Ҳомиёни ҳуқуқи қазоқистонӣ аз ҷомеаи ҷаҳонӣ хостанд, ки дар пайи густариши вируси корона аз мақомоти Қазоқистон озодии зиндониён ва қатъи таъқибҳои сиёсиро талаб кунанд. Дар изҳороте, ки рӯзи 6 апрел нашр шуд, ҳомиёни ҳуқуқи Қазоқистон гуфтанд, аз 16 март ба ин тараф - аз замони эъломи ҳолати фавқулода дар он кишвар - ҳадди ақал 32 ҳолати боздошти фаъолон сурат гирифтааст. Ба бовари ҳомиёни ҳуқуқ, "мақомоти Қазоқистон дар ивази мубориза бо вируси корона ба таъқиби мухолифони сиёсӣ машғуланд". Читать дальше...
Комиссияи махсуси ҷумҳурявии Узбекистон оид ба таҳияи барномаҳои пешгирӣ аз паҳн шудани коронавирус тасмим гирифт, ки аз 30 март то 20 апрел фаъолияти тамоми фурудгоҳҳо ва парвози ҳавопаймоҳо ба ин кишвар манъ карда шавад. Дар иттилоияи ситоди фаврии мубориза бо коронавирус дар Узбекистон гуфта нашудааст, ки рӯзҳои наздик барои баргардонидани шаҳрвандони дармондаи ин кишвар дар хориҷ парвозҳои махсус анҷом мешавад. Дар ҳамин ҳол гуруҳи шаҳрвандони Узбекистон, ки дар Русия, Туркия, Бритониё ва АМА дармондаанд, дархости кумак доранд. Читать дальше...
Чаро дар рӯзи овозаҳои коронавирус Раҳмон бо писараш ба боғҳо рафт ва шаб шабакаҳои ТВ мулоқоти ӯро бо низомиён нишон доданд?
Ҳукумати Амрико барои мусоидат ба омодагии Тоҷикистон ҷиҳати муқобила бо коронавирус 866 ҳазор доллар ҷудо кард. Ҷон Марк Поммершайм, сафири Амрико дар Душанбе, рӯзи 7-уми апрел дар ин бора иттилоъ дод. Ӯ гуфт, ин маблағ тавассути Оҷонси Амрико оид ба рушди байналмиллалӣ (USAID) ва ҳамкоронаш дар Тоҷикистон -- Abt Associates, Салиби Сурх ва Созмони Ҷаҳонии Тандурустӣ -- дастрас хоҳад шуд. "Маблағ барои омӯзиш додани пизишкону парасторон ва хариди дастгоҳҳои зарурӣ дар бемористонҳо пешбинӣ шудааст", - илова кард ӯ. Читать дальше...
Сокинони биное дар маркази шаҳри Хуҷанд талаб доранд, ки баннер ё овезаи пеши манзили зисти онҳоро канда, дар ҷойи дигар насб кунанд.
Ҳукумати Тоҷикистон бо қабули як қарор ба ҷамъияти саҳомии "Фароз", ширкати мутааллиқ ба Шамсулло Соҳибов, домоди раиси ҷумҳури Тоҷикистон, дар қаламрави шаҳри Душанбе ҳудуди 5 гектар замин дод.
Сокинони биное дар маркази Хуҷанд талаб доранд, ки баннер ё овезаи пеши хонаи онҳоро канда, дар ҷойи дигар насб кунанд. Дар ин овеза акси бузурги президенти Тоҷикистон тасвир ёфтааст ва ба қавли сокинон тақрибан ворид шудани рушноӣ ба бинои зисти баландошёнаро мегирад. Ин ҳол як сол боз давом дорад.
Яке аз қишрҳои осебпазир дар муқобили коронавирус мардуми бехонаву дар ҳастанд. Онҳо на боме болои сар доранд ва на саломатӣ, ки ба коронавирус муқовимат нишон бидиҳад. Дар чунин шароите дар Русия ба мардуми ниёзманд як созмон ёрӣ мерасонад, вале он мисли қатрае дар баҳр аст.
Навраси муттаҳам бо куштори 2 нафар ба муддати 10 сол зиндонӣ шуд.
Ду муовини додситони шаҳри Минск, пойтахти Беларус дар робита бо иттиҳоми даст доштан дар маводи мухаддир боздошт шуданд. Дар изҳороти рӯзи 6 апрел Додситонии кулли Беларус гуфт, ки муовинони додситонҳои ноҳияҳои Ленин ва Советскии шаҳри Минск бар асоси моддаи “истеҳсоли ғайриқонунӣ, ҳифзу интиқол ва қочоқи маводи нашъадор” гумонбар дониста мешаванд. Ин парванда то панҷ соли зиндонро пешбинӣ мекунад. Исми ин ду мақом нашр намешавад, вале дар хабари расмӣ гуфта шудааст, ки онҳо аз мақом сабукдӯш ва ба ҳабс гирифта шуданд. Читать дальше...
Созмони Дидбони ҳуқуқи башар (Human Rights Watch) аз мақомоти Афғонистон тақозо кард, ки раҳбари гурӯҳи “Давлати исломии вилояти Хуросон”-ро, ки як ташаккули вобаста ба гурӯҳи “Давлати исломӣ” мебошад, бар асоси иттиҳоми ҷинояти ҷангӣ ба ҷавобгарӣ кашанд. HRW рӯзи 6 апрел бо пахши изҳороте гуфт, ки Афғонистон бояд Аслам Форуқиро, ки ду рӯз пеш дар вилояти Қандаҳор боздошт шуд, бар асоси муқаррароти байналмилалии ҳуққуқи башар бо мурофиаи одилона таъмин кунад. Исми воқеии Форуқӣ Абдуллоҳ Оракзай буда... Читать дальше...
Тими муштараки журналистони бахши Қирғизии Радиои Озодӣ - Аззаттик, Маркази таҳқиқоти фасодкорӣ ва ҷиноятҳои созмонёфта (OCCRP) ва сомонаи қирғизии Kloop.kg бо ҷоизаи ба номи Том Реннер мукофотонида шуданд, ки аз ҷониби созмони амрикоии Гузоришгарону сардабирони таҳқиқгар (Investigative Reporters and Editors - IRE) таъсис шудааст. Ин ҷоиза барои як силсила гузоришҳои таҳқиқотии журналистон дар бораи фош шудани шабакаи аз кишвари нодори Қирғизистон хориҷкунандаи миллионҳо доллар пулҳои нақд тақдим шуд. Читать дальше...
Тоҷикистон дархости як вакили мудофеи хориҷиро барои ҳимоят аз ҳуқуқи Ғаффор Мирзоев (Ғаффор Седой), генерали зиндонӣ ва фармондеҳи пешини Горди президентиро рад кардааст. Мақомот гуфтаанд, қонунҳои Тоҷикистон фаъолияти вакилони хориҷиро дар кишвар, ба ҷуз аз баҳсҳои иқтисодӣ, иҷозат намедиҳад.
Эммануэл Макрон, президенти Фаронса, аз Эрон хост, дар фурсате ки тамаркузи ҷаҳон ба буҳрони коронавирус равона шудааст, эҳтироми уҳдадориҳои ҳастаиашро ба ҷо орад. Дар як суҳбати телефонии 6-уми апрел бо президенти Эрон, Макрон ба раиси ҷумҳурӣ Ҳасани Рӯҳонӣ гуфт, ки ҷомеаи байналмилалӣ бояд дар мубориза бо тавсеаи вирус ҳамкорӣ кунад. Дар изҳороти ҳукумати Фаронса гуфта шудааст, Макрон изҳори умед кард, ки Эрон "мутобиқ ба уҳдадориҳои ҳастаии соли 2015 амал карда, аз ҳама гуна иқдоми нав... Читать дальше...
Телевизиони “Варзиш” барои қабули кормандони нав ва пайдо намудани чеҳраҳои ҷадид озмун эълон кардааст
Додгоҳи олии Тоҷикистон як навраси 16-сола аз ноҳияи Варзобро бо гуноҳи қатли ду нафар ба 10 соли зиндон маҳкум кард.
Толибон гуфтанд, музокира бо ҳукумати Афғонистон, ки бо миёнҷигии ИМА ба хотири табодули зиндониҳо шурӯъ шуда буд, қатъ мешавад. Суҳайл Шоҳин, сухангӯи дафтари сиёсии Толибон дар Қатар рӯзи 7 апрел дар Твиттераш навишт, ки тими фаннии Толибон “дар музокираҳои бесамар” иштирок намекунад. Шоҳин маъмурияти президент Ашраф Ғаниро дар он муттаҳам кард, ки бо баҳонаҳои гуногун ҷараёни озодкунии зиндониҳоро ба таъхир мегузоранд. Ҷовид Файсал, сухангӯи Шӯрои амнияти миллии Афғонистон аз Толибон тақозо кард... Читать дальше...
Фардо дар Душанбе нахустин бозии даври якуми Чемпионати Тоҷикистон миёни дастаҳои Лигаи олӣ “Душанбе-83” ва қаҳрамонии феълии футболи кишвар “Истиқлол” доир мешавад
Бо афзоиши нигарониҳо аз эҳтимоли сирояти коронавирус дар Тоҷикистон, баъзе аз ширкату муассисаҳои хусусӣ ба тақсими ройгони ниқобҳои тиббӣ шурӯъ кардаанд. Қаҳвахонаи "Max biff burger" яке аз онҳост ва кормандонаш рӯзи 6-уми апрел ҳам дар дохили қаҳвахона ва ҳам берун аз он ниқоб тақсим мекарданд. Мудири қаҳвахона гуфт, ки дар маҷмӯъ барои мардум 10 ҳазор ниқоб харидаанд, то ба онҳо ва ҳам ба кори худ кӯмак кунанд.
Президенти UFC Дэна Уайт дар сафҳаи худ дар "Instagram" рақиби Тонӣ Фергюсонро ном бурд. Номбурда Ҷастин Гэтжи мебошад, ки ба ҷойи размикори доғистонӣ бо Фергюсон вориди майдони набард мешавад
Дар пасманзари идомаи пандемияи коронавирус ва афзоиши марги инсонҳо дар паи Ковид-19 дар саросари ҷаҳон, нахуствазири Бритониё, ки ба ин вирус гирифтор шудааст, ба бахши муроқибати шадиди бемористон интиқол дода шуд. Ҷонсон рӯзи 6 апрел баъди бадтар шудани вазъи саломатиаш ба беморхона бурда шуд. Вале дафтари нахуствазири Бритониё гуфт, ки Ҷонсон баҳуш буд ва зарурати ба таври сареъ дар зери дастгоҳи нафаскашӣ гузоштанаш набуд. Ин хабар дар ҳолест, ки шумори ҳалокшудаҳо дар Бритониё бар асари... Читать дальше...
Дар мусобиқаи қаҳрамонии бокси Тоҷикистон, ки аз 2-юм то 6-юми апрел дар шаҳри Душанбе, дар маҷмааи варзишии Хадамоти алоқа доир шуд, беш аз 120 варзишгар аз ҳамаи манотиқи кишвар ширкат дошт. Дар мусобиқаи имсола варзишгарон дар ҳайати 8 даста (дудастаӣ аз шаҳри Душанбе, вилоятҳои Хатлону Суғд, инчунин дастаҳои Вилояти Мухтори Кӯҳистони Бадахшон (ВМКБ) ва шаҳру навоҳии тобеи марказ (ШНТМ) аз рӯи 13 дараҷаи вазнҳо (5 вазн миёни занон ва 8 вазн миёни мардон) рақобат карданд. Мансур Муҳиддинов... Читать дальше...
Созмони ҷаҳонии тандурустӣ барои мубориза бо коронавирус ҳамчун кумаки якдафъаина, аз Русия 1 миллион доллар дарёфт кард. Русия ҳамчунин 61 миллион рубл ба кишварҳои Аврупои Шарқӣ, Амрикои Ҷанубӣ, Осиёи Марказӣ ва Ҷанубу Шарқӣ ва Африқо ҷудо хоҳад кард. Созмони ҷаҳонии тандурустӣ буҷаи худро аз ҳисоби пардохтҳои ҳатмии кишварҳои узв ва хайрҳои довталабона пур мекунад. Ҳаҷми пардохтҳои ҳатмӣ бо назардошти вазъи некуаҳволии кишвар ва сокинон таъйин мегардад. Ба ин тартиб, Русия вазифадор аст, ки дар соли ҷорӣ 5,7 миллион доллар... Читать дальше...
Иқтисоддонҳои Бонки Осиёи Рушд дар гузориши тозаи худ - "Шарҳи рушди Осиё 2020" пешбинӣ карданд, ки рушди иқтисоди Тоҷикистон то ду соли дигар кам шуда соли ҷорӣ 5,5 фоиз ва соли 2021 панҷ дарсад хоҳад шуд. Вазорати рушди иқтисоди Тоҷикистон дар оғози сол рушди иқтисоди кишварро дар соли 2020 ҳашт фоиз (!) пешбинӣ кард.
Айжан Есмагамбетова, сартабиби беҳдоштии Қазоқистон гуфт, 19 дарсади гирифторони коронавирус дар ин кишвар кормандони тиб ҳастанд. Есмагамбетова дар як нишасти хабарии рӯзи 6-уми апрел гуфт, 120 табиб мубталои коронавирус шудаанд. Ба гуфтаи вай, яке аз табибон дар ҳолати вазнин қарор дорад ва нуҳ тани дигар вазъи миёнаи вазнин доранд. 57 табиби дигар дар айни ҳол ин бемориро ба осонӣ пушти сар мекунанд. Ҳукумати Қазоқистон пештар аз ин гуфт, маоши табибонеро бештар мекунад, ки ба табобати гирифторони коронавирус ҷалб шудаанд. Читать дальше...
