Шайн пачхьалкхера "кхераме террорхо", 31 шо долу Рашид араваккхар ца нислуш хьийза немцойн Iедалш. www.germania.one. хьостано хаамбарца, 14 шо зама ю Рашид Нойс олучу гIалахь веха. "Исламан пачхьалкх" шех олучу тобанхойх а иза воллушехь, шайн пачхьалкхна цуьнгара кхерам буйла а хуушшехь, Германин Iедалан таро яц иза шайн махкара араваккха. Кху беттан 8-чохь набахте хьажийна Рашид, Нойсерчу кхело набахтехь баккха 18 бут хан тухуш. Иза бехкевина къоланаш дарна а, герзах долу низам дохорна а. www.germania.one.хьостано яздина... Читать дальше...
Тумсос Кадыровна делла жоп, Шемахь марсадаьлла хьал, Малгобекехь шен кIанте сагIа дехийтар
Нохчочо Батукаев Iазиза, "Хасика", "Низамехь волчу къуьно" (вор в законе) боккха кегари эккхийтина ГIиргIазойчоь. Иза бахаьнехь дов доьлла цигарчу политикашна юкъа, Iенаш ду цIий.
Саламова Елена 19 шо долу Гугов Ислам бала хьоьгучу бахархошна тIехIотта ваханера Шема – амма тIаме нисвелира. ТIамах къаьхкина, цIавеара иза. Ша арабаьккхинчу некъах кхаьрдаш иза велехь, Iедало цунна цхьа а зен дийр дац, баьхнера цуьнга цIерачу Iедалхоша. Амма Iехийна Гугов а, цуьнан адвокаташ а – ехха хан а тоьхна, набахте дIахьажийна жима стаг. Европерчу адамийн бакъонийн кхеле бовла кечлуш бу цуьнан адвокаташ. Баксанхо Гугов Ислам 2014-чу шарахь вахара Шема – цигара чергазий Iалашбан дагахь вара иза. Читать дальше...
ПIераскандийнахь полисхой баьхкина хилла гIалгIайн блогер Абадиев Муса шен доьзалца вехачу хIусаме, цуьнан цIийнах хьовса. "Кавказ.Реалии" портале девешо Абадиев Тамерлана дийцарехь, чоьхьарчу гIуллакхийн министраллера белхахой хилла баьхкинарш. "Цхьана хIуманна тIаьхьа ца кхии тхо. Халла хиира суна, стенгара бу талламаш дIабахьа баьхкинарш", - аьлла девешо. ЦIийнах хьоьвсинчул тIаьхьа БуьритIерчу Талламан комитете дIавигина Абадиев Муса аьлла Абадиев Тамерлана. Цкъачунна хууш дац Мусан гергарчарна... Читать дальше...
Бзаров Аслан Адыгейн вахархочо ДАIИШ-ан могIаршка нах кхуьйлуш хилла бохург бакъдоцийла хаало Ростоврчу тIеман кхелехь Таджикистанера схьаваьллачу Убайдов Сайода "Исламан пачхьалкх" олучу гIеране баха нах гулбора аьлла айдина дов. Амма дац иза бакъдан тоъал тоьшаллаш: цхьаболучара харцдо шаьш хьалха талламчашка дина дареш. Боху, етташ даьхна уьш шайгара. Кхечара дагалоьцу цхьацца хиламаш, амма ца нисло уьш Убайдовх хьакхалуш а. Стохка бIаьста лаьцна Убайдов Сайод. Кхелехь цуьнан гергарчу стага Тоиров Хайретдина дIахьедина... Читать дальше...
Лоллана дуьхьало латточу "Альтернатива" боламан лидер Мельников Олег вайна Шемахь. Некъ гойтуш хьалхабевллачаьрца цхьана кху беттан 7-чохь Йоккха Идлиб олучу провинце вахначул тIаьхьа зIенера ваьлла иза аьлла, хаамбина РБК агенталло, бакъонашларъярхочун гIоьнчан Ваганов Максиман информацина тIе а тевжина. Дийцарехь, зIене бовла беза кхо раж тIехтилийтина Мельниковс а, цуьнан тобано а. Цул тIаьхьа сацамбина, волонтераш барах хаам баржон. Йоккха Идлиб провинцехь, Шемарчу Iедалхойн карахь йоцчу территори... Читать дальше...
ГIалгIайчуьрчу Малгобек гIаларчу яхархочунна таIзар дина, шен кхиазхо-кIант сагIа деха марзварна, хаамбо республикан прокуратурано. Полисхоша чIагIдарехь, кху шеран Зазадоккху - баттера Стигалкъекъа-батте кхаччалц схьа 10 шо долу шен доьзалхо Малгобекехь нах гуллучу меттигашкахь сагIа деха аравоккхуш хилла цу зудчо, дан амал дац боху сурт а хIиттош. "Малгобек гIалин кхело таIзаре хIоттийна зуда, бехке хилар тIе а чIагIдина. Шина шарна маршо къовлуш ю цуьнан", - аьлла ду прокуратуран пресс-гIуллакххойн информаци тIехь.
ГIалгIайчуьрчу дейишас йиттина Москварчу Рошал Леонидан клинике ялийначу 7 шо долчу Ажигова Iайшатан дIадаьккхинчу аьтту куьган метта протез хIоттор ю шаьш аьлла, дIахьедина дарбан цIийнан президенто Рошала. Кхааридийнахь лоьраша операци йина берана аьтту куьг дIа а доккхуш. ТАСС агенталлан информацица, операци дика лайна йоIа, лоьраша кхачо йоллу терго ю цунна тIаьхь латтош. "Хан оьшу… Ши кIира гергга хан", - аьлла клиникан президенто. Цул тIаьхьа кечлур бу уьш, Iайшатан дIадаьккхинчу куьган метта протез хIотто. Читать дальше...
Шеман къилбаседа малхбузехь хилла маслаIат талхорна сингаттаме бу Цхьанатоьхначу Къаьмнийн Организацехь (ООН) берш, цигахь гIело яр марсадаларна миллионашкахь болчу маьршачу бахархойн дахарна кхерам латтабо. ООН-ан Шемарчу леринчу векалан хьехамчас Рочди Наджата дина цунах дIахьедар. Цо карладоккху Идлиб провинцехь хиллачу тIемашкахь Охан-баттера схьа верриг а вийнарг 500 сов маьрша вахархо ву аьлла. Великобританин арахьарчу гIуллакхийн министро Рааб Доминика Шеман президентна Асад Башарна тIехь дуьту маслаIат дохорах жоьпалла. Читать дальше...
Еаридийнахь дIалаьцна ГIиргIазойчоьнан хилла президент Атамбаев Алмазбек кхелан сацамца чохь сацийна кху беттан 26-чу дийне кхаччалц аьлла, хааме даьккхина ТАСС агенталло, цуьнан адвокато Слесарев Сергейс дийцарца. Криминалан авторитет Батукаев Iазиз харцонца араваккхар толлучу юкъанна бехкаш дехкина Атамбаевна. Пачхьалкхан къоман кхерамзаллан изолятор чу воьллина лаьцнарг. Иза дIалоцуш шина дийне яхъеллачу операцехь велла цхьа стаг, лазийнарг ву 85 вахархо. Экс-президент бехкево коррупци лелорна а... Читать дальше...
Соьлжа-гIаларчу "Мемориал" офисан белхахо Эстемирова Наталья йийна 10 шо кхачарна Москвахь хIоттийначу акцехь дакъалаьцначу "Новая газетан" журналистна Милашина Еленина 15 эзар сом гIуда тIедожийна кхело. "Мемориал" центран кхеташонан куьйгалхочуьнца Черкасов Александрца а, "Гражданское содействие" комитетан хьалханчаца Ганнушкина Светланица а байначу беттан 15-чохь Москварчу ЦIечу майданахь Эстемирова дагалоцуш пикет хIоттийначул тIаьхьа дIалаьцнера Милашина а. Полисхоша маьрша битира уьш, административан гIуда а хьарчийна. Читать дальше...
Нохчийчоьнан куьйгалхочо Кадыров Рамзана имам Шемал емалвинчул тIаьхьа нохчийн блогеро Абдурахманов Тумсос комментари йитина. Оьрсийчоьнна дуьхьал ша тIаме кхайкхинчу нахана ямартваьлла, Оьрсийчоьнехьа вирзира хьан да аьлла цо. Ткъа Дагестанан муфтиятан а, нохчийн куьйгалхочун а къовсам шина къомана юкъа цим тасар ду аьлла хета блогерна. 19-чу бIешерашкахь Оьрсийчоьнна дуьхьал къийсам латтийна имам Шемал хьахош аьллера Кадыровс: "Оха лору Шемал Iеламча санна, амма хаа лаьара, Нохчийчохь ша 19... Читать дальше...