د کابل د لوېدیځ دشت برچي د تېلو ټانک په سیمه کې نن یکشنبه د اسد ۲۱مه د سپرلیو په یوه موټر چاودنه شوې ده. د طالبانو حکومت ویلي، په پېښه کې یو کس وژل شوی او ۱۱ نور ټپیان دي. خو د سیمې خلکو ادعا کړې چې د مرګژوبلې شمېره ډېره ده. تراوسه د دې پېښې مسوولیت چا نه دی منلی.
د طالبانو د حکومت د کابل امنیه قوماندانۍ ویاند خالد ځدراڼ مشال راډیو ته وویل چې چاودنه د اګست پر ۱۱مه د کابل ښار په لویدیځ کې په دشت برچي سیمه کې شوې ده.
د پېښور پولیس وايي چې سږ کال د اګست تر میاشتې پورې په هغه ښار کې پر ماشومانو د تشدد او د هغوی پر ضد جرمونه زیات شوي دي. دوی وايي، په ثبت کړیو ۱۴۴ پېښو کې جنسي تېری، تښتونې، د ماشومانو تښتول او د قتل هڅې شاملې دي. فعالان وايي، په صوبه کې د ماشومانو د ساتنې قانون شته خو پر دې سربېره پر هغوی په تشدد او تېریو کې ککړ کسان نه نیول کېږي. نور په رپورټ کې.
۲۳ کلنې مرجان عزیزي د افغانستان په غور ولایت کې یوه قهوه خانه پرانیستې ده چې پکې ښځې او سړي په ټاکلیو جلا، جلا وختونو کې هلته تللای او قهوه څښلای شي. په هغه ځای کې د خلکو لپاره د مطالعې زمینه هم برابره شوې ده. نور په ویډیو کې.
پر دې ورځ د مذهبي اقلیتونو ټولنې او د بشري حقونو فعالان په بېلابېلو ښارونو کې د لاریونونو او غونډو له لارې له حکومته د لږکیو د مسلو د هواري غوښتنه کوي.
ګڼو خلکو د پنجاب د لاهور پر هوايي ډګر د پاریس په اولمپېک سیالیو کې د سرو زرو مېډال (تمغې) ګټونکي لوبغاړي ارشد ندیم هرکلی کړی دی. نوموړی چې د اګست پر ۱۱مه تر نیمې شپې وروسته پاکستان ته ورسېد نو په سلګونو خلکو ورته په نعرو ښه راغلاست وویل. نېزه ویشتونکي ندیم د اګست پر اتمه د هند نیرج چوپړا ته په ماتې ورکولو د سره زرو انعام ترلاسه کړ. نوموړي خپله نېزه ۹۲.۹۷ میټره لیرې وویشته او رېکارډ یې هم جوړ کړ. نور په ویډیويي رپورټ کې.
