Кадыров Рамзанна дуьхьал кечдеш питана ду Малхбузерчу цхьана пачхьалкхехь, лерина цуьнан сибатехь кечйинчу маскаца; "Нохчийн дахарна юкъагIерта Европера Ичкерин векалш" совцон некъаш лоьху Iедалхоша; кхеле а ца буьйлуш, муьлхха а экстремистийн хета интернет-ресурс дIакъовла полисхошна бакъо йоьху депутаташа
Нохчийчоьнан республикан прокуроран Абдул-Кадыров Шарпуддин тIедилларца, талла йолийна, берана къиза етташ социалан машанашкахула яьржина видео. Хетарехь, шо кхаьчна хир долчу берана тIехь къизаллаш лелош видео Iораяьккхира интернетехь кху деношкахь. Видео тIехь гуш ду - беран садукъош, коьртара месаш ийзош, бетах а, дегIа тIе а а цунна етташ. "Карарчу заманчохь беран да-нана мила ду, я цуьнан цхьа кхин верас хилла-те зуьйш, инцидент хилла хан а къастош, дIахьош талламаш бу", - аьлла, хаамбина... Читать дальше...
Фарси айманерчу цхьана пачхьалкхера 3 тонн гергга кIомал эуна Йемене доьдуш хилла хIорда кема лаьцна Пакистанан лерринчу сервисийн белхахоша хIорда чохь Карачи гIалана гена доццуш. Цу тIехь хилла 8 стаг. Уьш берриш лецна бу.
Наркотикаш латторна бехкехилар тIе а чIагIдеш, набахтехь даккха кхо шо хан туьйхи кхело ГIалгIайчоьнан журналистна Майсигов Рашидна. Маршо Радионо яздира, Товбеца-беттан 7-чохь Майсиговн гIуллакх теллина даларх. Адвокатийн аьтто хилира, журналистан хIусамех хьоьвсича хилла жамIаш а тергоне эцийта. Товбеца-беттан 29-чохь кхаа баттана цIахь дIасавалар а доьхкуш, лаьцна витинера Майсигов, ткъа карарчу беттан 9-чу дийнахь прокуроро колонехь даккхийта пхи шо дехнера цунна. Тахана, кхаарин дийнахь... Читать дальше...
Шабаев Мансур Деношкахь кIошташкарчу синбахамаллин хIусамашна Iедалхошна хьалха шога критика йира Нохчийчоьнан куьйгалхочо Кадыров Рамзана, бохура, оьшшучул ца кхиийна цара артисташ. Мах ишта хадорна реза бац республикера хьал девза бахархой: дукха бу махкахь похIма долу нах, амма ца лаьа царна, сцени тIе а буьйлуш, баккхий хьаькамаш хесто. Дукха бу политика бахьанехь Нохчийчуьра дIабахана артисташ. "Кеп-кепарчу конкурсашкахь, телепрограммашкахь дакъалоцу бераш а, баккхийнаш а, царна тIера духар гича... Читать дальше...
ТIаьххьарчу 24 сахьтехь динчу зерашца, Къилбаседа Кавказехь коронавирусан уьнах велла пхи дархо, вирус къаьстина кхин а 565 вахархочуьнца. Эпидеми ца яржийта Iалашонца вовшахтоьхначу оперативан штабо дIахьедарца, Краснодаран а, Ставрополан а мехкашкахь а, Дагестанехь а, ГIебарта-Балкхаройчохь а, ГIалгIайчохь а велла цхьацца пациент. Верриг а эпидеми яьржичхьана кхелхина Къилбаседа Кавказехь COVID-19 вирусах 1 426 стаг. ТIаьххьара динчу зерашца, Ставрополан кIоштахь дукха бу ун токхурш - 137 стаг... Читать дальше...
Мехкан дозана тIехь адамийн бакъонаш ларъяр дийцаредеш Нохчийчуьрчу зорбан министраллехь "юкъараллан конференци" дIаяьхьна. Мехкан куьйгалхочун гIоьнчас Дудаев Ахьмада а, муфтис Межиев Салахьа а, омбудсмено Нухажиев Нурдис а, кхинболчу хьаькамаша а дийцина гулбиначаьрга, "нохчийн дахарна тIеIаткъамбарх арахьара чуйогIучу информацино а, иштта Малхбузен къайлаха сервисаш регионера хьал талхон гIертарх" а, яздо мехкан хаамийн гIирсаша. Дудаевс билгалдаьккхина, либералан зорбанаша а, "Европерчу Ичкерин векалша" а негативе дийцарх... Читать дальше...
Къира сов хан яьлла IADAT оппозицин телеграм-каналан декъа ву ша аьллачу 19-на шо долчу Тепсуркаев Салмана, шена гечдар доьхуш, ша шена таIзар деш видео Iора яьккхина. Нохчийчуьрчу динан дайша къобалдина кIантана таIзар дар, ткъа цуьнан дас дIакхайкхийна, республикера Iедал цу юкъахь доцуш санна
Кхеле а ца буьйлуш, муьлхха а экстремистийн лерина интернет-ресурс дIакъовла полисхошна бакъо лучу низаман проект кховдийна Оьрсийчоьнан пачхьалкхан Думе. Нагахь санна, дуьйцу, низам тIеэцахь, цхьана экспертан сацам тоаме хир бу сайт дIакъовла. Документан авторш бу - Башкирин парламентан депутаташ а, "Цхьааллин Оьрсийчоь" партин цIарах волу Думан депутат Ишсарин Рамзил а. Карарчу хенахь Оьрсийчохь экстремистийн сайташна блок хIотто кхелийн сацамаш оьшу. Прокуратуран а, талламчийн а дIахьедарийн бух тIехь... Читать дальше...
Нохчийчоьнан куьйгалхочунна Кадыров Рамзанна дуьхьал кечдеш питана ду Малхбузерчу цхьана пачхьалкхехь. Оцу гIуллакхана леринчу къайлахчу лабараторешкахь цуьнан маска ю яйтина. "Чечня Сегодня" агенталло бина и хаам. Цуьнан информацица, Кадыровн сибатехь йина маска гойтуш видео яьржина социалан машанашкахь. Къаьстина и хаам eldit_net инстаграмерчу аккаунтера зорбан гIирсаша схьаэцна хилар. Видеона буха яздина ду, "Шолхаг" ("Двойник") аьллачу кодан цIарца Европехь Кадыров Рамзанна дуьхьал кечъеш операци ю аьлла. Читать дальше...