Вевзаш волчу 21 Оьрсийчуьрчу политолого дIахьедар даржийна пачхьалкхо протестан митингашка лелачу наханна еш лаьттачу гIелонан хьокъехь. Оьрсийчоьнан Талламан комитето Москох а, Екатеринбургехь а, кхечу гIаланашкахь а хIуьтту протестан гуламаш хьешарца талхайо адамийн бакъонаш, боьхку бахархошна уьш Iалашъян бисина некъаш, боху "Эхо Москвы" радионо довзуьйтучу оцу дIахьедаро. Маьрша, карахь герз доцуш адамашна гулдала Дуьненан конвенцино еллачу бакъонах пайдаэцар бахархошна административан кодексца окху Iедало... Читать дальше...
Доза - ша доллучохь,Iайшин куьйган метта,паьнгазхойн протест
Амур-махкарчу Дипкун юьртарчу Дуьненан ШолгIачу тIамехь беллачу бIаьхойн хIоллам эха шарахь лаьттина НАТО-н (Европан а, Iамеркан а эскарийн цхьаьнакхетараллин) вастехь, хаамбо "Сибирь.Реалиино", Amur.Info хьастанна тIе а тевжаш. Кхушеран Толаман де тIекхочуш карлабаьхна хIолламна тIера васт-битамаш. Амма хIинцца хааделла, Советан пачхьалкхан васташ а доцуш, НАТО-н васташ дуйла хIолламна тIехь, гинарг ву меттигера депутат Ветелкин Валерий. "Стенгара баьхкина юьрта белхалой хууш дац. Аьчках мемориал йина... Читать дальше...
Урдунерчу 150 жимчу стагна хьошалла дина Нохчийчоьно, аьлча а, Кадыровн Iедало, шен чоьтах бигина уьш дайх бисина мохк ган. Кадыров Рамзана бовзийтина кегийрхошна шен дас арабаьккхина, ша тIечIагIбина некъ – шен кепехь дийцина шаьш даймохк Оьрсийчоьнан юрисдикце берзош, дуьхьалверг хIаллаквеш хьегначу къинах лаьцна. Шалха бу нохчийн оцу хьошалле а, Нохчийчоьнан администрацин комаьршаллах пайдаэцначу урдунхоша Кадыровна хастамаш баре а болу хьажам. Тамаше хета, масала, Нохчийчоь Кремлна Кадыровс а... Читать дальше...
Паьнгазахь 2017-чу шарахь лерина операци дIахьош Iедалхоша шайн кIант Мачаликашвили Тимерлан вер говзанчийн комисси а кхоллина, таллийтар доьху дас а, нанас а, церан гергарчара а Гуьржийчоьне. 19 шо долу кIант вер муха нисделла зер доьхуш хIоттийначу петицина буха куьйгаш лехьо долийна махкахь пIераскана. Да-нана, Мачаликашвили Малхаз а, Маргошвили Медико а, дагахь ду кехатна буха куьйгаш ерриг а Гуьржийчохь гулдан. Юьхь йолийна цара Батуми гIалахь, хаам бина пачхьалкхерчу "Рустави- 2" канало, яздо "Эхо Кавказа" хьасто. Читать дальше...
ГIалгIайчоьнах ханна жоп лучу Калиматов Махьмуд-Iелас шен уллера гергара стаг Илезов Михаил хIоттийна шен хьехамчин-гIоьнчин дарже, хаамбо Телегармерчу СКФО Telegraph канало. Илезовс хIинццалц белхаш бина ГIалгIайчоьнан Iедалан аппаратан куьйгаллехь, индустрин, транспортан, зIенан, энергетикан урхаллин коьртехь. Карарчу хенахь иза болхбеш вара Калиматов Махьмуд-Iелин вашас Мохьмад-Бешара куйгалла дечу мехкан почтин урхаллехь.
ГIалгIайчоьнан Лакхарчу кхело харцдина, мехкан парламенто низам талхийна Нохчийчоьнца дозакъастор тIечIагIдеш, аьлла, ялх депутато чуделла дехар. Хьалхо Магасерчу кхело бинера ишта сацам, ткъа иза нийса бина, юхабоккхийла дац, боху хIинца Лакхарчу кхело. Шина махкана юкъара доза къастош хIоттийна документ кхоже доккху процедура кеп а йохош дIаяьхьина парламенто, аьлла дара депутатийн арз. Охан-беттан 2-чу дийнахь хилира хьалхара кхел Магасехь, амма цо харцдира арз. Цул тIаьхьа бевллера депутаташ шайн мехкан Лакхарчу кхеле. Читать дальше...
Москох медикийн сацамца аьтту куьг дIадаьккхинчу ГIалгIайчуьрчу 7 шо долчу Iайшина биоэлектрикан протез йийр ю. Дилхан басахь, межех тарйина, хIума хьалаэца, охьайилла таро луш хир ю протез, аьлла беранна гIодан лаам болчу ГIалгIайчоьнан сенатора Хамчиев Билана. Байначу беттан 4-чу дийнахь кхачийра дегIа тIехь ягийна, межеш кегйина, шира чевнаш йолу йоI. Де даьлча Москох йигира иза. Цигахь деношкахь куьг дIадаьккхина цуьнан. Беран дейиша Ганиева Макка бехкейо талламо вешин беран могашаллина зен дарна.
Къилбаседа ХIирийчуьра, Краснодар махкара "Лада-Гранта" а, Chevrolet Lacetti а вовшахкхетта, ялх стаг велла "Кавказ" трассин Нохчийчуьрчу декъа тIехь. Бохам нисбелла Соьлж-ГIалин кIоштахь. Болучу хаамца, цхьа машен шен асанна тIера а яьлла, дIакхетта дуьхьалйогIучу машенах. Машенаш чохь хиллачу нахах дийна ца висина цхьа стаг бен, дарбан цIийне виллина иза.