Пайвандони Бузургмеҳр Ёров, адвокати машҳури тоҷик ва Раҳматуллои Раҷаб, узви зиндонии Раёсати ҳизби фаъолияташ дар Тоҷикистон мамнӯи наҳзати исломӣ мегӯянд, вазъи онҳо дар шароити зиндон нигаронкунанда шудааст. Ҷамшед Ёров, бародари вакили зиндонӣ дар шабкаҳои иҷтимоӣ гуфтааст, Бузургмеҳр Ёров таб дорад ва рӯзи 29 апрел сардори маҳбас доруву дармонеро, ки наздикони Ёров барояш фиристода буданд, ба ӯ расондааст. Шуҳрати Раҳматулло писари Раҳматуллои Раҷаб мегӯяд, шоми 29 апрел таби падараш аз марзи 39 гузашта, вазъаш ногувор аст. Читать дальше...
Раҷаби Мирзо, рӯзноманигор ва таҳлилгар Бознашр аз веблоги "Рӯзи нав" Шояд дар зоҳир одамон дар Тоҷикистон ором намоянд. Дар асл ҳама ташвиш доранд. Саволи мушаххас барои изтироб як аст: агар COVID -19 ба кишвар наомадааст, пас маргумири одамон ва афзоиши якбораи “пневмония” ба чӣ иртибот мегирад? Оё дуруст аст, ки теъдоди одамони бемор ҳар лаҳза меафзояд ва аз ин рӯ бар иловаи шифохонаҳои қаблан таъиншуда, бемористонҳои дигар ва ҳатто бархе толорҳои варзишӣ ва идораҳоро барои ин омода мекунанд? Читать дальше...
Мақомоти Русия гуфтанд, ки се парвози чартерӣ барои берун баровардани шаҳрвандонаш аз Тоҷикистонро барои муддати номуайян ба таъхир андохтаанд.
Вазорати тандурустии Тоҷикистон бо ирсоли як номае ба Радиои Озодӣ гуфт, дар як баёнияи расмӣ доир ба гирифторони бемории илтиҳоби шуш ба хато роҳ дода 136 корманди тиббиро иштибоҳан бемор навиштааст. Вазорат рӯзи 27-уми апрел дар як матлабе зери унвони “Заҳмати табибонро нодида нагиред” хабар дод, ки 136 табибу парастор ва дигар кормандони тиббӣ дар шифохонае, ки беморони илтиҳоби шуш нигаҳ дошта мешаванд, ба карантин фаро гирифта шудаанд, аммо дар воқеъ ба гуфтаи вазорат ин афрод “дар хидмати онҳое ҳастанд... Читать дальше...
То ҳол сабаби ларзиши замин дар Хатлон ошкор нашудааст.
Афзоиши гирифторони пневмония дар шифохонаҳои Душанбе.
Русия шаҳрвандонашро аз Тоҷикистон ба ватан бармегардонад.
Пойгоҳи хабарии transfermarkt.ru арзиши футболбозон ва мураббиҳои тимҳои Лигаи олии Тоҷикистонро гуфтааст
Коршиносон ва созмонҳои байналмилаллӣ аз афзоиши бесобиқаи мавридҳои хушунати хонаводагӣ дар давраи гӯшанишинӣ ё карантин, бонгӣ изтироб мезананд.
Вазорати умумри дохилии Афғонистон хабар медиҳад, ки имрӯз бар асари бомбгузории маргталабона дар наздикиҳои шаҳри Кобул камаш 3 нафар фавтида, 15 каси дигар захмӣ шудаанд.
Гузориши нави Комиссияи ИМА оид ба озодиҳои мазҳабии байналмилалӣ (USCIRF) Тоҷикистонро ин навбат низ ба гурӯҳи кишварҳои "мавриди нигаронии хос" шомил кардааст. Ин дар ҳолест, ки гузориши тозанашри солонаи он вазъи як қатор кишварҳои дигарро барои пешрафт ва тағйироти мусбат ситоиш кардааст. Раҳбари USCIRF Тони Перкинс рӯзи 28-уми апрел дар муаррифии ин гузориш гуфтааст, ки муҳаққиқон аз пешрафти бархе кишварҳо дар амри "эҷоди фазои амнтар барои озодиҳои диниву виҷдон" дар соли 2019 "дилгарм"... Читать дальше...
Макони баргузории Қаҳрамонии ҷаҳон оид ба бокс миёни мардон тағйир ёфт. Агар қаблан макони баргузории он шаҳри Деҳлӣ буд, акнун қарор аст мусобиқа дар Белград баргузор шавад
Вазорати умури дохилии Афғонистон гуфт, ки дар паи як таркиши интиҳорӣ дар наздикиҳои Кобул рӯзи 29 апрел се нафар кушта ва 15 тан маҷрӯҳ шуданд. Тариқ Ориён, сухангӯи вазорат бо нашри изҳороте гуфт, ки ҳамлагари интиҳорӣ рӯзи чоршанбе бомбаро дар миёни сокинони мулкии маҳаллаи Решхори ноҳияи Чоросиёб ба кор андохт. Чоросиёб дар 11-километрии шаҳри Кобул ҷойгир аст. Таркиш дар наздикиҳои як муассисаи низомӣ рух дод. Феълан маълум нест, ки масъулияти таркиш бо кӣ аст. Сухангӯи Толибон Забеҳулло Муҷоҳид гуфт... Читать дальше...
Бобоҷон Назаров - донишманди тоҷики муқими Лондон шеваи нав барои муолиҷаи COVID-19-ро ошкор кардааст, ки дар сурати озмоишҳои муваффақиятомез метавонад, барои дармони миллионҳо мардум дар сайёра кӯмак кунад.
Дар гузориши нави созмони Афви байнулмилал ё Amnesty International, ки 29 апрел нашр шуд, бархе ҳукуматҳои Аврупои Шарқӣ ва Осиёи Марказӣ барои вокуниши саркӯбгаронаву хушунатомезашон ба муқобила бо паҳншавии коронавирус ва кишварҳои мисли Тоҷикистон барои нодида гирифтани хатари пандемия интиқод шуданд. Дар гузориш, аз ҷумла, омадааст, ки “раҳбарони сиёсии Беларус, Тоҷикистон ва Туркманистон ҷиддияти пандемияи COVID-19-ро ночиз гирифта барои муқобила бо ин вирус чораҳои мардумиро таблиғ карданд”. Читать дальше...
Мақомоти шаҳри Душанбе амр додаанд, тамоми бозорҳои либосфурӯшӣ аз ҷумла бузургтарин бозори пойтахт “Корвон” барои тақрибан ду ҳафта баста шаванд.
Паҳн кардани видеоҳои ҷасади фавтидагону тарсонидани мардум, боло рафтани қимати маводи хӯрока дар бозорҳо, дезинфексия ва ё зиддиуфунӣ кардани Хуҷанд, саҳми муҳоҷирони тоҷик дар маҳви вируси нав дар Русия аз видеову суҳбатҳои барномаи имруз аст.
Раҳматулло Зойиров, раиси Ҳизби сотсиал-демократи Тоҷикистон мегӯяд, аз моҳи январ то феврали имсол ба зукоме гирифтор шуд, ки ҳеҷ гоҳ аз сар нагузаронда буд. Ӯ рӯзи 29-уми апрел дар саҳифааш дар Фейсбук навишт, ки “намедонист, зуком ба ин ҳад сахт мешавад.” Ба қавли сиёсатмадори шинохта, ӯ аз 20-уми январ то рӯзи 2-уми феврал бемор буд ва дар ин муддат ҳамсар ва писараш ҳам ба чунин зуком гирифтор шудаанд. Раҳматулло Зойиров навиштааст: “Баъди ин ба таҳқиқи амиқи коронавирус шурӯъ кардам. Бештар... Читать дальше...
Рӯзи 29 апрел Низоми захираҳои федеролӣ, ки дар ИМА вазифаи Бонки марказиро иҷро мекунад, мулоқоти нахустини худро баъди дар миёнаҳои моҳи март дар вокуниши сареъ ба пандемияи коронавирус ба сифр баробар кардани мафоди бонкӣ натиҷагирӣ мекунад. Қарор аст ҷаласаи дурӯзаи Кумитаи федеролии бозори боз дар Вашингтон бо нишасти матбуотӣ хотима ёбад. Қарор аст дар ин ҷаласа раиси низоми захираҳои федеролӣ Ҷероме Пауэлл дар бораи дурнамои қарзҳои бонкӣ иттилои бештар бидиҳад. Бонки марказии ИМА талош дорад... Читать дальше...
Дар 18 рӯзи гузашта шумори олудашудаҳо ба коронавирус дар ИМА ду баробар афзуда 1 миллион нафарро ташкил дод ва талафоти инсонҳо бар асари ин беморӣ бештар назар ба талафоти амрикоиҳо дар ҷанги Ветнам ҳисоб шудааст. То рӯзи 28 апрел сеяки беш аз се миллион олудашудаҳо дар сайёра ва чоряки беш аз 216 ҳазор ҳалокшудаҳо бар асари COVID-19-ро амрикоиҳо ташкил кардаанд. Агар дар солҳои ҷанги Ветнам 58220 амрикоӣ ҷон додааст, шумори талафот бар асари коронавирус ба 58348 нафар расидааст. Омори ноумедкунанда дар ҳоле нашр мешавад... Читать дальше...
Бозиҳои тобистонаи олимпӣ дар Токио, ки барои як сол ба таъхир гузошта шудаанд, дар сурати тобистони соли 2021 бар пандемияи коронавирус ғолиб нашудан, лозим меояд лағв шавад. Дар ин бора Йоширо Мори, раиси кумитаи тадорукоти Токио-2020 рӯзи 28-уми апрел дар сӯҳбат бо ҳафтаномаи Nikkansports ибрози назар кардааст. "Не, дар чунин ҳолат онҳо бекор карда мешаванд", - гуфт Мори дар посух ба саволи рӯзноманигори нашрия дар бораи он ки агар вазъи вазнин бо коронавирус мисли пешин боқӣ монад, пас Олимпиадаро... Читать дальше...
Аз ин ба баъд дар номгузории миллии Тоҷикистон гузоштани пасвандҳои "ов"-у "вич" ва "ова"-ю "овна" дар насаби сокинон манъ карда мешавад. Намояндагони ақаллиятҳои миллӣ аз ин муқаррароти нав мустасно ҳастанд.
Ҳудуди 100 тоҷири бозори "Барис-IV"-и шаҳри Алматои Қазоқистон 28-уми апрел ба қарори маъмурияти худ ва мақомоти маҳаллӣ, ки бозорро дубора бастанд, эътироз намуданд. Эътирозгарон, ки дар назди дарвозаи бозор ҷамъ шуда буданд, мегӯянд, мақомот баъди се ҳафтаи карантин иҷозат доданд, бозор дубора фаъолият кунад. Маъмурияти бозор низ рӯзи шанбе аз ҳамаи фурӯшандаҳо пули иҷораро ҷамъоварӣ кардааст, вале субҳи 28-уми апрел дарҳои бозорро мақомот дубора бастаанд. Баъди таҷаммуи тоҷирон кормандони пулис ба маҳалли ҳодиса ҳозир шуда... Читать дальше...
Рӯйхати 40 футболбози беҳтарини асри 21 тартиб дода шудааст, ки дар садри он Месси ва Роналдо қарор гирифтаанд
Низоми ҳолати фавқулода дар шаҳрҳои Бишкек, Ӯш, Ҷалолобод ва ноҳияи Ат-Башини вилояти Норини Қирғизистон тамдид шуд. Дар ин бора президенти Қирғизистон Сооронбой Ҷеенбеков хабар дод. Аз маркази матбуотии президенти он кишвар гуфтанд, чунин тасмим баъди суханронии ноиб-сарвазир Қубодбек Боронов ва вазири тандурустии он кишвар Собирҷон Абдикаримов дар бораи вазъи кунунии паҳншавии вируси корона гирифта шуд. Ҳолати фавқулода то 10 май идома мекунад. Ҳолати фавқулода дар шаҳрҳои Бишкек, Ӯш, Ҷалолобод... Читать дальше...