Нохчийчоьнан куьйгалхочун маьхчин Кадыров Абубакаран ловзаргахь вуно дукха хьеший хилла. Соьлжа-ГIалахь и барам вовшатоьхначара а, хьешаша а ца лелийна масканаш, ца латтийна вовшашна юкъахь дистанца. Шен "Вконтакте" агIонехь яздина Кадыров Рамзана: "КадыровгIеран боккхачу доьзалехь бIаьрла, самукъане хилам бара. Зуда ялийна сан хьомечу маьхчас, Сийлахьчу Къуранан хафиза, хаза хиндерг долчу "Ахмат" клубан латархочо Кадыров Абубакара!" Шен постах ловзаргара видео а йоьзна Кадыровс. Цу тIехь гуш бу дуккха а нах. Читать дальше...
Гуьмсенна гергахь хе ваьхьина жима ши ваша; Тхаба-Ерды килс йохка лерина хилла Магасера Iедал юхадаьлла Iалашонах; Оьрсийчуьра миллиардаш – Кипре, ткъа ахчан дайшна – «дашо паспорташ»
Коронавирусах цомгуш хилла нах чуэца кечйинчу стационарашкахь пациентийн баларш кеп-кепара дIаяздина хилар гучудаьлла Оьрсийчоьнан коммуникацешна тIехьожучу Роскомнадзор урхаллина. Цхьайолчу дарбан хIусамаша даьржинчу уьнах белла нах язбеш хилла кхечу цамгарех беллачийн могIаршка. Иштта хаам баржийна "Медицинан геланча" ("Медицинский вестник") газето, Роскомнадзоран куьйгалхочо Самойлова Аннас дина дIахьедар довзуьйтуш. "Ковид-стационарашкара баларш таллийтина. Массо а 100% баларш коронавирусна тIеяздина стационараш а ю... Читать дальше...
Соьлжа чохь жима ши ваша хе вахьар ду толлуш, хаам бо Нохчийчуьрчу талламан комитетан урхалло шен сайта тIехь. "Гуьмса йистехь, Соьлжа тIехь луьйчуш, хичу вахана 2007-чу а, 2009-чу а шерашкара волу ши ваша. ТIехьожуш баккхийнаш а боцуш, дихкинчу меттехь луьйчуш хилла ши бер", - боху хаамехь. Урхалло бахарехь, орцанхошна хица карийна цхьана вешин дакъа, лоьху шолгIаниг.
Польшин арахьарчу гIуллакхийн министралло бакъ яц аьлла Белоруссин куьйгалхоша, "Варшавин Берлинца къамел хилла Навальныйн хьокъехь", аьлла яржийна информаци. Оьрсийчуьрчу ТАСС агенталло динчу хаттарна жоп луш, Польшин дипломатин урхалло боху, шаьш "тIеэцна канцлера Меркела а, Германин Iедало а оппозиционерна Навальный Алексейна "Новичок" дIовш делла хиларх болу хаам", "оцу бахьаница бехк а буьллу оццул иэхьечу кепехь политикна зулам дар". Деношкахь Белоруссерчу хаамийн гIирсаша даржийра шина стага - шайх Ник а... Читать дальше...
ТIаьххьарчу дийнахь-буса 7 пациент кхелхина Къилбаседа Кавказерчу лоьраша тергалбечу уьнан дархойх. Цомгух хилла кхин а 563. Иштта бу Оьрсийчоьнан уьнна дуьхьалоечу Оперативан штабан тIаьххьара хаам. Дагестанехь велла кхо стаг, Ставропол-махкахь – шиъ, Краснодар-махкахь, Нохчийчохь, Адыгейхь – цхьацца. COVID-19 уьнах юхьанца схьа Къилбаседа Кавказехь велла 1233 вахархо. Дийнахь-буса а, юхьанца дуьйна а цомгуш хиллачийн терахьаш иштта ду: Ставропол-мохк +124 (12 878) Краснодар-мохк + 93 (11... Читать дальше...
ГIалгIайчоьнан Iедало юхаяккхина евзаш йолу ширачу заманара килс "Тхаба-Ерды" ханна йохка хилла шен Iалашо. Синмехаллин и объект дIаяла сацам бина Джейрах-Iаьссан территорин музейга, хаамбо шен сайта тIехь республикан министрийн кабинето. Оцу хьокъехь омра дина ГIалгIайчоьнан премьер-министра Сластенин Владимира. Килс Оьрсийчоьнан бахаман доладечу Росимуществон аукционе яьккхина хилар тидаме ийцира гIалгIайн блогерша. Цул тIаьхьа аукцинера дIаяьккхира и лот. Тхаба-Ерды – Оьрсийчоьнан территори тIехь уггаре ширачу керста килсех ю. Читать дальше...
Кипрерчу Politis газето бовзуьйту шайн махка инвестицеш яхкарна Кипро "дашо паспорташ" делла совдегарш. Хьалха къайлаяьхьина яра церан цIерш. Кипран президента Анастасиадис Никоса еллачу информцина тIе а тевжаш, газето яздарехь, 2008-2012-чу шерашкахь 141 арахьарчу стаганна делла мехкан паспорт. Алссам инвестицеш махка кхачорна "дашо паспорташ" схьаэцначех ву Оьрсийчуьра ВЭБ корпорацин ухрхаллин декъашхо Кузовлев Михаил а, Evraz компанин долахойх волу Фролов Александр а, Чувашин сенатор лаьттина... Читать дальше...
ДуьнентIехь дийнахь-буса коронавирусах цомгуш хиллачийн терахьо рекорд яьккхина – 304 624 стаг, иштта ю Гезгмашин-беттан 6-чу дийнахь Америкерчу Хопкинс Джонсан универститето йовзийтина статистика. Оцу терахьал гIеххьачул лахара бара дийнахь-буса ун кхеттачийн барам байначу беттан 14-чу дийнахь - 304 351, билгалдоккху Deutsche Welle радионо. Амма бакъду, дийнахь-буса долчу баларийн терахь лахделла шозза гергга. Масхьокху-беттан 14-чохь 10 135 хиллехь кхалхар, кху тIаьххьарчу дийнахь велларг ву 5637 стаг. Читать дальше...
Якутерчу бахархоша дехар хьажийна ГIалгIайчоьнан куьйгалхочуьнга Калиматов Махьмуд-Iелега, "схьа а каравай, таIзар дахьара" оьзда лелаш воцчу шайн махкахочунна Дзауров Мохьмадна, аьлла. И дехар дина меттигерчу "УС тумсуу" юкъаралло инстаграмерчу агIонехула Гезгмашин-беттан 6-чу дийнахь. "Лараме ГIалгIайчоьнан куьйгалхо @kalimatov mm Калиматов Махьмуд-Iела Макшерипович! Тхо, якуташ, хьошалла лоруш долу къилбаседанхой а, маьрша халкъ а ду. Тхан республикехь дукха диаспораш ю. ГIалгIайниг а ю царалахь. Читать дальше...
