Президент Садыр Жапаров бүгүн 15-мартта Түрк мамлекеттери уюмуна (ТМУ) мүчө өлкөлөрдүн башчыларынын кезексиз саммитине катышуу үчүн Анкарага барды. Түркиянын борбор шаарында ал өлкө президенти Режеп Тайып Эрдоган менен да өзүнчө жолугушуп, сүйлөшөрү пландалууда. ТМУ саммити бул жолу “Кырсыктарды башкаруу жана гуманитардык жардам” темасына арналууда. Расмий делегациянын курамында тышкы иштер министри Жээнбек Кулубаев, президенттик администрациянын тышкы саясат бөлүмүнүн башчысы Муратбек Азымбакиев... Читать дальше...
Кремль АКШ менен мамилелер “өтө аянычтуу абалда” экенин, мындай төмөн деңгээлде болуп көрбөгөнүн билдирди. Мунун алдында Кара деңиз үстүндө америкалык дрон кулап түшүп, Вашингтон ал үчүн орусиялык согуш учактарын айыптаган. Кремлдин басма сөз катчысы Дмитрий Песков инцидент АКШнын жогорку жетекчилиги менен талкууланбаганын, бирок Москва конструктивдүү диалогго катышуудан баш тартпасын журналисттерге билдирди. АКШнын аба аскердик күчтөрү MQ-9 аппараты эл аралык аба мейкиндигинде кадыресе байкоо-чалгындоо ишин аткарып жүргөнүн... Читать дальше...
Ирандын бийлиги хижабды милдеттүү кийүү эрежесин бузгандарды аныктоо максатында жаңы чараларды сунуш кылды. Парламенттин 14-марттагы жыйынында маданият боюнча комиссиянын мүчөсү Бижан Нобавех жети пункттан турган сунуш киргизилгенин, аларды жогорку жетекчилик колдогонун, Коопсуздук кеңеши талкуулаганын айтты. Жаңы сунуштарда уруп-сабоо, күч колдонуу өндүү чараларга жол берилбейт. Анын ордуна тартипти бузгандар алдын ала белгиленген жадыбалга ылайык жазаланат. Көзөмөл камералары коомдук жайларда... Читать дальше...
“Бийлик сырлары” берүүбүздүн бул жолку коногу коомдук ишмер, меценат Аскар Салымбеков болду. Ал маегинде кантип базар ачып калганын, “Дордой” компаниясы менен бийликтин кызматташтыгы, кысымы, кийлигишүүсү, ишкерлердин шайлоого акчалай салымы, саясатчы Мадумаров менен биригүүнүн себептери, Бишкек шаарына мэр кызматына келиши-кетиши, уюшкан кылмыштуу топторго көз карашы ж.б. суроолорго жооп берет.
Кыргызстанда бүгүн 15-мартта кезектеги Глобалдык акча жумалыгы (Global Money Week) башталды. 25-мартта жыйынтыктала турган өнөктүк бардык аймактарда «Каражатыңды планда, өз келечегиңе кам көр» деген ураан менен өтөрүн анын уюштуруучусу Улуттук банк билдирди. Улуттук банк, мамлекеттик органдар, коомдук жана эл аралык уюмдар, коммерциялык банктар жана микрофинансылык уюмдар мектептерде финансылык сабаттуулук боюнча сабактарды, жогорку окуу жайларда лекцияларды жана тренингдерди өткөрүшөт. Мындан... Читать дальше...
Кыргызстанда 11 мал базар азыркы кезде жабык турганын бүгүн 15-мартта Айыл чарба министрлиги билдирди. Мекеменин маалыматына караганда, аларга ветеринардык-санитардык экспертизанын талаптарына жооп бербегендиги үчүн айыппул салынып, убактылуу жабылган. Экспертизадан өткөн 47 мал базар ишин улантууда. Өкмөттүн “Ветеринария жаатындагы актыларды бекитүү жөнүндө" токтому 2017-жылдын 24-августунда кабыл алынган. Агы ылайык, республика боюнча жалпысынан 58 мал базар каттоодон өткөн. Былтыр 28-мартта... Читать дальше...
Жогорку Кеңештин мурдагы төрагасы, акын, илимпоз жана ишкер Чыныбай Турсунбеков атындагы фонд бүгүн 15-мартта адабий сыйлыкка сынак жарыялады. «Чыныбай Турсунбеков атындагы адабий сыйлык» сынагына 18-45 жаштагы акындар катыша алат. Байге фонду гран-приге жана андан тышкары үч орунга жалпысынан 200 миң сом, «Эл тандоосу» номинациясына 10 миң сом тапшырылат. 2021-жылы Турсунбеков атындагы фонд "Жаш толкун" поэзия сынагын уюштурган. 2022-жылы "Мен дүйнөгө баланын көзү менен карайм" аттуу республикалык эссе сынагын өткөргөн. Читать дальше...
Акыйкатчы Атыр Абдрахматова бүгүн 15-мартта Баткендин Раззаков шаарында Лейлек районунун жүзгө жакын тургунун кабыл алганын билдирди. Анын айтымында, жергиликтүү бийлик өкүлдөрү да катышкан жолугушууга баргандар негизинен эки маселени көтөрүштү. Биринчиси – кайрылман макамын алган же ала албай жүргөн этникалык кыргыздардын көйгөйлөрү, экинчиси – былтыр кыргыз-тажик чек арасындагы кандуу окуяда жабыркаган тургундардын жана ишкерлердин маселелери. Жеринен так чечилген суроолор көп болгонун белгилеген... Читать дальше...
Кара деңизде АКШнын чалгын дрону Орусиянын согуштук учагы менен кагылышты. “Керемет Банктын” иши боюнча Улуттук банктын төрагасынын мурдагы орун басарлары жана башкармалыктын мурдагы мүчөлөрү кармалды. Президент Садыр Жапаров Кумтөрдөгү ар кандай кызмат көрсөтүүлөрдөн акча уурдалганын айтты.
Бүгүн 15-мартта кыргыз-өзбек мамлекеттик чек арасындагы “Достук” өткөрмө бекетинде кезек күткөн автомашиналардын топтолушуна өзбек тараптагы техникалык мүчүлүштүк себеп болгонун Кыргызстандын Чек ара кызматы билдирди. Мекеменин маалыматына караганда, саат 17:55те Өзбекстан тараптагы «Дустлик» бекетинде жүк ташуучу жана жеңил автомашиналарды каттоо системасынын иши үзгүлтүккө учураган. Саат 19:31де маселе чечилип, кыймыл калыбына келген. “Кыргызстандын чек арачылары жагдайды айтып, айдоочулар арасында түшүндүрүү иштерин жүргүзүп жатышат. Читать дальше...
Чүйдө автозавод куруу боюнча кыргыз-өзбек инвестициялык долбоорун ратификациялаган мыйзам бүгүн 15-мартта Жогорку Кеңеште үч окууда кабыл алынып, бекитилди. Автомобилдик жана коммерциялык техника чыгаруучу завод куруу жөнүндөгү келишимге быйыл 27-январда Бишкекте өзбек президенти Шавкат Мирзиёевдин мамлекеттик сапары учурунда кол коюлган. Өкмөттүн маалыматына караганда, келишим үч этап менен ишке ашырылат. Биринчи этабында 10 миң даанага чейин автомобиль чогултулуп, кыргызстандыктар үчүн 500 жумуш орду ачылат. Читать дальше...
98% жакын акциясына Улуттук банк ээлик кылган "Керемет банктын" ишине байланыштуу дагы төрт адам кармалганын УКМК билдирди. Маалыматка караганда, келтирилген зыянды жана бул ишке тиешеси бар деген адамдарды аныктоо иштери уланууда. Колдон-колго өткөн “Керемет Банктын” ишине байланыштуу Улуттук банктын төрагасынын мурдагы орун басарлары, башкармалыктын мурдагы эки мүчөсү кармалды. "Тергөө-ыкчам иш-чараларынын жыйынтыгы жана иш боюнча алынган далилдердин негизинде Кыргыз Республикасынын Улуттук... Читать дальше...
Москва облусунун соту беш жашар тажикстандык кыз Хувайдо Тиллозоданы зордуктап өлтүргөндүгү үчүн Александр Семин деген кишини 24 жылга кести. Бул тууралуу "Озоди" радиосу кыздын атасы Абдусалом Саидовго шилтеме менен жазды. Ал "кылмышкерди өмүр бою эркинен ажыратуу керек" деп эсептеп, өкүмдү сотто талашарын айтты. Окуя 2018-жылдын 18-июлунда болгон. Кызды Москванын четиндеги Серпухов шаарында короосунда ойноп жүргөн жеринен уурдап кетишкен. Үй-бүлөсү жана ыктыярчылар аны 24 саат издеп, сөөгүн темир жол станциясынын жанынан табышкан. Читать дальше...
Бишкектин айрым мектептеринде сабактар арасындагы коңгуроонун ордуна кыргыздын залкар музыканттарынын, комузчуларынын жана композиторлорунун чыгармаларынан үзүндү коюла баштаганын бүгүн 15-мартта мэриянын басма сөз кызматы билдирди. Мекеменин маалыматына караганда, долбоордун максаты – окуучуларда мекенин таанып, сүйүү сезимин калыптандыруу. Белгилүү комузчулар Нурак Абдрахмановдун, Асылбек Насридиновдун жана Закирбек Дүйшөналиевдин аткаруусундагы күүлөр №3, 51, 93, 95, 96, 97, 99, 100 мектептерде угузула баштаганы... Читать дальше...
Вашингтон Кара деңизде америкалык чалгынчы дрондун орусиялык согуштук учак менен кагылышканын “эл аралык мыйзамды одоно бузуу” деп мүнөздөдү. Пентагон орус учактары аппаратты курчоого алганын билдирсе, Орусиянын Коргоо министрлиги аны четке кагууда. Бул окуядан кийин Орусиянын АКШдагы элчиси Мамлекеттик департаментке чакырылды. "Кесипкөйлүктүн жоктугун көрсөттү" 14-мартта эртең менен Кара деңизде эл аралык мейкиндикте иштеген америкалык MQ-9 Reaper чалгын дрону орусиялык согуштук учак менен кагышты. Читать дальше...
Кемпир-Абад ишине байланыштуу тергөө абагында отурган Конституциялык палатанын мурдагы судьясы Клара Сооронкулова ооруканадан кайра абакка котурулду. Бул тууралуу анын адвокаты Чынара Жакупбекова "Азаттыкка" билдирди. Анын айтымында, ооруканада Сооронкуловага операция жасалды жана дарыгерлер аны абакта кармоого болбойт деген корутунду беришкен. Жактоочу аны убактылуу тергөө жайына которуу чечими "гумандуулакка жатпайт" турганын, кошумча дарыланууга муктаж экенин айтты. Клара Сооронкуловага 20-февралда... Читать дальше...
Жогорку Кеңеш “Элдик курултай жөнүндө” конституциялык мыйзам долбоорунун концепциясын биринчи окууда талкуулап, бир топ талаш-талкуудан кийин күн тартибинен алынды. Эми тийиштүү комитетте жумушчу топ түзүлүп, берилген сунуштарды эске алуу менен оңдоп-түзөтүүлөр киргизилет. Талкуу учурунда бир топ депутаттар тогуз ай мурда четке кагылган концепция эч кандай өзгөртүүсүз алып келингенин сынга алышкан. Алар "керектүү пункттарды өзгөртүп келгенде мынчалык талкуу болбойт эле" деген пикирлерин билдиришти. Читать дальше...
Жогорку Кеңеш “Элдик курултай жөнүндө” конституциялык мыйзам долбоорунун концепциясын биринчи окууда талкуулап жатат. Мыйзам долбоорду иштеп чыгуу боюнча жумушчу топтун жетекчиси Чолпонбек Абыкеев буга чейинки айтылган сунуштарды экинчи окууда оңдоп чыгууга даяр экенин белгиледи. "Ушул мыйзамды биринчи окуудан өткөрүп берүүңүздөрдү сурайт элем. Буга чейин сиздерден бир топ кемчиликтер, айрым жагдайлар боюнча суроолор түшкөн. Анын баарын биринчи окуудан өткөндөн кийин оңдоп чыгууга даярбыз. Ар бир комитет менен макулдаштык... Читать дальше...
Орусиялык согуш учагы менен кагышкандан кийин Кара деңизге кулаган америкалык MQ-9 Reaper дрону Румыниядагы базадан келаткан жана план боюнча чалгындоо иштерин жүргүзүп жаткан. Бул тууралуу The New York Times гезити АКШнын жогорку расмий өкүлүнө таянып жазды. Аткаминер дрон Hellfire ракеталарын ташууга кудуреттүү экенин, бирок бул жолу ракеталар менен жабдылбаганын айтты. Маалыматка караганда, 14-мартта жабдык аннексияланган Крымдан 120 чакырым жерде миссиясын аткарып жатканда орусиялык эки согуштук учак жолун тоскон. Читать дальше...
Өкмөт менен Кыргызпатенттин (Интеллектуалдык менчик жана инновациялар мамлекеттик агенттиги) инновациялык демилгелерди тандоо боюнча “40 райондон 40 демилге” долбоору алкагында мыкты деп табылган сегиз жеңүүчүгө сертификаттар бүгүн 15-мартта тапшырылды. Бул тууралуу Министрлер кабинетинин басма сөз кызматы билдирди. Аймактардын социалдык-экономикалык өнүгүүсүнө жетишүү үчүн экономиканы, илимди жана техниканы өнүктүрүүнүн артыкчылыктуу багыттары боюнча инновацияларды колдоо долбоору былтыр август айында жарыяланган. Читать дальше...
Кыргызгидромет борбору 17-19-мартта түнкүсүн жана эртең менен Чүй облусунун дыйканчылык аймактарында 0…-2°, Талас облусунун дыйканчылык аймактарында -1…-3° үшүк жүрүшү мүмкүн экенин эскертти. Мындай үшүк өрүктүн бүчүрлөрүнө жана гүлдөрүнө, данектүү мөмө бактарынын эрте сортторунун бүчүрлөрүнө коркунуч келтирет. 19-мартка чейин аба ырайынын кескин өзгөрүшүнө байланыштуу Кыргызстандын тоолуу райондорунда, Бишкек-Ош автоунаа жолундагы Төө-Ашуу, Ала-Бел ашууларында, Чычкан капчыгайында, Өтмөк ашуусунда... Читать дальше...
Түркиянын түштүк-чыгышында суу ташкын кеминде беш кишинин өмүрүн алып кетти, дагы он чактысы дайынсыз болууда. Бул тууралуу түркиялык маалымат каражаттары кабарлады. Төрт киши Сирия менен чектеш Шанлыурфа чөлкөмүндө, дагы бирөө 100 чакырым алыс жердеги Адыяман аймагында каза тапты. Шанлыурфанын губернатору куткаруу иштери уланып жатканын, курмандыктар мындан да көп болушу мүмкүн экенин, аймакта катуу жамгыр жааганын TRT Haber каналына айтты. Ички иштер министри Сүлейман Сойлу жергиликтүү элди дарыялардын жээгине барбай турууга чакырды. Читать дальше...
Акыркы үч-төрт күндөн бери Бишкектеги Ахунбаев менен Молдокулов көчөлөрүнүн кесилишинде боз үй тигилип, эл чогулуп, курулуш компаниясына алданып калганына даттанууда. Алар үйдүн пайдубалы түптөлө баштаганда эле батир сатып алып, бирок үйүнүн курулушу аягына чыкпай токтоп калганын, маселеси 5-6 жылга созулуп кеткенин айтышууда.
Беларуста тажик оппозициясынын активисти Низомиддин Насриддинов кармалды. Беларус укук коргоочулары ал мекенине депортацияланышы, кыйноолорго кабылышы мүмкүн деп эскертишет. Human Constanta уюмунун өкүлү Энира Броницкая “Азаттыктын” тажик редакциясына айтып бергендей, Насриддинов 8-январда Беларустун чек арасынан өткөндө тажик бийлигинин өтүнүчү менен кармалган. Ошондон бери Гродно шаарындагы тергөө абагында отурат. Броницкаянын айтымында, Беларустун башкы көзөмөл органы 21-февралда тажик Башкы прокуратурасынын арызын канааттандырып... Читать дальше...
