Лидерот на ВМРО-ДПМНЕ, Христијан Мицкоски по средбата на Централниот комитет на партијата ги објави носителите и кандидатите на листите за пратеници за претстојните предвремени парламентарни избори закажани за 12 април. Според него, 95 отсто од нив се нови имиња и се дава шанса на нова генерација која треба да се избори за својата иднина. Носител во изборната единица 1 е професорката Гордана Силјановска Давкова, која беше и претседателски кандидат на ВМРО-ДПМНЕ на последните избри. Потпретседателот на партијата... Читать дальше...
Српското министерство за здравство соопшти денеска дека во земјата е регистриран петтиот случај на коронавирус. Странски државјани кои денес слетале во Ниш со авион од Бергамо биле вратени во Италија во согласност со мерките на властите, а српските државјани биле ставени под домашен надзор. Српската Влада соопшти дека се суспендирани сите летови кон Италија од белградскиот и нишкиот аеродром и дека однела одлука да воведе привремена забрана за влез во земјата за странски државјани кои доаѓаат од области со интензивно присуство на коронавирус.
Локалните власти во Москва забранија масовни јавни настани од над 5.000 луѓе со цел да се спречи ширењето на коронавирусот. Забраната ќе трае еден месец, односно до 10 април. Таквата одлука доаѓа откако Државната Дума, го одобри уставниот амандман со кој ќе му се дозволи на претседателот Владимир Путин да се кандидира за нов мандат во 2024 година, чекор којшто може да ја предизвика опозицијата да излезе на протести. Путин прифаќа измени на Уставот за да може пак да се кандидира за претседател ... Читать дальше...
Откажани театарски претстави, концерти и фестивали, отворања на изложби, поместени промоции на книги, се само некои од потезите на културните институции по најновата препорака на Министерството за здравство и мерките на претпазливост за потенцијално ширење на вирусот „Ковид-19“ во земјава.
Две недели ќе нема настава, се забрануваат масовните јавни собири, спортските натпревари во следните 30 дена ќе се одвиваат без публика, што значи дека и фудбалскиот натпревар Косово- Македонија ќе се игра без публика. Се воведува задолжителна самоизолација на сите лица кои доаѓаат од високо и средно ризичните држави. Се препорачува избегнување на патување во земји кои се од висок и среден ризик.
По најавите на градскиот татко дека ќе ја отстранува првата од трите галии на кејот на Вардар, дел од критичката јавност смета дека ова е уште една мерка во предизборни цели. Други пак велат дека најважна е безбедноста на граѓаните, а не мотивите поради кои тоа се прави
За прв пат пред одржување на парламентарните избори е договорена коалиција меѓу партија од македонскиот и албанскиот блок. СДСМ и БЕСА решија заедно да одат во лов на гласови, но затоа како ќе изиграат другите партии од албанскиот блок се прават пресметки дури и на социјалните мрежи.
Граѓаните велат дека ги знаат и почитуваат препораките за коронавирусот. Сепак најголема вознемиреност во јавноста предизвика информацијата дека со коронавирус се заразила и директорката на Клиниката за кожни болести, која патувала во северна Италија и поради која во карантин се ставено околу 200 луѓе. Министерот за здравство, Венко Филипче рече дека ќе има одговорност за секој којшто нема да се придржува до пропишаните мерки. Од Лекарска комора порачуваат лекарите да се однесуваат одговорно и разумно.
Со ставањето на цела земја во карантин, Италија јасно покажа како епидемијата на коронавирус се шири во светот. Дури и американскиот претседател Доналд Трамп, кој е скептичен во врска со коронавирусот, најави мерки за справување со последиците од новото заболување.
