Бевдда тутмакхаш болу меттиг йийцинчунна 1 миллион сом кхайкхийна Дагестанехь; полицина тIелатарна бахархой лецна Кхарачой-Чергазийчохь; cоциалан машанашкара 112 миллион аккаунт лачкъийначу Никулинна кхел ю еш Америкехь
Соьлжа-ГIаларчу Старопромыслан кIоштан кхело набахтехь такха диъ шо кхайкхийна хIилланца шена дахаран аьттонаш бойтуш лелларна Исакова Лизанна. Оццул хан кхайкхийна кхело цуьнан кIантана а, яздо "Чечня сегодня" портало. Исаковас дуккха а яздина хилла мехкан куьйгалхошка, ша бIаьрзе, лелалуш а яц, шена гIодахьара бохуш. Маситтазза бина а хилла цунна аьттонаш. Амма хIусамах къайлах видеокамера а йоьллина, иза зийначу Iедалхошна гучудаьлла Айзан могуш-марша хилар. Исакова Лизанца цхьаьна бозбуанчаллаш лелорна бехкевина кхело цуьнан воI а. Читать дальше...
ОвхIанистанан къилберчу Кандагар провинцехь ехачу бакъоларъярхочо Дурани Маремна некъ карийна ша итт шарахь бен болх бакъбан – зударшна керла фитнес-центр схьайиллина цо. Талибанан дош лелачу Кандагарехь никъабаш лелайо зударша, иза доцуш царна гIелонаш хуьлучу махкахь шогга бакъонашкахьа лаьтта 36 шо долу Дурани дика евза бахархошна.
Дагестанца дозанехь йолчу Нохчийчоьнан лаьмнашкахь бу Къоьзанан Iам. Жимачу машенахь Соьлж-ГIалара шина сохьтехь кхочу цига. ХIордана уллохь лаьтта хьешан цIа. Iаламат дика бу цига хьала воьду некъ - исбаьхьа, цхьа кхо шо хир ду асфальтан некъ биллина, отеле кхаччалц бу и некъ а. Кхин дIа а бу некъ, амма асфальт билланза, делахь а, машенахь вахало цу тIехула. Цигарчу лаьмнашкахь кегий ярташ йиссина, цхьа наггахь бен гIала а ца боьлху цигара бахархой. Некъаца дIахIуьттий моз а, нехча а юхкуш хуьлу уьш, шайн лелош латта а, даьхний а ду церан. Читать дальше...
Кхарачой-Чергазийчуьрчу Зеленчукская станицехь полицина тIелатарна бахархой лецна, хаам бо республикерчу чоьхьарчу гIуллакхийн министраллин пресс-векалто. Инцидент иккхина шинарин сарахь. Оперативан информаци талла юьрта бахана хилла полисхой. Амма шайга хеттарш дечу юкъанна бахархой летта «хьешех». Цхьа полисхо лазийна, дарбан хIусаме виллина. Лецначаралахь бу дов долийнарг а, цуьнца цхьаьна полисхойх леттарш а. Уьш массо а полицин муниципалан декъе бигина, боху хьостано. Къилбаседа ХIирийчохь... Читать дальше...
Оьрсийчоьнан уьнна дуьхьалоечу Оперативан штабан тIаьххьарчу хаамца, дийнахь буса коронавирусах Къилбаседа Кавказехь кхелхина 17 пациент, цомгуш хилла кхин а 607 вахархо. ВорхI стаг велла Дагестанехь, ялх – Краснодар-махкахь, кхоъ – Ставропол-махкахь, цхьаъ – ГIебарта-Балкхаройчохь. Пандемин муьрехь верриг а велларг ву регионехь, официалан статистикаца, 1544 вахархо. Дийнахь-буса а, 8 бутт сов хена чохь а коронавирусах Къилбаседа Кавказехь цомгуш хилла: Ставропол-мохк +142 (15057) Краснодар-мохк... Читать дальше...
Американ Цхьаьнатоьхначу Штатийн прократуро Калифорнерчу федералан кхеле дехна LinkedIn а, Formspring а машанаш а, Dropbox сервис а яьстинчу хакерна Никулин Евгенийна набахтехь даккха 12 шо къастор. Кхелан информаци йовзийтина Law360 портало. Сан-Францискерчу бехкькъасторхойн жюрино бакъдина Никулина интернетера сервисаш а йостуш, 112 миллион нехан аккуанташ лачкъийна хиларх долу талламан жамI. Штаташкарчу говзанчаша тоьшалла дарехь, пачхьалкхан исторехь уггаре Iаткъаме къола ду Никулина динарг. Читать дальше...
Дагестанан куьйгалхочо Васильев Владимира айкхаллина ахча кхайкхийна – лохуш бу ХIинжа-ГIалина уллерчу Шамхалерчу №2 набахтера бевдда тутмакхаш. "Пайде информаци еллачунна, кхераме болу зуламхой талламна схьакаро аьтто бинчунна, Васильевс бахарехь, "лур бу 1 миллион сом мах", - хаам бо мехкан куьйгалхочун администрацин а, Iедалан а пресс-векалто, яздина "Интерфаксо". Дуьйцу ахча республикан бюджетера схьаэцна, дIадала кийчча ду, билгалдоккху агенталло. Кху беттан 23-чу буса, пена бухахула Iуьрг а даьккхина... Читать дальше...