Türkmenistanyň paýtagty Aşgabatda “Nissa” myhmanhanasynyň territoriýasyny giňeltmek maksady bilen, şäher häkimiýetleri onuň töweregindäki ýaşaýyş jaýlaryny ýykyp başladylar diýip, “Türkmenistandan alternatiw habarlar” neşiri habar berýär.
Türkmenistanda raýatlaryň daşary ýurda çykmagyna çäklendirilme girizilýändigi barada habarlaryň ýaýraýan wagty, ‘seni uçara mündürerin’ diýen wada bilen adamlary aldap, olardan pul alýan käbir ‘hilegär’ toparlar barada habarlar peýda bolýar.
Täjik resmileri ýurduň günortasyndaky ýolda üstüne ulag sürlüp, soňra ýaragly we pyçakly azyndan bir hüjümçi tarapyndan hüjüm edilen dört daşary ýurtly tigirli adamyň öldürilmegine terrorizmiň sebäp bolmagynyň ähtimaldygyny aýdýarlar.
Täjigistanyň resmileri daşary ýurtly tigirçileriň öldürilmeginiň sebäbiniň terrorizm bilen bagly bolmagynyň çak edilýändigini aýdýarlar. Täjigistanyň günortasyndaky Hatlon regionynda ýüze çykan ýagdaýda tigirçiler awtoulag bilen kakylyp, yzýany azyndan bir hüjümçi tarapyndan oka tutuldy we pyçaklandy. Täjigistanyň içeri işler ministri Ramazon Rahimowyň 30-njy iýulda aýtmagyna görä, iki amerikan, bir daniýaly we bir şweýsariýaly syýahatçynyň öldürilmegini derňemek üçin hökümet resmileriniň ýörite topary döredilipdir. Читать дальше...
Ýewropa Bileleşiginiň Günorta Kawkaz boýunça wekili ÝB-niň we Bakuwyň arasynda täze ylalaşyk boýunça pikir alyşmak tagallalarynyň çäginde Azerbaýjana sapar edýär. Prezident Ilham Aliýewiň edarasynyň habar bermegine görä, Aliýew we Ýewropa Bileleşiginiň ýörite wekili Toiwo Klaar 30-njy iýulda geçiren duşuşygynda ÝB-Azerbaýjan hyzmatdaşlygyny we Daglyk-Garabag konfliktini maslahat edipdir. Maglumata görä, Aliýew öz ýurdunyň ÝB we NATO bilen hyzmatdaşlygynyň "üstünliklidigini" nygtapdyr. Taraplar... Читать дальше...
Siriýada parahatçylyk ugrunda yzygiderli Gazagystanda geçirilen gepleşikleriň howandarlary Orsýet, Eýran we Türkiýe 30-31-nji iýulda Orsýetiň Gara deňziň boýundaky Soçi şäherinde duşuşýarlar. Orsýetiň Daşary işler ministrliginiň 29-njy iýulda habar bermegine görä, gatnaşyjylar Siriýanyň konstitusion komitetiniň döredilmegi, Siriýada döredilen konfliktsiz zonalar bilen bagly meseleleri we gumanitar temalary ara alyp maslahat ederler. Orsýetiň döwlet tarapyndan döredilen TASS täzelikler agentligi... Читать дальше...
Tussaglykdaky öňki premýer-ministr Nawaz Şarifiň partiýasy 25-nji iýulda geçirlen umumy saýlawlarda galplyga ýol berlendigini aýdyp, resmi derňew geçirilmegini talap etdi. Pakistanyň Musulman ligasy - Nawaz atly partiýasy saýlawlaryň netijelerini barlamak üçin "adalat komissiýasyny" düzmegi talap edip, 29-njy iýulda çykyş etdi. Saýlawlarda öňki kriket sportsmeni Imran Hanyň "Tehrik-e Insaf" partiýasy ýeňiş gazandy. Hanyň partiýasynyň 28-nji iýulda yglan eden ýeňşi oňa parlamentde ýeterlik orun getirmedi... Читать дальше...
Orsýetiň hökümetiniň raýatlaryň pensiýa ýaşyny galdyrmak planyna garşy 29-njy iýulda Moskwanyň merkezinde müňlerçe adamyň gatnaşmagynda geçirilen protest aksiýasynda polisiýa tarapyndan tussag edilen üç adam, şol sanda Orsýetiň oppozisiýa lideri Alekseý Nawalnynyň baş kömekçisi boşadyldy. Nawalnynyň Orsýetiň geljegi atly partiýasynyň başlygy Sergeý Boýko "administratiw düzgün bozmalar barada protokolyň" düzülmeginden soň özüniň tussaglykdan boşadylandygyny, diňlenişigiň 2-nji awgusta bellenendigini Twitter arkaly habar berdi. Читать дальше...
