Türkmenistanda dowam edýän ykdysady ysgynsyzlyk harytlaryň, şol sanda azyk önümleriniň, hem-de gurluşyk we hojalyk harytlarynyň bahalarynyň yzygiderli ýokarlanmagyna getirýär. Bu ýagdaý ilatyň gün-güzeran aýlamagyna oňaýsyz täsir edýär. Bu barada Azatlygyň Daşoguzdaky çeşmesi zerur harytlaryň bahalary bilen bilelikde 31-nji iýulda iberen maglumatynda habar berdi.
Şu günler Türkmenistanyň ýokary we orta hünärmenlik okuw jaýlarynyň aglabasyna giriş synaglary başlandy. Bu çäräniň başlanmagy bilen, Daşogzuň ýokary okuw jaýlaryna okuwa girmek üçin dokumentlerini tabşyrmaga baran käbir abituriýentler dürli kynçylyklar bilen ýüzbe-ýüz bolýarlar.
Täjik hökümeti 29-njy iýulda daşary ýurtly dört welosipedçiniň ölümine getiren hüjümiň arkasynda ýurtda gadagan edilen Täjigistanyň Yslam Galkynyş partiýasynyň durandygyny aýtdy.
Türkmenistanda adatdan daşary yssy howa şertleri adam pidalaryna sebäp bolýar. Azatlyk Radiosynyň habarçylarynyň we garaşsyz habar serişdeleriniň maglumatlaryna görä, şu günler Aşgabatda howanyň yssylygyndan adamlaryň huşuny ýitirmegi we aradan çykmagy bilen bagly ýagdaýlar köp duş gelýär. Читайте также на русском Azatlyk Radiosynyň Aşgabatdaky habarçylarynyň biri esasan köpçülikleýin ýerlerde, şol sanda awtobus duralgalarynda wepat bolan adamlaryň onlarçasy barada özüniň habarlydygyny, olardan... Читать дальше...
Düýn prezident Berdimuhamedow welaýatlaryň we Aşgabat şäheriniň häkimleriniň gatnaşmagynda wideoşekilli iş maslahatyny geçirdi. Onda beýleki käbir meseleler bilen bir hatarda ýurduň oba hojalyk pudagynda işleriň alnyp barlyşyna garaldy diýip, Türkmenistanyň döwlet eýeçiligindäki Türkmen döwlet habarlar gullugy maglumat berýär. Ýöne maslahatyň barşynda bu ýyl ýygnalan galla hasylynyň netijeleri barada gürrüň edilmedi.
Türkmenistanda aşa yssy howanyň dowam edýän bu günlerinde, ýaşaýjylar saýawanlary, ak ýaglyklary atynyp... günden goranjak bolýarlar.
ABŞ-nyň prezidenti Donald Tramp “öňünden hiç hili şert goýmazdan” Eýranyň prezidenti Hassan Rohani bilen duşuşyp, iki ýurduň gatnaşyklaryny gowulandyrmak barada gepleşik geçirmek isleýändigini aýtdy. “Men islendik adam bilen duşuşaryn. Men gepleşiklere ynanýaryn” diýip, Tramp Waşingtonda çykyş etdi. Ol duşuşyk üçin öňünden hiç hili şertleriň gerek bolmajakdygyny hem sözüne goşdy: “Men olaryň islän pursady duşuşmaga taýýar. Men muny güýç ýa-da gowşaklyk nukdaýnazaryndan etmeýärin. Ýok, öňünden hiç hili şert gerek däl. Читать дальше...
Täjik hökümeti geçen hepde dört welosipedçiniň ölümine getiren hüjümiň arkasynda ýurtda gadagan edilen Täjigistanyň Yslam Galkynyş partiýasynyň durandygyny aýtdy. Içeri işler ministrligi sişenbe güni ýaýradan beýanatynda hüjümçilere gürrüňi gidýän partiýanyň bir agzasynyň ýolbaşçylyk edendigini aýtdy. Bu maglumatlar tussag edilen bir şübhelenýän bilen geçirilen soragda belli bolupdyr. Ministrlik toparyň lideriniň Eýranda tälim alandygyny, şeýle-de hüjümçileriň 29-njy iýuldaky hadysadan soň, Owganystana aşmakçy bolandyklaryny mälim etdi. Читать дальше...
Owganystanyň günbatar Farah welaýatynda bir awtobusyň köçe-ýaka partladyja uçramagy netijesinde azyndan 11 ýolagçy öldi, başga-da 40-a golaýy ýaralandy. Ýerli häkimiň metbugat wekiliniň Azatlyk Radiosyna beren maglumatyna görä, partlama sişenbe güni ir bilen Bala Baluk etrabynda ýüze çykypdyr. Resmiler hüjümde ölenleriň we ýaralananlaryň arasynda aýallaryň we çagalaryň hem bolandygyny aýtdylar. Hüjümiň jogapkärçiligini häzirlikçe hiç bir topar öz üstüne almady. Emma, ýerli polisiýanyň sözçüsi muny “Talyban” hereketiniň üstüne atdy.
Türkmenistan Merkezi Aziýa döwletleriniň ýetginjekleriniň arasyndaky futbol toparlarynyň arasynda geçirilen ýaryşda iň soňky orny aldy. Türkmen futbolçylary duşenbe güni Daşkentde bäşinji orun üçin gyrgyz topary bilen geçiren duşuşygynda 4:0 hasaby bilen ýeňildi. Merkezi Aziýanyň Futbol Assosasiýasynyň çempionatynda türkmen futbolçylary mundan öň, täjiklerden 0:2, owganlardan 0:3, özbeklerden 1:4, eýranlardan hem 0:5 hasaby bilen ýeňilipdi. 22-30-njy iýul arasynda Daşkentde geçirilen futbol... Читать дальше...
Gürjüstan ozalky sowet respublikalarynyň arasynda ilkinji bolup marihuananyň ulanylmagyny kanunlaşdyrdy. Gürjüstanyň Konstitusiýon sudy bu neşe maddasynyň ulanyşyna garşy girizilen administratiw jogapkärçiligi ýatyrdy. Ýokary derejeli dört kazynyň duşenbe güni çykaran karary marihuananyň diňe ulanyşy bilen bagly bolup, bu neşe serişdesiniň ýetişdirilmegi we satylmagy heniz hem jenaýat hökmünde häsiýetlendirilýär. “Marihuananyň ulanylmagy jemgyýetçilige salnan bir howp hökmünde häsiýetlendirilmeýär. Читать дальше...
