Абдуфаттоҳ Ҳотамов, кимиёдони тоҷик ва бунёдгузори литсейи "Ҳотам ПВ", ки бештар ба таълими илмҳои дақиқ машғул аст, дар 69-солагӣ даргузашт. Пайвандонаш гуфтанд, маросими видоъ бо ӯ 27-уми апрел дар деҳаи Чамани ноҳияи Ваҳдат баргузор мешавад. Юсуф Ҳотамов, писари Абдуфаттоҳ Ҳотамов, ба Радиои Озодӣ гуфт, падараш шоми 26-уми апрел дар Душанбе аз сактаи қалбӣ (инфаркт) фавтид. "Падарам аз ин пеш ду дафъа сактаи қалбиро пас сар карда буданд. Имрӯз низ дилашон сахт дард кард, Ёрии таъҷилиро даъват намудем... Читать дальше...
Ҳукумати Тоҷикистон бо ҳадафи пешгирӣ аз сирояти эҳтимолии бемории КОВИД-19 беш аз 2 миллион кӯдаку наврасро ба таътили дуҳафтаина фиристода ва чорабиниҳои оммавиро манъ кард.
Вазорати тандурустии Тоҷикистон зери фишори ҷомеаи шаҳрвандӣ омори гирифторони илтиҳоби шуш ё пневмонияро дар се моҳи аввали имсол нашр кард.
Шумори қурбониёни коронавирус дар ҷаҳон рӯзи 26-уми апрел ба 203 ҳазор нафар расид. Зиёда аз ду миллиону 900 ҳазор кас ба он сироят шуда, беш аз 820 ҳазор тан шифо ёфтаанд. Аз 203 ҳазоре, ки то кунун ҷон бохтаанд, ҳудуди 53 ҳазор нафарашон дар Амрико ва ҳудуди 92 ҳазор тан дар чаҳор кишвари аврупоӣ – Итолиё, Испания, Фаронса ва Бритониё – будаанд. Созмони Ҷаҳонии Тандурустӣ рӯзи шанбе эълом кард, далеле вуҷуд надорад, ки афроди шифоёфта аз коронавирус дар баробари ин беморӣ масунанд ва бори дигар мубтало намешаванд. Читать дальше...
Ади Роше, бунёдгузори як муассисаи хайрия дар Белорус, паҳншавии коронавирус дар парваришгоҳи зери ҳимояти ин муассисаро "такондиҳанда" ё изтиробангез хондааст. Дар парваришгоҳи "Веснова" дар минтақаи Ҳлуск тақрибан 170 кӯдаку ҷавони маъюб ба сар мебаранд. Мақомоти маҳаллӣ тасдиқ карданд, ки коронавирус рӯзи ҷумъа ба парваришгоҳ сироят карда, вале нагуфтанд, чанд кас мубтало шудааст. Би-би-сӣ гузориш дод, ки шумори мубталоён бо шумули 13 кӯдак ба 23 тан мерасад.
Созмони Милали Муттаҳид мегӯяд, пайомадҳои давомдору ҷиддӣ аз таркиш ва сӯхтор дар нирӯгоҳи барқи атомии Чернобил дар Украина ҳанӯз пойбарҷост. Рӯзи 26-уми апрел ба ин фоҷиа 34 сол пур шуд. Пас аз инфиҷор дар нирӯгоҳи Чернобил абри радиоактив бахшҳои зиёде аз Украина, Беларус ва Русияро фаро гирифт. Аз ин фоҷиа дар ҳоле ёдоварӣ мешавад, ки дар 30-километрии минтақаи мамнуъ дар атрофи нирӯгоҳ сӯхтори ҷангалҳо рух дод. Феълан нигарониҳо дар бораи эҳтимоли паҳн шудани зарраҳои радиоактив ба фазо боло гирифтааст.
Афроде, ки аз бемории ҳамагири КОВИД-19 шифо ёфтаанд, дар хунашон подтанҳое доранд, ки метавонад бо коронавирус дар бадани шахси дигар муқобала кунад.
Собирҷон Абдукаримов, вазири тандурустии Қирғизистон, 25-уми апрел гуфт, ки беморони коронавирус дар ин кишвар бепул табобат мегиранд. Б а қавли вазир, харҷи муолиҷаи гирифторонро давлат мепардозад. "Вобаста ба навъи беморӣ (сабук, миёна, вазнин ва хеле вазнин) табобат мешаванд. Арзиши табобат ба нафарони бемориашон сабук тақрибан 8 ҳазор сом, беморони вазъашон миёна беш аз 16 ҳазор сом, беморони вазнин беш аз 74 ҳазор сом ва беморони хеле вазнин беш аз 118 ҳазор сом хоҳад буд", - шарҳ дод ӯ. ... Читать дальше...
Сохтмони хонаҳои бисёртабақа дар шароити баландкӯҳи Вилояти Мухтори Кӯҳистони Бадахшон барои бархеҳо беҳтарин роҳи ҳал дар сурати набуди замин ва барои қисми дигар омили ҳушдору тарс аст.
Баргузории мусобиқаҳои футбол дар Тоҷикистон то 10-уми майи имсол манъ карда шуд. Масъулони Федератсияи футболи Тоҷикистон гуфтанд, бозиҳои даври чаҳорум миёни дастаҳои Лигаи олӣ тибқи ҷадвал рӯзи 26-уми апрел баргузор мешавад ва сипас танаффус эълон мегардад. Ситоди ҷумҳуриявӣ барои пешгирӣ аз сирояти коронавирус рӯзи 25-уми апрел мактабҳоро таътил карда, баргузории ҳамагуна маъракаҳо, аз ҷумла мусобиқаҳои варзиширо муваққатан боздошт. Федератсияи футболи Тоҷикистон гуфтааст, бо ҳадафи ҳифзи... Читать дальше...
Корхонаи муштараки Тоҷикистону Итолиё, машҳур бо номи "Ҷавонӣ", дар шаҳри Хуҷанд аз 20-уми апрел бастааст. Мақомоти идораи тандурустии вилояти Суғд 26-уми апрел гуфтанд, 16 коргари ин корхонаро зери карантин гирифтанд. Ба гуфтаи як масъули идораи тандурустии вилоят, "шонздаҳ коргари корхонаи "Ҷавонӣ" бо таби баланд бистарӣ карда шуданд. Феълан вазъи саломати онҳо хуб аст". Рӯзи 25-уми апрел дари корхонаи "Ҷавонӣ" баста буд. Посбонҳо гуфтанд, тақрибан як ҳафта боз корхона фаъолият надорад. ... Читать дальше...
Пеш аз он ки хонандагони мактабҳои миёнаро дар Тоҷикистон ба таътили дуҳафтаина фиристанд, намояндагии ЮНИСЕФ ва мақомоти тоҷик барномаи таълими онлайн дар шароити "карантин"-ро омода кардаанд. Маълум нест, тарҳ кай иҷро мешавад.
Журналисти шинохтаи рус, ки ба қарибӣ аз коронавирус шифо ёфтааст, гуфт, чандин санҷиш вуҷуди вирусро дар бадани ӯ тасдиқ накард. Ӯ дар мусоҳиба бо телевизиони "Настоящее время" дар бораи роҳҳои муолиҷа, вазъи бемористонҳо ва сабабҳои тасдиқ нашудани COVID-19 дар санҷишҳои тиббиро нақл кард.
Журналисти шинохтаи рус, ки ба қарибӣ аз коронавирус шифо ёфтааст, гуфт, чандин санҷиш вуҷуди вирусро дар бадани ӯ тасдиқ накард. Ӯ дар мусоҳиба бо телевизиони "Настоящее время" дар бораи роҳҳои муолиҷа, вазъи бемористонҳо ва сабабҳои тасдиқ нашудани COVID-19 дар санҷишҳои тиббиро нақл кард.
