Iамеркан Цхьанатоьхначу Штатийн департаменто Оьрсийчоьнан Iедал бехкедо бозуш боцчу журналисташна тIеIаткъам барна, "арахьарчу агентех" низамаш юкъа а даьхна. Пачхьалкхан департаментан векало Нойерт Хизера дIахьедо, оьрсийн Iедалхоша Iамеркан хаамийн гIирсашна ("Iамеркан аз", "Маршо Радио") дуьхьал бен лелош ца хиларх и низам. Иштта комменари йитина Нойерта Москохарчу кхело "Маршо Радио" медиакорпорацина гIуда тохарх. Арахьарчу зорбанашца болх бен журналисташ "агентийн" статусе бахар а иштта критике диллина Нойерта. Читать дальше...
Шайна дуьхьал медиа-тIом болийна аьлла, социалан машанашкахь видеоролик яржийна Гуьржийчохь къайлахчу сервисаша стохка Iай лерина операци дIахьочу заманчохь вийначу Мачаликашвили Темирланан гергарчара. "Темирлан бехке цахиларх со тешна ца Iа, йоллу ПIаьнказан чIож а ю цунах тешаш. Суна хаьа, шен дахар муха нисдан лаам бара сан кIентан. ТIаьххьарчу хенахь зорбанийн цIарах пачхьалкхо хезадо дIахьедарш – Гуьржийчоьнан пачхьалкхан кхерамзаллан урхалло тIаьххьара пхенаш озор ду, - аьлла, дIахьедо ша яржийначу... Читать дальше...
Коррупцина бехкевинчу Пакистанан экс премьер-министрна Шариф Навазна набахтехь даккха итт шо хан а, 10, 6 миллион доллар гIуда а кхайкхийна. "Панаман досье" зорбане яьккхинчул тIаьхьа гIуллакх долийнера цунна дуьхьал. Шарифца цхьана кхел йира цуьнан йоIана Марьямна а, невцана Аван Сафдарна а. Набахтехь ворхI шо доккхур ду Марьяма, невцо – цхьа шо. Иштта Шарифан йоIах Марьямах 2, 6 миллион доллар гIуда а хьарчийна. Офшоран офисашкахула Лондонехь йиъ петар эцар дара Шариф Навазна дьухьалдаьккхинарг. Читать дальше...
Балхара цIахь севцначу пенсионераша къаьркъа алсам молу, тахана белхан меттигашкахь къахьоьгучарел а аьлла геронтологин Iилман-клиникан центран зерашна тIе а тевжина, Оьрсийчоьнан могушаллан министраллан коьртачу гериатро Ткачева Ольгас. 55-64 шерашкарчу зударшлахь а, 55-64 шаре бевллачу божаршлахь а бинера и таллам. "Долчу жамIашца, кхозза сов ду маларш муьйлучу балхахь боцучу пенсахойн терахь, иштта 4, 6 терахь гойту депрессехь болчийн", - аьлла, хаамбина Ткачевас. Иштта цо билгалдаккхерхь, "55 процентна депрессех Iалашвийриг - болх бу".
Стохкалерачуьнца дуьстича, кху шеран хьалхарчу 6 баттахь Дуьненаюкъарчу хIорда тIехула Европе баьхкинчу мигрантийн терахь шозза лахара гойту. Дечкен-баттера карарчу хене кхаччалц 46 эзар мухIажир веана Европе, ткъа стохка оццу муьрехь 101 эзар стаг, хаамбина миграцин Дуьненаюкъарчу организацино (IOM). Дуьненан юкъара хIорд а хадош 2016-чу шарахь мухIажиралла дира 231 эзар мигранто. Царех дукхахберш Италехь севцира – 17 эзар гергга стаг, Испанехь – 16 эзар, Желтойн махкахь – 14 эзар гергга. Эзарнашкахь... Читать дальше...
Аномалан йовхо бахьанехь цIераш йийла кхерам совбаларна Нохчийчуьрчу Гуьмсан а, Шелковскан а кIошташкахь нехаш, ораматаш дагорна гIуданаш деттар лакхадаьккхина. "Шозза тIекхетта буц, я нехаш ягийначунна туху гIуда. Масала, бахархоша хIинццал 2-3 эзар гIуда токхуш хиллехь, раж тIеэцначул тIаьхьа декхаре хир бу 4 эзар сом охьадилла. Нагахь цхьана организацино и низам талхийнехь, 150-200 эзарна тIера 500 эзар соьме кхаччалц гIуда кхачор ду", - чIагIдо Гуьмсан администрацехь. Шоьтадийнахь тIеэцна... Читать дальше...
