Аҳволи Ҳоҷӣ Тошев, сокини ноҳияи Ҷаббор Расулови вилояти Суғд, ки бо наздикони як марди фавтида аз пневмония робитаи наздик дошт, вазнин шудааст. Ҳоло табибон ин шахсро ба зери дастгоҳи нафаскашӣ гузошта, мегӯянд, ӯ низ гирифтори пневмония ё илтибоҳи шуш аст.
Журналист ва сиёсатмадори тоҷик Додоҷони Атовулло бо нашри як "баёнияи фаврӣ" хабар дод, ки шуруъ аз 10-уми апрели соли 2020 Анҷумани нирӯҳои созандаи Тоҷикистон фаъолияти худро қатъ мекунад. Дар ин бора Додоҷони Атовулло дар як изҳорот дар Фейсбук хабар додааст.
Продюсери Ҳолливуд Ҳарвӣ Вайнштейн, ки барои озори ҷинсӣ ба 23 соли зиндон маҳкум шудааст, аз коронавирус пурра муолиҷа ва ин беморӣ раҳо шудааст. Дар ин бора Fox News хабар дод. Вуҷуди коронавирусро дар ҷисми Вайнштейн охири моҳи март ошкор карда ӯро ба утоқи беморхонаи зиндон ҷой доданд. Вайншейни 68-сола шакли сабуки Ковид-19-ро пуштисар кардааст. Ҳукми Вайншейн рӯзи 11 март содир шуд. Қаблан додгоҳи ҳакамӣ дар шаҳри Ню-Йорк ӯро дар ҷиноятҳои ҷинсӣ, аз ҷумла таҷовуз ба номус гунаҳгор донист. Читать дальше...
Бо афзоиши шумораи гирифторони COVID-19 раҳбари Беларус нодидагирии қурбониҳоро бас кард.
Арзиши маводи сӯхт дар аксар кишварҳои дунё ба таври бесобиқа поин рафт. Сабаби аслӣ коҳиши босуръати нархи нафт дар бозори ҷаҳонӣ ва хуруҷи коронавирус гуфта мешавад. Вале дар Тоҷикистон вазъ дигар аст. Ба фарқ аз аксар дигар кишварҳо, таъғйирот дар нархи сӯзишворӣ инҷо чандон чашмрас нест. Тайи чанд рӯзи ахир дар бензинфурӯшиҳои Душанбе нархи маводи сӯхт фақат то 40 дирам поин омад. Таҳлилгарон мегӯянд, поинравии нархи нафт дар ҷаҳон ба бозори Тоҷикистон чандон таъсиргузор нахоҳад буд, зеро... Читать дальше...
Арзиши маводи сӯхт дар аксар кишварҳои дунё ба таври бесобиқа поин рафт. Сабаби аслӣ -- коҳиши босуръати нархи нафт дар бозори ҷаҳонӣ ва хуруҷи коронавирус гуфта мешавад. Вале дар Тоҷикистон вазъ дигар аст. Ба фарқ аз аксар дигар кишварҳо, таъғйирот дар нархи сӯзишворӣ инҷо чандон чашмрас нест.
Ҳукумати Афғонистон тасмим гирифтааст, ки раҳосозии толибони асир аз маҳбасҳои ҳукуматиро идома диҳад. Рӯзи 9-уми апрел сухангӯйи Шӯрои Амнияти Миллии Афғонистон Ҷовид Файсал гуфт, ки ҳукумат бо назардошти вазъи сиҳатӣ,сол ва муҳлати боқимондаи ҷазо боз 100 толиби асирро аз зиндон раҳо мекунад.
"Оби нуқра" дар муқобили коронавирус-ин як пешниҳоди донишмандонитоҷик аст.
Дар феҳристи навшудаи вазорати кишоварзии Чин дар бахши молу чорвои хонагӣ дигар саг ҳамчун ҷонвари мавриди истеъмоли сокинон зикр намешавад. Нашрияи Quartz дар нақли қавл аз санади вазорати кишоварзӣ мегӯяд, ки “баробар бо рушди тамаддуни башарият ва ғамхории ҷомеа дар ҳақи ҷонварон, сагҳо ба ҷонварони дӯсти инсон табдил шудаанд”. Дар феҳристи охирини ҷонварҳои хонагӣ унвонии 13 намуд “молу чорвои маъмулӣ” зикр шудааст, ба мисли хук, гов, мурғ, мурғи марҷон ва инчунин 18 намуд “ҷонвари махсус”. Читать дальше...
Ҳукумати Покистон аз Афғонистон дархост кард, ки Аслам Форуқӣ, раҳбари созмони “Давлати исломӣ дар вилояти Хуросон”-ро, ки ба гурӯҳи ифротии “Давлати исломӣ” рабт дорад, таслим кунад. Вазорати умури хориҷии Покистон рӯзи 9 апрел бо нашри изҳороте гуфт, ки “сафири Афғонистон дар Покистон ба вазорат даъват ва ба ӯ дидгоҳҳои Покистон дар ин замина шарҳ дода шуд”. Дар ин мулоқот ба сафири Афғонистон гуфта шуд, ки Форуқӣ “бояд барои таҳқиқи парвандааш ба Покистон истирдод шавад”, чунки, ба гуфтаи вазорат... Читать дальше...
Мақомот дар вилояти Ҳироти Афғонистон рӯзи 10 апрел гуфтанд, ки ҷангҷӯёни Толибон дар ғарби Афғонистон панҷ корманди як бонки давлатиро ба қатл расониданд. Сухангӯи полиси маҳаллӣ Абдулаҳад Вализода гуфт, ки кормандони бонк аз ноҳияи Кӯҳсон ба шаҳри Ҳирот ҳаракат мекарданд, вале дар роҳ аз ҷониби силоҳбадастон рабуда ва баъдан ба қатл расонида шуданд. Ин ҳодисаро вазорати умури дохилӣ ҳам тасдиқ кард ва Толибонро гунаҳгор карда гуфт, ки дар гузашта ҳам ин гурӯҳ даст ба рабоиши кормандони давлатӣ задааст. Читать дальше...
Ҳукумати Тоҷикистон сабти рақами IMEI-и ҳама гуна телефони мобилӣ, планшет ва ноутбукҳоро ҳатмӣ кард. Қарор дар ин бора рӯзи 31-уми марти имсол содир шудааст.
Боло рафтани қимати интернету гуфтугуҳои телефонӣ ва даъво сари он, бозорҳои беодаму кори кам дар Русия бо видео ва назарҳои шумо таркиби барномаи имрӯз аст.
Боло рафтани қимати интернету гуфтугуҳои телефонӣ ва даъво сари он, бозорҳои беодаму кори кам дар Русия бо видео ва назарҳои шумо таркиби барномаи имрӯз аст.
Раиси ҷумҳури Тоҷикистон аз ҳамтои узбекаш барои ирсоли кӯмак ҷиҳати мубориза бо коронавис, қадрдонӣ кардааст. Дафтари матбуоти раёсати ҷумҳури Тоҷикистон мегӯяд, ки ин гуфтугӯи телефонӣ рӯзи 9-уми апрел сурат гирифтааст ва Эмомалӣ Раҳмон ба Шавкат Мирзиёев барои кӯмаки башардӯтстона ба Тоҷикистон ҷиҳати пешгирии паҳншавии коронавирус, арзи сипос намуд. Ба иттилои дафтари матбуоти раёсати ҷумҳури Тоҷикистон, дар ин тамоси телефонӣ оқои Раҳмон гуфтааст, ин кӯмак, ки аз маводи хӯрокворӣ ва лавозимоти тиббӣ иборат мебошад... Читать дальше...
Аломатҳои андаки ба нуқтаи авҷи худ наздик шудани пандемияи коронавирусро пешбиниҳои рукуди сартосарии иқтисодӣ ва эҳтимоли ошӯбҳои иҷтимоӣ халалдор мекунад. Антонио Гутерреш, дабири кулли СММ рӯзи 9 апрел гуфт, ки пандемия “ба пойдории сулҳу амнияти байналмилалӣ таҳдид мекунад ва ин чиз метавонад боиси афзоиши нобасомониҳои иҷтимоӣ ва хушунат шуда талошҳои мо барои мубориза бо бемориро ба ҳам занад”. Омори ахир дар ИМА нишон медиҳад, ки иқтисоди азими ҷаҳонӣ дар давоми се ҳафта 17 миллион ҷои кориро аз даст додааст. Читать дальше...
Дастаи футболи мунтахаби Тоҷикистон дар ин раддабандӣ мавқеи худро дигар накард. Мунтахаби Тоҷикистон дорои 1152 хол аст
Амрико бо 426,300 нафар гирифтор дар сафи аввал буда, теъдоди қурбониёнаш 14,622 нафарро дар бар мегирад. Дируз шумори фавтидагон дар ин кишвар аз 2000 нафар гузашта (яъне дар як рӯз), имрӯз ин рақам ба 1,781 расид. Ба ҳисоби дигар, вируси куруно ҳар дақиқа як нафарро дар Амрико қурбон мекунад.
Созмони Amnesty International рӯзи 9 апрел гуфт, ки мақомоти Эрон Орас Амириро муваққатан аз зиндон озод карданд. Дар изҳороти созмон омадааст, ки “Орас Амирӣ, сокини Бритониё ва Лондон аз соли 2018 ба ин сӯ ба таври ғайриодилона дар зиндони Эвини Теҳрон ҳамроҳ бо Нозанин Зоғарӣ-Ратклифф нигаҳдорӣ мешуд ва ахиран муваққатӣ ба озодӣ баромад”. Раҳбари шӯрои мудирони Афви байнулмилал Дарен Наир гуфт, ки мақомоти эронӣ бояд ӯро озод кунанд, то ин ки ба Лондон назди дӯстписараш баргардад. Августи... Читать дальше...
The Jamestown Foundation, як гурӯҳи таҳқиқотиву таҳлилӣ, ки қароргоҳаш дар Вашингтон аст, гуфт, аз он ки мақомоти Русия исми ин созмонро ба феҳристи “ташкилоти номатлуб” ворид кардаанд, кори онҳо дар Русия осеб намебинад. Оғози ҳафтаи ҷорӣ дафтари додситонии кулли Русия гуфт, ки ҳадафи матолиби The Jamestown Foundation ҷудоиандозӣ дар бархе минтақаҳои Русия, бахусус дар Қафқози Шимолӣ аст ва ба ҳамин хотир ҳам мавриди хатар мебошад. Тамғаи созмони “номатлуб” қадаме ба сӯи бастани созмон аст, дар сурате... Читать дальше...
Намояндагони ОРЕС, Русия ва дигар кишварҳои истеҳсолкунандаи нафт нақшаи кам кардани истеҳсолро мушаххас карданд. Интизор меравад, ки ин иқдом барои мӯътадил кардани вазъи бозори бо сабаби пандемияи коронавирус осебдида мусоидат кунад. Гурӯҳе бо номи ОРЕС+ бо пахши изҳороте рӯзи 9 апрел баъди муҳокимаҳои нӯҳсоата гуфт, ки нақшаи мувофиқашуда коҳиши истеҳсол дар ҳаҷми тахминан 10 миллион бушка дар рӯз ваё бист дар сади ҳаҷми умумии истеҳсоли рӯзонаро дар моҳҳои маю июн дар назар мегирад. Онҳо инчунин изҳори умедворӣ карданд... Читать дальше...
Дар Қирғизистон солгарди даҳуми инқилоби дувум дар ин кишвари Осиёи Марказиро дар шароити "карантин" истиқбол карданд. Бо ин вуҷуд, дастовардҳои инқилобро дар кишвар гиромӣ медоранд, ҳарчанд ба интизориҳои таҳаққуқнаёфта ҳам ишора мекунанд.
Кристалина Георгиева, раиси Сандуқи Байналмилалии Пул мегӯяд, ҷаҳон дар натиҷаи вируси фарогири корона бо бӯҳрони бузурги иқтисодӣ дар соли равон рӯбарӯ хоҳад шуд. Бӯҳроне, ки ба гуфтаи ӯ, монандаш пас аз бӯҳрони бузурги солҳои 1929-1933 мушоҳида нашудааст. Хонум Георгиева дар ин бора рӯзи панҷшанбеи 9-уми апрел дар Вашингтон сӯҳбат мекард. Ӯ афзуд, ки рушди иқтисод дар ҷаҳон ба суръат ба ақиб хоҳад рафт ва аз миёни 180 кишвари узви ин сандуқ, 170 кишвар бо коҳиши даромад сари ҳар нафар, рӯбарӯ хоҳанд шуд. Читать дальше...
Тоҷикистон дар раддабандии нави Федератсиони байналмилалии футбол, ки 9-уми апрел дар сомонаи расмии FIFA нашр шудааст, мавқеашро дар байни 211 кишвар бо 1152 имтиёз дар ҷойгоҳи 121-ум нигаҳ дошт. Дар феҳристи нави FIFA Белгия мисли пешин бо 1765 имтиёз ҷойи аввалро касб намудааст. Фаронса бо 1733 имтиёз дар зинаи дувум ва Бразилия бо 1712 имтиёз дар зинаи севум ҷойгир шудаанд. Тоҷикистон дар байни дастаҳои мунтахаби миллии Осиё, ки ба AFC (Конфедератсиони футболи Осиё) шомиланд, мақоми 23-юмро соҳиб шудааст. Читать дальше...
