Јавното обвинителство вечерва соопшти дека по преземени опсежни мерки и активности од полициските службеници од СВР Скопје, на 3 декември во околината на Скопје било пронајдено безживотното тело на малолетната Вања Ѓорчевска. Ѓорчевска беше пријавена за исчезната во понеделникот на 27 ноември рано утрината на пат кон училиште. Според извештаите, последниот сигнал од нејзиниот телефон тој ден се изгубил спроти Универзална сала на булеварот „Партизански одреди“ во Скопје. Освен телот на Ѓорчевска... Читать дальше...
Американски воен брод и неколку комерцијални бродови биле нападнати во неделата во Црвеното Море, соопшти Пентагон, пренесува Асошиејтед прес. „Свесни сме за извештаите за напади врз „USS Carney“ и комерцијални бродови во Црвеното Море и ќе обезбедиме информации кога ќе станат достапни“, соопшти Пентагон. Британската војска претходно објави дека се сомничат нападот со беспилотни летала и експлозиите во Црвеното Море, не наведувајќи детали. Пентагон не идентификуваше од каде верува дека дошол нападот. Читать дальше...
Јавното обвинителство денеска соопшти дека во текот на целиот ден биле преземани дејствија за обезбедување докази во врска со ичезнувањето на 14-годишната Вања Ѓорчевска, а дека за тројца од петтемина приведени во текот на вчерашниот ден, јавен обвинител до Основниот кривичен суд Скопје доставил предлог за определување 48-часовен притвор, со цел да биде обезбедено нивното присуство до целосно расчистување на настанот. „Јавното обвинителство и МВР ќе ја информираат јавноста веднаш штом се создадат услови кои нема да ја нарушат постапката. Читать дальше...
Силен земјотрес што го погоди јужниот дел на Филипините уби најмалку еден селанец, а повредени се неколку други. Како што јавува АП, од земјотресот илјадници во паника излегле од своите домови и ги заглавиле патиштата кон повисоките места по издаденото предупредување за цунами, соопштија властите на 3 декември. Американскиот геолошки институт објави дека земјотресот во саботата вечерта бил со јачина од 7,6 степени и се случил на длабочина од 32 километри. Пацифичкиот центар за предупредување... Читать дальше...
Израелската војска нареди евакуација на неколку области во и околу вториот по големина град во Газа, Кан Јунис. Евакуацијата е наредена бидејќи Израел ја префрла својата офанзива кон јужната половина од територијата каде што вели дека се кријат многу лидери на Хамас. Силно гранатирање беше забележано во текот на ноќта и во неделата во областа Кан Јунис и јужниот град Рафах. Истот така гранатирања имаше и во делови од северот кои беа во фокусот на воздушната и копнената кампања на Израел.... Читать дальше...
Премиерката на Италија, Џорџа Мелони, на 3 декември пристигна во официјална посета на Србија. На аеродромот „Никола Тесла“ во Белград ја пречека претседателот на Србија, Александар Вучиќ. После тоа, премиерката на Италија беше пречекана пред Палатата Србија во нов Белград со највисоки државни почести: црвен тепих, интонирање на националните химни на двете земји и почесниот строј на српската гарда. Покрај Вучиќ, италијанската премиерка беше пречекана и од министерот за надворешни работи Ивица Дачиќ. Читать дальше...
Околу 1,8 милиони луѓе во Појасот Газа се внатрешно раселени, објави на 3 декември Канцеларијата на Обединетите нации за координација на хуманитарни прашања. ОН додаваат дека во таа палестинска енклава има вкупно 2,2 милиони луѓе и дека е тешко да се добие прецизен број на раселени лица. Како причина е наведена дека е тешко да се следат оние кои биле принудени да побегнат и да се пресмета вкупниот број на луѓе кои се вратиле дома за време на привремениот прекин на огнот, објави Би-Би-Си. На почетокот на конфликтот... Читать дальше...
Девет лица, меѓу кои двајца војници, загинаа во напад на милитанти на автобус во Пакистан, додека 26 се повредени, соопшти локалната полиција на 3 декември. Нападот се случил на северот на земјата на автопатот Каракорам кој ги поврзува Пакистан и Кина. Тој пат минува низ провинцијата Хајбер Пахтунхва, која во минатото беше жариште на тероризмот поради присуството на пакистанските талибанци и други милитантни групи. Пакистанските власти соопштија дека во саботата вечерта било пукано на автобус на линијата Гилгит-Равалпинди... Читать дальше...
Девет работници загинаа, а 23 се повредени во напад на рудник за злато во северниот дел на Перу, соопштија локалните власти. Се наведува дека се уапсени седум напаѓачи. „Група вооружени криминалци упаднаа во објектите на рударската компанија Подероса во провинцијата Патас и се судрија со стражарите“, соопштија перуанските власти. Локалната полиција соопшти дека во таа прилика загинале седум чувари кои се обиделе да го одбијат нападот и двајца работници кога во галеријата на рудникот бил фрлен експлозив. Читать дальше...
Земјотрес со јачина од 3,6 степени според Рихтеровата скала е регистриран во Србија на 3 декември во областа Петровац на Млава, соопшти Републичкиот сеизмолошки завод (РСЗ). РСЗ наведува дека земјотресот се случил во девет часот и 47 минути и дека теоретскиот интензитет во епицентарот бил проценет на пет до шест степени според Меркалиевата скала. Земјотреси со ваков интензитет можат да предизвикаат многу помали оштетувања на објекти во епицентралното подрачје“, објавено е на веб-страницата на Републичкиот сеизмолошки завод. Читать дальше...
Четири лица загинаа, а околу 50 се повредени во бомбашки напад за време на миса во јужниот дел на Филипините, соопштија локалните власти. Експлозијата се случи на 3 декември за време на миса во гимназијата на државниот универзитет Минданао во Марави, најголемиот муслимански град во земјата, изјави началникот на регионалната полиција Алан Ноблеза. Тој додаде дека нападот бил извршен со импровизирана експлозивна направа. Наставата е прекината, а околу универзитетот е распоредено силно обезбедување. Читать дальше...
Едно лице загина, а 11 се водат како исчезнати во поплавите во близина на езерото Тоба во провинцијата Северна Суматра во Индонезија, соопшти Индонезиската агенција за управување со катастрофи (BNPB). Се додава дека голем број луѓе се евакуирани и дека спасувачките напори се во тек. Силен дожд придружен со поројни поплави го погоди регионот на брегот на езерото Тоба во Северна Суматра на 1 декември, оштетувајќи десетици куќи, цркви, училишта и хотели, објави Ројтерс. Езерото Тоба е најголемото... Читать дальше...
Шпанската полиција заплени речиси еден тон кокаин на групата „Балкански картел“ во пристаништето Алгесирас, соопштија шпанските власти. Полицијата навела дека дрогата била скриена во бродски контејнери кои пристигнале од Јужна Америка, пренесува Хина. Се додава дека безбедносните структури на Шпанија имале информации дека групата наречена „Балкански картел“, која ја сочинуваат криминалци од територијата на поранешна Југославија, доставувала дрога до пристаништето Алгесирас. По пристигнувањето на сомнителниот брод во Андалузија... Читать дальше...
Израелската армија го бомбардираше Појасот Газа ноќта меѓу 2 и 3 декември, во време на бројни повици од светот за воздржаност за да се заштитат цивилите. Палестинското Министерство за здравство соопшти дека биле погодени околу 400 цели, а 240 луѓе биле убиени од обновувањето на борбите на 1 декември кога истече еднонеделниот прекин на огнот. Военото крило на Хамас и организацијата која себеси се нарекува Исламски џихад, објавија дека во саботата на 2 декември испалиле ракети врз израелските градови, вклучително и Тел Авив. Читать дальше...
Пописот на населението во Црна Гора започна во недела на 3 декември. Дирекцијата за статистика на Црна Гора (Монстат) соопшти дека во следните 15 дена попишувачите ќе бидат на терен од 8 до 20 часот. Премиерот на Црна Гора Милојко Спајиќ изјави дека пописот е добро подготвен. „Покажавме дека Црна Гора има функционални институции и одговорни поединци подготвени да градат мостови за европската иднина“, изјави премиерот Спајиќ. Пописот се одвива откако властите и опозицијата се договорија под кои услови ќе се одржи. Читать дальше...
Времето денеска ќе биде променливо облачно со локални врнежи од дожд. Претпладне ќе дува слаб до умерен ветер од јужен правец, кој од пладне ќе го промени правецот во северен и долж Повардарието повремено ќе засилува. Како што соопштија од УХМР, минималната температура ќе биде во интервал од 3 до 9, а максималната ќе достигне од 10 до 16 степени. Во Скопје претежно облачно со повремени врнежи од дожд. Ќе дува умерен, повремено засилен ветер од северен правец. Минималната температура ќе се спушти до 5... Читать дальше...
Имаме доста политичари кои би можеле да добијат Оскар. Можеби би можел да ја издвојам последната градоначалничка и сиот сообраќаен хаос кој ни се случува во градот (Скопје) и овој „прекрасен воздух“ што го дишеме. Во конкуренција за Оскар влегуваат и Министерство за образование, Министерство за здравство, судството, вели актерот и стенд ап комичар Бојан Кирковски во интервју за Радио Слободна Европа
Шегите за политичарите, во последно време, не го смеат многу народот, вели актерот и стенд ап комичар Бојан Кирковски. Не се смеат толку често на политичари, и не знам дали е тоа од страв или од тоа што им е дојдено преку глава, ама мислам дека повеќе се смеат на шеги за секојдневниот живот, додава актерот во интервју за Радио Слободна Европа.
Еден германски државјанин загина, а двајца се повредени во напад на маж во близина на Ајфеловата кула во центарот на Париз, изјави францускиот министер за внатрешни работи Жералд Дарманин, додавајќи дека осомничениот за нападот извикувал „Алаху Акбар“. Нападот бил извршен синоќа, кога дваесет и шестгодишен маж, државјанин на Франција, со нож нападнал брачен пар туристи на неколку стотини метри од Ајфеловата кула. Потоа убил германски државјанин. Напаѓачот бил бркан од полицијата, а со чекан нападнал уште две лица пред да биде уапсен. Читать дальше...