Сокинони ҷамоати Ворух ҳаммарз бо Қирғизистон мегӯянд, марзбонони ин кишвар чор нафар наврасонро рабудани буданд, аммо ду нафар фирор карда дуи дигар ба даст афтодаанд.
Масъулони Оҷонси авиатсияи шаҳрвандии Тоҷикистон гуфтанд, ки баъд аз ҳушдори онҳо ба чаҳор ширкати ҳавопаймоӣ нархи билети парвозҳои чартерӣ ба Русия «поин омад». Ба қавли онҳо, акнун билети парвозҳои чартериро аз 8500 сомонӣ (беш аз 750 доллар) зиёд намефурӯшанд.
Фарҳод Салим, сафири пешини Тоҷикистон дар Амрико ва писари собиқ муовини аввали раиси Шӯрои олии Тоҷикистон Абдумаҷид Достиев, бо имзои президент Эмомалӣ Раҳмон муовини Вазири корҳои хориҷии Тоҷикистон таъйин шуд. Ӯ дар аввалҳои моҳи декабри соли гузашта аз мақоми сафири Тоҷикистон дар Амрико озод шуда буд ва маълум нест, ки дар ин миён дар кадом симат ифои вазифа мекард. Фарҳод Салими 46-сола, писари Абдумаҷид Достиев, сафири пешини Тоҷикистон дар Русия, 15-уми майи соли 2014, чанд рӯз баъди барканор шудани падараш аз ин мақом... Читать дальше...
Бо гузашти тақрибан як моҳ аз дубора барқарар шудани парвозҳои маъмулӣ миёни Душанбеву Маскав, сокинон дар Тоҷикистон ҳанӯз ҳам аз мушкили дастрасӣ ба билет ва нархи гарони он садо баланд мекунанд.
Вазирони дифои кишварҳои узви Созмони Паймони Амнияти Дастҷамъӣ (ОДКБ), як созмони зери назорати Русия, ки Тоҷикистон ҳам узви он аст, аз берун рафтани нерӯҳои амрикоӣ ва эҳтимоли қувват гирифтани нерӯҳои террористӣ дар Афғонистон ибрози нигаронӣ карданд.
Тоҷикистон мегӯяд, ба муттаҳам бо таркиши анбор дар Чехия шиноснома надодааст.
Масъулини Ҳизби сотсиал демократи Тоҷикистон мегӯянд, саломатии Маҳмурод Одинаев дар боздоштгоҳ бад шудааст. Наздикони Одинаев ҳам гуфтанд, баъд аз эълони қарори додгоҳ се моҳ мешавад, ки ӯро надидаанд ва аз аҳволаш хабар надоранд.
Президенти Қирғизистон Содир Ҷабборов бори дигар аз идеяи боз кардани марказҳои бозӣ дар вилояти Иссиқкӯли он кишвар ҷонибдорӣ кард. Ӯ ҳоло тасмим дорад, боз кардани қиморхонаҳоро дар марказҳои маъмурии вилоятҳо ва шаҳри Бишкеки Қирғизистон ҳам пешниҳод кунад. "Ман ба дастгоҳи президент дастур додам, ки ба порлумон пешниҳод кунанд, то ба фаъолияти онҳо (марказҳои бозӣ) дар тамоми марказҳои маъмурии вилоятҳо ва Бишкек иҷозат диҳад. Қиморхонаҳо то соли 2015 кор мекарданд ва ҳамаи шаҳрвандон метавонистанд, ки бозӣ кунанд. Читать дальше...
Духтари мухолифи зиндонии рус Алексей Навалний -- Даря дар саммити ҳуқуқи инсон, ки рӯзҳои 7-8 июн дар шаҳри Вена баргузор хоҳад шуд, суханронӣ мекунад. Алексей Навалний моҳи феврали соли равон бо ҷоизаи шуҷоати Форуми ҳуқуқи инсони Вена сарфароз гардид. Созмондиҳандагони ҷоиза он замон изҳори умед карда буданд, ки "сиёсатмадори мухолифи рус ба зудӣ озод шуда, ҷоизаро шахсан дарёфт ва суханронӣ хоҳад кард". Дар сурати озод нашудан даъвати яке аз аъзои хонаводаи ӯ дар назар буд. Дар Форуми имсолаи... Читать дальше...
Дар нахустин даври мусобиқаи лигаи аввали футболи Тоҷикистон, ки рӯзҳои истироҳат – 24-25-уми апрел – баргузор шуд, панҷ бозӣ доир гашт. «Ҳосилот»-и Фархор дар майдони худ «Равшан»-и Зафарободро бо ҳисоби 2:1 мағлуб кард. «Барқчӣ»-и Ҳисор бар дастаи меҳмон - «Ваҳдат»-и шаҳри Ваҳдат - бо ҳисоби 2:0 пирӯз шуд. «Регар-ТадАЗ»-и шаҳри Турсунзода дар меҳмонӣ «Саройкамар»-и ноҳияи Панҷро бо ҳисоби 1:0 ноком кард. «Динамо»-и Душанбе дар сафар «Исфара»-и шаҳри Исфараро бо ҳисоби бузурги 3:0 шикаст дод. Читать дальше...
Президенти Туркия Раҷаб Тайиб Эрдуғон дар як изҳороташ 26-уми апрел тасмими президенти ИМА Ҷо Байден оид ба эътирофи наслкушии арманиҳоро ба шиддат маҳкум кард ва гуфт, ки ин таҳаввулот дар равобити ду кишвар “таъсири харобиовар” хоҳад дошт. Баъди ҷаласаи кабинаи ҳукумат дар як изҳороти телевизиониаш Эрдуғон бо ишора ба марги миллионҳо амрикоиҳои маҳаллӣ гуфт, пеш аз он ки Байден мардуми Туркияро дар роҳ додан ба наслкушӣ гунаҳгор мекунад, бояд аввал “ба оина нигарад”. Эрдуғон дар як изҳороти калонаш... Читать дальше...
Пас аз дафни Раҷабалӣ Назаров, ки ҳангоми хидмат дар артиш ба таври мармуз фавтид ва дар расонаҳои хабариву шабакаҳои иҷтимоӣ баҳси зиёдро ба вуҷуд овард, Додситонии ҳарбии горнизони шаҳри Хоруғ ба санҷиши марги ӯ оғоз кардааст.
USAID – Оҷонсии Амрико оид ба рушди байналмилалӣ рӯзи 27-уми апрел бо нашри изҳороте гуфт, ба хотири муқобила бо бемории сил дар беморхонаву зиндонҳои Тоҷикистон таҷҳизоти техникии вижаи мушаххаскунандаи ҳолатҳои бемории сил тақдим кардааст. Ин ёриҳо дар доираи “Лоиҳа оид ба барҳам додани бемории сил дар Осиёи Марказӣ” ба Вазорати тандурустӣ ва ҳифзи иҷтимоии аҳолии Тоҷикистон ва шӯъбаи тиббии Сарраёсати иҷрои ҷазои ҷиноятии Вазорати адлия ин кишвар тақдим шудааст. Дар миёни таҷҳизоти тақдимшуда... Читать дальше...
Як гурӯҳи шӯришии қавмӣ дар Мянмар гуфт, урдугоҳи низомиеро дар шарқи ин кишвар, ки субҳи 27-уми апрел маҳалли задухӯрдҳои бисёр шадид бо артиши ҳукуматӣ буд, таҳти назорати худ даровард. Дар Мянмар моҳи феврал қудратро низомиён ба даст оварданд ва аз он замон то кунун ин кишвар дар як бебандубории сиёсӣ қарор дорад. Маконе, ки задухӯрдҳои 27-уми апрел рух дод, назди дарёи Салвин дар берун аз аёлати Карен дар хати марз бо Тайланд ҷойгир аст. Гузоришҳо аз Тайланд мегӯянд, ки сокинони деҳоти маҳаллӣ... Читать дальше...
ИМА гуфт, ки моҳи ҷорӣ киштиҳои Сипоҳи посдорони инқилоби исломии Эрон ба ду киштии назоратии амрикоӣ дар обҳои Халиҷи Форс расиданд ва ин ҳодиса аввалин бор дар як соли охир рух медиҳад. Нирӯҳои дарёии амрикоӣ рӯзи 27-уми апрел гуфтанд, ки дар ҳодисаи рӯзи 2-юми апрел касе ё чизе осеб надидааст. Эрон ҳанӯз ин ҳодисаро тасдиқ накардааст. Ин ҳодиса дар ҳоле рух дод, ки Вашингтон ва Теҳрон дар фикри музокироти ғайримустақим барои эҳёи созиши соли 2015-и ҳастаӣ бо Эрон мебошанд. Музокироте, ки моҳи апрел дар Вена шурӯъ шуд... Читать дальше...
Пас аз дафни Раҷабалӣ Назаров, ки ҳангоми хидмат дар артиш ба таври мармуз фавтид ва дар расонаҳои хабариву шабакаҳои иҷтимоӣ баҳси зиёдро ба вуҷуд овард, Додситонии ҳарбии горнизони шаҳри Хоруғ ба санҷиши марги ӯ оғоз кардааст.
Созмони ҷаҳонии тандурустӣ (СҶТ) афзоиши бесобиқаи ҳодисаҳои гирифторӣ ба коронавирус дар Ҳиндро як воқеияти фавқулодда дилрешкунанда номид ва гуфт, ки барои кӯмак ба ин кишвар маводи зарурии тиббӣ ирсол мекунад. Тедрос Аданом Гебреусес, дабири кулли СҶТ гуфт, ки ин созмон беш аз 2 ҳазор кормандашро ба Ҳинд барои кӯмак дар муқобила бо бӯҳрони баамаломада сафарбар кардааст. Дар оғоз Ҳинд ҳамчун як кишваре ёд мешуд, ки дар амри мубориза бо паҳншавии коронавирус дар ин кишвари иборат аз 1,4 миллиард аҳолӣ бисёр муваффақ аст... Читать дальше...
Раёсати Кумитаи ҳифзи муҳити зист дар вилояти Суғд ба матлаби Радиои Озодӣ дар робита ба худкушии як сокини шаҳри Конибодом вокуниш нишон дод.
Бритониё эълон кард, ки бар асоси Қонуни нави Магнитский таҳримҳои аввалро дар шакли масдудкунии ҳисобҳои бонкӣ ва ҷорӣ кардани маҳдудият нисбати 14 шаҳрванди Русия ва ҳашт нафари дигар аз дигар нуқоти ҷаҳон татбиқ кард. Сергей Магнитский як ҳуқуқшиноси рус буд, ки нақшаҳои фасоди молӣ ва дуздии 230 миллион доллар маблағҳоро аз Русия ошкор карда буд. Худи ӯ баъди боздошт дар шароити мармуз дар зиндон даргузашт. Бар асоси тадбирҳои гирифташуда, дороиҳои шаҳрвандони Русия дар Бритониё масдуд шуда моликони онҳо ҳақи сафар ба ин кишварро надоранд. Читать дальше...
Баъди талаби Агентии авиатсияи граждании Тоҷикиcтон чаҳор ширкати ҳавоии русӣ нархи билети парвозҳои чартерӣ аз Тоҷикистонро ҳудудан 50 фойиз арзон карданд. Вале нархи кунунӣ ҳам, ки ҳудуди 8,5 ҳазор сомониро ташкил медиҳад, талабгорони сафар ба Русияро қонеъ намекунад. Онҳо мегӯянд, ин нарх нисбати давраи пеш аз хуруҷи COVID-19 ду баробар баландтар буда, онҳо тавони харидории билетҳоро надоранд. Мушкили дигар набуди билет ба хатсайрҳои ҳафтаҳои наздик мебошад, чун билетфурӯшиҳо мегӯянд, ки билетҳо... Читать дальше...
Иттиҳоди Аврупо мегӯяд, имрӯз дар шаҳри Вена музокирот ба хотири бозгардонидани ИМА ба созиши ҳастаии соли 2015 аз сар гирифта мешавад. Ин созишро кишварҳои абарқудрати олам панҷ узви доимии Шӯрои амнияти СММ ва Олмон бо Эрон бастаанд. Соли 2018-ум ИМА аз созиш берун шуда, таҳримҳои Эронро барқарор кард. Дар суҳбатҳои имрӯза талош хоҳад шуд, ки Эронро ба иҷрои талаботи созиш, ки ахиран аз тарафи Теҳрон нодида гирифта мешавад, водор кунанд. Ҳайати ИМА дар шаҳри Вена мебошад, вале дар музокирот ба таври ғайримустақим иштирок мекунад. Читать дальше...
Дар ҷамотаи Чоркӯҳи Исфара, як сокини 53-соларо барои қочоқи ғайриқонунии чорво дастгир кардаанд. Ба қавли Вазорати корҳои дохилии Тоҷикистон, ин шахс моҳи апрел аз Қирғизистон бидуни супоридани боҷи гумрукӣ 48 сар говро ба маблағи беш аз 241 ҳазор сомонӣ ба Тоҷикистон ворид кардааст. Ҳафтаи гузашта кормандони милитсия аз ин сокин чорвои қочоқиро мусодира карданд ва ҳоло ба ӯ ҷарима ва ё аз 5 то 8 соли зиндон таҳдид мекуанд.
Тибқи ҳисоби вазорати кишоварзии Тоҷикистон соли ҷорӣ истеҳсоли гӯшт дар кишвар, беш аз 8 фоиз афзуда, 43 ҳазор тоннаро ташкил додааст. Ба илова дар Тоҷикистон дар ин муддат 655 тонна моҳӣ ва ҳудуди 230 миллион дона тухм истеҳсол шудааст. Cарфи назар аз афзоиши истеҳсол, нархи гӯшту тухм дар ин давра баръакс боло рафтааст. Ҳоло нархи як кило гӯшти гов дар бозор ба ҳисоби миёна аз 60 то 70 сомонӣ ва як қуттӣ тухми мурғ 35-36 сомонӣ аст. Коршиносон сабаби баланд рафтани нархи тухмро дар воридотӣ будани хӯроки паррандагон марбут медонанд... Читать дальше...
Дар иди Рамазон мусулмонони шаҳри Маскав танҳо дар чор масҷиди пойтахти Русия метавонанд намоз гузоранд. Дар ин бора ба хабаргузориҳои русӣ Албир Крганов, раиси Маҷмаи рӯҳониёни мусалмон дар Русия итилоъ додааст. Ба қавли ӯ ҳарчанд нисфи муҳоҷирон ба ватанҳояшон рафатанд, вале шумораи мусулмонҳое, ки доимӣ дар Маскав зиндагӣ мекунанд,, зиёд аст. Ба гуфтаи Крганов, иди Рамазонро дар ин шаҳр ҳудуди 250 ҳазор нафар таҷлил хоҳанд кард. Аммо намозгузорӣ танҳо дар чаҳор масҷид, яъне масҷиди Ярдам дар кӯчаи Хачатурян... Читать дальше...
