Ши бутт а бу полисхоша гIалин юккъера лаьцна дIавигина Соьлж-ГIалара Умаров Мовсар; ГIаттамхойн могIарш дузуш хилла аьлла, бехкевинчун дов юха хоттур ду; хаамийн гIирсийн информацин кхерамзалла чIагIъян Iалашо ю Нохчийчуьрчу Iедалхойн
Оьрсийчоьнан премьер-министро Мишустин Михаила тIедилларца, Мисара а, Iарбойн Цхьанатоьхначу Эмираташка а, Мальдивашка а кеманаш лелар юха дIадолийна. Пачхьалкхан урхаллан сайтехь зорбане даьккхина оцу кепара документ. Карарчу заманчохь Оьрсийчоьнан бахархойн таро ю ворхI паччхьалкхашка баха, хьалхо схьадиллира Британи а, Швейцари а, Туркойчу а, Занзибаре а кхачон дозанаш. Коронавирусан эпидеми яржарна кхоьруш бIаьстенан чакхенехь Оьрсийчоьно дIакъевлинера дозанаш, совцийнера дуьненаюкъарчу мехкашка лела кеманаш а тIаьхь. Читать дальше...
Меттигерчу хаамийн гIирсийн а, урхаллийн а информацин кхерамзалла чIагIъян Iалашо ю Нохчийчуьрчу Iедалхойн. "ВКонтактерчу" шен пена тIехь бина цунах лаьцна хаам зорбан министро Дудаев Ахьмада. "Сан тIедилларца, уггар а йоццачу хеначохь юкъаялор ю хаамийн гIирсаш а, урхаллаш а Iалашъен массо а оьшу информацин технологеш, иштта республикерчу хаамийн гIирсийн белхахошна лерина, церан IT-технологин декъехь хаарш лакхадохуш, семинараш а вовшахъеттар ю", - аьлла, яздина Дудаевс. Иштта министро дIахьедина... Читать дальше...
Байначу беттан 23-чохь дIахьочу контртерроран операцехь лаьцна, вигина ГIалгIайчуьра Обаргийн-Юьртара (Троицкая) 45 шо долу Гандалоев Руслан волу меттиг хоуьйтуш бац полисхоша цуьнан гергарчарна. Цуьнан хIусамнанас Гагиева Лейлас бина и хаам Кавка.Реалии портале. "ФСБ-н машенахь хеттарш дина хиллера цуьнга, цул тIаьхьа дIавигина, амма билггал аьлла дац, иза латточу меттигах. Цунна юург-мерг а, молханаш а, тIеюху хIума а дIа ца йолуьйту соьга. Ас сагатдо цуьнан могашаллина", - аьлла Гандалоевн зудчо. Читать дальше...
Шела гIалин кхело юхалиста хьажийна гIаттамхойн могIарш дузуш хилла аьлла, бехкевина, набахтехь даккха 8 шо хан тоьхначу Нохчийчуьрчу вахархочун Г. Х-н гIуллакх. Мехкан Лакхарчу кхело билгалдаккхарца, юьхьанца дов хаьттинчу кхело тидаме ца эцна бехкевечун дохковалар а, талламхошца юкъахь болх бар а. Нохчийчоьнан прокуратурано хаамбарехь, юхалиста хьажийна гIуллакх. Талламчийн версица, 2016-чу шарахь меттигера вахархо бертавало гIиртина иза Шемарчу даIишхойх дIакхета. Иштта новкъавала ахча а цхьана делла хилла цунна. Читать дальше...
ТIаьххьарчу дийнахь а, буса а Къилбаседа Кавказехь коронавирусан уьнах кхелхина ялх пациент, вирус хааелла кхин а 525 стагаца. Эпидемица къийсам латто вовшахтоьхначу оперативан штабо динчу зерашца, Ставрополан кIоштахь а, Дагестанехь а велла кхоккха стаг. COVID-19 ун даьржичхьана Къилбаседа Кавказехь 1205 пациент кхелхина. Къаьсттина дукха бу цомгаш нах тIаьххьарчу 24 сахьтехь динчу зерашца, Ставрополан кIоштахь - 130 стаг: Ставрополан махкахь +130 (12 367 ву эпидеми яьржичхьана) Краснодаран... Читать дальше...
КIайчу цIийно шайн эргIадалла дIайовзийтина, Оьрсийчоьнан оппозицин лидерна Навальный Алексейна тIеман химин "Новичок" дIовшца тIелатар дарна. Къоман кхерамзаллан Кхеташоно карладаьккхина, Оьрсийчоьно яхначу хенахь а "Новичок" лелийна хилар. Иштта дIахьедина, Цхьаьнатоьхначу Штаташа "Оьрсийчуьра бехкенаш жоьпе хIитторхьама, шайн агIончашца а, дуьненан юкъараллаца а цхьана болх бийриг хиларх". Навальныйна дIовш луш, "Новичоках" пайдаэцна аьлла, Германин Iедалхоша динчу жамIех ца теша Американ цхьа... Читать дальше...
ГIадужу-беттан 7-чохь Берлинерчу кхело довхаттар долор ду вийначу Нохчийчуьрчу тIеман тобанчийн хиллачу баьччан Хангошвили Зеламханан хьокъехь. Deutsche Welle хаамийн гIирсо бина и хаам кхелан векална тIетевжина. Бехкевийриг ву 55 шо долу Оьрсийчоьнан вахархо. Стохка Марсхьокху-беттан 23-чохь герз тоьхна вийра Хангошвили. Полисхоша лецира зулам дина хила тарлуш йолчу шеконашца Оьрсийчоьнан вахархо. Цуьнан цIе немцойн Iедалхоша йоккхуш яц, делахь а, журналистийн хаамашца, Красиков Вадим ву иза. Оьрсийчоьнан Iедалхоша тIе ца дуьту... Читать дальше...
Ленинскан кIоштан декъарчу полисхоша гIалин юккъера лаьцна дIавигина Соьлж-ГIалара 33 шо долу Умаров Мовсар. Цуьнан нанас Умарова Асета бина и хаам Кавказ.Реалии портале. Нанас чIагIдарехь, Товбеца-беттан 18-чохь лаьцна, шолгIачу дийнахь "нефтяной полке" дIавигина иза. "Ленинскан кIоштан полицин декъехь аьлла соьга, Тумсога (Нохчийчоьнан куьйгалхочух Кадыров Рамзанах а, цуьнан гонах а лаьцна критике роликаш арахоьцу блогер Абдурахманов Тумсо) хьежна иза. Байначу беттан 7-чохь соьга а, кхечу гергарчаьрга а телефон а тоьхна... Читать дальше...