Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 21735-ҩык ыҟоуп, ргәы бзиахеит 17434-ҩык, рыԥсҭазаара иалҵит 304-ҩык.
Аԥсны ахада Аслан Бжьаниа усутә ныҟәарала Москваҟа дцеит ԥхынгәы 28 рзы.
Гагратәи актәи абжьаратә школ аиҳабы Хана Гәынԥҳа арадио Sputnik аефир аҿы еиҭалҳәеит иааиуа аҵарашықәс азы имҩаԥырго аҽазыҟаҵарақәа ртәы.
Аԥснытәи аҳәынҭқарратә университет аҟны биуџьеттә ҭыԥк аҿы 1,3 ықгылан, зынӡа иҟаз 294 биуџьет ҭыԥ ахь инеиит 397 абитуриентцәа.
Есышықәса НАТО имҩаԥнаго арратә ҽазыҟаҵарақәа Agile Spirit 2021 Қырҭтәыла иалагеит сынтәа ԥхынгәы 26 азы. Аҽазыҟаҵарақәа ирылахәуп 2,5 нызқьҩык рҟынӡа аррамаҵзурауаа алианс иалахәу 15 тәыла рҟынтәи.
Гәдоуҭа араион Мгәыӡырхәа ақыҭан иаадыртыз Амилаҭ-ҭоурыхтә етно-парк "Аԥсны" амилаҭтә хаҿра ашьақәыргыларазы ҵакыс иамоу атәы Sputnik аефир аҿы еиҭалҳәеит аетнографиатә парк аиҳабы иҳаҭыԥуаҩ, амузеи аиҳабы Илона Кәыҵниаԥҳа.
Аԥсны ауаажәларратә транспорт апассаџьырцәеи арныҟәцаҩцәеи асабрадақәа ныҟәаргалароуп аԥкратә уснагӡатәқәа инарықәыршәаны. Уи еилазгаз 600 мааҭ ахараԥса иқәырҵоит.
Гал араионахь аҟьамсар агара иалагаанӡа, 2018 шықәса рзы Алашарбагатәи агәамсамкажьырҭа анадыркы ашьҭахь атаксопарк аҵакыраҿы аамҭала еиҿкаан агәамсам аидкыларҭа.
Очамчыра араион ахада ихаҭыԥуаҩ Артимон Габилаиа арадио Sputnik аефир аҿы еиҭеиҳәеит араион аҿы аӡхыҵра иахҟьаны ибгаз ацҳақәа реиҭашьақәыргыларазы имҩаԥысуа аусурақәеи анхацәа ироуз аԥхасҭеи ртәы.