Belarusda bir aýaly öldürmekde aýyplanýan türkmenistanly barada täze maglumatlar peýda boldy. Onuň garyndaşy we tanyşlary Azat Ýewropa/Azatlyk Radiosynyň Belarus gullugyna beren maglumatlarynda aýyplanýanyň şahsyýetiniň Batyr A.-dygyny tassykladylar.
Lebapda mehanizator traktorçylar her ýarym ýyllykda bir sapar 150 manat töläp, mejbury abuna ýazylýan gazet-žurnallarynyň özlerine gowşurylmazlygyndan şikaýat edýär.
Türkmenistanda gyş möwsümi dowam edýän mahalynda, Mary welaýatynyň edara-kärhanalarynyň işgärlerine Hazar deňziniň kenaryndaky Awaza syýahatçylyk zolagynda dynç almak üçin ýollanma satyn almak teklip edilýär.
Daşoguz welaýatynyň Görogly etrabynyň birnäçe geňeşliginde häkimiýetler kärendeçileriň ýerlerini ellerinden alyp, olary daýhan birleşiklerdäki “gurply hojalyklara” berip başlady. Bu barada Azatlyk Radiosynyň ýerli habarçysy 13-nji ýanwarda ýurt içinden habar berdi.
Aşgabadyň aeroportunda raýatlaryň daşary ýurtlara barýan uçarlardan zor bilen düşürilmegine degişli ýagdaýlar dowam edýär. Şol bir wagtda-da, Türkmenistanyň migrasiýa häkimiýetleri raýatlara daşary ýurt pasportyny almak üçin internet arkaly ýüzlenmek hyzmatynyň hödürlenýändigini aýdýarlar. Emma iş ýüzünde şeýle hyzmatlar elýeterli däl. Hökümetçi Turkmenportal neşri 12-nji ýanwarda çap eden maglumatynda Türkmenistanyň döwlet migrasiýa gullugy ýurduň raýatlaryna daşary ýurt pasportyny internet üsti... Читать дальше...
Moskwada Liwiýanyň öz aralarynda uruş alyp barýan bäsdeş liderleri parahatçylyk gepleşiklerini geçirýärler. Bu barada rus Daşary işler ministrligi maglumat berýär. 13-nji ýanwardaky gepleşiklere Liwiýanyň BMG tarapyndan ykrar edilen Milli ylalaşyk hökümetiniň ýolbaşçysy Faýez al-Sarraj we Liwiýanyň milli goşuny diýilýäne ýolbaşçylyk edýän Khalifa Haftar hem gatnaşar. Russiýanyň Liwiýa boýunça habarlaşyk toparynyň başlygy Lew Dengowyň sözlerine görä, gepleşikleriň dowamynda iki tarap “ok atyşyklary... Читать дальше...
Türkiýäniň Stambul şäheriniň Kilýos sebitiniň kenarlarynda 82 metr çuňlukdaky batan balykçy gämisinden türkmenistanly raýatyň jesedi tapyldy. Bu barada türk habar serişdeleri 11-nji ýanwarda habar berdiler. Maglumata görä, mundan bir gün öň “Dursun Ali Coşkun” atly türk balykçy gämisi Russiýanyň baýdagy aşagynda hereket eden “Glard 2” tankeri bilen çaknyşandan soňra batypdyr. Türk balykçy gämisiniň üstünde üç kişiniň bolandygy anyklady we olaryň jesetlerini suwuň düýbünden çykarmak işleri başladyldy. Читать дальше...
Kanadanyň premýer-ministri Justin Trideau geçen hepde Eýran tarapyndan urlup ýykylan ukrain uçarynda heläk bolanlar üçin “adalaty” söz berdi. “Biz jogaplar berilýänça arkaýyn oturmarys” diýip, Trideau uçarda heläk bolan Kanadanyň 57 raýatynyň hatyrasyna 13-nji ýanwarda geçirilen mirasymda aýtdy. Bu aralykda, Eýranda resmileriň uçaryň urlup düşürilmegi bilen baglylykdaky hereketlerine nägilelik bildirip, tertip ikinji gün hökümete garşy protestler geçdi. Eýranyň harbylary 8-nji ýanwarda Boeing... Читать дальше...
Ukrain resmileri rus häkimiýetleri tarpyndan prezident Wladimir Putiniň janyna kast etmek synanyşygyny gurnamakda aýyplaýan çeçene garşy 2017-nji ýylda edilen hüjümi planlaşdyrmakda şübhelenýäniň tussag edilendigini aýtdylar. Içeri işler ministr Arsen Awakow 2-nji oktýabrda Adam Osmaýewe edilen hüjüm bilen ilteşikli şahsyýeti aýdyňlaşdyrylmadyk kişiniň tussag edilendigi barada 12-nji ýanwarda özüniň Facebook hasabynda ýazgy galdyrdy. 2017-nji ýylyň oktýabrynda Kiýewiň eteginde edilen hüjümde Osmaýew ýaralandy... Читать дальше...
Gürjüstanyň bölüniji Abhaziýa sebitiniň lideri Raul Hajimba, regional paýtagt Suhumide tertip dört gün geçirilen protestlerden soň, wezipesinden çekildi. Ozalky abhaz premýer-ministri Sergeý Şamba Hajimbanyň bu baradaky beýanatyny 12-nji ýanwar güni giçlik prezident rezidensiýasynyň daşynda ýygnanan protestçileriň öňünde okady. Parlamentiň spikeri Waleriý Kwarçiýa Hajimbanyň çekilendigini tassyklady, şeýle-de “nobatdaky prezidentiň kim bolmalydygy meselesiniň entek kesgitlenmändigini” belledi. Читать дальше...