Телефонан террорца къийсам латто ФСБ-н бакъо хир ю дийнна пачхьалкхашца 6 баттана зIе дIаяккха. Маситта бутт хьалха Кхерамазаллин кхеташоно и хаттар дийцаре дар тIедожийна Федералан кхерамазаллин сервисана а, зIенан министраллина а. 2019-гIа шо чекхдалале цара билгалдаккха деза хIун хийцамаш бан беза зIенаца доьзначу низамашна тIехь и гIуллакх чекхдаккха. Цунах лаьцна яздо РБК-но, Кхерамазаллин кхеташонан аппаратан векална тIе а тевжаш.
КадыровгIеран исторехь дуьххьара ду «шайниг» хIаллаквеш КадыровгIаьра жоп лучу Нохчийчохь лаккхарчу даржашка вохуш лелийна волу Кадыров Ислам, дукха нах цец а бохуш, ваьккхина зуламхочун «дарже». Бакъду, Кадыров Рамзанан тобанерчу кхечу декъашхошка ма-кхаччара кхаьчна дара хьаькамалла цуьнга а. 2009-чу шарахь долийра, жима воллушехь, иза даккхийчу даржашка хийшор. Оьрсийчоьнан исторехь уггаре къона мэр вира 25 шо долчу Исламах. Пайде хилла цунна, ша мехкан куьйгалхочун маьхчин воI хиларал а совнах... Читать дальше...
7 салти вийна Оьрсийчохь Забайкальен махкарчу кIевлинчу Горный цIе йолчу гӀалин кепара эвлахь, эскаран декъехь герз диттина. Чевнаш хилла кхин а 2 стаг госпитале кхачийна ву. И зулам дарна шеко йолуш лаьцна ву салти. Болчу хаамца, цо герз диттина шеца цхьана эскарехь гIуллакх дечу шен нкъосташна, хаам бо Интерфаксо. Иза хилла караул хуьйцуш, билгалдоккху "Чита.ру" зорбан гIирсо. Baza зорбан гIирсо яздарехь, байинчарна юкъахь ву 2 эпсар а, 2 контрактник а. Бисинарш муьлуш бу къастош ду.
Кадыров Ислама адамашна ницкъ бар, Шема 300 эскархо хьажийна (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Соьлж-ГIалахь лаьцна Ростовн махкарчу Чернозубов кIотарахь 5 стаг а вуьйш, шина тобано вовшашна герзаш деттарехь дакъалаьцна стаг. Цунах лаьцна хаам бина чоьхьарчу гIуллакхийн министраллан Нохчийчуьрчу урхаллан зорбан сервисо. Цу хаамца, и стаг, Нохчийчьурчу талламхоша левинчул тIаьхьа, дIавелла Ростохан махкарчу полицин белахошка. Талламхоша дийцарехь, ГIадужу-беттан 22-чу дийнахь Чернозубов кIотарахь меттигерчу бахархойн шина тобано вовшашна герз диттина, даьхни дажо меттиг кIевсина. Вийна пхи стаг, шиъ дарбанан хIусамехь ву. Читать дальше...
Говраш гойту пачхьалкхан драмматикан театр «Наьрташ» («Нарты»), 13 шарахь садаIначул тIаьхьа, болхбан йолаелла БуьритIехь юха а. Дуьххьара цо шен гайтам схьабиллира 2006-чу шарахь. ДIадахначу кIирандийнахь «Лаьмнашкахь дезаде» спектакль гайтина театро. ХIирийн йозанна а, литературана а бух биллинчу Хетагуров Костан 160 кхачарна лерина яра иза.
Симферополехь "Крым 24" телеканалан корреспондентана Уваров Николайна тоьхнарг мила ву къаьстина. Иза ву 22 шо долу Нохчийчуьра схьаваьлла Гаджиев Абу. Цо бехк цабиллар дехна нохчийн халкъе, ша динарг бахьана долуш, хаам бо "Грозный-информ" агенталло Билгалдаккхарехь, Гаджиев мотоцикалш дукха езаш ву. Ши шо ду иза вехаш а, болх беш а волу ГIирман коьртачу гIалахь. Жимачу стага чIагIдарехь, цу тайпаниг дуьххьара даьлла цуьнгара, цо дош делла иза юха ца хилийта. Шен дас-нанас а, воккхахволчу вашас а... Читать дальше...
Нохчийчохь долчу "Единая Россия" партин декъан секретаран декхарш кхочуш дар тIедожийна цу партин Инарлин кхеташонан президиумо республикерчу парламентан куьйгалхочунна Даудов Мохьмадана. Хьалха и дарж дIалоцуш вара Оьрсийчоьнан президентан хьехамча Эдельгериев Руслан. Цунах лаьцна хаам беш бу "Единая Россия" партин официалан сайта тIехь. Даудов декъашхо ву "Единая Россия" партин президиуман, Нохчийн Республикан парламентан цу партин фракцин куьйгалхо санна.
Омарова Саида Дагестанерчу студенташа чоьхьарчу гIуллакхийн министре дина хеттарш Мехкан чоьхарчу гIуллакхийн министр Магомедов Iабдурашид веанера Дагестанан университетерчу юридикан факултетерчу студенташца къамел дан, амма цхаьнакхетар дирзина девне. Дика доьшуш болчу студентех ларало Абдуллаев Iумарпаша. Цо хаьттира министре, стенна ю махкахь коррупци, стенна ца кхоллалора полицин цхьана а тайпа гамо «мохк шерашкахь биинчу», стохка миллионаш лелчкъорна лецначу Дагестанерчу хьаькамашка. ... Читать дальше...
Адам а дуьйш, некъан хьовзам хилла Гуьмсан кIоштахь. Иза хилла Лахарчу-Нойбоьрера Энгель-Юьрта боьдучу некъаца. 30 шо долчу меттигерчу вахархочо ша урхалла дон Газель машен тIетоьхна гIаш йогIучу 59 шо долчу Шелковски кIоштарчу яхархочунна. Хиллачу чевнех зуда оццу меттехь кхелхина, хаам бо чоьхьарчу гIуллакхийн министраллан Нохчийчуьрчу урхаллан зорбан сервисо. Дийцарехь, хилларг къастош бу полицин белхахой.
Нохчийчохь полицино таллам болийна Соьлж-ГIалин мэр хиллачу Кадыров Ислама лелийнарг бахьана долуш, цо нахана кхерамаш туьйсуш а, ницкъ беш а яьккхина видео гучуялар бахьана долуш. Цунах лаьцна хаам бина ЧГТРК "Грозный" телеканалан хаамашкахь. Нохчийчоьнан коьртачу гIалин криминалан декъан хьаькаман когаметто Мутиев Саламбека бинчу хаамца, Кадыров Исламах лаьцна видео яьккхина мэран зорбан сервисо. Иза низамаш лардон органашка дIаелла "Грозный" телеканало. Видео тIехь Кадыровс ницкъ бо... Читать дальше...
Нохчийн Республикехь дIатардинчу Оьрсийчоьнан эскаран 300 тIеман полисхочух лаьтта дакъа хьажийна Шема. Цунах лаьцна хаам бинчу "Звезда" телеканало дийцарехь, цара кхочуш йийр ю шайна хьалха хIиттийна леррина Iалашонаш. Болчу хаамца, гергарчу хенахь уьш шайна тIедиллина декхар кхочуш дан буьйлалур бу билгалйинчу кIошташкахь меттигерчу бахархойн кхерамазалла ларйеш а, туркойн дозанца 30 километр шуьйра асанера курдийн тIеман тобанаш арайохуш гIо деш а, хаам бо телеканало.
