Маршо Радион тIаьххьара керланаш
Маршо Радионо бовзуьйту таханлера боцца хаамаш
Маршо Радионо бовзуьйту таханлера боцца хаамаш
Волонтерашна социалан машанаша аьтто бина Оьрсийчоьно ГIирма яккха хьовсийначу ницкъхошлахь нохчий а хиллийла Iорадаккха 2014-чу шарахь дуьйна талламаш беш схьабогIучу эксперташа гулдинчу тоьшаллаша шеко ца юьту Оьрсийчоьно ГIирма яккха шен эскарш хьовсийна хилла хилларх. Мохк лаца бахийтинчу эскархойн терахь ду 20 эзарне кхоччуш. Украинан иччархошна ГIирмехь хааделла Оьрсийчоьнан ницкъашкара дуккха а дакъош. Масална йоху хIара цIерш: Iаьржа хIордан гIаш-эскаран 810-гIа бригада, десантан эскаршкара 45-гIа лерринчу Iалашонийн дакъа... Читать дальше...
Шен бакъонел а тIехваьлла, Iазап лелорна шеконашца дIалаьцна Калининградан кхело тутмакхийн колонехь кхерамзаллан декъан куьйгалхочун гIовс лаьттина Хакимов Даврон. Талламчийн версица, кху Iай ФСИН-ан муьлш бу къастазчу белхахошца цхьана цхьахволчу тутмакхна йиттина хилла цо, цуьнан 10 пIенда а кагбеш. Зазадоккхучу-баттахь бехкзуламан гIуллакх долийна цунна дуьхьал. Амма оцу юкъанна балхара мукъаваьккхина ца хиллера Хакимов, ша дIалаццалц декхарш кхочушдинера цо. Регионерчу ФСИН-ан куьйгалхочо дIахьедина... Читать дальше...
Венесуэлан президентна кIело йинчул тIаьхьа дIалаьцна 11 журналист. Меттигерчу Къоман зорбан союзехь хаамбарехь, буьйцурш бу Венесуэлан а, Испанин а, Аргентинан а хьостанийн белхахой. Кхин масех журналистна йиттина, къола а дина. Организацино таIзар де аьлла бехкеболчарна. Хьалхо Венесуэлан чоьхьарчу гIуллакхийн министралло 6 дIалаьцна ву аьллера. Шоьтадийнахь Каракасехь йоьдучу тIеман парадехь президентна Мадуро Николасана кIело йира. Къайлахчу сервисийн хаамашца, тIелатар деш пайдаэцнера, хIаваэхь лилхинчу дронех. Читать дальше...
1996-чу шеран Марсхьокху-беттан 6-чу дийнахь тIеман коьрта буьйранча Масхадов Аслан коьртехь а волуш, cатоссучу хенахь, Соьлжа-гIала массийта агIор чу а баьхкина, дуьххьара дIа оьрсийн эскархоша куп тоьхна меттигаш гоне лийцира тIемалоша. 877 тIемлочо «ЖихIад» операци дIайолийра. Шина кIиранах лаьттинчу тIемашкахь, официало бинчу хаамашца, 500 ца кхоччуш оьрсийн эскархо вийра, 1500 лазийра. Иштта, лар йоцуш вайна ши бIе ца кхоччуш салти а, милицин белхахой а. Ерриг йохийна 87 танк, 23 машен, 3 беракема. Читать дальше...
22 шо кхаьчна тIеман коьрта буьйранча Масхадов Аслан коьртехь а волуш, 877 нохчийн тIемалоша эзарнашкахь лаьттачу Оьрсийчоьнан эскаршна го а лаьцна, "ЖихIад" операци дIайолийна, Соьлжа-ГIала федералан эскарех мукъайоккхуш. Цул тIаьхьа, Хасу-юртахь машаран дийцарш а дина, Кремлехь Ичкерин лидеро Масхадов Аслана а, Оьрсийчоьнан президента Ельцин Бориса а бертан куьйгаш яздира, тIом сацош бу аьлла. Шина кIиранах лаьттинчу тIамехь, официалан терхьашца, 500 ца кхоччуш оьрсийн салтий вийра 1,5 эзар лазийра.
Къилбаседа Кавказан шина республикехь 50 процент лакхадаьлла чуоьхучу туристийн терахь, хаамбо PlanFox сайто. Шо карадеачхьана ГIалгIайчоьно тIеэцна 88 эзар гергга турист. Царлахь 10 эзар кхечу пачхьалкхашкара бахархой бу. Дуьненан футболан чемпионат йоьдучу заманчохь гергарлонаш тийсадаларца баьхкинера уьш. Нохчийчохь 2018-чу шарахь 72 эзар турист хилла, Оьрсийчоьнан бахархой боцурш, дозанал а арахьара а цхьана. Нохчийчуьрчу меттигашка бIаьргтоха оьхурш совбуьйлуш бу шо шаре, билгалдоккху PlanFox агенталло. Читать дальше...
Индонезехь Ломбок гIайре тIехь мохкбегийча велла 91 стаг велла, бIеннашкахь бу чевнаш хилларш. Зен динчийн терахь кхиа тарло аьлла хета орцанхошна. 6, 9 магнитуда (ницкъан гайтам) йолуш, мохкбегоро дохийна цIенош, дIаяьккхина ток. Луларчу Бали гIайре тIехь а а хаабелла мохк бегош. Iедалхоша кхерамечу меттигашкара арабохуш бу нах. Байначу беттан 29-чохь кхечу гIайре тIехь а мохкбегийна велира 17 стаг, бIеннашкахь бара чевнаш йинарш.
Гоьваьлла оьрсийн латархо Емельяненко Александр деша хIуттуш ву Нохчийчуьрчу Миллионщиковн цIарахчу пачхьалкхан мехкадаьттан техникан университете. Социалан машанарчу шен аккаунтехь ша бина и хаам спортхочо. ТАСС агенталло яздарехь, "Нефтегазан гIуллакх" корматталла караерзо лаам болу Емельяненко экзаменашна кечам беш ву.
Меттигерчу зорбанаша "Кадыров Рамзанан герггара ву" олу Хангошвили Муса дIалаьцна Гуьржийчохь. Полисхошна дуьхьалоярна бехкево иза, хаамбо "Рустави 2" телеканало. Гуьржийн хаамийн гIирсаша дийцарехь, даим а Соьлжа-ГIалахь веха Хангошвили дукха хан йоццуш Ахметан муниципалитетан Дуиси эвла веанера, шен нанна тIехIотта. Гуьржийчу кхаьчна а валале, полисхошца ши инцидент хиллера цуьнан. Дуисерчу полисхойн декъана гергахь, дош дашера даьллера цуьнан ницкъахошца. Кхело 2 эзар лари (830 гергга долларшкахь) гIуда тIе а дожийна, маьрша витинера иза. Читать дальше...
Якутехь лаьцна ГIалгIайчоьнан вахархо, Iедалца догIуш доцуш 67 миллион соьманна деза металл лелорна, хаамбо ТАССС агенталло. Хьостан информацица, 56 шо долу и стаг лоцуш цуьнан машенчохь гучудаьлла 29 кила деши а, 2,8 кила дети а. Кхело набахтехь даккха ши шо хан кхайкхийна цунна. Схьадаьккхина деши а, дети а пачхьалкхан доладаьккхина.
Шемара Идлиб гIала нуьцкъаша шайн караерзо еза пачхьалкхан Iедалхоша аьлла Нохчийчоьнан куьйгалхочо Кадыров Рамзана, цунна хетарехь, цигахь гулбелла "Джебхат-ан-Нусра" тобан коьрта ницкъаш. Шен тelegram-каналехь бина Кадыровс цу кепара хаам. Эскархошна садаIа хан ма ло аьлла, хьехна Кадыровс Шеман президентна Асад Башарна. Нохчийчоьнан куьйгалхочо бахарехь, "терроризмца къийсам латторехь Малхбузерчу политикийн къамелаша пайда ца беана, мелхо а цара дегайовхо лора террорхошна шайгара гIо хир ду аьлла". Читать дальше...
...Сатоссуш баьхкира тIемалой. Мотталора уьш эзаршкахь бу. Амма вацара 800 бен. Меттах ца хьалуш, лацаделира федералан тIеман дакъош. ... Кхо кIира даьлча, Марсхьокху-беттан 31-чу дийнахь тIеийцира барт. Иштта чекхбелира шех "Хьалхарниг" олу тIом. Кхин цхьаъ хир бу аьлла ца хетара... ХIара видео дуьххьара зорбне яькхинера 2017-чу шарахь