Москох нохчашна тIехIоьттина кхел, дуккха зударий хиларехьа ву жигархо, камерашца тергонехь латтор бу некъ.
Оьрсийчуьра туристаш гIоьртина Туркойчуьрчу отелехь чамда юьззина ресторанера лечкъийна даарш шайца дIадахаьа. Цунах лаьцна хаам бо Haberturk зорбан гIирсо. Инцидент хилла Манавгат гIаларчу хьешан хIусамехь. Оьрсийчуьра садаIархой дIабоьлхуш цхьана туристе багажан чулацам гайтар дехна отелан белхахоша. Цуьнан чамдин чохь карийна оцу Iуьйранна отелан ресторанехь беллачу кхачананан даарш а, тоьрмигашна чохь дIасабекъна стоьмаш а, цхьацца маларш а. Туристаш дIабахийтина, лечкъийна сурсаташ схьа а даьхна. Читать дальше...
Кадыровхочо а, дагестанхоша а маларш арахоьцучу фирманашна гIо до, хIираша – герз дечу компанешна Шайгарчу даржех пайда а оьцуш, хьанна аьттонаш латтабо Пачхьалкхан думерчу депутаташа-кавказхоша, теллина "Трансперенси Интернешнл – Оьрсийчоь" юкъараллин векалша. Цара бахарехь, Нохчийчуьрчу депутата Делимханов Адама а, Дагестанерчу массех цуьнан коллегано а тIома кIел эцна къаьркъа ден фирманаш, Ткъа ХIирийчуьрчу депутаташа чекхбоху герз арахоьцучу "Ростех" компанин лаамаш. "Трансперенси Интернешнл ... Читать дальше...
Москох реанимацехь велла гIалин юккъехь урс тоьхна лазийна хилла Оьрсийчоьнан Талламан комитетан коьртачу аппаратан белхахо полковник Капустин Владислав. Цунах лаьцна хаам бо ТАСС агенталло, лоьрашна тIе а тевжаш. Оршотан дийнахь вевзаш воцчу стага уьрсаца тIелатар динера цунна Талламан комитетан коьртачу гIишлонан чекхволийлехь. Цу комитетан векало бинчу хаамца, тIелатар динарг лаьцна ву. Цуьнца дIахьош бу талламан болх. Цуьнан цIе хIун ю а, иза тIелетаран бахьана а цкъачунна хууш дац. Читать дальше...
Йоьдучу кхеташонехь шен куьйгакIеларчу хьаькамашка маж а, хьиджаб а лелочарна дуьхаьл кампани йолор тIедуьллуш, Ферганан кIоштарчу хьаькамо Ганиев Шухратан къамелан аудио кхачна узбекийн «Озодлик» сервисе. Редакцига аудио кхачийначара чIагIдо, дукха хан йоццуш дIаяьхьначу кхеташонехь дина къамел ду и бохуш.
Маситта зуда яло бакъо хилча дика хирг хиларх лаьцна хьахийна Оьрсийчоьнан Федерацин Юкъараллин чоьнан а, Нохчийчоьнан куьйгалхочо Iуналла дон адамийн бакъонашкахула кхеташонан а декъашхо волчу Солтаев Мансура. Цу хьокъехь Оьрсийчохь леррина низам тIеэца деза аьлла хета цунна, хаам бо "Нохчийчоь тахана" агенталло. Цу стага чIагIдарехь, дуккха зударий хилар махкахь лелаш хиларо гIо дийр ду зударийн а, берийн а бакъонаш ларъян а, ткъа иштта пачхьалкх чIагIъян а, мехкан кхане хилийта а.
Баттахь тIедогIучу ахчанан барам субъективан къоьллан киртигал лахар а болуш хене бовлуш бу 40% Оьрсийчоьнан бахархой. Цу киртиган бахархоша шаьш билгалбаьккхина барам бу 12 500 сом. Иштта ду Товбецан-баттахь "Левада-центро" бинчу талламан жамI. Цуьнца цхьаьна респонденташа билгалъяьккхина субъективан къоьллан киртиг лакхара нисйелла Iедало хIоттийначу дахаран минимумал а. 2019-чу шеран шолгIачу кварталехь иза яра 11 200 сом. Рсстато далочу терахьашца, кхушеран 6 бутт схьаэцча, 20 гергга миллион Оьрсийчоьнан бахархой хене бовлуш бу... Читать дальше...
Москох Тверан кIоштан кхело бух болуш лерина Нохчийчуьрчу вежарша ЦетиевгIара Сайд-Мохьмада а, Хьусайна а ткъа иштта Ражапов Хьамида а, харцонца бехктакхаман гIуллакх а долийна, шаьш хьийзорна дуьхьал компенсаци йоьхуш чуделла арз. Цунах лаьцна хаам бо "Коммерсанто", "Талламхойн гIалатах жоп лур ду хазно" цIе йолчу артиклехь. И кхо жима стаг бехке веш вара 2014-чу шарахь Гезгмашин-баттахь Керла Москох эвлан йистехь Орцаллин министраллан белхахошна тIелеатар дарна. Эххар а гIуллакх толлучура сацийра... Читать дальше...
"Кавказ" трассина тIера Хьалха-Мартана боьдучу некъан тIехь кхерамазалла чагIъян гIулчаш яьхна Нохчийчохь. Цу некъаца шина а агIор хIиттийна видео а, сурташ а доху камераш. Цунах лаьцна яздо "Нохчийчоь тахана" агентало. Цу камарашца некъан полицино гулбийр бу некъаца леларан низамаш дохийначу транспортах лаьцна хаамаш. Царах пайда оьцуш толлур ду цу хьокъехь долийна административан гIуллакхаш. Официалан болчу хаамашца 2019-чу шеран 8 баттахь Нохчийчуьрчу некъабохамашкахь кхелхина 74 стаг. Читать дальше...
