Оьрсийчуьра журналист Юзик Юлия лаьцначуьра кеста дIахеца лерина яц ГIажарийчоь – ТехIеранерчу изоляторехь лаххара а кIира доккхуьйтур ду цуьнга, элира «Кавказ.Реалиига» адвоката АгахIани Хьасана (Hassan Aghakhani). «Ас Юлиян гIуллакх лелочу талламчица къамел дина. Цо соьга дийцира иза стенна лаьцна. Ас хаьттира, шпион ю аьлла-м ца лаьцна иза. Ца лаьцна, жоп делира цо», - боху АгахIанис. Ша адвокат тIе ца витина журналистна, талламча цуьнга хеттарш дина ца ваьлла, аьлла. Гарехь, кIира даьлча бен кхочур вац иза Юзик йолчу. Читать дальше...
Нальчикерчу изоляторехь латточу гIалгIайн жигархочунна Саутиева Зарифина тIе ца буьту цуьнан адвокаташ, хаам бина "Кавказ.Реалиига" юриста Дзугаев Билана. "Ши адвокат – Беков Мохьмад а, Урусова Фатима а – ду тIе ца дуьтуш. Талламчаша къастадо, мила тIевахийта мега я ца мега. Иза низамехь дац», - боху Дзугаевс. Маршо Радионо довзийтина ма-хиллара, кхо бутт хьалха ХIирийчохь лецира Саутиева. Iедалан белхахошна дуьхьалоярна бехкейо иза. Зазадоккху-баттахь гулам лаьттира Магасехь, Нохчийчоьнан а... Читать дальше...
Федералан «Кавказ» некъа тIехь иккхинчу некъахьовзамехь велла Дагестанерчу Избербашера ши полисхо. Мехкан полицин урхалло бечу хаамца, шерша йолаеллачу машенах дола ца далуш, иза тIекIалъяьллачу миноташкахь велла и шиъ.
Оппозицехь волчу блогеро Абдурахманов Тумсос рогIера видео яржийна Нохчийчоьнан куьйгалхочуьнга Кадыров Рамзане вист хуьлуш. Цо иза бехкево нохчийн гIиллакхашца шалхенаш лелорна. Ши кIира хьалха видеош яьржира интернет-зIенашкахула, маре йоьдучу йоьIаца да воьлхуш а, шен нускалца къона майра, цуьнан мара ийзош, ловзуш а. Нохчийн гIиллакх дохорна и нах шен кхеташонехь емалбира Кадыров Рамзана. Цул тIаьхьа уьш цуьнга а, махкарчу бахархошка а шайна къинтIера бовлар доьхуш гайтира «Грозный» телеканало. Читать дальше...
Кадыровн дIовш дала гIоьртинарш лецна бохург эладита ду, ша цунна комментари йийр яц, аьлла Нохчийчоьнан куьйгалхочун пресс-гIоьнчас Керимов Iаьлвис. Оцу хьокъехь хаам баржийна "URA.RU" портало. «Ас эладитанийн мехаш ца хедабо», - аьлла Керимовс. Хьалхо Telegram-ерчу "СКФО Telegraph" канало яздира, Нохчийчохь «дийцаредо мехкан куьйгалхочунна дIовш дала гIоьртина бохуш», аьлла. Оцу хьостано бахарехь, зулам кечдечу тобанца хилла Устрада-ГIалахь мэр Iийна Темирбаев ИбрахIим а, чоьхьарчу гIуллакхийн министран хьалхара гIовс Алаудинов Апти а... Читать дальше...
Адвокат: Политковская ейтинарг карийна вац, ткъа таллам "наб еш Iа", Къилбаседа Кавказехь санна лахара дац кхечу регионашкахь алапаш, Нурмагомедов Хьабиб винчу юьртанна - спортан гIишло.
Кадыров Рамзанах "боьха хIума" олура цо. Путин коррупцин да ву, цунна "пиар еш", лелхийтина хила а тарло Москох цIенош, оцу а, кхидолу а зуламийн декъахь иза ву я вац къасто деза пачхьалкхо, аьлла хетара "Новая газетан" журналистна. Иза йийна 13 шо хьалха. Амма хIинца а хууш дац хьанна эшна иза ен. НВ-н видео.
Талламчашна тахана а дац хууш, хьан арабаьхна хилла Политковская Анна ен нах. Дов, "цхьана талламчера кхечу талламче а луш, юх-юха дIа а дахдеш, диллина латтадо", аьлла Интерфаксе" ПолитковскийгIеран доьзалан адвоката Ставицкая Аннас. ТIаьххьара талламчашца журналистан гергарчийн къамел хилла ах шо хьалха. ХIетахь цара дийхира политикан эмигрантера Закаев Ахьмадера тоьшаллаш дахар. Амма ца эшна Талламан комитетна Закаевгара тоьшаллаш. Оьрсийчохь лелачу цхьана версица, Закаевна а, массех шо хьалха... Читать дальше...
Оьрсийчоьнан регионийн коьрта шахьаршкахь мел алапа оьцу бахархоша? Оцу хаттарна жоп луш рейтинг хIоттийна «РИА Новости» агенталло. 100 гIалин могIарахь массарел а лахахь ю наханна лучу алапашца Къилбаседа Кавказерчу республикийн коьрта шахьарш: Черкесск – 99-гIа, Магас – 97-гIа, Нальчик – 94-гIа, ХIинжа-ГIала – 93-гIа, Соьлж-ГIала – 92-гIа, БуьритIе – 89-гIа. Масала, Соьлж-ГIалахь болхбечара кхушара эцна алапа, царна юккъехь декъна, юккъерчу бараме далийча, хIоранна баттахь кхаьчна хуьлу 30 эзар сом. Читать дальше...
Нохчийчоьнан куьйгалхо Кадыров Рамзан дагахь ву Нохчийчу йохка электронан сигареташ ца кхехьийта а, уьш махкахь озар дехка а. Могашаллина зуламе ю и тайпа сигарета, тешна бу Кадыровс аьллачунна тIетайна мехкан парламентан депутаташ а.
Таждикистанехь молланаш, маьждигашкара имамаш интернет, социалан зIенаш лелон Iамош ду Iедал. Динах лаьцна яздийриг зIенехь схьакарон хаарал сов, посташ хIитто а, комментареш язъян а хаа дезаш бу Iеламнах. Интернет-машанашкахь хуьлу таджикаш кхетош-кхион декхаребина уьш.
Дагестанан премьер-министр Здунов Артем вахана гоьваьлла спортхо Нурмагомедов Хьабиб схьаваьллачу ЦIумадан кIоштарчу Силди юьрта, шеца спортхочун да, тренер Нурмагомедов Iабдулманап а волуш. Дагестанехь ян леринчу кхаа спортан-могашаллин а, хьешацIенойн а комплексех цхьаъ хир ю Силдехь, хаамбо "Дербент портало". Юьртахь спортан комплекс яр шена тIеэцна Iедало, ткъа хьешацIа дийр ду совдегарша вовшашлахь гулдечу ахчанах.
1000 квадрат-метр бу 40 тонн Iежех бина куз – ГIебарта-Балкхаройчохь йоьдучу кхачанан фестивалера Iаламат. Шоьтан дийнахь бан болийна, кIиранде доьрзуш чекхбаьккхина "куз бечара" шайн болх. Нальчикерчу Абхазин майданахь и исбаьхьа хазна кечъеш эшна массех басера а, жима-боккхаллица башхалла йолу а 175440 Iаж.
Компьютерца кеч а деш, принтерца зорба а тухуш, шен цIахь харц ахча арахьоьцуш хилла Кхарачой-Чергазийчуьрчу яхархочо, хаамбо "Къилбаседа Кавказан портал" сайто. Полице ялийначу 49 шо долчу Карачаевск гIалин яхархочо даредина ша шен цIахь 2000 соьман кехаташ кепатоьхна хиларх. Иза Iораяьккхинарг ю полицин экономикан кхерамзаллехула йолу урхалла. Харц ахча арахецарна зудчунна дуьхьал бехктакхаман дов айдина.