Кыргызстанда пневмония болуп ооругандардын расмий саны бир апта ичинде дээрлик үч эсе көбөйдү. Саламаттык сактоо министрлигинин расмий маалыматына караганда, коронавирус эпидемиясы башталгандан бери 15-июлга чейин мындай диагноз 9204 адамга коюлду. Бир апта мурда бул көрсөткүч 3829 бейтап болчу. Бул оорудан соңку бир сутка ичинде 74 бейтап каза болду, алардын 57си аймактарда, 17си Бишкекте. Март айынан бери өпкөсүнөн кагынып (пневмония) көз жумгандардын саны 571 адам болду. Кечээтен бери 954 бейтап жаңы аныкталды. Читать дальше...
Ошентип, «Маалыматты манипуляциялоо жөнүндө» мыйзам президенттин кол коюусуна киргизилди. Эми өлкө башчысы мыйзамга бир айдын ичинде кол же вето коюуга укуктуу. Бул чуулгандуу мыйзам долбоору пайда болгондон бери эле ага байланыштуу ызы-чуу токтобой келет. Бир нече жума коомдун көңүл чордонунан түшпөй кызуу талкууга алынып, акыры пандемияга карабай элди митингге чыгарганга жетишти. Бүдөмүк максаттары, оркоюп көрүнгөн кемчиликтери, мыйзам талап кылган анализдин жоктугу... Акылга сыйбаган ушундай факторлорго карабай... Читать дальше...
Педагогика илимдеринин доктору, коомдук ишмер Жанкороз Каниметов дүйнөдөн кайтты. Соңку эки күндө бир нече мугалим каза болду.
Кыргызстанда коронавирус жугузуп алып каза болгон медицина кызматкерлеринин жалпы саны алты адам. Расмий статистикалык маалымат ушундай экенин “Азаттык” радиосуна 15-июлда Саламаттык сактоо министрлигинин басма сөз кызматы кабарлады. Коронавируска каршы республикалык ыкчам штаб буга чейин кабарлагандай, алар: 1. Бишкектеги №3 Үй-бүлөлүк медицина борборунун дарыгерлер тобунун жетекчиси, 2-майда каза болгон Жүзүмкан Көкүмбаева 2. Ош облусунун Кара-Кулжа райондук үй-бүлөлүк медицина борборунун... Читать дальше...
14-июлда педагогика илимдеринин доктору, экс-депутат, мамлекеттик жана коомдук ишмер Жанкороз Каниметов 70 жаш курагында мезгилсиз дүйнөдөн кайтты. Бул тууралуу Каракол шаардык мэриясы маалымдады. Азырынча Жанкороз Каниметов өлүмүнүн себеби кабарлана элек. Жанкороз Каниметов 1950-жылдын 30-мартында Ысык-Көл облусунун Түп районунун Токтоян айылында туулган. Ал Караколдогу мамлекеттик педагогикалык институтун жана Кыргыз улуттук университетин аяктаган. Эмгек жолун Ысык-Көл облусунда мектеп директорлугунан баштап... Читать дальше...
Соңку сутка ичинде Кыргызстандын ооруканаларында коронавирустан 11, пневмониядан 74 бейтап каза болду. Бул тууралуу 15-июлда Саламаттык сактоо министрлигинин өкүлү Айнура Акматова билдирди. Пневмониядан кайтыш болгондордун 57си аймактарда, 17си Бишкекте. Март айынан бери өпкөсүнөн кагынып көз жумгандардын саны 571 адам болду. Жалпысынан мындай диагноз менен март айынан бери ооруканага 9204 адам жаткырылды, алардын 954и соңку бир суткада аныкталды. Кечээтен бери бул оорудан дарыланып жаткан 493 бейтап айыгып, үйүнө чыкты. Читать дальше...
Кыргызстанда өзгөчө абал режимин киргизүү талаптары кайрадан жаңыра баштады.
Ноокат райондук санитардык-эпидемиологиялык көзөмөл борборунун жетекчиси Айчүрөк Келдибекова 55 жашында көз жумду. Ал Ноокат райондук ооруканасында COVID-19 илдетине чалдыккан адамдарды дарылап, иштеген. Бул тууралуу анын кесиптештери “Азаттыкка” билдиришти. Азырынча дарыгердин өлүмүнүн себеби аныктала элек. СПИД менен күрөшүү боюнча Ош облустук борборунда башкы дарыгердин орун басары болуп иштеген Айчүрөк Келдибекова быйыл март айында Ноокатка санитардык-эпидемиологиялык көзөмөл борборун жетектөөгө дайындалган. Читать дальше...
14-июлда Бишкекте кол коюлган келишимге ылайык, Жапония социалдык-өнүктүрүү программасынын алкагында Кыргызстанга 500 млн. иен (4,6 млн. доллар) бермек болду. Келишимге Жапониянын Кыргызстандагы элчиси Маэда Сигэки менен Кыргызстандын финансы министри Бактыгүл Жеенбаева кол койду. Жапон элчилиги тараткан маалыматта: "Учурдагы коронавирус инфекциясы жайылган кырдаалды эске алып, жапон өкмөтү Кыргызстанга жогорку сапаттуу медициналык жабдуулардын алып бермек болду. Жабдуулар коронавируска чалдыккан... Читать дальше...
Газды кайра иштетүүчү Амур заводунун курулушунда иштеп жаткан мигранттар мекеме жетекчилигинин кеңсесин талкалашты.
Согди облустук бийликтин маалыматына караганда, облуста жарым жылда 6 миңден ашуун киши каза тапкан, бирок бирөөнүн да өлүмүнө коронавирустун тиешеси жок. Бул маалыматты 14-июль күнү Жарандык актыларды каттоо башкармалыгы тастыктады. Башкармалыктын жетекчилеринин бири Фарахманд Нарзизоданын сөзүнө караганда быйыл жарым жылда Согди облусунда 6 063 адам дүйнөдөн кайткан. Бул былтыркы жарым жылга караганда дээрлик 300 адамга көп. “Облустук ЗАГС COVID-19 вирусунан улам көз жумган бир да кишини каттаган жок. Читать дальше...
Баркыт ыңкылабына чейин Чехословакияны башкарып турган, Коммунисттик партиянын акыркы башчысы Милош Якеш 97 жашында дүйнөдөн кайтты. Бул тууралуу Чехиянын радиосу кабарлады. Саясатчы бийликтен 1989-жылы четтетилген. Чехияда ага каршы “мамлекетке чыккынчылык кылганы жана Батышка кетүүгө аракет кылган жарандардын өлүмү үчүн” кылмыш иштери козголгон. Якеш 1922-жылы Ческе Халупа кыштагында кедей үй-бүлөдө туулган. 1945-жылы Компартиянын катарына кирип, бат эле партиялык карьерасын түптөгөн. Москвадагы жогорку партиялык мектепте окуган. Читать дальше...
Орусиянын Мамлекеттик Думасы АКШдан каржыланган бейөкмөт уюмдардын ишин токтотуу тууралуу мыйзам долбоорун биринчи окуудан кабыл алды. Мыйзам долбооруна ылайык, Юстиция министрлиги Орусияда саясий ишмердүүлүк менен алектенген же “мамлекеттин зыянына” иштеген программа, долбоорлорду ишке ашырган коммерциялык эмес уюмдардын ишин да токтотууга укуктуу. Мыйзам долбоорунун автору Андрей Луговой - сайттарды сотко чейин жабууга уруксат берген “эгемен интернет” мыйзамынын да авторлорунун бири. 2015-жылы... Читать дальше...
14-июль күнү кечке жуук Беларустун борбор калаасындагы Эгемендик аянтына жүздөгөн адамдар жөө жүрүш менен келип чогулду. “Немис толкуну” маалымдагандай, чогулгандар жөн гана кол чаап жүрүп отурушкан. Аларга жолдон өтүп бара жаткан автоунаалардын айдоочулары сигнал берип, тилектештигин билдиришкени кабарланды. Укук коргоочулар ондогон активисттер кармалганын маалымдашты. Арасында чет өлкөлүк маалымат каражаттарынын журналисттери да бар. Саат түнкү 11 ченде “Азаттыктын” беларус кызматынын эки журналистин полиция кое берди. Читать дальше...
Өзбекстандын Орусиянын Казан шаарындагы консулдугу “Коммерсанть” басылмасына жарандарын алып кетишерин 14-июлда билдирген. Маалыматка ылайык, өзбек бийлиги Самара жана Оренбург облустарында, орус-казак чек арасында турган жарандарын атайын поезд менен алып кетмекчи. Консулдук учурда бул маселе тууралуу Орусиянын жана Казакстандын бийлиги менен сүйлөшүүлөр жүрүп жатканын кабарлаган. Өзбекстандын эки миңден ашуун жараны Самара облусунун Большая Черниговка айылында жана Оренбургдагы Бузулук районунда топтолгон. Читать дальше...
Коронавирустан өпкөсү кагынгандарга “хижама даба экени” тууралуу видео соцтармактарга желдей тарады. Дарыгерлер бул ыкмага таптакыр каршы. Дүйнөлүк саламаттык сактоо уюму коронавирус менен күрөштө ар кандай мифтерге ишенип, өз билгениндей дарылануудан баш тартууга үндөп келет.
