Туркошна дуьхьалбевлла шемахой, телевизионехь ца гойту Кадыров, Батукаев бахьанехь президентан бойкот (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
1979-чу шарахь ГIажарийчохь Исламан революци хиллачу тIаьхьа дуьйна махкарчу зударшна дихкинера стадионашка эхар. 40 шо даьллачул тIаьхьа 4 эзар гергга футболан фанат-зуда йитира 2022-чу шарахь хинйолчу дуьненан чемпионате къасточу ГIажарийоьнна а, Камбоджана а юкъахь йоьдучу матче хьажа. Полисхойн кордонца божарех дIа а къастийна, шайнна метиг баьккхинера зударшна матче хьовса.
Шемара хьал политикехь дерзорна новкъарло ечу муьлххачу а некъашна дуьхьал ю Оьрсийчоь аьлла, дIахьедина Оьрсийчоьнан президентан пресс-секретаро Песков Дмитрийс. Курдойн гIаттамхошна дуьхьал Шеман къилбаседанехь операци йолийна Туркойчоьно ГIадужу-беттан 9-чохь. Песковс бахарехь, Туркойчоьно Шемаца болийначу тIама юкъа Оьрсийчоь озон хьесап ду аьлла, оьрсийн Iедалхошна "ойлаян а ца лаьа". Кремлан векало дийцарехь, оьрсийн а, туркойн а Iедалхоша а, буьйранчаша а вовшашца латтош уьйраш ю. Песковс билгал ца даьккхина... Читать дальше...
СаIуда Iаьрбийчоьнан паччахьо Салман ибн Iабдул-Iазиз Ал СаIуда кхайкхарца СаIуда Iаьрбийчу веана Оьрсийчоьнан президент Путин Владимир, хаамбо "Новости" агенталло. Официалан нах а, бизнесхой а боцурш а, Оьрсийчуьра яхначу делегаци юкъахь ву Нохчийчоьнан куьйгалхо Кадыров Рамзан а. Анониман хьостанаша "цомгуш ву", "юучух цатам хилла", "кIелойина" бохуш, яздинехь а, массарел а каде салам а луш, нохчийн ламасташца мараиккхира нохчийн куьйгалхо Путин Владимирна. Шинаридийнахь Iарбойн Цхьанатоьхначу Эмираташка ваха Iалашо ю Путинан.
Нохчийн криминалан авторитет Батукаев Iазиз низам дохош набахтера арахецарца долийначу гIуллакхан хьокъехь кхелахошна бойкот кхайкхийна ГIиргIазойчоьнан экс-президенто Атамбаев Алмазбека, яздо "Интерфакс-Азейрбайджан" хьостано. "Кхелана бойкот кхайкхийна Атамбаевс, цундела суьдхойн процессе ваха лаам бац цуьнан. Шена тIехь ен кхел харц ю, кхелан кхеташонашка гIур вац ша аьлла, дIахьедина цо",- аьлла Атамбаевн адвокато Жоошев Замира. Экс-президент а воцуш, цуьнан кхелан процесс дIаяхьар деха дагахь ду шаьш оршотдийнахь аьлла адвокато. Читать дальше...
ГIалгIайн юкъараллан "Мехк-Кхел" боламан куьйгалхочун Султыгов Сараждинан хIусамех хьовса баьхкина хилла полисхой, яздо "МБХ медиа" хьостано. ГIалгIайчуьрчу бусулбачийн Ассоциацин хьалханчас Абадиев Мусас хаамбина хьостане, полисхой баьхкина хила тарло, 2015-чу шарахь Шемахь велла лоруш волу цуьнан кIант Султыгов Руслан "цIа веана хила тарло" аьлла хеташ. Магасерчу ФСБ-н урхалле дIавигина хилла Султыгов Сараждин. Абадиевна хетарехь, Нохчийчоьнан парламентан спикере Даудов Мохьмаде цо бинчу кхайкхамца доьзна хила а тарло... Читать дальше...
Туркойчоьнан эскарш чудаьхкича Шемарчу набахтешкара бовда аьтто баьлла "Исламан пачхьалкх" шех олучу тобанхойн доьзалийн.
Кху шеран юьххьехь химин герз лелорна тоьхна санкцеш 2020-чу шеран ГIадужу-беттан 16-чу дийне кхаччалц дIаяхъян сацамбина Евросоюзан Кхеташоно. Пхеа шемахочунна а, веа Оьрсийчоьнан вахархочунна а дозанаш тохаро доьхкур ду Евробертан пачхьалкхашкахуда лела, ишта йоьхкур ю церан активаш. Ву царлахь Оьрсийчоьнан Инарла Штабан Коьртачу Урхаллан (хьалха ГРУ) куьйгалхо Костюков Игорь а, цуьнан хьлхара гIовс Алекссев Владимир а, ишта ву Чепига Анатолий а, Мишкин Александр а. Уьш тептар юкъабахийтина Петров Александран а, Боширов Русланан а цIерашца. Читать дальше...
Карара шо дерзале Нохчийчохь 54 некъ тобан Iалашо ю шайн аьлла, дIахьедина республикан премьер-министро Хучиев Муслима, машенаш хоьхкучу некъийн машанаш кхиорна а, некъаш тIехь кхерамзалла латторан а хеттарш дийцаредечу гуламахь. Хучиевс билгалдаккхарехь, Оьрсийчоьнан регионашлахь Нохчийчоь къаьсташ ю, некъан бохамашкахь нах балар уггар а кIезиг хиларца. Билгалдоккху, байначу беттан некъан полицино Iорадаьхначу терахьащца, 138 некъан бохам хилла махкахь. Цу инциденташкхаь велла 74 стаг, лазийна 189.
Туркойчоь тIелеттачу къилбаседа хьовсийна Шеман эскарш. Шемарчу официалан хьостанаша Туркойчоьнан тIелатар "агресси" ю аьлла, дIахьедина. Оцу юкъанна хаамаш баьржина Шеман куьйгаллина а, "Шеман демократин ницкъашна" а (курдойн гIаттамхой) юкъахь дийцарш дуьйладелла аьлла. Reuters агенталло яздарехь, Оьрсийчоьно Iалашъечу Латакерчу Хмеймим авиабазехь дIахьош ду дийцарш. Бертан дийцарех кхачо йоллу информаци луш яц. Iамеркан Цхьанатоьхначу Штатийн тIеман министрна Эспер Маркна хетарехь, Туркойчоьно... Читать дальше...
Нохчийчоьнан урхалхочун Кадыров Рамзанан администрацин куьйгалхо лаьттинчу Кадыров Исламан юьхь дIахьулйо нохчийн пачхьалкхан "Грозный" телеканало шен сюжеташкахь аьлла, хаамбина нохчийн блогеро Абдурахманов Тумсос шен Telegram-каналехь. Массо а архиван видеош тIехь юхь къайлайоккху хьаькаман, Абдурахмановс дийцарехь. Масала, кху беттан 11-чохь Кадыров Рамзан Урдуне вахарх дуьйцучу хенахь пайдаоьцу телехьожийло пхи шо хьалха Урдунан паччахь Iабдалла ШолгIаниг Нохчийчу веача яьккхинчу видеох. Цу... Читать дальше...
