ГIалгIайчохь бехктакхаман гIуллакх долийна лаьцна стаг кхеле вуьгуш вадийтинчу полицин белхахошна дуьхьал. Уьш бехке беш бу ледарло ялийтарна, хаам бина Талламан комитетан ГIалгIайчуьрчу урхалло. Инцидент хилира кху беттан 2-хь. Зуламан тобан юкъахь ГIалгIайчуьрчу бахархошкара, коьртачу декъана зударшкара, кхерамаш тийсарца ахчанаш дахарна лаьцна Несаран кIоштара Альтемиров Iийса ведира шена гIароле хIиттийначу полисхойх. 38 шо долу Альтемиров лаьцнера Марсхьокху-баттахь, нахера ахчанаш даха гIоьртина аьлла бехке а вина. Читать дальше...
Оьрсийчоьнан Федералан кхерамазаллин сервисан (ФСБ) белхахоша харц до ГIалгIайчоьнан яхархо Богатырева Эсет 2019-чу шарахь Мангалан-беттан 30-хь Соьлж-ГIаларчу аэропотехь лееш шаьш цунна кхерамаш туьйсуш Iаткъам бина бохург. Цунах лаьцна дуьйцуш ду Кавказ.Реалиин портале ФСБ-ра деанчу жоьпехь. Эсет йиша ю 2011-чу шарахь Домодедово аэропортехь ша эккхийтинчу Iожалхочунна гIо дина, бохуш лоьхуш волчу Богатырев Микаилан. Цо харц до, 37 стаг а вуьйш, Домодедовохь динчу эккхийтарна ша декъах ву бохург. Читать дальше...
Соьлж-ГIалахь даздарш дIадоьлхуш ду иза кхоьллина 201 шо кхачарца доьзна. Маршо Радион корреспондент, видеокамера а карахь, волавелира Нохчийчоьнан коьртачу гIалин майданашкахула а, урамашкахула а.
Соьлж-ГIалин байракхна тIелатийна Советан пачхьалкх йолчу хенахь цунна елла хилла ЦIен байракхан орден. Иза дина Нохчийн республикан куьйгалхочо Кадыров Рамзана, гIалин Денна хьажийна мероприятеш дIахьош. Дийцарехь, орден яйна хилла 1995-1996 шерашкахь Нохчийчохь тIом боьдуш, ткъа иза схьакарийна Кадыровна. ЦIен байракхан орден елира Соьлж-ГIалана 1924-чу шарахь Чиллан-беттан 26-хь ВЦИК-ан президиуман сацамца. Соьлж-Гала кхоьллина Де официалан кепара даздеш ГIадужу-беттан 5-хь делахь а... Читать дальше...
Тахана Нохчийчуьрчу Iедалша даздеш ду Соьлж-ГIала йиллина 201 шо кхачар. И хазахетар цаьрца декъа Нохчийоьнан коьртачу гIала кхаьчна Оьрсийчуьрчу регионашкара делегацеш, шайн коьртехь губернаторш а гIалийн мэраш а болуш. Хьеший дакъалаца дагахь бу Соьлж-ГIалин а, кегийрхойн а, хьехархочун а Де даздеш хир йолчу мероприятешкахь, хаам бо "Нохчийчоь тахана" зорбан гIирсо.
Дагестанехь прокуроран гIоьнчо зуда ялийна меттиг дIайирзина, там боцург а хуьлуш, хаам бо «Регион online» сайто. Ловзарга кхайкхина хилла тайп-тайпана хьеший. Лараме хьешашна юкъахь хилла Дагестанские огни галин мэран когаметта Назаралиев Эльдар а, Дербент гIалин мэран хьехамча Бремов Брем а. Малар тIехдаьллачул тIаьхьа цхьаъ къийса волавелла и шиъ. Корта бахийначу мэран когаметто Дербентан мэран хьехамчан юьхьтIе водка тоьхна, амма цунах тоам а ца хилла, шен дуьхьалончан коьртах малар чохь долу шиша тоха а гIоьртина иза. Читать дальше...
Юккъерчу бIешарашкахь кхо адам дIадоьллина шира каш карийна Къоьзан-Iоманна гена йоцуш Iуьллучу Хой эвлахь. Цунах лаьцна пIераскан дийнахь хаам бина Нохчийчуьрчу къаьмнийн политикехула министралло, хаам бо Кавказ.Реалиино. Археологашна хетарехь, карийна шира каш цхьа дакъа хила мега X-XII бIешерашкахь хиллачу кешнийн. Цу чохь дIабоьллинарг доьзал хиллачух тера ду. Яьшкан кепехь даьккхинчу тIулгийн коша чохь Iохкуш ду стеган а, зудчуьн а, беран а декъий. Шира каш карийна Хой эвлан йистерчу... Читать дальше...
Шема еддачу йоIа цу махкахь дина ши бер цIадерзийна Австрин Iедалша. Цу тайпаниг дуьххьара хилла цу пачхьалкхехь. Цунах лаьцна хаам бо Кавказ.Реалиино. Вуьйцург ву 2016-чу шарахь шен 16 шо долчу доттагIца "Исламан пачхьалкх" тобано Iуналла дечу метте яха цIера едда хиллачу (цу хенахь цуьнан 15 шо хилла) С. Сабинин 2 кIант. Дйцарехь, "Исламан пачхьалкх" тобан магIаршлахь волчу нохчийн жимачу стагаца интернетехула къамелаш динчул тIаьхьа яьлла иза Шема яха новкъа. ЙоI дIакхачале нохчо вийна. Эхарре а кхечу нохчочуьнгахь марехь хилла Сабина... Читать дальше...
Москох Можайское шоссехь, ши адам а дуьйш, хиллачу некъахьовзаман декъашхо Джамбеков Муслимна 2,5 шо колонехь даккха хан тоьхна кхело. Цунах лаьцна хаам бо "Московский комсомолец" газето. 34 шо долу Джамбеков Соьлж-ГIаларчу полице веара, Нохчийчоьнан куьйгалхочо Кадыров Рамзана шега кхайкхам бинчул тIаьхьа. Зуда а, 14 шо долчу кхиазхо йоI а юьйш, бохам хилира Зазадоккху-беттан 23-чохь. "Нива" а, Mercedes Gelandewagen а дуьхь-дуьхьал кхеттера Можайское некъа тIехь. И бахьана долуш "Нива" машенна чохь хилла зуда а... Читать дальше...