Новости за 01.08.2024

د پښتونخوا ملي عوامي ګوند او پاکستان تحریک انصاف سیاستوالانو او پلویانو د بلوچستان په پښتون مېشته سیمه پښین کې د ناامنۍ، هدفي وژنو، د ناامنۍ پرضد د عزم استحکام په نوم د عملیاتو او نشه يي توکو د کاروبار پرضد احتجاجي لاریون کړی دی. د اګست لومړۍ نېټې احتجاج پر داسې مهال شوی چې له یوې میاشتې راهیسې په پښین کې هدفي حملې زیاتې شوې دي چې اکثر پکې پولیس او د لېویز ځواک سرتېري په نښه کېږي. د پښین انتظامي چارواکي وايي چې د ناامنیو او نورو جرمونو پرضد اقدامات کوي. ویډيويي رپورټ.

ګلبوراک بېګماتاییوا وايي چې له وړوکوالي یې د سیلانیانو لپاره د کمپ جوړولو سره لېوالتیا وه. خو نوموړې دا هم وايي چې د قرغز ستان او تاجکستان پر پوله د سفري محدویتونو له وجې یې کاروبار ته زیان رسېدلی دی. انیسې اجمل په دې اړه دا راپور جوړ کړی دی:

د دې اونۍ د "هارون باچا هنري ګړۍ" خپرونې مېلمه د سوات د خوازه خېلې يو ځوان سندرغاړی ناصر رېشم دی. نوموړي د يوشمېر غزلونو ترڅنګ په بېلا بېلو اندازونو ټپې هم ويلې دي. رېشم وايي په ماشوموالي کې ګوزڼ وهلی وو چې له وجې يې په ښۍ پښه معذوره شو خو زیاتوي چې پر هغې سربېره یې خپلو هنري کارونو ته دوام ورکړی دی. د ناصر رېشم خبرې او ځينې سندرې يې په خپرونه کې اورېدای شئ.

د بلوچستان پخوانی اعلاوزیر ډاکتر مالک بلوڅ وايي که بلوڅانو ته د سوله ییز احتجاج حق ورکړل شوای وای نو نه به د ریاست (دولت) نقصان کېده او نه د ولس. نوموړي د جولای پر ۳۱مه له مشال راډيو سره په ځانګړې مرکه کې د ورکو بلوڅانو د موندلو او د حقونو لپاره د بلوڅانو د روان احتجاج په اړه وویل چې ایین د پاکستان هر وګړي ته د سوله ییز احتجاج حق ورکوي. د بلوڅ په خبره، د ریاست چلند هغه ډول نه دی چې څنګه په کار وو او ښايي د اوازونو په غلي کولو د بلوڅانو مبارزې ته د پای ټکي ايښوول غواړي. ده وویل چې حکومت ته په کار... Читать дальше...

بلومبرګ، سکای نیوز، سي اېن اېن او نورو غربي رسنیو د اګست پر لومړۍ نېټه وویل چې د روسیې، امریکا او یوشمېر نورو هېوادونو ترمینځ د زندانیانو تبادلې پراخ عمل پیل شوی دی چې په اړه یې فکر کېږي چې تر سړې جګړې وروسته ښايي د بندیانو تر ټولو لویه تبادله وي.

د بلوڅانو یووالي (یکجهتي) کمېټۍ ویلي دي چې پولیسو یې په کراچۍ کې اته غړي نیولي دي. هغه کمېټي د ورکو بلوڅانو د موندلو او د بلوڅانو د حقونو لپاره مبارزه کوي. د کمېټۍ مرستیال مشر عبدالوهاب بلوڅ د جولای پر ۳۱مه مشال راډیو ته وویل چې د کراچۍ د خبریالانو په مرکز کې یې خبري غونډه کول غوښتل چې پولیسو یې له ودانۍ بهر د پینځو ښځو په ګډون اته غړي ونیول. پولیس وايي، د هغو کسانو مخونه پټ ول نو ځکه یې د امنیت په خاطر د شک پر اساس ونیول. پولیس زیاتوي، له هغوی پلټنې کوي او که بې ګناه وي نو خوشې به یې کړي. دا په... Читать дальше...

د ۶۲ کلن هنیه جنازې ته د ایران ګڼ لوړپوړي چارواکي او زرګونه خلک ورغلي ول او ټول مراسم پر دولتي ټېلېوېژن ژوندي خپاره شول. نوموړی په قطر کې مېشت وو او مړی یې په دوحه کې خاورو ته سپارل کېږي.

د خیبرپښتونخوا په ګډون د پاکستان په یوشمېر برخو کې بارانونو او سېلابي اوبو یوشمېر کسانو ته مرګ ژوبله اړولې ده. د هېواد وزیر اعظم د طبعي ناورینونو د انتظام ادارې ته امر کړی دی چې د سختو بارانونو او مځکې ښوېدو له کبله بندې شوې لارې خلاصې کړي. په کراچۍ کې د باران اوبه پر سرکونو ولاړې دي چې د خلکو ژوند یې ګران کړی دی. په دې اړه د رویټرز، اې پي او اې اېف پي اژانسونو له ویډیوګانو جوړ راپور جوړ کړی دی.