Новости за 11.12.2018

Аԥсуа драматә театр арежиссиор Мадина Аргәынԥҳа арадио Sputnik аҟны еиҭалҳәеит Жәлар рпоет Мушьни Лашәриа ииубилеи азы иқәдыргылаз апоетикатә спектакль аус адулара шцоз.

2019 шықәсазтәи аныҳәамшқәа ирхадароу ауснагӡатә Афон ҿыц имҩаԥысуеит ажьырныҳәа 7 рзы Афырхацәа рашҭаҿ.

Ауаҩытәыҩса изинқәа рзы Адунеизегьтәи адекларациа адкылара 70 шықәса ахыҵра инадҳәаланы Аҟәа имҩаԥган астол гьыжь Аԥсны аомбудсмен иофис аҿы ԥхынҷкәын 10 рзы. Ауаҩытәыҩса изинқәа рганахь ала Аԥсны ауааԥсыра проблемақәаны ирымоуи урҭ шаԥырхуеи ртәы шәаԥхьарц ишәыдаҳгалоит Sputnik аматериал аҿы.

Санкт-Петербургтәи аҳәынҭқарратә акультуреи аҟазареи руниверситет аушьҭымҭа, Аԥснытәи аҳәынҭқарратә драматә театр аҟны еиҿкаау ахәыҷтәы театралтә студиа "Нарҭ" анапхгаҩы Гәыдиса Ҭодуа арадио Sputnik аҟны еиҭеиҳәеит астуиа ааӡамҭацәа рҽазыҟаҵарақәа шцо, раԥхьатәи рықәгылара анымҩаԥысуа.

Аҿар рыбжьара самбо азы Аладатәи афедералтә округ аиндаҭлара мҩаԥысит Армавир, ԥхынҷкәын 6-9 рзы.

Аԥсны жәлар рартист, "Ахьӡ-Аԥша" аорден ахԥатәи аҩаӡара занашьоу, авокал-инструменталтә ансамбль "Гәында" асахьаркыратә напхгаҩы Роза Чамагәуаԥҳа ҳдиаспора рахь лгәазыҳәарақәеи, Ҭырқәтәыла даныҟаз имҩаԥылгаз лусрақәеи ирызку аматериал шәаԥхьарц ишәыдаагалоит артистка лымшира аҽны.

Аԥсны адгьылҭҵааратә еилазаара ахеилак аиҳабы Леуард Барцыц арадио Sputnik аҟны ашьхақәа жәларбжьаратәи рымш аҽны ҳажәлар рыԥсҭазаараҟны урҭ рҵакы далацәажәеит.

Арҭ амшқәа рзы Аԥсны инарҭбааны иазгәарҭоит Жәлар рпоет, "Ахьӡ-Аԥша" аорден актәи аҩаӡара занашьоу Мушьни Лашәриа ииубилеи. Апоет ирҿиара, игәҭахәыцрақәа, аԥхьаҟатәи ихықәкқәа ирызкуп Сырма Ашәԥҳа иазлырхиаз анҵамҭа.

Аурыс-аԥсуа ҳәааҿ "амандаринатә сезон" иасакьаҳәымҭоуп ҳәа азгәанаҭоит Урыстәыла аладатәи аҳазалхратә Усбарҭа.

Таитәи абокс азы Краснодартәи атәылаҿацәи Шәача ақалақьи еидызкыло иаарту ачемпионат мҩаԥысуан ԥхынҷкәын 7-9 рзы.