Türkmen futbolçylary CAFA-nyň ýaryşynda iň soňky orny eýelediler
Türkmen futbolçylary duşenbe güni Daşkentde bäşinji orun üçin gyrgyz topary bilen geçiren duşuşygynda 4:0 hasaby bilen ýeňildi.
Merkezi Aziýanyň Futbol Assosasiýasynyň çempionatynda türkmen futbolçylary mundan öň, täjiklerden 0:2, owganlardan 0:3, özbeklerden 1:4, eýranlardan hem 0:5 hasaby bilen ýeňilipdi.
22-30-njy iýul arasynda Daşkentde geçirilen futbol ýaryşynda alty döwletiň 15 ýaşyna çenli ýetginjek futbolçylary bäsleşdi.
Çempionatda birinji orny Eýran, ikinji orny Özbegistan we üçünji orny Täjigistan almagy başardy.