизүү жөнүндө” мыйзамга кол койду. Бул тууралуу президенттин администрациясы кабарлады. Мыйзам 4-октябрда Жогорку Кеңеште кабыл алынган. Президенттин сайтында жазылгандай, аталган мыйзам банктын ишин натыйжалуу башкарууну жогорулатуу максатында иштелип чыккан. Ага ылайык, Жарандык кодекске, “Мамлекеттик менчикти менчиктештирүү жөнүндө”, “Акционердик коомдор жөнүндө” жана “Мамлекеттик... Читать дальше...
Дүйнөлүк банк Кыргызстандын ички дүң өнүмү (ИДӨ) быйыл жыл соңунда 3,5% өсөт деп божомол жасады. Бул тууралуу мекеменин Европа жана Борбор Азия боюнча соңку баяндамасында айтылат. Финансылык мекеменин адистери мунун себебин айыл чарба түшүмүн жыйноо жана товар өндүрүү жайлаганы менен байланыштырган. Сентябрдагы баяндамасында Азия өнүктүрүү банкы (АӨБ) да Кыргызстанда алтын өндүрүү жайлаганына жана аба ырайы айыл чарбасына терс таасирин тийгизгенине байланыштуу экономиканын ыргагы жайлап, ИДӨ... Читать дальше...
Улуттар Уюмунун үч атайын баяндамачысы кыргыз парламентинде талкууланып жаткан «чет элдик өкүл» тууралуу мыйзам долбоорун сындашты. Алар ошондой эле Жогорку Кеңештин дептуттарын мыйзам долбоорун артка кайтарууга үндөштү. Баяндамачылар сунушталып жаткан мыйзам долбоорунун бир катар беренелери Кыргызстан алган эл аралык милдеттенмелерге каршы келерин белгилешти. «Бул мыйзам долбоору кабыл алынса Кыргызстандагы бейөкмөт уюмдардын адам укуктарын коргоодогу ишмердүүлүгүнө терс таасирин тийгизиши мүмкүн» - деп белгиленген. Читать дальше...
Германия соңку бир жыл ичинде Борбор Азиянын лидерлеринин саммитке чогулткан алтынчы геосаясий оюнчу болуп калды. Берлинде 29-сентябрда өткөн бул саммиттен кандай жыйынтык чыкты? Анда эмне талап, өтүнүчтөр айтылды? Геосаясий салмактуу оюнчулардын Борбор Азия лидерлери менен жолугушууларынан Кыргызстандын күткөнү эмне? Бул жана башка суроолорго Кыргызстандын Германиядагы элчиси Өмүрбек Текебаев жооп берди.
“Мамлекеттик өнүктүрүү банкы” ачык акционердик коомунун башкармасынын төрагасы Талантбек Өмүралиев кызматтан алынып, анын ордуна Медер Темирбеков дайындалды. Бул тууралуу акционердик коом катталган “Кыргыз фондулук биржасы” кабарлады. Өмүралиев бул кызматта төрт айдай иштеди. Ал иштен өз каалоосу менен арыз жазып кеткени маалымдалды. Темирбеков мурда финансы министринин орун басары, Финансы министрлигиндеги Борбордук казыналыктын директору, Бюджет башкармалыгынын башчысы жана башка кызматтарда иштеген. Читать дальше...
Казакстандын Маданият жана маалымат министрлиги коомдук жайларда хижаб жана никаб кийип жүрүүгө тыюу салган чараларды карайт. Бул тууралуу 6-октябрда Астанадагы брифингде аталган мекеменин башчысы Аида Балаева билдирди. "Коомдук жайларда тыюу салуу эрежелерин карап чыгып, кандайдыр бир сунуштарды беребиз. Бул дүйнөдө колдонулган тажрыйба, анткени маселе улуттук коопсуздукка барып такалат. Коомдук жайларда жүзүн жаап жүргөндөрдүн ким экенин аныктоо өтө кыйын”, - деди Балаева. Ошол эле маалда... Читать дальше...
Мындан туура 15 жыл мурда Жогорку Кеңештин депутаты Руслан Шаботоев дайынсыз жоголуп, бир жылдан кийин гана сөөгү табылган. Ошол кездеги президент Курманбек Бакиевдин бийлик саясатын сындап жүргөн оппозициячыл саясатчынын өлтүрүлүшү коомду селт эттирген окуя болгон. Жогорку Кеңештин депутаты Руслан Шаботоев 2008-жылы 30-сентябрь күнү кечинде Бишкектеги кафелердин биринде жогорку кызмат адамы менен сүйлөшүп отуруп, сыртка чыгып кеткен бойдон дайынсыз жоголгон. Андан туура бир апта мурда Жогорку... Читать дальше...
Түркмөнстандын баш калаасы Ашхабадда уюлдук телефондорго жана башка гаджеттерге VPN орнотуу кызматын көрсөткөндөр кармалууда. Бул тууралуу "Азаттыктын" түркмөн кызматы жазды. Маалыматка караганда, алардын бири 15 суткага камалып, 15 миң манат айып пул төлөөгө милдеттендирилди. Түркмөнстанда мындай кызмат көрсөткөндөр негизинен көмүскөдө иштейт. 2020-жылы жарандардын телефондоруна VPN орнотуп бергени үчүн 30дай киши 15 суткага камалган. Расмий Ашхабад VPN колдонгондорго басым жасап келет. Мамлекеттик... Читать дальше...
Кытайдын Ханчжоу шаарында өтүп жаткан XIX Азия оюндарында кыргызстандык балбан кыз Айпери Медет кызы алтын медал тагынды. Ал 6-октябрда кыз-келиндер күрөшүнөн 76 килограмм салмакта финалда казакстандык Жамиля Бакбергенованы 7:4 эсебинде утту. Медет кызы финалга чейин үч атаандашын жеңген. Алгач кытайлык Ванг Жуанды 2:1, чейрек финалда вьетнамдык Данг Ци Линди 8:0, жарым финалда Кытай Тайбэйинин өкүлү Чанг Хюну 8:0 эсебинде утуп алган. Айпери Медет кызы 2018-жылы Азия оюндарында коло медалга ээ болгон. Читать дальше...
Армениянын аскерлери Кыргызстанда 6-октябрда башталган Жамааттык коопсуздук келишим уюмунун эки апталык машыгуусуна катышпайт. Казакстандын Коргоо министрлиги тараткан маалыматка ылайык, уюмга мүчө Беларус, Казакстан, Кыргызстан, Орусия жана Тажикстандын аскерлери “Бузулгус боордоштук-2023” деп аталган машыгууга катышууда. Армениянын өкмөт башчысы Никол Пашинян өткөн айда Армения-АКШ аскердик машыгуусун утурлай "Еревандын коопсуздук жаатында Москвага толук ишенгени стратегиялык ката болгонун" билдирген. Читать дальше...
Улуттук коопсуздук комитети (УКМК) жарандарга кайрылып, опузалап акча талап кылган, рейдерлик кылган жана башка оор кылмыштарга барган уюшма кылмыш топтору жана алардын лидерлери, мүчөлөрү тууралуу маалыматтары болсо атайын кызматка кайрылууга чакырды. "Учурда коопсуздук органдары уюшкан кылмыштуулукка каршы активдүү иш алып барып жатат. Мамлекеттин коопсуздугун камсыз кылуу, жарандардын, инвесторлордун жана бизнес-коомчулуктун укуктарын, кызыкчылыктарын коргоо, инвестициялык климатты чыңдоо максатында... Читать дальше...
Президент Садыр Жапаров Догдуркүл Кендирбаеваны билим берүү жана илим министри катары дайындоо жарлыгына кол койду. Бул тууралуу маалымат президенттин сайтына жарыяланды. Кендирбаева президенттин 28-сентябрдагы жарлыгы менен министрдин милдетин аткаруучу болуп дайындалган. Жогорку Кеңеш 5-октябрда аны министрликке дайындоого макулдук берди. Депутаттар андан билим берүү тармагындагы көйгөйлөр тууралуу маалыматтарды угуп, аларды чечүүгө тапшырмаларды беришти. Аягында каттоодон өткөн 75 депутаттын... Читать дальше...
Айсулуу Тыныбекова XIX Азия оюндарында коло медал утту. Ал кыз-келиндер күрөшүнөн 62 килограмм салмакта коло байге үчүн беттеште казакстандык Ирина Кузнецованы 2:1 эсебинде жеңди. Тыныбекова 2018-жылы Азия оюндарынын финалына чыгып, күмүш байге уткан. Алтын байгенин ээси монголиялык балбан Орхон Пурэвдродждун канынан допинг чыкканына байланыштуу кийинчерээк Азия оюндарынын алтын байгеси Тыныбековага берилген. Айсулуу Тыныбекова 22-сентябрда Белградда өткөн дүйнө чемпионатында үчүнчү ирет дүйнө чемпиондугун утуп... Читать дальше...
Акыйкатчы Жамиля Жаманбаева Бишкекте жарандык күйөөсүнөн кордук көргөн келинге байланыштуу шаардык милиция менен прокуратурага кайрылды. Анда зордукчул жолдошунан запкы көргөн 34 жаштагы аялдын укугун коргоого, зордукчул күйөөсүн жазасыз калтырбоого чакырды. "Акыйкатчы институтуна кайрылган келин 14-сентябрда аны Э.У аттуу 1984-жылы туулган жарандык күйөөсү катуу сабап, билектерин ысык үтүк менен күйгүзүп, андан кийин зордуктаганын айткан. Мунун баарын кичинекей кызы башка бөлмөдө отурганда, алардын батиринде болгон. Читать дальше...
Бишкекте дагы бир катар көчөлөрдө коомдук транспорт үчүн жол тилкелери бөлүнөт. Бул тууралуу шаар мэриясы 5-октябрда билдирди. Анда жыл аягына чейин төмөнкү көчөлөрдө коомдук транспорт үчүн өзүнчө тилке пайда болот: Байтик Баатыр-Абдрахманов көчөлөрүндө Жибек - Жолу проспектисинен Токомбаев көчөсүнө чейин; Жибек-Жолу проспектисинде Лермонтов көчөсүнөн Фучик көчөсүнө чейин; Манас проспектисинде Жибек-Жолу проспектисинен Ахунбаев көчөсүнө чейин; Ахунбаев көчөсүндө Садырбаев көчөсүнөн Байтик... Читать дальше...
Жогорку Кеңеш 5-октябрдагы жыйынында “Маркумду узатуу жана сөөгүн жайга коюу иши жөнүндөгү” мыйзам долбоорун биринчи окууда карап, аны жактырды. Эми экинчи окууга айтылган сунуштар менен толукталып, кайра талкууга коюлат. Документтин автору, депутат Марлен Маматалиев анда баяндама жасап, маркумду акыркы сапарга узатуудагы чыгым-түйшүктү, коррупцияны азайтуу максатында сунушталып жатканын билдирди. "Азыр биз адамдын өлгөнү тууралуу маалымкатты дароо берсин деп жатабыз. Эгер анын өлгөнү тууралуу маселе... Читать дальше...
АКШнын Кыргызстандагы элчиси Лесли Вигери Кошмо Штаттар Борбор Азия лидерлеринин саммитинин жыйынтыгына жараша чөлкөм менен белгилүү тармактарда кызматташуу уланарын билдирди. Бул тууралуу ал "АКИпресс" басылмасына курган маегинде айтты. Элчи белгилегендей, Нью-Йоркто өткөн C5+1 форматындагы саммитте лидерлер экономикалык багыттагы кызматташууну талкуулап, АКШнын жеке секторунун Борбор Азияга инвестиция салуусу үчүн жагымдуу ишкер чөйрө түзө турган экономикалык реформаларды аныктаган. Бул АКШ... Читать дальше...
Министрлер кабинети чет өлкөлүк жана жарандыгы жок адамдардын Кыргызстанда иштешине шарт түзгөн "Санарип көчмөн" (Digital nomad) макамын ыйгаруу тууралуу убактылуу жобонун мөөнөтүн 2024-жылдын 30-июнуна чейин узартты. Бул тууралуу токтом өкмөттүн сайтына жарыяланды. Аталган жобо 2022-жылдын 18-августунда кабыл алынган жана мөөнөтү 2023-жылдын 31-декабрына чейин деп белгиленген. 2022-жылдын аягына чейин Кыргызстанда 600дөн ашуун чет элдик жаран "Санарип көчмөн" макамын алуу үчүн кайрылганы айтылган. Читать дальше...
Орусияда түрмөдө отурган, саясий туткун деп таанылган бир катар саясатчылар жана коомдук ишмерлер 30-октябрда бир күнгө ачкачылык кармай турганын билдирип, каалоочулардын баарын бул акцияга кошулууга чакырышты. Кайрылуунун тексти Алексей Навальныйдын сайтына жарыяланды. Ага "Коррупцияга каршы күрөшүү фондунун" негиздөөчүсүнөн тышкары Илья Яшин, Владимир Кара-Мурза, Лилия Чанышева, Даниэль Холодный жана Вадим Останин кол койгон. Анда белгиленгендей, акциянын демилгечилери 30-октябрга "Саясий... Читать дальше...
Сириянын Хомс шаарындагы аскердик академияга учкучсуз аппараттар менен жасалган чабуулдан кеминде 100 кишинин өмүрү кыйылды. Бул тууралуу Al Jazeera жана Reuters агенттиктери жазды. Сириянын Саламаттык сактоо министрлиги буга чейин 80 киши мүрт кеткенин, арасында алты аял жана алты бала бар экенин билдирген. Жабыркагандардын саны 300гө чамалаганы кабарланууда. Би-Би-Синин орус кызматы Британияда жайгашкан Сириядагы адам укуктары байкоо салган борборго таянып, жүздөн ашуун киши мүрт кеткенин жана 125тен ашуун адам жабыркаганын жазды. Читать дальше...
Ош шаарындагы Курманжан Датка көчөсүндөгү көп кабаттуу үйдүн лифтинде бир адамдын кантип каза тапканын милиция иликтеп жатат. Буга байланыштуу кылмыш иши козголорун Ош шаардык ички иштер башкармалыгынын басма сөз кызматы 6-октябрда “Азаттыкка” билдирди. Иликтөөнүн жүрүшүндө маркумдун эки айдан бери ошол көп кабаттуу үйдүн лифтин оңдоп иштеп жүргөнү аныкталган. Ал Кара-Суу районунун Кыргыз-Кыштак айылынын 1984-жылы туулган тургуну болгон. 4-октябрда Ош шаарындагы көп кабаттуу үйлөрдүн биринде... Читать дальше...
Улуттук банк октябрь айында валюта рыногунда биринчи жолу интервенция жасап, 27 млн 150 миң долларды сатыкка чыгарды. Бул тууралуу мекеменин операциялар тууралуу маалыматында айтылат. Башкы каржы көзөмөл мекемеси акыркы ирет 14-сентябрда 47 млн 690 миң долларды саткан. Июль айында Улуттук банктын төрагасы Кубанычбек Бөкөнтаев "Кабар" улуттук маалымат агенттигине курган маегинде Кыргызстанда доллар таңкыстыгы жок экенин билдирген. Ал өлкөдөгү валюта базарындагы жагдайды "туруктуу" деп сыпаттап... Читать дальше...
“Азаттыктын” тажик кызматы – “Озоди” радиосу жарыяланган иликтөөсү тажик президенти Эмомали Рахмондун кызы Парвина Рахмонова Тажикстандагы ири фармацевтикалык компаниялардын бирине ээлик кыларын көрсөттү. Иликтөөдө Рахмонова административдик ресурстун жана мамлекеттик келишимдердин эсебинен кыйла байыганы айтылат.
Кыргызгидромет борбору билидиргендей, 7-октябрга караган түнү Чүй, Талас, Ош, Жалал-Абад, Баткен облустарынын көпчүлүк аймактарында, Ысык-Көл, Нарын облустарынын айрым жерлеринде жаан, бийик тоолуу райондорунда кар жаайт. Ош, Жалал-Абад, Баткен облустарынын айрым жерлеринде жаан-чачын катуу жаайт. Күндүз Чүй, Талас, Жалал-Абад, Ысык-Көл, Нарын облустарынын көпчүлүк аймактарында, Ош, Баткен облустарынын айрым жерлеринде жаан, бийик тоолуу райондорунда кар жаайт. Жалал-Абад, Ысык-Көл облустарынын айрым жерлеринде жаан-чачын катуу жаашы мүмкүн. Читать дальше...
Салык кызматы мүлк сатуудан түшкөн кирешеден 10% өлчөмүндө алынган салыктын эрежелери тууралуу түшүндүрмө берди. Ага ылайык, мындай салык батир, үй, жана унаа өңдүү мүлктү сатып алгандар бир жылга жетпей эле кайра сатса салынары белгиленген. "Эгер менчигиндеги мүлк сатып алгандан кийин бир жылдан кийин кайра сатылса, анда салык төлөө талап кылынбайт. Мисалга алсак, А.А. аттуу жаран 3 млн сомго батир же унаа сатып алып, бир жылдын ичинде эле кайра 3,5 млн сомго сатса, алынган 500 миң сом кирешенин 50 миң сому салык катары төлөнүшү керек. Читать дальше...
