د بلوچستان صوبې په بېلابېلو سیمو کې وسلوالو د اګست له ۲۵مې راهیسې بریدونه پیل کړي دي. چارواکو د اګست پر ۲۶مه مشال راډیو ته وویل چې په دغو حملو کې ۳۷ کسان وژل شوي چې ډېری یې ولسي وګړي دي. په وژل شویو کې ۲۳ هغه مسافر هم شامل دي چې وسلوالو په موسا خېلو کې له بسونو ښکته کړل او تر شناخت وروسته یې ووژل. ځینې نور ولسي وګړي او امنیتي سرتېري په بولان او کلات کې وژل شوي دي. له پرون راهیسې د شويو ځینو بریدونو ذمه واري له پاکستانه د ازادۍ لپاره جنګېدونکې وسلوالې ډلې، بلوچ لیبرېشن ارمي، منلې ده. دوی ادعا کړې... Читать дальше...
د ۲۰۲۱م کال د اګست په ۲۶مه د کابل هوايي ډګر ابي دروازې ته څېرمه مرګونی برید وشو. دا برید داعش کړی و چې پهکې لږ تر لږه ۱۳ امریکایان او ۱۷۰ افغانان وژل شوي وو. د یادې ورځې په اړه دا ویډیويي راپور کتلی شئ:
یوه ۱۰۲ کلنې برېتانوۍ مېرمن له الوتکې ټوپ وهلی دی. منیټ بیلي وویل چې دا یې له پخوا ارمان و چې داسې وکړي. د دې زړور کار پر مهال هغې د پيراشوټ کارولی، چې له هوا څخه په خوندي توګه د راکوزېدو لپاره کارېږي. ټوپ وهلو سره هغې د روغتیايي ادارو لپاره مالي مرستې هم راټولې کړې دي. له الوتکې څخه ټوپ وهل، چې ورته "سکای ډایوینګ" وايي، یو ډېر په زړه پورې او جالبه تجربه وي چې په کې ټوپ وهونکی لومړی له الوتکې څخه په ازاد ډول ښکته کېږي، او بیا په ټاکلي وخت کې پيراشوټ خلاصوي چې د رفتار کمېدو او خوندي کوزېدو کې مرسته کوي. Читать дальше...
په سیمه کې د شیعه ګانو د کېمپ مخې ته نښته وشوه او هغه مرګژوبله یې واړوله. دواړو فرقو پر یو بل د حملې ذمه واري اچولې ده. د سيند حکومت هم د پېښې نوټس اخیستی او د پولیسو څخه یې رپورټ غوښتی دی.
د بلوچستان اعلا وزیر سرفراز بګټي دا ترهګرۍ پېښه بللې ده او له ځايي چارواکو څخه یې په دې اړه رپورټ غوښتی دی. نوموړي ویلي چې د داسې پېښو د مخنیوي لپاره د لوړې کچې غونډه کوي.
په خوست کې ورزشکاران او همدارنګه د سپورټي کلپونو او فدراسیونونو استازي وايي، دوی ته دې په هېواد کې د اساسي لوبغالو او په بهر کې د سپورټي سیالیو اسانتیاوې برابرې شي. دوی له خلکو هم غواړي چې په شته امکاناتو کې دې د خپلې ښې روغتیا لپاره لاس په کار شي. په دې وروستیو کلونو کې په خوست ولایت کې د لوبو مینه وال په بې ساري ډول زیات شوي دي. نور حال د مشال راډیو په دې راپور کې:
د کابل د نړیوال هوايي ډګر له ایبې دروازې سره نېږدې تر خونړي ځانمرګي برید درې کاله وروسته لا هم په افغانستان کې د اسلامي دولت (داعش) ډلې د ګواښونو په اړه اندېښنې شته. د ۲۰۲۱ز کال د اګست پر ۲۶مه په هغه برید کې شاوخوا ۱۷۰ افغانان او ۱۳ امریکايي سرتېري وژل شوي ول. د ځانمرګې حملې ذمه واري د داعش خراسان څانګې منلې وه. هغې ډلې پر افغانستان د طالبانو له واکمنېدو راهیسې د لسګونه حملو مسوولیت منلی دی. طالبان وايي چې داعش ډله یې په افغانستان کې ځپلې ده او په هغه هېواد کې حضور نه لري. د کابل هوايي ډګر د حملې... Читать дальше...
په کندهار کې د خټکیو کروندګر وایي، سږکال یې د ناروغیو له امله حاصلات زیانمن شوي او پاتې حاصل هم بازار نهلري. تېرو کلونو کې به د کندهار خټکي او هندواڼې پاکستان ته هم صادرېدلې، خو سږکال دغه هېواد د افغانستان پر مېوه جاتو لوړه تعرفه وضع کړې، چې له امله یې افغان سوداګرو صادرات نهدي کړي.