Израилдеги согуштук аракеттер маалында кыргыз жарандары жабыр тартканы тууралуу маалымат түшкөн жок. Бул тууралуу Кыргыз Республикасынын Израилдеги элчилиги (резиденциясы Анкарада жайгашкан) билдирди. Элчилик муну менен катар Израилде жашаган кыргыз жарандарын өлкөнүн чек арага жакын, куралдуу кармаш жүрүп жаткан аймактарына барбай турууга чакырды. Маалыматта элчилик израил тарап менен кырдаалга мониторинг жасап жатканы, бул өлкөдө жашаган кыргыз жарандары менен байланышта экени жазылган. Читать дальше...
Израилде согуштук абал расмий жарыяланды. 7-октябрдын таңында палестиндердин Газа секторун көзөмөлдөгөн ХАМАС тобу Израилди жапырт аткылай баштаган. Ондогон аскерлер жана жай тургундар каза таап, айрымдары барымтага алынып, жарадар болду. Израилдин армиясы "Темир кылыч" деп аталган операцияны баштап, Газа секторуна абадан сокку урууда. ХАМАСтын мүчөлөрү Израилдин шаарларына кирип келген. Азырынча шаарлардын бирин да израилдик армия өзүнө толук кайтарып ала элек. Аймакта мындан туура 50 жыл мурда... Читать дальше...
Англияда алгачкы жолу кыргызстандык сүрөтчүлөрдүн көргөзмөсү өттү. Лондондогу Юнус Эмре атындагы институтка коюлган бул көргөзмөдө негизинен заманбап импрессионизм, пейзаж жанрында тартылган эмгектер орун алды. Эми саамалык Гастинг шаарында да уланганы турат. "Натюрморттор кызыктырат" Англиянын борбор шаары Лондондо уюштурулган көргөзмөгө кыргызстандык сүрөтчүлөр Азиз Сулайманов, Садык Мурзаханов, Арстан Дукуев, Залкар Токтогулов жана Элдияр Шаршембиевдин 40тан ашык эмгеги коюлган. Алардын арбын бөлүгүн негизинен заманбап импрессионизм... Читать дальше...
8-октябрда түнкүсүн Чүй, Ысык-Көл, Нарын облустарынын айрым жерлеринде, Жалал-Абад облусунун тоолуу райондорунда жаан жаайт, бийик тоолуу райондордо карга айланат. Күндүз Чүй, Ысык-Көл, Нарын облустарынын айрым жерлеринде, Ош, Жалал-Абад облустарынын тоолуу райондорунда жаан жаап, бийик тоолуу аймактарда карга айланат. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй өрөөнүндө түнкүсүн 6…11, 18…23; Талас өрөөнүндө түнкүсүн 4…9, күндүз 16…21; Баткен... Читать дальше...
Улуттук коопсуздук комитети Кыргызстанда кылмыштуулукту жоюуга өзгөчө көңүл бура турганын билдирди. Ага удаа эле кылмыш чөйрөсүнүн айрым өкүлдөрүнүн "мыйзамдагы ууру" макамынан баш тартканын билдирген видеолору тарады. Атайын кызматтын билдирүүсү Улуттук коопсуздук комитети 6-октябрда маалымат таратып, жарандардан опузалап акча талап кылган, рейдерлик кылган жана башка оор кылмыштарга барган уюшма кылмыш топтору жана алардын лидерлери, мүчөлөрү тууралуу маалыматтары болсо атайын кызматка кайрылууга чакырды. Читать дальше...
Кыргыз авиациясынын түптөлгөнүнө быйыл 90 жыл толду. Бул дата 1933-жылдын 7-октябрында Кыргыз АССРинин Элдик комиссарлар кеңешинин токтому менен белгиленген. Кыргызстандын аймагына алгачкы жолу учакты финляндиялык Теодор Суопио кондурган. Ал Ю–13 учагын Бишкектин чок ортосуна 1927-жылы учуруп келген. Өлкөдөгү эң биринчи аэропорт Бишкектин четиндеги Папеновка айылында 1933-жылы түптөлгөн. Анын имараты 1940-жылы курулган. Азыр бул аэропорттун имараты эле сакталып калган. "Азаттык" Кыргызстандагы алгачкы аба майдандын архивдик сүрөттөрүн чогултту.
"АЮ" компаниясынын директору, издөөдө жүргөн Тыныбек Исаев бир нече күн мурун кармалып, камакка алынды. Бул тууралуу ИИМдин басма сөз кызматы ырастады. Маалыматка ылайык, аны менен кошо издөөгө алынган дагы бир жаран кармалды. "Экөөнүн тең бөгөт чарасы каралып, соттун чечими менен камакка алынды", - деп билдирди маалымат кызматы. 8-сентябрда Бишкектин Биринчи Май райондук соту "АЮ" компаниясынын негиздөөчүсү, учурда чет мамлекетте жүргөнү айтылган ишкер Шаршенбек Абдыкеримовду сыртынан камакка алган. Читать дальше...
Ош шаарында лифтке кыпчылып каза тапкан жарандын өлүмү иликтенүүдө. Бул окуя көп кабаттуу үйлөрдөгү коопсуздук, курулуштун сапаты, ага мамлекеттик көзөмөл сыяктуу көйгөйлөрдү кайра козгоду. Курулушу толук аяктабаган турак жайды пайдаланууга мындан үч жыл мурда уруксат берилгени айтылууда.
Быйыл Кыргызстанда кургакчылыктан улам тоют тартыштыгы сезилүүдө. Муну өкмөт да белгилеп, фермерлерди малдын башын азайтууга чакырды. Таласта тоют жетиштүү болгону менен анын көбү өлкөнүн түштүгүнө сатылып, аймакта чөп кымбат болуп жатат.
Кыргызстандын шоу-бизнесинде алгач эл аралык сынактарга, шоу долбоорлорго катышкандан кийин элге таанылган маданият өкүлдөрү арбын. Адатта ушундай долбоорлорго барып келгендердин көбү коомдо талкуу жаратып, элдин мактоосуна арзыйт.
Германиянын Гамбург шаарында маалыматтык технологияларга арналган Европадагы алгачкы кыргызча конференция өтүп жатат. Иш-чарага катышып жаткан «Азаттыктын» кабарчысынын айтымында, ага Германияда окуган кыргыз студенттери жана эмгек миграциясында жүргөн кыргызстандыктар катышууда. Конференцияда дүйнөлүк IT жана технология, билим берүү эксперттери IT тармагындагы жаңы тенденциялар менен бөлүшүүдө. Уюштуруучулар "Азаттыкка" кабарлашкандай, конференция төмөнкү максаттарды көздөйт: • Жаш муундарга IT тармагына багыт... Читать дальше...
Индиянын Секким штатындагы Түштүк Лхонак көлү ташкындап, кеминде 41 адам көз жумду. Ондогон адамдар дайынсыз болууда. 20 миңден ашуун адам үй-жайын таштап кетүүгө аргасыз болду. Суу ташкын жүздөгөн айылдарды, кошуна Бангладештин аймагындагы конуштарды да каптады. Сел 15 көпүрөнү кыйратып, шоссени жууп кеткени кабарланды. Түштүк Лхонак көлү мөңгүлөрдүн эригенинен улам ташып кеткен. Спутниктен алынган сүрөттөргө караганда, көлдүн аянты сентябрдын аягында 170 гектарга жеткен. Ташкындан кийин көлдүн аянты 100 гектарга чейин кичирейген. Читать дальше...
Ысык-Көл районунун Чок-Тал айылында үйдө өткөрүлгөн тойдогу тамак-аштан ууланганын айткан 23 адам ооруканага кайрылды. Бул тууралуу "Азаттыкка" райондук санитардык-эпидемиологиялык абалды көзөмөлдөө борборунун башкы дарыгери Алина Токтоназарова билдирди. Маалыматка ылайык, 5-6-октябрда 23 адам ооруканага кайрылып, алардын бири жандандыруу бөлүмүнө түшкөн. Алардын ичинен бир адам Балыкчы шаарындагы ооруканага, дагы бирөө Тоң районунун ооруканасына барганы белгилүү болду. "Бүгүн, 7-октябрь... Читать дальше...
7-октябрь күнү таң эртеден тартып палестиндердин Газа тилкесин көзөмөлдөгөн ХАМАС тобу Израилди аткылап жатканы, анын мүчөлөрү Израилдин Палестинага чектеш шаарларына кирип келгени кабарланды. Жүздөн ашуун адам жараат алып, бир аял өлгөнү маалым болду. Бийлик тургундарды бомбадан калкалоочу жайлардан кетпөөгө чакырууда. Израилдин армиясы акыркы 50 жылдан кийин алгачкы жолу согуш абалын жарыялады. Алар жооп кылып, Газа тилкесин аткылоодо. Кол салуу тууралуу алгачкы расмий маалыматты Израилдин коргоо министри Йоав Галлант айтып чыкты. Читать дальше...
Эмнеге кыргыз коомунда ажырашкандан кийин дагы мурдагы түгөйүнө тынчтык бербей кол салып же таарынычын балдарынан чыгарган окуялар көп кездешүүдө? Мунун аягы зобмулукка, кылмышка айланганына эмне себеп? "Сергек жашоо" подкастыбызда бул маселени психолог, "Сезим" кризистик борборунун жетекчиси Бүбүсара Рыскулова, юрист, укук коргоочу Эржан Сулайман менен талкуулайбыз. "Пробация жазадан кутулуу эмес" - Бүбүсара айым, сиз көп жылдан бери кыз-келиндердин укугу, үй-бүлө зомбулугу боюнча иштеп келе жатасыз. Читать дальше...
Борбор калаанын түндүк тарабындагы Ак-Тилек-2 жаңы конушуна жаратылыш газы берилди. Мэриянын маалыматында, жаңы конуштагы 216 үй кышында газ менен жылытуу мүмкүнчүлүгүнө ээ болушту. "Тургундар мындай мүмкүнчүлүк жана шарт үчүн "Газпром Кыргызстан" ишканасына ыраазычылык билдирди", - деп жазылган маалыматта. Буга чейин 45 миң үй газга туташкан, учурда 11 конушту газдаштыруу иштери аяктоо үстүндө, жалпы 10 миң үйгө газ берилет. Бишкектеги ыш көйгөйүнөн улам шаардын жака белиндеги жаңы конуштарды... Читать дальше...
Варшавада ЕККУнун адам укугуна арналган конференцияда Кыргызстандагы сөз эркиндигинин абалы, адам укугуна байланыштуу сөз болду. Уюмдун бул жолку жыйыны "Азаттык", "Клооп" баштаган бир нече көз карандысыз медиаларга басым күчөп, өлкө парламенти Орусиянын жолоюна түшүп, бейөкмөт уюмдарды “чет элдик өкүл” катары таануу боюнча мыйзам долбоорун кабыл алууга киришкен учурга туш келди. Кысымга кабылган кыргыз медиалары Ушу тапта Варшавада өтүп жаткан Европадагы коопсуздук жана кызматташтык уюмунун... Читать дальше...
Рамзан Кадыровдун уулу, 15 жаштагы Адам Кадыровго "Чеченстандын Баатыры" наамы берилди. Бул тууралуу Орусиянын Мамдумасынын депутаты Адам Делимханов билдирди. Депутат Адам Кадыровду "сабаттуу, ар тараптан билимдүү киши" деп сыпаттап, "Куранды жатка билген, бир катар мелдештерде такай утуп келген спортчу" деп мактады. Чеченстандын президенти уулуна "Баатыр" деген наам берилгени тууралуу үн ката элек. Адам Кадыров Грозный шаарындагы тергөө абагында Куранды өрттөөгө айыпталган Никита Журавелди сабап, атактуу болгон. Читать дальше...
