Српското обвинителствo отвори предмети за изборна кражба со „фантомски гласачи“ од Република Српска. Опозицијата на протести пред Изборната комисија бара поништување на изборите во Белград. Расте и бројот на опозиционери што штрајкуваат со глад.
Ја поддржуваме Северна Македонија во нејзиното барање и определба да биде полноправна членка на Европската Унија, уверува шпанскиот амбасадор Хозе Луис Лозано Гарсија во неделното интервју за РСЕ. Тој не ја исклучува можноста дека во процесот на преговори може да се отворат и други барања од други земји членки, дури и доколку бидат усвоени уставните измени, од кои зависи одржувањето на Втората меѓувладина конференција.
Шпанскиот амбасадор во земјава, Хозе Луис Лозано Гарсија вели дека првиот кластер во отворањето на преговорите кој ги вклучува владеењето на правото, и борбата против корупцијата е најважниот и дека секоја земја кандидат, вклучително и Македонија, треба да вложи дополнителни напори за да го затвори.
