Түркиянын мамлекет башчысы Режеп Тайып Эрдоган парламенттик жана президенттик шайлоонун мөөнөтүн 14-майга дайындады. Анын бул чечимге кол койгон учуру 10-мартта телекөрсөтүүдө түз берилди. 6-мартта оппозициялык альянс Улуттук-республикалык партиянын лидери Кемал Кылычдароглуну президенттикке талапкер катары көрсөткөн. Азыркы бийликтен Эрдоган талапкер болору айтылган, бирок расмий жарыялана элек. Сурамжылоолор президенттик жана парламенттик шайлоо жараяны чыңалуу менен коштолорун, оппозициялык... Читать дальше...
Болгариянын борбору Софиядагы советтик жоокерлердин эстелиги калаанын башка тарабына көчүрүлөт. Шаардык кеңеш ушундай чечим кабыл алганы 10-мартта кабарланды. Эми мэр Йорданка Фандакова талаштуу эстеликти калаа борборунан бир нече чакырым алыска - Социалисттик искусство музейи турган жерге көчүрүү тууралуу администрацияга өтүнүч жолдошу керек. Эстелик азыр шаардын борбордук паркынын жанындагы муниципалдык жерде жайгашкан. Ал 1954-жылы Советтик армиянын урматына тургузулган. Сынчылар эстеликти... Читать дальше...
Токмок шаардык кеңешинин депутаты "бейбаштыкка" шектелип кармалып, үйүнөн травматикалык тапанчанын огу табылганы кабарланды. Шаар мэри Урмат Самаевдин жакын адамынын кармалышына "Яндекс GO" такси кызматынын кеңсесине барып коркутуп, анын шаардан чыгып кетүүсүн талап кылганы себеп болду. Бул окуя криминал менен бийликтин мамилесине байланышкан талкууга жем таштады. Чүй облустук милициясы 9-мартта Токмок шаардык кеңешинин депутаты Кайрат Чокеев кармалганын, үйүн тинтүү учурунда травматикалык тапанчанын октору табылганын билдирди. Читать дальше...
КР Президенти, Коопсуздук Кеңешинин башчысы С.Н. Жапаровго
КР УКМК төрагасы К.К. Ташиевке
Урматтуу Садыр Нургожоевич!
Урматтуу Камчыбек Кыдыршаевич!
Кара-Суу райондук ЖДПБ директору К. Аталиевди төмөнкү фактылардын негизинде кылмыш жоопкерчилигине тартып, иштен айдап же ротация кылып берүүнүздү суранабыз.
1. КР Саламаттык сактоо министри Г.М. Баатырова өзүнүн жердеши Кара-Кулжа районунда туулган Кадыр Аталиевди Кара-Суу ЖДПБ директору кызмат ордуна мыйзамсыз дайындайт. Читать дальше...
Кыргызстанда ар кандай саясий окуялар, чек ара чыры, пандемия болгондо активдүү жарандар демилгени колго алып, муктаждарга жардамге келет. “Азаттык+” жарандык активизмдин мааниси жөнүндө ар кыл тармактагы активдүү кыздарды кепке тартты.
Иран менен Сауд Арабиясы мамилени калыбына келтирип, жакын арада элчилерди дайындоону макулдашты. Бул тууралуу 10-мартта эки өлкөнүн маалымат каражаттары кабарлашты. Макулдашуунун алдында Кытайдын ортомчулугу менен Бээжинде сүйлөшүүлөр өткөн. Ирандын мамлекеттик IRNA агенттиги билдиргендей, Эр-Рияддагы жана Тегерандагы элчиликтер эки айдын ичинде ишин уланта баштайт. Шиит мусулмандары көпчүлүктү түзгөн Иран менен суннит мусулмандар байырлаган Сауд Арабиянын мамилеси акыркы жылдары кастык мүнөзгө ээ болуп турган. Читать дальше...
Бишкек шаардык соту Кемпир-Абад иши боюнча камалган жыйырмадан ашык адамдын бөгөт чарасын карап, алардын абактагы мөөнөтүн 20-апрелге чейин узарткан биринчи инстанциянын чечимин күчүндө калтырды. "Акыйкаттыктан үмүтүм үзүлдү..." Шаардык сот “массалык башаламандыкка” шектелип кармалган жыйырмадан ашык адамдын апелляциялык арызын 9-10-март күндөрү карады. Алардын кылмыш ишине “жашыруун” деген гриф коюлгандыктан сот отурумдары жабык өтүп, айрымдары жакындары менен жүз көрүшө алган жок. “Терезден күтүп туруп, кирип баратканын эле көрө алдым. Читать дальше...
Кемпир-Абад ишине байланыштуу камакта отурган саясатчылар менен активисттердин бөгөт чарасы өзгөрүүсүз калды. Бишкекте контролдук-кассалык машина сыяктуу жаңы салык эрежелерине каршы кайрадан акция өттү. Си Цзиньпин үчүнчү жолу коммунисттик Кытайдын президенти болуп шайланды.
Кыргыз кинематографиясы оор жоготууга учурады. Кыргыз Республикасынын эл артисти, Токтогул Сатылганов атындагы мамлекеттик сыйлыктын лауреаты, белгилүү кинорежиссер Марат Сарулу 9-мартта Бишкекте 66 жашында дүйнө салды. "Былтыр да инфаркт алган" Кыргыз маданияты, анын ичинде кыргыз кино дүйнөсү мындан бир ай убакыт мурун гана “Кыргыз кереметин” жаратуучулардын бири, атактуу кинорежиссер Геннадий Базаровду жоготуп, өксүп турган чагында дагы бир чыгаан кинорежиссёр Марат Сарулунан айрылды. Сарулунун... Читать дальше...
Бишкекте түрттүрүлгөн “Нарын” ресторанынын ордуна беш жылдыздуу мейманкана, бизнес-борбор жана соода аянттарын камтыган көп тармактуу комплекстин курулушу башталды. Ага президент Садыр Жапаров капсула салганын өлкө башчынын басма сөз кызматы 10-мартта кабарлады. Маалыматка ылайык, комплексте 296 номери бар беш жылдыздуу мейманкана болот. Ошондой эле 444 батирлүү турак жай, соода аянттары жана 1,2 миңден ашык автоунаа үчүн жер астындагы машине токтотуучу жай салынат. Долбоордун баасы 321 млн. АКШ долларын түзөт. Читать дальше...
Эмгек, социалдык камсыздоо жана миграция министрлиги 13-марттан тарта “Мекен-карт” алуу үчүн документтерди кабыл алуу башталарын билдирди. Бул документ мурда Кыргызстандын жараны болгон чет өлкөлүктөргө, алардын балдары жана неберелерине берилет. “Мекен-картты” алуу үчүн калкты тейлөө борборлоруна, Кыргызстандын чет өлкөлөрдөгү элчиликтерине, мекемелерине кайрылыш керек. “Мекен-карт” алган кыргызстандыктарга “Чет өлкөнүн жарандыгы бар мекендеш” деген макам берилип, тарыхый мекенине визасыз кирип-чыгууга... Читать дальше...
Баткендин Исхак-Полотхан айыл аймагында 50 чакты үй-бүлө жергиликтүү бийликтин чечими менен үй-жай курууга берилген жерлеринен айырылып калчудай болуп турат. Жашоочулардын тамаркалары жайыт багытындагы жер деп соттон чечим да чыкканын айткан жергиликтүүлөр, укуктук жардам сурашат. Жергиликтүү бийлик болсо өз токтомунун мыйзамдуулугун коргоп, адистерден жардам алаарын айтат.
“Kумтөр Голд Компани” ишканасы Кумтөр алтын кенинде дагы эки жерден – “Үмүт” жана “Муздуу-Суу” карьерин ачып, ачык жол менен кен казууга болорун билдирди. Компания геологиялык изилдөөлөр былтыр жасалып, ушундай жыйынтык чыкканын кабарлады. Кумтөрдө кен негизи “Борбордук” карьериндеги 20 жана 21 деген аймактардан казылат. Андан тышкары “Сары-Төр” жана “Түштүк-Батыш” деген да кен казылган жерлер бар. “Кумтөр Голд Компани” былтыр кенден 17,3 тонна алтын өндүрүп, мамлекетке 32,1 млрд. сом салык жана милдеттүү төлөмдөрдү төккөн. Читать дальше...
Бишкек шаарында жер мунапысы алкагында бүгүнкү күнгө карата жалпысынан 6 миңден ашуун арыз каралды. Бул тууралуу мэриянын басма сөз кызматы 10-мартта билдирди. Мекеменин маалыматына караганда, ал арыздардын 2 жүздөйү боюнча оң чечим кабыл алынды, 5 миңден ашууну кошумча изилдөө үчүн тиешелүү кызматтарга жана шаар куруу корутундусун берүү маселесин кароо үчүн "Бишкекбашкыархитектура" мекемесине жөнөтүлгөн. 2021-жылдын 18-ноябрында Бишкектин четиндеги конуштардын биринде жашаган тургундар Өкмөт үйүнүн алдына митингге чыгып... Читать дальше...
Министрлер кабинетинин төрагасы Акылбек Жапаровдун Өзбекстандагы жумушчу сапары алкагында 15 документке кол коюлду. Кыргыз өкмөтүнүн басма сөз кызматы алардын тизмесин жарыялады. Кол коюлган документтер: Өзбекстандын президенти Шавкат Мирзиёевдин Кыргызстандагы мамлекеттик сапарынын жүрүшүндө жетишилген макулдашууларды ишке ашыруу боюнча биргелешкен практикалык иш-чаралардын планы ("жол картасы") (2023-жылдын 26-27-январы, Бишкек); Ташкент жана Бишкек шаарларында "Made in Kyrgyzstan" жана... Читать дальше...
Ички иштер министрлиги (ИИМ) жол эрежесин бузгандарга жаза катаалдагандан кийин быйыл 8-мартта мас болуп автоунаа айдагандар өткөн жылдын ушул күнүнө салыштырмалуу үч эсеге азайганын билдирди. Мекемеден билдиришкендей, ичимдик ичип машине айдагандар майрам күндөрү көп болот. 2021-жылы 8-мартта 18 мас айдоочу, ал эми 2022-жылы 20 болсо, быйыл 7 мас айдоочу кармалган. 8-марттан баштап жол эрежесин бузгандарга жазаны күчөткөн мыйзам күчүнө кирди. Жаңы эреже боюнча мас айдоочу – айдоочулук күбөлүгүнөн бир жылга ажыратылат. Читать дальше...
Гамбургдагы кол салууда өлгөндөрдүн саны сегизге жеткенин Ассошиэйтед Пресс агенттиги полицияга таянып билдирди. Германиянын канцлери Олаф Шольц атышууларды “ырайымсыз зомбулук актысы” деп мүнөздөдү. Полиция 9-мартта Гамбургдагы чиркөөдөгү атышуудан бир канча киши набыт болгонун маалымдаган. Баштапкы маалыматтарда алты киши өлгөнү жазылган. Расмий маалыматка ылайык, окуя кечки саат тогуздарда Гросс Борстел районундагы Жахабанын күбөлөрүнүн борборунда болгон. Полиция кол салган киши да өлгөнүн... Читать дальше...
Грузиянын парламенти "чет элдик агенттер" жөнүндө мыйзам долбоорун 10-мартта экинчи окууда четке какты. Башкаруучу "Грузин кыялы" партиясы бир күн мурун мыйзам долбоорун парламенттин кароосунан алып саларын билдирген. Мыйзам долбоорунда сырттан 20% ашуун каржылоо алган кандай гана уюм болбосун "чет элдик агент" деп каттоодон өтүүгө милдеттендирген жобо жазылган. Ал шартты аткарбагандарга чоң айып пул каралган. Өлкө президенти Саломе Зурабишвили жана оппозиция мыйзам долбоору сөз эркиндигин... Читать дальше...
Президент Садыр Жапаров Кыргызстан Жамааттык коопсуздук келишим уюмунун (ЖККУ) ролун жана авторитетин жогорулатууга кызыкдар экенин билдирди. Бул тууралуу президент 10-мартта ЖККУнун башкы катчысы Имангали Тасмагамбетовду кабыл алганда айтканын өлкө башчынын басма сөз кызматы билдирди. Садыр Жапаров аймактагы коопсуздук боюнча ЖККУ менен кызматташууга Кыргызстан өзгөчө маани берерин, быйыл Кыргызстанда уюмдун тынчтык орнотуучу күчтөрү менен биргелешкен “Бузулгус боордоштук-2023” машыгууларын өткөрүү пландалганын кошумчалады. Читать дальше...
Кыргызгидромет борбору кабарлагандай, 11-мартта жаан жаабайт. Тоолуу райондордо жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй өрөөнүндө түнкүсүн 3…8, күндүз 21…26, Талас жергесинде түнкүсүн 2…7, күндүз 19…24, Баткен, Ош, Жалал-Абад аймактарында түнкүсүн 5…10, күндүз 21…26, Ысык-Көл дубанында түнкүсүн -2…+3, күндүз 12…17, Нарын облусунда түнкүсүн -4…-9, күндүз 3…8, Бийик тоолордо түнкүсүн -13…-18, күндүз -2…+3. Читать дальше...
Чүйдүн Аламүдүн районуна караштуу Кара-Жыгач айылында башкалардын жерин басып алып, сатып жаткан деген шек менен бир адам кармалганын 10-мартта облустук милиция билдирди. 53 жаштагы шектүү милициянын убактылуу кармоочу жайына отургузулду. Мекеменин маалыматына караганда, ал башкаларга таандык жер тилкелерин ээлеп алып, айыл чарба багытындагы жер аянттарына жол салып, электр зымдарын тартып, жалпысынан 64,5 гектар жерди төрт соткадан бөлүп, там салуу үчүн сатып жаткан. Ага каршы арыз менен милицияга... Читать дальше...
Өзбекстанда Конституцияга өзгөртүү киргизүү референдуму 30-апрелге белгиленди. Бул тууралуу парламенттин Мыйзам чыгаруу палатасы Телеграмда кабарлады. Kun.uz сайты жазгандай, 10-мартта депутаттар тиешелүү мыйзам долбоорун талкуулап, референдумду 30-апрелде өткөрүү сунушун жыйынга катышкан дээрлик баары колдоду. Бюллетенде "Сиз Өзбекстан Республикасынын Конституциясы жөнүндөгү конституциялык мыйзамды кабыл аласызбы?" - деп жазылат. Парламенттеги талкууда Баш мыйзам 65% өзгөргөнү белгиленип,... Читать дальше...
Бишкектеги Октябрь райондук соту 10-мартта "Улуу көчмөндөр мурасы" улуттук холдингинин мурдагы башчысы Тенгиз Бөлтүрүктүн бөгөт чарасын карап, аны үй камагына чыгаруудан баш тартты. Бул тууралуу анын адвокаты Кайсын Абакиров "Азаттыкка" билдирди. Ал бул чечимге байланыштуу шаардык сотко кайрыларын айтты. Мунун алдында, 9-мартта Бөлтүрүктүн жубайы Илмира Алпысбаева күйөөсүнүн абалы стресстин айынан начарлап жатканын билдирген. Ал Фейсбукка күйөөсү ылмыш кылбаганын, актыгын далилдеш үчүн калпты аныктоочу детектордон өтүүгө даяр экенин... Читать дальше...
Кемпир-Абад маселесине байланыштуу камакта отурган оппозиционер саясатчы Равшан Жээнбеков бүгүн, 10-мартта мамлекет башчы Садыр Жапаровго кайрылды. Ал кайрылуусунда, Кыргызстан “Үчүнчү жолу авторитардык өлкөлөрдүн катарына киргени донор өлкөлөргө, эл аралык финансы уюмдарына жана инвесторлорго чоң сигнал экенин, бул сөзсүз терс таасирин тийгизерин” белгиледи. “Акыркы үч жылда орногон супер президенттик авторитардык саясий система, Freedom House уюму баса белгилегендей, саясий оппоненттерди, бийликти сындаган журналисттерди... Читать дальше...
Беларуста мамлекетке чыккынчылык үчүн өлүм жазасы киргизилди. Александр Лукашенко “Кылмыш жоопкерчилиги маселелери боюнча кодекстерди өзгөртүү жөнүндө” мыйзамга кол койгонун анын басма сөз кызматы билдирди. Мыйзамга ылайык, эми чыккынчылык кылгандарды, "бийликти басып алуу максатында" кутум уюштургандарды, тыңчылык кызмат көрсөтүүгө шектелген кишилерди камакта кармоо мөөнөтү үч суткадан он суткага чейин узартылат. Шектүүгө айып тагуу мөөнөтү 20 суткага чейин көбөйөт. Мыйзамда терроризмди үгүттөө... Читать дальше...
