Дар масҷидҳои Тоҷикистон барои сиҳҳатии сарбозону сокинони захмӣ ва субот дар марз бо Қирғизистон дуои дастҷамъӣ карданд. Ин маросим пеш аз хондани намози ҷумъа, рӯзи 30-юми апрел, баргузор шуд.
Муноқишаи хунин ва эълони оташбас дар марзи Тоҷикистону Қирғизистон, рӯзи 29-уми апрел, яке аз пуршиддаттарин ихтилофҳо дар ин қаламрав баъд аз пошхӯрии Иттиҳоди Шӯравӣ будааст.
Раисони ҷумҳури Тоҷикистону Қирғизистон 30-юми апрел, пас аз як рӯзи муноқиша дар марз, ки аз ду ҷониб даҳҳо захмиву кушта бар ҷой гузошт, телефонӣ гуфтугӯ кардаанд.
Бо гузашти ду рӯз аз муноқишаи хунин дар марзи Тоҷикистону Қирғизистон, мақомоти Тоҷикистон ҳанӯз омори захмиёну қурбониёнро эълон накардаанд. Радиои Озодӣ то ин дам номи 12 қурбонии муноқишаро маълум кард
Раиси шаҳри Исфара, ки рӯзи 29-уми апрел дар марз бо Қирғизистон захмӣ шуд, гуфт, саломатиаш муътадил аст, вале ҳоло намедонад кай ба кор бармегардад.
Вазорати корҳои хориҷии Эрон аз даргириҳо дар марзи Тоҷикистону Қирғизистон нигаронӣ кардааст.
Котиби давлатии ИМА Энтони Блинкен аз мақомоти Русия даъват кард, ки фишорҳо алайҳи Радиои Аврупои Озод/Радиои Озодиро қатъ кунанд. Дар ин бора намояндаи Департаменти давлатии ИМА Нед Прайс имрӯз дар нишасти хабарӣ иттилоъ дод. Намояндаи департамент гуфт, Блинкен бо вазири умури хориҷии Русия Сергей Лавров вазъ атрофи Радиои Аврупои Озод/Радиои Озодиро баррасӣ кард. Вале Прайс ҷузъиёти ин гуфтугӯро ошкор накард. Департаменти давлатии ИМА ҳамчунин аз кишварҳои ҳампаймон дархост кардааст, ки ба ин даъвати он аз мақомоти рус бипайванданд. Читать дальше...
Иттиҳоди Аврупо рӯзи 30-юми апрел аз муноқиша дар марзи Тоҷикистону Қирғизистон, ки “боис ба талафоти зиёд шуд”, ибрози таассуф карда, аз созиши оташбас ситоиш намудааст.
Рӯзи 29 апрел дар маркази Прага, пойтахти Ҷумҳурии Чех, ҳазорҳо нафар гирдиҳамоии эътирозӣ доир карда, талаб намуданд, ки президенти кишвар дар Додгоҳи конститутсонӣ ҷавоб диҳад. Ба ақидаи эътирозгарон, мавқеъгирии президент Милош Земан на ҳифзи манфиатҳои миллии Чехия, балки ҳимоят аз Русия аст.
Дар намози дастаҷамъии рӯзи ҷумъаи 30-уми апрел мусулмонони Тоҷикистон барои назму субот дар марз бо Қирғизистон дуо карданд.
Видоъ бо қурбониҳои низоъ дар марз бо Қирғизистон.
Бо гузашти як рӯз аз муноқишаи хунин дар марзи Тоҷикистону Қирғизистон, мақомоти ҳарду кишвар мегӯянд, вазъият мураккаб, вале ором аст.
Ҷасади ду сокини ҷамоати Чоркӯҳи Исфараро, ки ба қавли наздиконашон дар муноқишаи рӯзи 29-уми апрел дар марз бо Қирғизистон ҳалок шудаанд, ба хок супориданд. Маросими дафни онҳо баъд аз зуҳри 30-юми апрел баргузор шуд.
Маскав гуфтааст, аз созиши шаби 30-юми апрел миёни Тоҷикистону Қирғизистон, ки хатми бархурди низомӣ ва ба ҷойи аввал бозгардондани нерӯҳоро дар назар дорад, истиқбол мекунад.
Раиси ҷумҳурии Узбекистон рӯзи 30-юми апрел бо раҳбарони Тоҷикистону Қирғизистон дар алоҳидагӣ суҳбат кардааст.
Дар натиҷаи издиҳом дар маросими мазҳабие дар шимолу шарқи Исроил даҳҳо нафар ҷон бохта, беш аз 100 каси дигар осеб дидаанд. Ҳодиса ҳангоми таҷлил аз иди Лаг ба-Омер дар куҳи Мерони Исроил рух додааст. Нашрияи "The Times of Israel" бо истинод ба созмондиҳандагони маросим хабар додааст, ки шоми панҷшанбе сарфи назар аз маҳдудияти марбут ба коронавирус дар маҳалли маросим 100 ҳазор одам ҷамъ шуда буд. Дар аввал хабар доданд, ки одамон дар натиҷаи чаппа шудани нишастгоҳ ҷон доданд. Вале мақомот дертар шарҳ доданд... Читать дальше...
Станислав Зас, дабири кулли Созмони Паймони Амнияти Дастҷамъӣ (СПАД) задухурди мусаллаҳона дар марзи Тоҷикистон бо Қирғизистонро шарҳ дод. "Дар СПАД бар инанд, ки низоъ бояд қатъ карда шавад. Онро бояд аз роҳи осоишта ҳал кард. Барои ҳалли ин низоъ ҳамаи чораҳои зарурӣ андешида мешавад", - иқтибос овардааст сухангӯи дабири кулли СПАД Владимир Зайнетдинов аз суханони Зас. Ба гуфтаи ӯ, дабири кулли СПАД дар ҷараёни сафараш ба Душанбе вазъи ба вуҷуд омадаро бо котибони шӯроҳои амнияти Қирғизистону Тоҷикистон баррасӣ карда буд. Читать дальше...
Шавкат Мирзиёев, президенти Узбекистон рӯзи 29-уми апрел ҳамроҳ бо ҳамтои туркманаш Қурбонқулӣ Бердимуҳаммадов аз қабри президенти пешини Туркманистон Сафармурод Ниёзов зиёрат кард. "Дар маҷмае, ки Ниёзов дафн шудааст, ифтор дода шуд. Дар ин ифтор Мирзиёев бо Бердимуҳаммадов ширкат карданд", - хабар доданд аз маркази матбуотии президенти Узбекистон. Сафари дурӯзаи Мирзиёев ба Туркманистон ба поён расида, вай ба Узбекистон баргашт.
Кумитаи давлатии амнияти миллии Қирғизистон хабар дод, ки Қамчибек Тошиев, роҳбари ин ниҳод бо ҳамтои тоҷикаш Саймуъмин Ятимов мулоқот мекунад. Ба гуфтаи манбаъ, ба эътидол овардани вазъ дар марзи ду кишвар, мавзӯи асосии гуфтугӯи роҳбарони бахши амниятии Тоҷикистону Қирғизистон хоҳад буд. "То бегоҳи имрӯз вазъиятро пурра ба эътидол меорем",-гуфтааст Қамчибек Тошиев. Қамчибек Тошиев ва Саймумин Ятимов ҳамзамон роҳбарии комиссияи аломатгузории марзро ба уҳда доранд. Мулоқоти роҳбарони амниятии ду кишвар дар ҳоле сурат мегирад... Читать дальше...
Беморие, ки аз охири соли 2019 то кунун дар ҷаҳон ба тақрибан 150 миллион кас сироят карда, боис ба марги беш аз 3 миллион нафар шудааст, ба иттилои расмӣ, дар Тоҷикистон ҳашт моҳ "меҳмон" буд. Мақомот мегӯянд, дар ин давра зиёда аз 13 ҳазор кас бемор шуда, 90 нафар ҷон бохтанд, аммо шубҳаҳо дар мавриди дурустии омор ҳамчунон боқист.
Раҷаббой Аҳмадзода, раиси вилояти Суғд, гуфт, вазъ дар марзи Тоҷикистону Қирғизистон "ором аст" ва баровардани нерӯҳо оғоз шудааст. Марзи Тоҷикистону Қирғизистон ду рӯзи охир шоҳиди муноқишаи хунин шуд, ки аз ҳарду тараф даҳҳо захмӣ ва кушта боқӣ гузошт.
Сафорати Русия дар Бишкек рӯзи 30 апрел изҳорот дод, ки дар даргириҳои байни Қирғизистон ва Тоҷикистон ягон шаҳрванди Русия осеб надидааст. Аз ин изҳорот ба хабаргузориҳо намояндаи сафорати Русия дар Бишкек Виктор Харченко иттилоъ додааст. Ин дар ҳолест, ки даҳҳо сокини деҳоти Исфараи Тоҷикистон бар пояи шартномаи душаҳрвандӣ ҳамчунин шаҳрвандии Русияро низ доранд. "Ҳанӯз ҳеҷ иттилое дар даст нест, ки дар байни қурбониён шаҳрвандони Русия бошанд" гуфт Харченко ба хабаргузории ИТАР-ТАСС. Вай афзудааст... Читать дальше...
Бо гузашти ду рӯз аз муноқишаҳои хунин дар марзи Тоҷикистону Қирғизистон, мақомоти Тоҷикистон ҳанӯз омори захмиёну қурбониёнро эълон накарданд. Бо ин вуҷуд, дар бораи захмӣ шудани даҳҳо нафар ва ҳалокати чанд нафар аз ҷониби Тоҷикистон гузоришҳо мерасад.
Владимир Путин, президенти Русия моҳи сентябри соли ҷорӣ ба Тоҷикистон меояд. Дар ин бора хабаргузориҳои русӣ аз қавли нахуствазири Тоҷикистон Қоҳир Расулзода навиштаанд. Расулзода рӯзи 29-уми апрел дар Қазон бо ҳамтои русаш Михаил Мишустин мулоқот дошт. Ин мақомдори тоҷик гуфтааст, Эмомалӣ Раҳмон ва Владимир Путин ҳангоми сӯҳбати телефонӣ дар мавриди сафари президенти Русия ба Тоҷикистон дар нимаи дуввуми моҳи сентябр ба мувофиқа расидаанд. Раҳбарони ду кишвар рӯзи 23-юми апрел дар гуфтугӯи телефонӣ... Читать дальше...
Пас аз ду рӯзи муноқишаҳои хунин дар марзи миёни вилояти Суғди Тоҷикистон ва вилояти Бодканди Қирғизистон, мақомоти ду кишвар мегӯянд, ки вазъ ҳоло ором аст.
